仁沙洞

營業中

休息中

放學後,在大食國友人的大力推介下,搭車又搭船地去到老遠的土瓜灣食一個LUNCH基於友人s食量驚人而且相當挑食...會大力推介的應該不會太差午餐有特別套餐,選擇也足夠,主要是飯類第一個好印象是來由它的水,本人非常非常怕,討厭飲到有水喉怪味的水它的水明顯有過濾,沒怪味,飲得安心一行三人分別點了牛肉什錦飯,烤牛肉飯,牛肉粉絲飯+韓式牛肉紫菜卷(現在才發覺我們全點了牛!!!哈哈...全牛宴)全部的飯都配了湯,兩款前菜(辣泡菜+咸蕃薯)湯明顯是沒味精,好清好有牛肉味,湯裡面的蘿蔔吸收了湯的味道,加上本身的甜...正!泡菜是自家製的感覺,夠辣,又有酸香,有宗家府泡菜的味道牛肉什錦飯第一個到,韓國人老闆親自幫我們撈飯,十分細心$34有這樣的服務,實在驚人...甜辣醬,辣度不太高,不能食辣的友人也吃得津津有味烤牛肉飯,分量是一般情況下的一碟餸+大半碟飯烤牛肉但是比較像炒牛肉,但比我想像中美味很多甜甜的汁,牛肉的量很多,同炒的京葱,洋蔥,椰菜也是甜美到不行我本來是很討厭洋蔥的,但這可以把洋蔥的臭味弄走,留下洋蔥的甜牛肉粉絲飯,難得炒粉絲會不油...韓式牛肉紫菜卷,基本上多餘了...因為飯的分量太大但很飽

今日難得有空閒時間 所以同左我男友同個fd一齊黎呢度食晏之前我同我男友黎過呢度兩次食晏都唔算密 但我覺得水準完全一樣 都係超好食今日我食牛肉雜錦飯餐我男友食牛肉粉絲飯餐我個fd食烤牛肉飯餐我發覺 水準仍舊 一樣咁好食 尤其服務滿分我個飯 每次食 都有人幫我撈 而且個醬汁雖然辣辣地 但唔係出面個d辣到唔想再食相反 怇就係愈辣 但愈令人想食男友個碟 係有大碟過出面$20 ge粉絲 再+大半個飯 = = 見到都覺得食唔哂..... 雖然都好好味而我個fd 一向食開tst一間韓國店 對韓國食物超高要求但今次佢都食得豎起四隻趾公 大叫無得彈 怇個牛肉飯 牛肉同飯係1:1 食食下仲有2:1ge趨勢仲有 佢個附送ge湯係一絕 無味精 仲係無火氣ge燉湯 既有蘿蔔甜 又有牛肉甜 >3< 太好味了而泡菜我實在唔敢食 紅得似蕃茄 =0= 但我個酷愛泡菜ge朋友就話上左癮總括 比30幾可以食到出面分分鐘成50幾ge食物 perfect!

果然是名不虛傳的一間韓式燒烤店，食物好吃，服務一流。我們一行三人，點了一個$398的燒烤套餐，有五花腩、牛肋骨、牛肉、雞肉石頭飯、鐵板泡菜餅、牛尾湯，招待我們的有一位中年男人，相信他是韓國人吧！這裡的服務一流之餘還很細心，一度度菜上，吃完一味才叫廚房出第二味，唔洗急住食之餘D野又唔會凍晒。烤五花腩 ~ 這是我最喜歡的一度菜，好香口，有入口即溶的感覺，那位韓國男人還教我們用五花腩的油來燒香伴碟的洋蔥，好好味呀！烤牛肋骨 ~ 這是同行另外兩位朋友最喜歡的，牛肋骨烤得好香口好入味。烤牛肉 ~ 雖沒特別但仍覺好味。雞肉石頭飯 ~ 燒香了的石頭煱，拿了出來再在我們面前加甜辣醬攪拌，燒得香噴噴的味道傳到了鼻來，好想立即吃一碗。鐵板泡菜餅 ~ 味道一般唔夠辣唔夠香口。牛尾湯 ~ OK

上一次去韓國食過燒肉，實在太好食，所以一直念念不忘。聽講呢度有燒五花肉，就同13去試下。呢度食物款式很多，最後我哋叫了個$398套餐。(另外加了一碟菜用來包肉食)烤LA牛肋骨 - 味道偏淡!烤五花肉 - 同韓國的三層肉好唔同，呢種五花肉係一片片薄切的，偏肥! 但OK，都幾好! 烤牛肉 - 整個晚餐最好食的，汁香肉滑! 正! 鐵板辣泡菜餅 - 個底超多油，味道好一般，但夠辣!雞肉石頭什錦飯 - 唔知佢落咗d咩，總之就有d怪味! 不過都OK，雞肉都好滑!跟8款前菜同2碗湯 - 都幾好!! 湯正!!整體OK啦，老板招呼好好，會親自幫手燒嘢食同教我哋點樣食。值得一提嘅係燒肉時的洋蔥伴碟，將五花肉燒好之後放在洋蔥上面，邊燒洋蔥邊等d肉汁流落d洋蔥度一齊燒，好好食!!有機會下一次要試下佢其他d食物!

“仁沙洞，這裡是在首爾內外國觀光客最多的地方，這裡有全世界唯一一個非以英語書寫招牌的Starbucks”(http://jerry_cheng.blogs.com/first_step/2008/04/post-5.html)香港也有仁沙洞？是在本人舊居下的地舖（可沒有用中文寫的Starbucks招牌）。 這是一處「估你唔到」的韓式快餐店。 格局有點像在墨爾本的韓式料理館子。店主略懂廣東話，熱誠的介紹食物！是次吃了炸醬飯和人參春雞（店方稱三十五天大）， 恕本人孤陋寡聞炸醬飯是聽得多了，然而吃也是第一次。炸醬是由黑豆、洋蔥、椰菜和豬肉煮成，是飯或麵的良伴。 店方煮得不太鹹，有濃濃的味，但是吃不出師傅味。很是討好!參雞是要令人直豎姆指！有紅棗，蒜頭，人參，雞，糯米和大蔥，是一個教科書水準的示範作。看看檯上的介紹，彷彿大長今在旁向韓尚宮解說般描述韓國人會在夏天吃參雞的因由，要以熱制熱。今天有點熱又有點潮濕，正好是吃這味的好時機！吃後渾身感覺溫暖。妙不可言！席間也有數名韓國鄉里到這來吃「舒適食物」一解鄉愁確是金巴輪道以外之好選擇！

細細個的時候去九龍城碼頭看車子坐渡輪過海,會在海深心公園放車仔.多年後經過偉恒昌都只為食.今次來了仁沙洞,因為有報導這裡又平又好食.當然看看是真是假.這裡以快餐店形式,水也是自助的.但不代表招呼不好韓國人老闆會細心的介紹其餐單.今次就介紹了一個炸雞,皮脆肉夠味而不是厚厚粉的那種.也合家中小孩,同時也叫了KIMBA.這樣小朋友們就一定飽腹了.而大人可以吃吃牛肋骨煲又可要個百多元的燒肉餐,肉類是己醃的一類,當然是雪貨但又醃得好好味.一切也有皮有眼.而且兩家人家只用兩百又坐得OK...下次要試個韓式豬肉先

勝在夠正宗!!!!!!!!!仁沙洞係我屋企附近,加上我同呀媽都愛韓國野所以成日都幫襯,不過次次都咁好食呀!!前幾次都冇影相,下次一定影番講番之前食左d咩啦!!第一次d名吾係好記得,大部份都係簡化版^^)1.)辣炒雞肉+飯午市$30超正~~~~~~~辣度剛好,好juice2.)辛辣麵炒年糕甜甜地辣辣地,都ok,不過下次就咁辣年糕就ok第二次晚餐叫左1set套餐,正爆3個人食,食左$500幾,依到燒烤係貴左少少,不過食過就知,抵!!!!!!!!!個到有幾set套餐比你揀..我地個set:1.)石頭飯好味..2.)肉(唔記得左-.-)3.)肉我淨係記得d肉好食同埋冇咩調味料,原味都好好吃4.)三層肉依樣要係正宗韓國餐廳先會有既,食完覺得..超驚喜,唔會話好肥好多油,只可以講一個字,,正之後再加多碟.5.)前菜八碟6.)韓國清酒韓國人開既,不過侍應係香港人,服務幾好燒烤會幫你燒,同埋教你點食.最唔好既就係冇生菜!!!!!生菜包肉,仲正''生日會去食餐豪既,期待..

之前同個fd搭車經過, 就話想試嫁啦~~上個星期終於試左啦~~~原來係韓國人開ge, d野食好正宗!!可能因為土瓜灣唔太多人鐘意食韓國野, lunch time ge時候都唔係好多人~~晚市就唔知啦~ 因為未食過dinner..第一次試左個泡菜豬肉飯!! lunch set 黎ge..都食$30喳!!!好豐富!! 有kim chi不特之, 仲有湯!!個飯同餸都好多, 應該係一個男人ge份量!!我同個fd每人叫一個都食唔曬~最後打包埋tim~~~係好好味, 但對我黎講有d spicy!!!不過佢個度有飲水機, 可以自助斟水~~~好衛生!! i like it!個度仲會播歌的!!都幾新ga!!仲要係都係d我識ge歌, 真係好!! XDDD

今日返去老家(土瓜灣)同屋企人食飯,食得中餐多, 媽咪最近成日想試新野,見附近開左間韓國餐廳, 又唔貴喎,即管試試啦, 衰極都只係幾十蚊啫.第一次去, 唔敢亂叫野食,就點左最大路既牛肉石頭鍋飯/雞肉石頭鍋飯/鐵板牛肉飯,鍋飯既菜比飯多, 米飯亦係用珍珠米煮,學韓國人拌勻加醬真係超正,至於鐵板牛雖然好味, 但水份太多,略嫌唔夠香口, 但整體都係好好味,以呢個質素, $40幾蚊個餐真係抵.另外值得一讚既係服務,石頭鍋飯上枱後, 韓國人老闆知我地第一次食,驚我地唔識, 專登教我地點食(其實我不知幾咁熟),仲極力推介加辣醬(其實唔辣),食完, 當我地準備行出門口果時,老闆同部份員工仲90度鞠躬送我地出門口,果一刻真係感覺非常,一定有下次阿~~

就在從前四海遊龍的舊址，赫現一間新的韓式快餐館，格局跟尖咀的明洞express及從前紅磡的dosi很相像。掌舵人是略懂少許廣東話的韓國人，席上亦看到有不少韓籍人光顧，水準應不至於太差吧....每次這區有新食肆開張時，人流都是極其暢旺的，前陣子的君滬鍋貼大王及貴州街的強記粥店已是很好的例子。光顧這兒當晚亦是好不容易才能找到個二人位子。安頓好太座之後，就拿着餐牌研究一番。"輕食"的如石頭飯、炸醬麵及炒粉絲自然是不可缺少的，聽侍應說等遲些就連燒烤也有得吃。看官就請拭目以待吧....見到有各款韓式紫菜卷供應，而且就在門口附近當眼位置即叫即做現吃，甚吸引，叫了份以牛肉作餡的。紫菜不算脆口，甚腍身。餡料除牛肉外還有青瓜、紅蘿蔔、煎蛋及香腸粒，再滲些芝蔴在上，夠香亦可口。天時暑熱底下以此作為小吃，甚佳....太太點了她的摯愛炒粉絲。韓式粉絲一向以粗身且帶韌勁為賣點，下大量的甜醬油及配料如紅蘿蔔絲、椰菜及肉碎進去炒，味道相當的不差。這裡的炒得算很乾身不油，醬油也很夠味。太座吃得不住的點頭....黑漆漆的甜麵醬是韓式炸醬麵的靈魂。這兒的做得有點不太夠甜，不對味兒；麵條也沒有想像的煙韌。肉的部份用上切了細

之前見到呢度裝緊修,見到仁沙洞,都估到係韓國快餐...星期六見到佢開張,晚餐就去個度試下,裝修都幾有韓國FEEL,仲播K-POP TIM...大部份員工都係韓國人一行4人,七點幾落到去,都未滿,之後愈來愈多人,要等下位,自助形式,自己買飛,自己捧餐,斟水,個阿姐要好大聲嗌NUMBER,真係鄧佢辛苦,個人認為裝個號碼顯示器會好D叫左一個牛肉石頭飯,一個豬肉石頭飯,一個牛肋骨定食,一個鐵板豬肉餐,全部包湯,之後話個日新開張,冇牛肋骨定食,就轉左做烤牛肉飯,新開張仲送左四支筆四十八蚊一個石頭飯OK啦,同出面差唔多價錢牛肉石頭飯,同一般食到既差唔多,不過上面既係熟蛋絲,個人比較喜歡生蛋,自己撈,味道有D淡自己加醬撈豬肉石頭飯,同牛肉石頭飯差唔多,OK啦鐵板豬肉餐,要左原味,呢個我覺得幾好味,味道有D濃,不過都算幾好食烤牛肉飯,味道OK,幾好,湯,呢個湯好味,鹹左少少,不過蘿蔔好味,好諗整體黎講唔錯,會再去既

在偉恆昌新開的韓式快餐店,上一手是"四海遊龍",轉瞬即逝,看看今次這個大韓代表,會否打破宿命.選擇甚多,由石頭飯,到燒牛肉,豬肉,泡菜炒鮮魷,或冷麵也一一俱存,不過如想吃生牛肉的話,就愛莫能助力.價錢不算平,差不多要成五十塊錢吃一個餐,在舊區內是高消費.後面的酒家賣燒味飯盒,十二,三塊錢便有一盒.我這個鐵板燒牛肉餐,有湯,泡菜,白飯,不包飲品,要$48一客.泡菜不夠辣,明顯是將就港人口味.蘿蔔湯味道亦淡,鐵板上的牛肉雖然質素一般,也做得很香甜入味.其汁全部用來伴飯.一滴也不剩.雖然偏貴,但整個翔龍灣在隔離,應會吸引到一班消費力較強的顧客.用二百幾粒在土瓜灣買樓,理應付得起四十多塊錢的韓式套餐.

好味!! 叫左個牛肉石頭飯 ($48) 同牛肩定食 ($60). 配前菜同湯. 石頭飯冇咩驚喜, 要自己用醬撈. 個牛肩就非常好味, 又夠唸, 不過份量就少左d...差吾多全間餐廳d人都係韓國人, 食物質素有保證. 不過可能岩岩開啦, 出菜有d慢同有d溝通不良... 真係有d佩服佢地咁有勇氣起土瓜灣呢d舊區開舖!! 因為用快餐店模式營運但係收人咁既價錢就真係貴左d啦...下次會試下鐡板韓燒!!