何車車仔麵 (大南街)

營業中

休息中

新派的車仔麵店，除了清湯、辣汁、腩汁、咖喱汁湯底，還可以選擇蒜油撈麵底，不能吃辣的話微辣湯底已經夠濃味。想要咩都試下的話，點何車十餸或五餸麵就可滿足多個願望。配料方面，除一般車仔麵的配料，大推炭燒牛舌芯—牛味濃而不柴，吃出了日式燒物的講究。燒豬頸肉有一股香濃的酒香，一樣大推！還有糖心蘿蔔，非常清甜，每項配料都俾足分量，絕不吝嗇。還有多款丼飯和小吃可以選擇，呢日叫了一份蓮藕餅，亦都保持水準。由於即叫即燒即煮的關係，有心理準備要等候一段時間才出菜。

等一個車仔麵有幾耐？原來係一場耐性大挑戰。我19:43落單，App話20:06有得攞，我八點準時到，心諗應該啱啱好。結果呢？等！等！再等！20:07 App顯示「等候取餐」，但個外賣連影都冇。我企喺鋪頭外面一直等，等到8:15終於忍唔住入去問，然後個職員話「整緊」。整緊？你唔係話等候取餐㗎咩？最後20:20先攞到個外賣。食物係唔錯嘅，但你叫我等咁耐，你整得咁慢，啲單又亂（途中見到有比我遲落單嘅出咗外賣），App又唔準，搞到我白白浪費時間。下次再好食，我都唔敢再試。等到我肚餓變晒火氣，食咩都冇心情。

由於港島區食車仔麵嘅地方唔多，去到九龍就決定先搵車仔麵店舖試一試，過下口癮。.用QR code落單，自選油麵，選擇餐牌上推介嘅食物 - 魚蛋、魚肉春卷、雞翼，醬料選擇乾蒜、蒜、咖喱汁微辣，另外叫咗杯凍奶茶。.由於我食量比較少，正常麵底對我嚟講比較多，湯底略為微甜，油麵感覺有點麵粉feel，食到尾就覺得有點膩，魚蛋正常，魚肉春卷比較鹹但肉質實的的，雞翼入味雞肉嫩口。·凍奶茶並非茶記嘅凍奶茶味道，长似茶包沖出嚟嘅濃茶味道，味道一般。.

之前喺附近做嘢 呢間食過一次之後就成為咗我嘅飯堂 幾乎每一次都係嗌同一樣野食😂(好彩我冇食厭)有一年時間未食過 舊地重遊 今次再嗌返同一樣野食 睇下有冇唔同先😎- 老何十餸*2 $68*2 跟餐 黑松露薯條 +$27我每次都係揀蒜油咖哩撈麵底 個人認為呢間撈麵底好食過湯麵(個人口味嚟😂)十餸有魚春卷 豬大腸 豬紅 糖心蘿蔔 何B雞翼尖 鹵水雞翼皇 陳皮魚蛋 燒腩肉 炸魚片頭 炸腐皮蝦卷溫馨提示 如果有食材賣灑 佢哋係會隨機轉做其他餸燒腩肉 腐皮蝦卷都幾香口同相對幾特別 陳皮魚蛋就唔係度度有得食 我都好鍾意食陳皮魚蛋 因為比較易入味同有嚼勁 如果十餸食唔晒 佢仲有個細何五餸😎佢哋嘅份量真係依舊好足料👍🏻我有啲佩服當年嘅自己點解咁大食 伊家再食返 已經飽到不要不要的😂由於口痕嘅關係 我哋仲叫咗黑松露薯條 鍾意黑松露嘅朋友可以試吓 跟餐又幾抵💰$163

今日中午去食，冷氣弱到飛起，又唔關門吹走晒冷氣，未食都開始出汗，一碗面已經唔算特別平，全部人都抹汗，撥扇，老闆出小小錢整好個冷氣等顧客食得舒服d 啦，如果唔係想人夏天去幫襯都難熱熱熱熱熱熱熱熱熱熱熱熱

何車嘅野係ok但已經試過幾次叫外賣會漏單仲要打電話去追又無得取消，雖然接聽嘅同事態度良好但講真真係有少少火氣應該唔會再比機會叫外賣嘅要好好諗下等到一肚氣體驗真心差

進入餐廳 見到有兩個空坐位 便告訴一個穿黑色衫的男店員兩位時 對方瞪大眼睛 面容凶狠 左右張望 扮見我唔到 亦冇講任何嘢 我所有食慾即刻冇晒 轉身離開 唔想受氣既人 唔好幫襯 唔好幫襯 唔好幫襯

車仔麵餸菜款式豐富🎨每個食客都能根據自己喜好隨意配搭，但有時花多眼亂的選擇或會令人頗傷腦筋🤯太子有間車仔麵店就以十餸麵聞名🔟所有餸菜都已預先配搭好，而且個個吃完都讚不絕口，好評如潮🤗———————————————————————作為何車的招牌菜，多款最受歡迎的餸菜都經已包括在內🥹如此包羅萬有，對有選擇困難的食客可說是一大福音😇配菜方面大都在水準之上😋無論質素手和份量都令人滿足😆👍🏻豬頸肉表面燒得香口🐷肉質非常厚實爽脆👍🏻雞翼尖十分入味🐣輕輕用力就已經骨肉分離👍🏻魚片頭上菜前經過翻炸🐟香口爽彈👍🏻蘿蔔清甜多汁💦完全無渣👍🏻腐皮蝦卷除了蝦滑還包着蝦肉🦐鮮味彈牙👍🏻魚肉春卷魚香味濃🐠有咬口👍🏻豬大腸滷水味道偏甜🐽完全無奇怪味道👌🏻陳皮魚蛋質感結實🍢確實有淡淡陳皮香味👌🏻豬紅味道正常🩸中規中矩👌🏻滷水雞翼肉質嫩🐔但未算入味除了以上十餸外，作為牛舌愛好者的我還特意加了燒牛舌心（+$18）🐮牛舌牛味香濃，爽口易咬，同樣高質👍🏻———————————————————————雖然何車的餸菜大都與其他車仔麵店一樣，並非甚麼特別食材，但每一款的味道都比一般麵店稍微優勝😌結合起來就成就出如此優秀的味道🥹

今次係第二次到訪呢間車仔麵，無意中發現令碗麵更加好食嘅秘訣㊙️細何五餸 $46五餸入邊有陳皮魚蛋、魚春卷、豬紅、蘿蔔同埋滷水雞翼😋 特別推薦豬紅同蘿蔔🤩 豬紅好入味，蘿蔔鮮甜，值得一試🥰希望以後可以加入鹼水麵🤓南乳豬手 +$16南乳豬手肉質軟糯，煮得好入味，骨膠原豐富🐷何車水魷 +$16水魷係分開上嘅，水魷本身質感彈牙，佢嘅醬汁好好食！係令車仔好食嘅秘密㊙️湯底加埋佢嘅醬汁會變得好鮮甜，味道進一步昇華😎 推薦試下呢種新食法🥰脆炸豬腸 $25脆炸豬腸比想像中好食，嗰蜜糖芥末醬好出色🥳同豬腸超夾，呢個一定要嗌💓會有種令人食完仲想再食嘅感覺🤣總結何車車仔麵性價比高，特別推薦豬紅、蘿蔔同脆炸豬腸🐷鍾意食車仔麵嘅朋友可以試吓🥰

呢間舖頭好忙，有時外賣要等好耐呢個我理解。不過基於要等咁耐嘅情況我想建議當外賣嗌咗拌麵同埋有豬頸肉同埋豬腩肉嗰陣時可唔可以唔好將啲肉擺咗喺個湯裏面，因為啲肉浸耐咗會冇晒啲味。之前啲肉同拌麵擺埋同一個兜裏面。唔知點解今次會咁樣做。同埋橫掂都寫咗，我想麻煩啲舖頭嘅店員，當外賣拎得嗰陣時可唔可以喺Apps裏便撳咗可以拎得？因為有試過幾次de外賣有咗，但係個Apps度就冇撳個掣，搞到我次次唔知要幾時去舖頭度拎嘢食。每一次拎外賣都係要估。另外間舖頭嘅雞扒係好好味嘅，不過試過幾次啲雞扒唔熟，係生嘅。

已經係第N次再黎到 今次揀左星期日下午茶時間 3點零4點先黎。因為午市晚市應該都係要排隊。 想即刻入座要呢啲時間黎。每次黎到都會選擇困難症🤣湯麵又想要撈麵又想要，好在今次同朋友黎 2款都可以試到蒜油蝦子撈麵。手撕雞，滷水魷魚，鯪魚球 蒜油蝦子撈麵我覺得係呢度既特色👍🏻 蝦子鋪滿成碗撈麵，重口味的我加蔥蒜同埋辣椒 手撕雞已經撈好有底味，有少少似台灣嘅鹽水雞。滷水魷魚同鯪魚球都會分開另外再上一份。何車湯麵。牛舌芯。炸魚皮頭 湯底好似係有少少當歸嘅味道？ 但我個人係幾ok既 幾有特色牛舌心係有少少彈牙嗰種，而且份量都幾足，一份都已經有六七片。

何車成為咗我心目中Top3好味嘅車仔麵🌟🍜湯底好 啲餸又好食 仲要好大份 真係好飽肚🙈〈三餸車仔麵 〉~$60 一飲湯底 係清甜嘅味道 飲落去好舒服～佢哋咖喱&麻辣（微辣）都唔會太辣 相比起係麵尊叫少辣 已經辣到濁親🤣 食唔到太辣嘅朋友可以安心叫微辣🌶️〈油麵〉 $11比一般嘅油麵粗身 鹼水味唔太重 麵質唔太掛湯 〈糖心蘿蔔〉 $12 🍢平時食車仔麵冇特別鍾意叫蘿蔔 但朋友極力推薦呢度嘅蘿蔔係好食好多 蘿蔔一入口係軟綿綿 超級甜 調味應該用咗日式調味料 食落去好似濃郁版關東煮入邊嘅蘿蔔😆〈燒牛舌芯〉🐮👅 $18以為牛舌會好韌 點知出乎意料 呢度嘅牛舌 切片厚度啱啱好 好有咬口 牛肉味都幾出😳 〈燒豬頸肉〉 🐖$16 係厚身冇肥肉嘅豬頸肉 調味啱啱好 唔會好鹹 食落口啖啖肉😆

食第二次，食物愈來愈一般 湯又好清 最差就係在場幾位女職員態度全程西口西面 完全唔想撈咁，眼見在場食客 叫佢哋倒杯水 / 想轉位睇車 / 其他少少要求，都立即西面。可笑既係 你哋班職員又需要客人轉位就你比客人入來食野，咁你哋又識唔識將心比心呢 再者冇食客應該受你哋喱d西面樣我唔會再食 想食既客人睇路 ，喱類店 出面仲有好多可以支持

唔係第一次食，覺得好食先會想再食，但今次有啲失望，我曾經覺得何車係俾車仔麵延誤咗嘅炸大腸，但今次個炸大腸真係好過份車仔麵好食，每一樣餸都好味，但價錢略貴明顯炸到燶咗乾晒，炸衰咗真係寧願再做過遲啲上，好過個客食完唔會再食

何車車仔麵都好出名，係人都知，今次就吓佢嘅招牌雞扒飯先佢個招牌雞扒飯有兩個口味選擇，大阪燒或者蒜蓉牛油，大阪燒就要加錢但好似冇咁肥膩佢嘅佢嘅炸雞扒大大塊，外皮勁脆，但係雞肉一樣咁多汁好嫩，配上佢嘅大阪燒醬汁，好惹味飯都一流！大約50蚊可以食到咁大份嘅午餐，性價比極高極推薦！