影片
更多
2022-12-10
254 瀏覽
呢間小店主打川菜，除咗招牌嘅酸菜魚、烤魚之外，仲有好多款平時比較少見嘅川菜！小店位置唔太顯眼，裏面座位唔算太多，但坐得都舒服，而且每枱都係用枱紙，唔會有枱面癡立立嘅問題；店員好熱情，服務態度都好好，抵讚！Menu選擇多，而且好抵食，佢嘅午餐原來係全日供應，配送前菜、有營蔬菜、鉢仔飯同飲品，一個套餐自己一個食啱啱好，唔怪得知啲客人絡繹不絕，打包外賣嘅客都唔少！------------------------------🐓◖麻辣無骨鳳爪◗ $58有辣有唔辣，今次揀咗辣，但食落其實唔會話好辣，只係尖椒皮蛋嘅辣度！好香麻辣味，鳳爪彈牙爽口，去埋骨好貼心、食得勁方便～🐟◖湘味酸菜魚◗ $72呢個係全日供應嘅午餐，主菜小食都有齊，好抵食！酸菜魚味道偏酸，食落唔辣，魚片份量都算多，用咗黑魚片，食落滑溜，細細盆原來都有啲紅薯粉喺底！呢碟開胃嘅酸菜魚，拎嚟送飯真係一流！🦆◖吮指醬油鴨◗ $158呢個醬油鴨要等耐少少，但依然係必食！平時川菜好少見到佢嘅蹤影，呢個價錢有差唔多成隻鴨，好抵食！醬油鴨帶少少五香嘅味道，醃得好入味先拎去燒，外皮口感煙韌滑溜；肉質鮮嫩有口感，似煙鴨胸嘅感覺，食完真係回味無窮！
------------------------------
🐓◖麻辣無骨鳳爪◗ $58有辣有唔辣，今次揀咗辣，但食落其實唔會話好辣，只係尖椒皮蛋嘅辣度！好香麻辣味，鳳爪彈牙爽口，去埋骨好貼心、食得勁方便～
🐟◖湘味酸菜魚◗ $72
呢個係全日供應嘅午餐，主菜小食都有齊，好抵食！酸菜魚味道偏酸，食落唔辣，魚片份量都算多，用咗黑魚片，食落滑溜，細細盆原來都有啲紅薯粉喺底！呢碟開胃嘅酸菜魚，拎嚟送飯真係一流！
🦆◖吮指醬油鴨◗ $158
呢個醬油鴨要等耐少少，但依然係必食！平時川菜好少見到佢嘅蹤影，呢個價錢有差唔多成隻鴨，好抵食！醬油鴨帶少少五香嘅味道，醃得好入味先拎去燒，外皮口感煙韌滑溜；肉質鮮嫩有口感，似煙鴨胸嘅感覺，食完真係回味無窮！
🥙◖蕎麥窩窩頭◗ $48
見佢好得意，叫黎試吓佢～窩窩頭係類似冇咩味嘅饅頭，可以裝啲肉沫入去一齊食，幾特別嘅！肉沫炒得香口，好香蔥味，加咗啲菜脯，食落幾脆口，食完唔夠仲可以叫店員加！
🌟Encore指數：8.5/10
張貼
