偉爵爺私房菜

營業中

休息中

偉爵爺私房菜的裝潢充滿了中式的風格，讓人感受到濃厚的文化氛圍。提供精緻平民私房，菜單包含了各種海鮮、肉類、蔬菜、湯品等等。值得推薦的菜品包括：鴛鴦魚頭王, 農家小炒肉, 紙包烤桂魚, 乾炒魷魚鬚, 鐵板孜然牛肉, 湖南窩窩頭等。🌼 農家小炒肉整體來説口感香口鮮美。肉質較為嫩滑、油花分布均勻。其次，掌握好火候也很好，豬肉熟透但不過度煮熟。非常適合和米飯一起搭配食用。🌼 乾炒魷魚鬚辣辣的，口感爽嫩，味道鮮美。挺喜愛的一道菜肴。🌈服務員工熱情友好，讓客人在用餐過程中感受到賓至如歸的待遇。

偉爵爺私房菜今日去咗北角食「偉爵爺私房菜」，呢間主要係食川湘菜，好家庭式feel，價錢又唔貴！去到餐廳門口見到有一級，雖然用我塊斜板已經用到好純熟，不過今次望一望個玻璃門，好彩啱啱好夠輪椅入去！入到去餐廳其實算大，大約可以坐到約40人，我幾鍾意餐廳內嘅吊燈，吊燈頂佈滿咗假花，正正我坐緊果張枱上面嘅吊燈係佈滿咗櫻花，又唔小心影咗幾張相，學埋哂d女仔咁狂影相！😂😂😂1.紙包烤魚（盧魚）$228（9/10）呢個紙包烤魚有得揀桂花魚或盧魚，唔揀桂花魚原因係因為屋企成日煮，所以今次揀咗盧魚。紙包烤魚比我覺得條魚香好多，加埋放咗好多辣椒乾，令條魚辣得更惹味，雖然多骨，但都算多肉，唔錯唔錯！👍👍👍2.鐵板墨魚鬚$128（9/10）呢個墨魚鬚上枱時d汁仲滾下滾下，墨魚鬚質感彈牙爽口，辣辣地送飯一流，墨魚鬚份量唔少，大約有30幾舊，落咗勁多辣椒乾，夠哂辣！😋😋😋3.黃金小酥肉$78（8/10）呢個黃金小酥肉其實係炸雞肉條，炸到好脆口，雞肉肉質唔會鞋，炸到啱啱好，份量算多，大約有20條！👍👍👍4.偉爵爺招牌炒飯$98（9/10）未叫之前見到「招牌炒飯」呢四個字，我估應該幾好味，一遞上枱已經見到碟炒飯炒得好

夜晚懶得煮飯，到附近餐廳同屋企人隨便食個晚飯～😝 見到個五福臨門 ($58) 賣相幾吸引😆 有蘑菇、西瓜等等形狀，原來係5個不同造型同口味嘅包😝 有磨菇味、紫薯味、紅豆味等等，味道正常，就係外表得意啲既蒸包😂.再叫多碟鐵板水晶粉 ($88)試下，特別要求少油少辣，職員都話無問題👌🏻 水晶粉夠煙韌，炒得幾乾身入晒味，帶點辣幾惹味香口，原隻鐵板上夠晒熱辣辣🔥 仲有少少椰菜都唔錯👍🏻 下次可以再試下其他小菜🙌🏻

屋企附近最近新開咗間主打川菜x湖南湘菜🌶️嘅私房菜館，呢日就帶埋父母嚟試下晚飯小菜。富心思嘅裝飾格局🌸令到餐廳係附近一眾街坊餐廳之中別樹一格。水煮牛、水煮魚、烤魚、紅燒肉、乾鍋等都有😎仲有好多款平時好少見嘅地道湘菜，幾有新鮮感😗😗除咗單點小菜之外，呢度仲推出超級抵食嘅套餐，$62起就有前菜、蔬菜、主菜、缽仔飯同飲品，性價比甚高，之後都想keep住試下😆湘味酸菜魚（黑魚片）非常大盤嘅酸菜魚份量十足👏🏻👏🏻配料好豐富，除咗黑魚片仲有萵筍、豆皮、芽菜、菇菌、娃娃菜等，仲有好多煙韌薯粉，兩個唔太大食嘅人其實就咁食呢個都飽😝黑魚片份量頗多，而且幾大塊，肉質好滑溜，完全無骨，幾鮮味😋😋湯底酸辣有致，唔會太辣太嗆，調味恰到好處👍🏻另外仲可以揀桂花魚呢。湘辣口水雞口水雞絕對係我至愛菜式之一❤️❤️呢度嘅雞肉幾滑，面頭嘅辣椒切得細碎，辣中帶鹹，炒得幾香，送飯一流🤩🤩鐵板茄子呢度有幾款鐵板類菜式，要等耐少少時間，因為師傅會即刻燒熱個鐵板🔥茄子呈綠色外皮比較特別，熱辣辣嘅茄子加上辣椒蒜蓉，好香口，簡單好味😚😚瀏陽蒸缽仔飯用缽仔蒸出嚟嘅飯，零舍香軟軟熟呢～人均消費：$120推介指數（10分為滿分）：8分

炮台山隱世私房菜，湖南大廚主理。店舖外裝配幻景般既燈飾，優雅裝修，座位舒適，適合一家大細。湘辣口水雞香氣四溢，辣度適中，雞肉嫩滑，開胃之選。而且唔會太油，前菜小食都幾啱毛氏紅燒肉呢款菜式是餐廳特色推介，上碟時特意用小燭台保溫，非常有心思。紅燒肉肥瘦適中，油而不膩，而且肥肉與瘦肉亦層次分明；醬汁調味出色，混和白飯享用乃絕佳美味。臘肉愛萵筍萵筍清脆爽口，臘肉互補色香味，整碟餸菜鋪滿平衡同和諧感。臘肉嘅油份滲入萵筍，亦剛好令萵筍油而不膩。

▫️同屋企人係北角見到間中菜館，個名幾有霸氣🥸 餐廳以家庭菜館風格，店員們都好熱情，一於黎炒返幾個小菜試下😋🫖 茶位 $10🍜 鐵板水晶粉 $88▫️水晶粉煙韌，加左辣椒炒，辣辣地又夠熱幾惹味🌶️ 仲加左啲椰菜絲同肉碎幾香🥬🥦 乾鍋花菜 $88▫️椰菜花炒得金黃，唔會太油，仲加左少許肉片吊味😗🥯 蕎麥窩窩頭 $48▫️蕎麥饅頭有個凹位，可以裝炒香左既肉碎一齊食，幾得意😆 🍡 冰心麻糍 $68▫️最鐘意煙煙韌靭既麻糬類🤤 冰凍既麻糍夠軟淋，加左花生碎同芝麻好香🥜

👍🏻 牙簽牛肉呢樣真係手工菜 好少地方見到💪🏻將牛肉一粒一粒串入牙簽入面 加上大量孜然粉調味 微微辣 好有風味💕牛肉粒依然嫩滑 有油香 份量都ok🐮👍🏻 乾鍋花菜花菜充份被麻辣醬汁覆蓋 甜甜麻麻辣辣 連唔鍾意食菜嘅我 都無法抗拒👻花菜口感依然爽脆 甚至有爆汁效果 好正！👍🏻 鐵板魷魚鬚鐵板魷魚鬚上枱時 醬汁仲係滾下滾下 香味四溢🦑隔離枱都忍唔住望多兩眼👀魷魚鬚質感唔錯 爽口有韌勁 有入到味！送飯一流🍚👍🏻瀏陽蒸缽仔飯總係覺得缽仔蒸出黎嘅飯係特別有飯香 米粒煙韌有口感 一人一碗唔駛爭🤭注意事項⚠️- 餐廳有晚市套餐供應 有水煮魚/口水雞等選擇 平平地已經包晒前菜+蔬菜+缽仔飯+飲品 大家都可以一試😀-由餐廳嘅裝修同菜式 都見到佢哋好用心 環境舒服✅

唔明點解會有咁多人推介。看完所有食評，專程去到北角一試，以為係一間環境優雅川菜餐廳，實際卻是街坊大排檔隔局。地方不大，我坐的梳化上有疑似蝦殼，只好坐埋一邊避開。環境不太乾淨而且嘈雜，客人都係附近買完餸嘅街坊，隔離一檯太太們高談闊論；後面檯老伯不停咳嗽伸鼻涕；廚師著住水鞋出黎上菜。感覺唔comfortable, 係想快d食完離開。絕對唔係其他食評寫嘅優雅私房菜。食物都係普通茶餐廳水平，唔可以話難食，但又唔算好，偏油，送的蔬菜(炒生菜)係凍嘅。不過我只係食lunch,唔清楚夜晚會唔會好點。唯一讚的係服務員都好有禮貌。

經過北角春柍街市，見到餐廳外面掛住一排排耀眼的燈飾，還以為是西式餐廳，估唔到係中式私房菜，而店名仲好有氣勢🤩先嚟一碟極具湖南地區風味嘅家常小菜～卜豆角炒肉，用豆角乾醃製，再加入五花肉炒，豆角乾食落有口感有嚼勁，豬肉夠鮮味，伴飯更啱😋另一碟就係～毛氏紅燒肉，師傅係碟下放咗蠟燭，一邊食一邊保暖，好有心思。 紅燒肉外層色澤鮮亮，明顯見到層層肉脂，入口軟腍，肥而不膩，好味到停唔到口🤤🤤最後是包點又甜點～五福臨門由5款唔同外型及餡料的包點，有冬菇🍄、薯仔🥔、西瓜🍉等可愛造型😍，麵包鬆軟，餡料豐富，有紫薯、冬菇肉粒、紅豆綠茶等😋

呢間小店主打川菜，除咗招牌嘅酸菜魚、烤魚之外，仲有好多款平時比較少見嘅川菜！小店位置唔太顯眼，裏面座位唔算太多，但坐得都舒服，而且每枱都係用枱紙，唔會有枱面癡立立嘅問題；店員好熱情，服務態度都好好，抵讚！Menu選擇多，而且好抵食，佢嘅午餐原來係全日供應，配送前菜、有營蔬菜、鉢仔飯同飲品，一個套餐自己一個食啱啱好，唔怪得知啲客人絡繹不絕，打包外賣嘅客都唔少！------------------------------🐓◖麻辣無骨鳳爪◗ $58有辣有唔辣，今次揀咗辣，但食落其實唔會話好辣，只係尖椒皮蛋嘅辣度！好香麻辣味，鳳爪彈牙爽口，去埋骨好貼心、食得勁方便～🐟◖湘味酸菜魚◗ $72呢個係全日供應嘅午餐，主菜小食都有齊，好抵食！酸菜魚味道偏酸，食落唔辣，魚片份量都算多，用咗黑魚片，食落滑溜，細細盆原來都有啲紅薯粉喺底！呢碟開胃嘅酸菜魚，拎嚟送飯真係一流！🦆◖吮指醬油鴨◗ $158呢個醬油鴨要等耐少少，但依然係必食！平時川菜好少見到佢嘅蹤影，呢個價錢有差唔多成隻鴨，好抵食！醬油鴨帶少少五香嘅味道，醃得好入味先拎去燒，外皮口感煙韌滑溜；肉質鮮嫩有口感，似煙鴨胸嘅感覺，食完真係回味無窮！

在家人從小的熏陶之下，小時候的我已經非常喜歡吃川菜，小孩子階段已經可以吃小辣，所以到現在已經可以說是無辣不歡了。今天下班後，和媽媽相約來到這家新開不久的私房菜，主打川、湘菜式。我們首先挑的是湘味小龍蝦 – 麻辣/蒜蓉/十三香($198)。想不到不到200塊，但是裡面的小龍蝦竟然超過20只，而且裡面還有些配菜例如萵筍、芽菜等。蒜蓉經過爆炒之後，香味已經滲入到小龍蝦之中，再加上辣辣的湯汁，真的頗好吃，實屬意外驚喜。涼菜方面，我們選的是湘辣拌三絲($58)，其三絲包括青瓜絲、豆腐皮絲以及海帶絲。整體味道不算很辣，大約在10小辣的程度，但吃起來非常惹味，再加上芫荽的提亮，用來送飯一流呀。洞庭醬板鴨($168)屬於湖南的名菜，看起來是完全不辣，因為沒有紅油和辣椒的蹤影。但過癮的地方是，醬板鴨是越嚼越香，且越嚼越辣，這裡的辣，是恰到好處，下次來必點~湖南窩窩頭($58)，主食部分今天沒有點白飯，而是來點新意思。窩窩頭造型與賣相頗可愛，成小小的圓窩狀，配上中間的醃菜一齊吃，質感軟韌，完全不會單調。

親戚相聚總喺鍾意搵私房菜聚腳，大家傾吓計，分享平日發生的趣事。最近北角新開咗一間湘菜館，正好親戚住北角，於是相約去試試。<蒜香骨> $138蒜香骨外脆內軟，肉質仲有啲韌度，再帶埋啲炸蒜，作為一道著名既小菜，鹹香美味的食材，加上惹味十足的蒜蓉，食落又無想像中咁鹹。<鐵板茄子> $88茄子一上枱仲有鐵板滋滋聲響上面鋪滿蒜蔥、少少辣椒同埋芫茜，呢個送飯一流。<冰心麻糍(十粒)> $68顧名思義，冰心其實就喺凍嘅麻糍，有少少黐牙，口感冰糯Q彈，鬆軟香甜，作為飯後甜品也不錯。

屋企人鍾意食中式嘢，最近就去咗一間新開嘅北角地舖餐廳偉爵爺私房菜，裏面環境小清新，舒適又闊落。招牌炒飯$98 裏面有蝦粒又有帶子粒，非常豐富，炒得粒粒均勻，而且非常香，果然是招牌！口水雞 $88 最好的是可以自由選擇辣度，而且裏面的雞肉非常香滑，我哋揀咗BB辣，少少辣向相當惹味。麻辣無骨鳳爪$58 不辣第一次食冇骨鳳爪，裏面得返少少軟骨，比較爽口，而且唔會太硬，揀唔辣嘅話，就係酸酸地，外皮好有彈性，好入味開胃。紅糖粑粑$49 我最鍾意就係佢表皮香脆，裏面煙韌，仲可以自由加上紅糖，更有層次，令人食唔停！茶位$10 全台總數係呢個價錢，如果越多人食就平均茶位愈抵，另外仲冇+1服務費，夜晚亦都有好多套餐可以選擇！

今日同男朋友去到北角嘅川菜首先我哋叫咗個鐵板牛肉牛肉非常之香 辣味都非常之夠啲牛肉都唔會好老配飯真係一流之後叫咗個外婆菜四季豆食得出四季豆係新鮮冇渣 比起平時炒得好油嘅四季豆 呢個反而有少少清新嘅感覺 十分欣賞之後叫咗個農家小炒肉啲肉選擇嘅部位非常之好 有肥有瘦 啱啱好之後仲有個酸辣雞雜個雞雜有好多唔同嘅部位 有雞干雞腸雞腎等等炒埋一碟咁樣仲酸酸辣辣咁非常之惹味食咁多餸梗係要帶返兩個白飯佢哋嘅白飯係用砵仔蒸非常之有風味

🐟湘味酸菜魚 (黑魚片) $228🦑鐵板墨魚鬚 $128🌶️麻婆豆腐 $88🔸其實今年先第一次正式食打正旗號嘅湘菜就已經愛上咗😎今次就試咗北角一間新開嘅中菜，無論味道同性價比都值得大推介比湘菜lovers！🔸酸菜魚有兩個價位，貴啲可以揀桂花魚，但我今次食平啲嘅黑魚片已經水準十分之高❤️份量好大盤之外，魚片保持到嫰滑，個湯係酸多過辣嘅，夠晒開胃👍🏻佢特別之處係入面仲有幾種菇類（平時出面食通常得金菇），然後仲有薯粉，配搭上又好味又飽肚😁🔸鐵板墨魚鬚一出場就成為全場焦點，隔離枱都望過嚟🤓因為啲熱煙帶住一股強烈香料味傳到全場都聞到，可見佢用料唔馬虎😁～而辣度我落單講咗要小辣所以啱啱好，惹味但唔會過辣，一樣係高質之選。麻婆豆腐都同樣出色，佢重點保持返係豆腐嘅豆香同質感，唔會用太過over嘅辣味去蓋過主體，算係我食過比較喜歡嘅一碟麻婆豆腐😋