俊軒越南餐廳

營業中

休息中

呢日同朋友🧒🏻一齊嚟咗呢間越南🇻🇳餐廳🍽️食個 early dinner 🤣呢度有「越南🇻🇳法包套餐包熱飲 Banh Mi Set Menu Includes Hot Drinks」，咁揀咗 $80「越南🇻🇳三色法包配鵝肝 Vietnamese Signature Banh Mi with Foie Gras」：材料有 扎肉、燻蹄、越南叉燒 Vietnamese Sausage, Smoked Pork Knuckle, Vietnamese Char Siu，扎肉燻蹄越南叉燒 全部都幾好食，法包外皮脆脆哋，一齊食好夾好味🤩加 $15 「熱越南滴漏咖啡」：熱熱哋🤩$128「招牌海南雞🐓半隻 Specialty Hainanese Chicken 🐓」：去咗骨啖啖肉食得非常暢快😋；雞肉白雪雪夠滑雞皮金黃色仲滑，朋友同我都忍唔住食咗一塊雞皮🤣；仲有一碟秘製汁可以沾海南雞食👍$78「馬拉盞炒通菜 Stir Fried Water Spinach with Belacan」：通菜大大碟，新鮮、爽脆，用馬拉盞炒，梗係香口😋

灣仔終於有正宗越南菜啦～見到俊軒係灣仔開分店，今日新約左係附近番工的朋友食dinner, 朋友都大讚味道非常正宗，而且好味道👍🏻⋄⋄====—====—====—====—• 越式湯河/檬粉•🦀🍅蕃茄蟹肉湯檬（$88）（蟹肉｜鮮蝦｜扎肉｜蟹肉餅）以新鮮的蕃茄、蟹肉、鮮蝦和扎肉為主要材料，加入特殊的調味料熬煮而成。配料非常足料，湯頭非常濃郁，啖啖濃蝦精華，吃起來有蕃茄的甜味和蟹肉的鮮香，非常開胃😍_• 越南小食 •🍗招牌牛油蒜香雞翼（$80）鮮嫩多汁的雞翼，融合了牛油和蒜蓉的香氣及大量洋蔥🧅，配上濃郁的口感。每一口都能品嚐到雞肉的鮮美和牛油蒜香的風味，絕對是雞翼愛好者的首選🤤⋄🐄香茅牛肉濱海（$108）濱海是越南特式菜之一，以牛肉、檬粉、生菜炸蒜片和香茅為主要材料，搭配濱海風味的調味料。牛肉的口感鮮嫩，香茅的香氣能夠提升整道菜的風味👍🏻這道菜給人一種清新而又濃郁的感覺，絕對是越南菜的經典之一😝_• 飲品 •🥭芒果沙冰（$32）====—====—====—====—.📌店名：俊軒越南餐廳 (灣仔)‘📍地址：灣仔軒尼詩道61號地舖

俊軒越南餐廳😘😘😘越愛越識食灣仔軒尼詩道、新開越式餐廳、以圓形門口設計、吸引🤩眼球、加埋正宗越南人主理、不用去越南、都可品嚐越式風味、yummy yummy 😍是曰晚餐✨越式生牛肉湯河$78上碟時半生熟，有厚度之餘，肉質亦鮮嫩、軟綿綿、香濃牛味、河粉又稱金邊粉、幼滑爽口、濃香牛骨熬製湯底、濃郁精華、牛肉湯香味撲鼻而來、鮮甜不油膩、配搭九層塔、芽菜、芫荽等香料味道更清新！✨越式牛肉法包配鵝肝醬套餐$76+$3配凍檸茶越式法包是越南麵包、烤烘香脆、外層脆卜卜、內軟綿綿、餡料也是十足，滿🈵嫩滑牛肉、塗上濃香鵝肝醬、越南特色配菜、醃漬紅、白蘿蔔絲、青瓜片、口感豐富超惹味、餘香繚繞口腔！清香檸檬片、配搭紅茶、夠清爽！✨越式炸春卷$75/4件越式春卷皮（米紙）裹包🈵滿饀料、肉碎、木耳絲、紅蘿蔔絲等等、新鮮即炸金黃、香脆不油膩、生菜包捲、並沾點魚露、夠fresh、清爽！✨招牌牛油蒜香雞翼$80/5隻大大雞中翼、炸至外層酥脆、金黃香口、濃香牛油、蒜香味、肉嫩多汁、夠juicy 、外層披上厚厚洋蔥𢇁、提升味蕾口感！*精美套餐供應*俊軒越南餐廳灣仔軒尼詩道61號地舖港鐵灣仔站C出口、步行有3分鐘

lunch路過入去，覺得麻麻地，叫佐個生牛肉河粉，個湯唔夠濃，普普通通，價錢偏貴，差唔多80蚊，有春卷送，但1d都唔脆，好硬。上菜速度都比較慢，想講包糖，一拎起濕哂，入面潮佐🥲希望可以改善一下

位於灣仔嘅「俊軒越南餐廳✨」，由越南人主理，口味夠正宗，越南湯河、撈檬粉、越南法包等等，每款都抵食又好味。佢哋仲有午餐及下午茶，配埋小食及飲品，性價比十分高。先講講佢哋嘅湯河，香茅豬扒湯河同香茅雞翼湯河，啲湯底好夠味，唔會太鹹又唔會太淡，啱啱好！啲河粉又夠滑，豬扒同雞翼都好入味，正！😋雞翼外脆內軟，豬扒夠軟腍，非常好味。跟住要讚下佢哋嘅越式豬頸肉法包🥖，配鵝肝醬㗎！個法包烘到脆卜卜，豬頸肉又夠香，加埋鵝肝醬，簡直係畫龍點睛！最後，仲點左越式馬拉盞炒河，炒河鑊氣夠，味道非常唔錯，不過如果可以再辣啲就好喇！🌶️「俊軒越南餐廳」嘅嘢食抵食又好味，想試正宗越南嘢嘅朋友一定要試下！👍

今日收工無聊去灣仔電腦廣場，肚餓經過呢間越南餐廳，平日lunchtime見好多人食，今日星期日下午經過，見人流唔係咁多，咁就入去試下，叫左個香芧雞扒撈檬，一杯凍檸水，跟餐一個小食同埋加個蝦餅，諗住求其食個下午茶，頂一頂個肚，夜晚再食晚餐，點知出來碗撈檬咁大碗，，我先食少少木瓜沙律，開一開胃，，嗯！呢碟野夠晒開胃，酸度啱啱好。跟住食塊蝦餅，唔係太油，好彈牙，而且凍左之後食都唔會腥，出邊有d食肆蝦餅有時凍左之後會太腥，好啦，係時候食主食啦，碗撈檬咁大碗，點食得晒，不過，我都唔係細食，而且食左碟沙律開左個胃，我就先食件雞扒，香芧味好足，而且好滑，好少餐廳下午茶會俾咁大塊雞扒，跟住食啖檬粉，好彈牙，好食，諗住食過下午茶啫，無諗過咁飽，利申：個下午茶餐係$56，凍飲加3蚊，我加左碟蝦餅，$100有找，但我係兩餐變一餐

同朋友去灣仔附近搵食，想食越南野又無咩特別preference就揀左呢間。星期六下晝唔多人，唔使等位，有下午茶。呢個金不換肉碎飯 ($60)一上枱，賣相真係幾「家常」——白飯堆成小山，旁邊一兜深啡色偏濕潤嘅肉碎，有啲頹，肉碎質地鬆散，無乜咬口。金不換嘅香氣有，但唔算突出。配埋啲菜整體睇落似茶記碟頭飯，同想像中係有啲出入，味道同賣相都無乜特別。另外嘅越式生牛肉湯河 ($62)，牛肉片夠薄嫩，靠熱湯慢慢浸熟，份量唔算少，湯底都幾香，但湯面嘅油感比較明顯，建議加多啲辣椒平衡下。

今日去咗一間正宗越南人主理嘅餐廳，餐廳裏面裝潢好有越南氣息，雖然店小小，但係好舒服。越式拼盤呢個越式拼盤有齊幾款唔同嘅小食。鮮蝦米紙卷-呢個小食係越南嘅一個涼菜，蝦肉喺薄薄嘅米紙裡面，口感清新開胃，喚醒味蕾。香茅雞翼-外焦內嫩，陣陣香茅味道，惹味可口。越式春卷-內餡豐富，炸得金黃咬酥脆，配埋酸酸嘅醬汁，亦都係好開胃嘅小食。扎肉-有微微嘅鹹香，有嚼勁。青木瓜蝦沙律呢個沙律好特別，望落好似一碟麵，木瓜絲切得幼細得黎好有口感，而配上嘅蝦都係鮮嫩，配料仲有扎肉絲、花生，份量好十足嘅開胃菜。香茅雞扒撈檬雞扒整得金黃均勻，肉質鮮嫩唔乾身，入口仲有陣陣香茅味道又香口。牛肉法包法包外脆內軟，香嫩嘅牛肉又多汁，配埋內裏嘅蔬菜，食落唔膩仲好夾。

今日喺灣仔收工，約咗同事食呢間地道嘅越南菜☺️ 叫咗個二人餐價錢好合理，食得好飽～首先上咗兩款前菜🫶🏻香茅雞翼（兩隻）用香茅醃製，味道香濃，外皮炸得金黃酥脆，肉質鮮嫩，食落好過癮！越式春卷（兩件）外脆內軟，裡面包住新鮮的蔬菜同埋粉絲，味道清新可口，一道非常受歡迎的小食。然後主食係一飯一麵🍜🥢招牌海南雞配黃薑飯必食！以嫩滑的海南雞為主角，雞肉大大件 配上醬料一流🤤搭配香氣四溢的黃薑飯，飯粒鬆軟，雞肉鮮嫩，整體味道非常出色🥢香茅炒豬肉檬粉有驚喜～豬肉炒得香口惹味，搭配湯檬粉，味道香濃，口感豐富🍮最後仲有甜品，係芒果布甸 有勁多芒果粒，加上花奶好好味🥰

我上網搵到呢一間越南餐廳，佢嘅地點位置好方便，喺正軒尼詩道近修頓球場嗰間滙豐銀行隔離。我係夜晚去嘅，所以呢好多鬼佬喺度食緊嘢，我諗佢哋都係住喺呢度附近近嘅酒店，因為呢度附近都有三四間酒店，啲鬼佬呢就鍾意食越南嘢，咁佢哋有冇其他中國嘢可以揀，所以呢度應該係佢哋最近最方便。講吓食物嘅質素，我一個人叫咗個半生熟牛肉粉，都幾正。我鍾意佢嘅湯夠濃，而且佢落蔥喺度，洋蔥味道好好！放埋芽菜，非常好咬口我諗我下次要來食多幾個菜試吓！中午lunch有一啲八折優惠嘅，不過你要問吓老闆娘邊啲先有折！

灣仔區嘅平靚正越南餐廳-「俊軒越南餐廳✨」，佢哋嘅傳統越式美食款式好多，而且價錢合理，絕對係性價比高嘅選擇！💰👍「香茅雞翼湯河🍜」，湯底清甜，雞翼炸得外脆內嫩，咬落去啖啖肉，河粉滑溜溜，吸晒湯汁😍「香茅豬扒撈檬🥗」，豬扒煎得香口，肉質juicy，撈檬嘅酸甜汁好開胃，加上花生碎同生菜，口感豐富🤤「越式馬拉盞炒河🍤」，鑊氣十足，馬拉盞嘅香味好濃郁，河粉炒得乾身唔油膩，仲有其他配料，食落去好有層次感🔥「越式豬頸肉法包配鵝肝醬🥖」，法包外脆內軟，豬頸肉烤得啱啱好，加上鵝肝醬嘅香濃，真係一啖就愛上！😘 呢個組合簡直係邪惡得嚟又令人難以抗拒！😈佢哋嘅二人餐同下午茶餐都超級抵食，份量足，價錢合理，真係食到捧住個肚走！💸🤰 🌟

位於灣仔的越南人主理餐廳，鄰近地鐵站，方便易找，地方企理整潔，下單以掃二維碼就可。餐牌選擇很多，款式多樣，而且亦有套餐，價錢合理，性價比高。越式湯河 ：招牌火車頭湯河 各個牛部份都有，有生牛肉、熟牛肉、牛百葉、牛丸，牛骨湯底，麵底是河粉。生牛肉灼一灼，滾湯很快便變熟了。肉質新鮮，牛百葉及牛丸口感爽彈，份量蠻多。越式湯檬：越式雞絲湯檬除了牛外，還有豬肉、扎肉及雞肉等選擇，雞湯底，清甜而不膩，雞絲放在麵上，麵底選了檬粉，蠻吸收湯汁的。沙律：越式芽車快雞肉絲、大量椰菜、乾蔥蒜粒，增添口感，而且酸甜醬汁特別開胃，清新。飲品：凍越南滴漏咖啡齋啡色濃，咖啡味道更加突出、濃香，微微苦澀。

之前幫襯過中環店 店仔細細 出品出色見灣仔開咗分店 即刻過嚟幫襯吓呢度嘅裝潢好適合打卡 有好多充滿越南感嘅佈置午餐同下午茶去到5:30 㗎！❣️招牌火車頭湯檬食越南嘢當然要食火車頭啦一碗有齊生牛肉、熟牛、牛筋、牛丸、牛百葉生牛肉好滑溜重牛味又唔會肥熟牛肉其實係牛腩嚟 肥瘦相間 牛筋炆到好腍夠入味❣️越式香茅雞扒叫咗個小食 一份有兩大塊雞扒炸到好脆口 雞肉醃得夠晒入味配埋啲薑蔥食一流❣️越式墨魚餅好surprise外面冇一層好厚嘅炸粉 墨魚餅咬落好彈牙 仲有啲墨魚粒粒 口感層次豐富❣️青檸梳打係一杯我最鍾意最Pure嘅青檸梳打夠晒氣又夠晒青檸係新鮮青檸嚟㗎 唔係用青檸精㗎

📍 俊軒越南餐廳 (灣仔)灣仔軒尼詩道61號地舖👉 越式豬頸肉法包配鵝肝醬💰78😋😋😋😋😋/5呢款法包真係好有特色！豬頸肉嫩滑多汁，搭配鵝肝醬，味道濃郁又滑順。法包外脆內軟，咬落去有種滿足感。配上新鮮的香菜同小黃瓜，提升咗整體味道，令口感更加清新👉 招牌海南雞半隻💰128😋😋😋😋.9/5呢個海南雞真係無得輸！雞皮嫩滑雞肉煮到恰到好處，肉質鮮嫩，完全冇腥味。搭配上特製的薑醬同醬油，令整個味道更加層次分明👉 香茅炒牛肉飯💰78😋😋😋😋.8/5牛肉炒得剛好，唔會過老，口感鮮嫩。香茅嘅香味十分突出，帶出咗牛肉的鮮味，食落去真係好過癮！搭配啲青菜，令整道菜色更加豐富回頭：yesyesyes!!!!呢三道菜都好有水準，各有各嘅特色，特別係個越式法包真係好好食！一試難忘！🥰🥰✨

朋友介紹，灣仔開左間新式越南餐廳，以圓形拱門設計，非常吸引眼球👀，加上越南人主理，可以品嘗地道越南美食。望望餐牌，種類繁多，有法包、湯河、小食，扎肉、香茅雞翼等，仲有滴漏咖啡☕️等，應有盡有。越式生牛肉湯河：呈上時半生熟，有厚道之餘，夠曬粉嫩，肉質鮮嫩，呷一口湯頭，香濃清甜牛骨湯一飲入魂，牛肉味濃而不油膩，搭配九層塔🌿，芽菜清新！香茅雞翼湯檬：用乾蔥蒜蓉汁帶出雞肉的鮮香，加上新鮮香茅釋放獨特清爽之香氣，溢齒留香，連不吃雞翼的朋友也忍不住要品嘗，揀湯檬粉，檬粉爽順，吸湯都好出色，湯底香氣四溢，啖啖都好鮮。香茅豬扒：香茅淡淡的香氣與焦香豬油的味道混在一起，香茅醃得比較甜，包裹着甜甜的豬扒，紅椒粒及蔥粒，伴以薄荷葉，熱辣辣，脆卜卜。越式三色扎肉法包配鵝肝醬：法包烘至香脆金黃，外層脆卜卜，入面塗上牛油，內裏軟棉棉，包裹著滿滿扎肉、燻蹄、越南叉燒，塗上香軟細滑的鵝肝醬，仲有越南特色醃配菜，漬物同白蘿蔔絲、青瓜片、層次感豐富。熱檸茶：清新數片檸檬片，配上紅茶底，中和不苦澀。總結：精美套餐供應 用心經營食物質素高 還原越南菜