何車車仔麵 (大南街)

營業中

休息中

外賣等取時間十分之耐！！！明明外賣已經出咗嚟，都唔攞俾我地，佢出嚟問我哋係咪等位，我地唔係等位跟住就無視左我地。因為地方細，叫我哋喺門口等，合理呀，你知我哋係外賣，有外賣出都唔俾我哋！我哋見到有幾多袋外賣出咗，佢地服務員企係度都唔羅俾我地！要我地入去問店員我地嘅外賣有未，佢指住張凳上嘅一袋袋外賣跟住又唔理我地了，我地自己係度搵自己袋外賣。重點我地一直係出面等，佢都知，都唔羅俾我地。食左兩次，俾左餐具錢都唔俾餐具！差👎

我有時都會去文記吃車仔麵，雖然喜歡吃瑞士汁湯底，但次次吃完都覺得好口渴。今次去試新店，就是何車車仔麵。用手機下單，不過就算沒選的選項都要選不適用，操作比較費時。我選了細何麵五餸，有豬皮、豬紅、蘿蔔、雞翼和陳皮魚蛋。每款餸都好味。好友還給我試了她點的魚肉春卷，春卷夠彈牙。重點是湯底濃味，但吃完不口渴。簡直是啱哂我何車的車仔麵🍜。P.S. 可以用文字和圖畫表達食評，然後貼在牆上。店內牆壁貼滿紙，很有風格的店子。

突然好想食車仔麵，雖然知道何車要等比較耐，不過覺得何車都係比較啱食，就照叫照等啦。選擇困難梗係叫老何十餸，夠晒豐富。等咗差不多40分鐘先有，車仔麵其實都全部煮好晒，𢳂入隻碗啫，都要等40分鐘實在有點點那個。本身最想食大腸同魷魚，十餸冇魷魚但有大腸，加埋支茶已經$90，所以放棄另外加餸。點知返到屋企，唔見有大腸，變咗三片紅腸，，轉餸都唔係話唔得，都出句聲嘛，兩樣餸都唔同價錢啦，咁樣算唔算違反商品說明條例？真係好失望的一餐。

這間餐廳等太久了，外賣自取要等45分鐘。是不是太過份了🥲都差唔多可以食完一餐飯。另外，又不預告一聲原來要等咁耐，就是要在外面等，可以取餐的時間跟原先差15分鐘。

已經計劃好避開煩忙時間才來吃車仔麵，怎料還是要排隊😅每個客人都好自助的在門口的排隊册上填上人數，再取號數在門外等候。我們很快就能夠被安排入坐，自助落單之後，都要些時間才有食物上枱。在等候期間，看看週周圍牆上貼滿的食評，也是一種享受啊！不久，大大碗車仔麵到了，大快朵頤🍜

行過應該要試下的車仔麵 食物 : 細何麵五餸 $46 ~ 叫咗五餸粗麵, 唔駛諗咁多, 大大碗麵好抵食, 湯底幾好唔會死咸, 五款餸都是最愛, 好食唔口乾 飲品 : 可樂 $10 環境 : 小店乾淨, 客人可以畫上留這, 貼滿在牆上, 好有特式 服務 : 職員有禮貌 價錢 : HK$56 (無加一服務費)

有特色價錢仲好平 最好食嘅係豬腩肉加日本差燒加魷魚，次次都食佢。首先,佢哋嘅麵體質地非常彈牙,吞嚥起來十分順滑。片切得非常薄嘅豬腩肉滑爛入味,加上日式燒烤既鮮甜滋味,營造咗一個完美嘅口感平衡。湯頭鮮甜濃郁,飲落唔會覺得口乾。我諗佢哋用咗特別嘅蔬菜例如青蔥同水芹配搭,令到整碗麵既色香味俱全,幾乎完美!光聽個名就令人垂涎三尺。另外好想試叫雞群組。同事食左 十餸麵佢哋嘅主打菜式包括咗「豬皮」、「豬血」、「糖心蘿蔔」同「鹵水雞翼皇」等,絕對係一個滋味濃厚又口感豐富嘅超值組合。而且, 佢哋更加加入咗「陳皮魚蛋」呢種獨特嘅配料,為整碗麵帶來咗一種獨特又醒胃嘅鮮味。最重要嘅係,「十餸麵」嘅分量十分豐富,能夠完全滿足一個人嘅胃口。

成日唔知太子旺角嗰邊有咩好食終於搵到一間好食嘅車仔麵啲餸好有特色價錢仲好平如果唔知食咩，仲可以揀何車推介10個餸朋友表示食得好開心男人都夠飽10個餸入面最好食嘅係豬腩肉～啲雞翼尖都煮得好入味微辣，肉質好腍而我今日熱熱地揀咗撈拉麵以為係嗰啲中華冷麵，淨係芝麻醬撈埋嗰種點知勁有誠意！！配料可以任揀，例如蔥、炸蒜、芫荽等再加秘製咖喱醬汁完全可以媲美出邊居酒屋嘅質素！牛舌芯果然係必食推介薄切但好有質感係爽口彈牙嗰種蘿蔔都好甜我諗呢間係勝在個質素唔係份量

係附近試裙掛 但又未食𝖑𝖚𝖓𝖈𝖍男朋友上網揾到送餐又快又平既車仔麵試一試先 ˗ˏˋ♥︎︎ˎˊ˗啲枱唔多 要同人搭枱 •᷄•᷅我地因為約左試掛 所以要係𝟛𝟘分鐘內食完個麵我揀左懶人包(•ૢ⚈͒⌄⚈͒•ૢ) 老何十餸 $𝟞𝟛貪佢咩都有得食 又唔洗慢慢揀食咩餸好豬皮 豬大腸 糖心蘿蔔 何𝕓雞翼尖（𝟛隻）雞翼皇（𝟙隻） 陳皮魚蛋 燒腩肉 炸魚片頭 炸腐皮蝦卷何𝕓雞翼尖個皮好軟好冧 同啲骨好易分離雞翼皇得𝟙隻有啲唔夠喉 •᷄ᯅ•᷅ 其他餸可以同男朋友分享 ₍ᐢ⸝⸝› ̫‹⸝⸝ᐢ₎ 男朋友就揀左糖心蘿蔔$𝟙𝟚 何車水魷$𝟙𝟞 魚肉春卷$𝟙𝟛要咖哩少辣 個水魷係另上 個汁都唔係幾辣所以怕辣人士唔洗驚千里茉莉綠茶 $𝟙𝟡因為怕會辣 所以叫定個飲品先怕肥所以叫左茶 無糖既 清清地 何車可以自選揀落唔落乾蒜濕蒜蔥個啲 仲可以再添 牆上好多圖畫 好特別 如果畫功好既人都可以畫張食後感 ૮ ///▽/// ა

何車車仔麵 @hochenoodles 📍：太子大南街28號地舖🚗：太子地鐵C2出口 步行2分鐘📞：+852 9138-6721💲：~HKD60/head for lunchFood quality✔️：燒牛舌心燒豬頸肉豆卜蒜油蝦子撈麵👌🏼：咖哩五寶、豆漿、娃娃菜總結：😋太子新式車仔麵 除咗傳統車仔麵外 有好多新派車仔麵選項 有蒜油蝦子撈麵嘅選擇 仲要有啲特色稀有嘅小食 良心小店值得推薦一試😋今次試咗燒牛舌心燒豬頸肉豆卜蒜油蝦子撈麵 撈麵就真係冇咩喺啲車仔麵度食過 蝦子🦐味都算重 但如果蒜油香重啲更好月食物就試咗燒牛舌心燒豬頸肉豆卜 燒牛舌心唔算厚 但都算濃牛味 燒豬頸肉幾好食🤔咖哩五寶有魷魚 豬皮 蘿蔔 牛柏葉 咖哩味都幾香🤔豆漿$12/杯 正常 唔甜值得加許🤔娃娃菜 $11/碗 份量有點太少

想食車仔麵，就會黎何車，配料選擇多又好食，可以揀撈麵或者湯麵😆😆今日食黑松露撈拉麵，配料揀咗每次必食的燒腩肉，糖心蘿蔔，腐皮韭菜角。燒腩肉真係冇得輸，肥瘦均勻，入口個油脂感爆發🫢🫢糖心蘿蔔又係每次必食，煮得好淋好入味，冇渣之餘仲好甜🥰🥰腐皮韭菜角有三粒，腐皮包住韭菜加豬肉，入口爆汁，夠juicy🥰🥰🥰我老公就揀左湯烏冬，配水魷，滷水雞翼皇，炸魚片頭。水魷好似份量比之前多，好食，辣道剛剛好；滷水雞翼皇夠入味；炸魚片頭比平時外面食到的彈牙👍👍

今次去左何車車仔麵食晚飯，𥚃面坐位唔算多，當晚9點左右去食，等左一張枱就到我地啦！我地一行4人叫左⬇️1️⃣細何五餸麵(豬皮，豬血，糖心蘿蔔，鹵水雞翼皇，陳皮魚蛋，幼麵)👍🏻陳皮魚蛋好好食不過無豬皮，改左豬手2️⃣何車炸盤吉列炸蠔，炸腐皮蝦卷，醉炸雞翼皇，炸腐皮角（各2件）🙂不過不失3️⃣老何十餸麵豬皮，豬大腸，豬血，糖心蘿蔔，何B雞翼尖，鹵水雞翼皇，陳皮魚蛋，燒腩肉，炸魚片頭，炸腐皮蝦卷，油麵⭐️⭐️十餸好推介，每樣料都好食，不過呢碗無豬皮轉左豬頸肉4️⃣韭菜豬紅👍🏻夠入味5️⃣何車巨根👍🏻蘿蔔好甜注意：五餸同十餸無其中一樣料，佢會自動安排俾另一個餸你架‼️飲品🥤一罐可樂忌廉溝鮮奶可以選擇菜底/淨餸，而且除咗平時既車仔麵，仲有多款麵選擇，例如有蒟蒻麵有秘製汁，咖喱汁，麻辣汁，仲有唔同辣度，適合鍾意食辣既客人🌶️🥵🔥

平時行過都有好多人等位，今日難得有位，一於試吓。我自己食車仔麵係一定會叫魷魚嘅，仲有雞翼，今次試咗佢寫住推介嘅豬頸頸肉，另外仲叫咗娃娃菜，一共四個餸。麵底就叫咗粗麵。呢間嘢幾好，佢個底有好多選擇，可以叫菜底，想減肥一流。首先，講吓個麵，當我以為佢係普通雲吞麵店嗰種粗麵嘅時候，原來佢係蛋麵。魷魚幾抵叫，因為佢分開上，個碟仔裏面都有幾多，而個汁又有啲啲麻油味！雞翼都好好食，豬頸肉就差啲，因為我唔鍾意佢咁肥。最驚喜就係佢啲小食！我叫咗炸雞同埋雞扒。炸雞，裏面都有肉汁！相對地，雞扒就冇炸雞咁出色，可能因為我唔鍾意佢個汁，覺得唔係好夾。

原來車仔麵都可以咁多樣化，呢間車仔麵有供應唔同麵底；有蒟蒻面、黑松露撈麵、日式拉麵等等真係照顧哂唔同人需要🍜［老何麵十餸配粗麵］$63一次過試哂十個招牌餸就唔洗煩啦😂十餸包括豬紅、豬皮、豬大腸、蘿蔔、雞翼尖、滷水雞翼、陳皮魚蛋、燒腩肉、炸魚片頭、炸腐皮蝦卷😋樣樣都咁出色；糖心蘿蔔好清甜又淋完全無渣，平時食車仔麵好少可以食到咁甜嘅蘿蔔，值得一讚！啲豬皮豬大腸整得好乾淨食落好爽口，雞翼同雞翼尖都滷得好入味，雞翼尖仲有少少酒香味 ，魚蛋用陳皮魚蛋好有誠意，食落好香陳皮味有驚喜👍🏻值得encore！至於個湯底揀左麻辣湯（小辣）湯底有少少藥材味，但完全無油膩感仲好清甜，最後我真係飲哂啲湯😂另外一提車仔麵配料可以係app落單時自由加減；芫荽、蔥、蒜、乾蒜，好似我咁鐘意食芫荽就襟多兩下就會多芫荽，呢點真係幾細心環境⭐️⭐️⭐️ ⭐️性價比⭐️⭐️⭐️ ⭐️推薦度⭐️⭐️⭐️⭐️人均消費：$63整體分數:92.86分

油尖旺一帶要搵碗麵食唔難，仲好多選擇添平時就食潮洲粉麵多，今日嚟到太子想搵下有冇新野發現呢間優質小店，而且啲車仔餸比起傳統嘅新穎啲，就決定一試了一碗揀咗豬大腸、豆卜同腩肉大腸乾淨企理，稍嫌滷得唔夠入味，尤其要浸埋湯可以咸多少少豆卜索咗湯汁超正，因為最驚喜就係呢度嘅湯頭，清甜得嚟味道都幾豐富，叫索湯嘅餸就一定冇錯👍🏻👍🏻👍🏻另一碗試埋蘿蔔，清甜夠淋，值得推薦呀嘢飲竟然有清漉奶茶，正呀🔥🔥🔥總括嚟講，單係個湯頭已經值得再嚟！油尖旺一帶要搵碗麵食唔難，仲好多選擇添