仁沙洞

營業中

休息中

估唔到土瓜灣都開韓食既鋪頭！！好野岩晒我呢個韓迷，不過始終都係第一次食，叫得小心Ｄ，叫左牛肉石頭鍋飯,另外有雞肉石頭鍋飯或者鐵板牛肉飯比人揀，我地可以學韓國人咁拌勻加Ｄ辣醬真係超超超超超超正！至於鐵板牛雖然好味, 但水份太多,略嫌唔夠香口, 但整體都係好好味！以呢個質素,幾十蚊個餐算係抵嫁啦！另外值得一讚既係服務,石頭鍋飯上枱後, 韓國人老闆知我地第一次食,驚我地唔識, 專登教我地點食ＫＥＫＥ，佢極力推介加辣醬，其實我識既不過都聽下食完, 當我地準備行出門口果時,老闆同部份員工仲90度鞠躬送我地出門口,好韓式啊真係！！！！果一刻真係以為自己去左韓國！一定會再黎啊！啊！啊！ 

今日又去土瓜灣啦，跟著韓國文化嘅興起，香港都開左吾少韓式餐廳，今日就食呢間啦-仁沙洞！入到去正是中午時份，已經有吾少客人，應該係附近嘅打工仔用膳時間吧，店員都在忙，我自己搵到個位就坐底。睇完兩三頁嘅menu，就諗好嗌乜，我食嘅係烤雞肉燴飯！其實都吾係貴，$38，會跟少少泡菜，薯仔同湯，令我吾好吾記得係韓式餐廳咁，因為我本人覺得食物都吾太韓式，等左都幾耐，終於上碟，其實外貌同我想像差不多，雞肉都叫嫩滑，但其實吾似係烤，好似蒸雞肉咁，味道就普普通通，吾係叫好食，而湯就略咸，所以呢間都係試一次就算了！

兔仔今日想吃韓菜, 選左位於土瓜灣既仁沙洞試試, 因為全日都未有野落肚, 我地5點半就到左, 完全唔需要等位~ 先黎傳統既韓式小碟, 兔仔鍾意食炒粉絲, 暖暖地好入味; 而兔女就鍾意食蕃薯, 初時以為係薯仔, 咬落去先發覺係蕃薯, 有驚喜~牛肉紫菜飯卷 - 由於太肚餓, 我地一坐低就先點左飯卷, 飯粒軟熟唔會硬, 同我地係首爾食既感覺好類似燒牛肋骨(原味) - 最初店員幫我地燒, 感覺燒得過火, 肉有D乾, 之後由兔仔燒, 剛剛熟, 食到牛肉既味道, 同埋仲有肉汁, 唔錯!燒豬頸肉 - 真實上檯同MENU有好大出入, MENU幅相係有雪花紋, 但黎到見到同我地係街市買既豬頸肉無咩分別 唔知係咪醃得太耐, 味道偏鹹, 好彩肉質仲係爽的~最後我地仲叫左個豆腐湯(無影相), 其實應該叫豆腐什錦湯, 因為真係好多料, 而且湯比較杰, 少少辣都唔錯~見到好多客人都有點炸雞, 但2個人食力有限, 唯有等下一次再黎試過!

土瓜灣雖是比較舊的社區，但也不是甚麼都沒有，就在下路的土瓜灣道近工廈區的附近，有家開業多年的仁沙洞，靜靜的在區內屹立了多年，在韓風未盛的年代，它已在這裡賣韓菜和韓式燒烤，今天想起韓菜但不想到尖沙咀跟人迫和等位，便再次幫襯。跟餐只有兩三款kimchi，薯仔還好夠淋帶甜味，但泡菜有點過酸，跟其他東西同吃的話應該會只吃到酸味。燒牛肉配白飯中的牛肉調味偏甜，不太合自己的口味，幸好伴隨牛肉的還有不少雜菜，另外跟碟的白飯太濕了沒咬口之餘，入口還糊成一舊。豆腐湯不是第一次叫，吃過覺得可以所以再encore，豆腐跟上次差不多的一樣軟滑，但這次的豆腐下得太多而湯太少，想喝多點湯也不行。味道是真的不怎麼樣，但勝在價錢夠銜坊，餐牌的選擇也不少，有天又不想走遠又想吃韓菜，還是會來這店看看的。

同屋企人去土瓜灣食韓式料理，等位等左15-20分鐘，但見好多人排就繼續等啦！餐廳有分燒烤同唔燒烤，兩種系分開拿位。我地就選左唔燒烤，叫左海鮮面，韓式炸雞，豆腐湯同3枝啤酒（買2送1）。海鮮面個湯好濃海鮮味，因為真系有好多海鮮料系入面，d面都唔錯，幾彈牙。就gum飲個湯就會有d鹹，但配埋面就arm arm好！海鮮面 - In Sa Dong Korean Restaurant in To Kwa Wan 海鮮面 HK$ 60之後就有個韓式炸雞，好香好好食，個皮唔會好厚，配埋啤酒一流！我地今次無叫有辣醬各種，但我覺得會更好食！韓式炸雞（半分） - In Sa Dong Korean Restaurant in To Kwa Wan 韓式炸雞（半分） HK$ 88豆腐湯系辣的，有豆腐同海鮮，而且餐廳會比一碗飯比你送湯。雖然話系豆腐湯，但海鮮味都好濃。湯配埋豆腐就好好食。我平時唔食得辣的都忍唔住飲多兩淡！豆腐湯 - In Sa Dong Korean Restaurant in To Kwa Wan 豆腐湯 

同屋企人去土瓜灣食韓式料理，等位等左15-20分鐘，但見好多人排就繼續等啦！餐廳有分燒烤同唔燒烤，兩種系分開拿位。我地就選左唔燒烤，叫左海鮮面，韓式炸雞，豆腐湯同3枝啤酒（買2送1）。海鮮面個湯好濃海鮮味，因為真系有好多海鮮料系入面，d面都唔錯，幾彈牙。就gum飲個湯就會有d鹹，但配埋面就arm arm好！之後就有個韓式炸雞，好香好好食，個皮唔會好厚，配埋啤酒一流！我地今次無叫有辣醬各種，但我覺得會更好食！豆腐湯系辣的，有豆腐同海鮮，而且餐廳會比一碗飯比你送湯。雖然話系豆腐湯，但海鮮味都好濃。湯配埋豆腐就好好食。我平時唔食得辣的都忍唔住飲多兩淡！

朋友大力推介，當然要試la, 之前已經bk 枱，原來間野好受歡迎。我地點左:人参雞湯: 兩個人半份已經夠，真係好足料，有糯米飯，紅棗，湯已經夠味唔使加海鹽鐵板泡菜煎餅: 雖然有個辣椒標誌，不過唔太覺得辣，酸酸地幾開胃炸醬飯: 有煎蛋，炸醬，青瓜絲，食時撈埋，個醬甜左d la, 不過整體唔錯份量唔細，已經好飽la, 下次食其他

仁沙洞的裝潢就是韓國平民餐廳的格局，簡簡單單。午市可抵食得很，三十多塊錢一個午餐連前菜及湯，加五塊錢有個飲品。Smart bunny 最愛這裡的烤豬肉飯，價錢雖平，份量一點也不小，很多豬肉，女孩子多數吃不完。可點原味或辣味，小辣較惹味，豬肉配合冬菇及菜，十分美味，推介！前菜的薯仔甜甜的也很好吃。

住土瓜灣就一直想試這間聽聞好正宗的韓國菜，初二去食， 服務費要加二呢， 不過， 無所謂， 食得奶開心。牛尾好林，湯清甜，送上5個前菜， 泡菜是spicy.人參雞， 比想像中多味精， 不過是好食的， 湯也好飲炸雞跟啤酒是絕對的組合，好食過kfc好多。

紫菜包飯好好味!!!!!! 牛肉紫菜包飯($25) 超值!!!25蚊有成8舊，仲要舊舊都係好足料。入面有腸仔、牛肉、蛋、青瓜同酸瓜等等，外層仲有少少芝麻。性價比極高!!!!冬天梗係要儲定脂肪保暖lol 雖然我唔是韓粉，但熱愛韓國菜五花肉($98) 份量唔少，因為燒完仲會將全部再剪開一半先架。將五花肉點韓國面豉醬，再加埋青瓜包生菜食，一流!!!!!!!牛肋脊($128)起哂雪花!!!! 仲送埋d茹茹!! 牛肋脊燒到6成熟，再點麻油鹽，咬落去超juicy又鬆化 ,仲勁有牛味!!!!正!!!!!之前唔記得講，呢間係唔使自己燒架，有姨姨幫你，所以唔使驚燒到燶哂。

離公司近，又鐘意食特別口味食品，大家樂，大快活食厭左。睇到午市套餐平價，有埋小食同湯，個湯要特別講：熱飲好正，骨湯十海帶十白卜撞出好滋味！鮮甜咸度剛好！小食：泡菜十甜鼓油薯仔下面開始分享各式套餐，泡菜炒豬肉：肉多，泡菜多，夠辣，味道偏咸，應該因為泡菜多，本人喜歡辣，此菜不失係個好選擇，喜歡食辣既可以試！辣炒鮮尤：鮮尤不夠入味，沒有鮮味，好似水尤魚甘；辛拉面：又係辣嘢，海鮮既好味D，但相對上面套歺飯，價錢高小小下面介紹非辣食物：炸醬飯，面：炸醬咸甜適中，雖然本人不喜油膩，入邊腩肉食不到太多油味，配飯岩D，但醬有D豉油味。牛肉炒粉絲：搭配好好，粉絲有彈性，又有芝麻油香味，雖然不是重口味，但有種健康既感覺！

自問不是緊貼潮流的人, 近年韓風興盛, 無論韓劇, K-POP, 甚至連韓式食肆, 也大行其道. 仁沙洞是土瓜灣區內極少數的韓式食店, 開業已經多年, 見網上食評不俗, 前去一試. 周末近下午時候, 推門入內, 食客幾乎坐滿整間店, 好不熱鬧! 餐廳沒有華麗的裝修, 枱之間很窄, 地方很擠迫,  似是街坊飯堂格局. 被安置在近門口的一個位子,冷氣很不夠, 很熱. 但沒有其他位置, 所以唯有忍下.午餐的餐牌也有頗多選擇, 有飯有麵, 豬牛雞也有, 而且價錢很親民, 三十多元一個午餐已經買少見少了.在沒有特別心水下, 點了大路的泡菜炒豬肉飯餐.上菜時是整個午餐端上枱的, 有湯, 前菜和主菜, 看起來很豐富.湯的顏色很清, 帶有丁點牛肉味, 不過卻偏鹹, 越飲越口渴.前菜有兩小碟, 分別是薯仔和泡菜. 薯仔煮得很腍, 但可惜完全冇味; 泡菜則有苦味, 吃完一口已經不想再吃了.泡菜炒豬肉飯: 跟前菜的泡菜不同, 炒豬肉的泡菜偏酸不太辣, 沒有苦味; 豬肉片不算硬, 不過由於泡菜味道很重, 吃下去也沒有甚麼豬肉味, 只嚐到辣味; 除了豬肉和泡菜外, 還有冬菇片，不過味道較酸; 洋蔥也炒得比較生,

Many lunch set choice ($4X-6X) and a very popular take-away shopTherefore, 15mins cooking time should be expected首嘗韓式炸醬,少了中國的spicy, but have its sweetness mixed with plenty of veggie and good quality meat (not those as tough as rubber, but soft and soaked with flavor) Potato slices within the suace made the dish even richer in textureAwesome size! With good good quality! Added ~$7 for pear juice! AWESOME with actual pear inside! Each mouthful filled with pears! Will come again! Just that locatio

搬黎土瓜灣幾日,好多時夜晚行過都見到超多人等位人就係咁羊群,所以都要黎試一試價錢黎講我覺得偏貴,不過韓國野好似周圍都咁上下圓形o個塊係泡菜煎餅,酸到我成個乸埋一舊...辣度係零,但係非常飽肚要左個雜錦飯,簡單形容係冷飯拌雜錦前菜,我冇加辣醬黎撈;因為我唔係好食得辣,而且戒緊口另一個係牛骨湯,咸左d同埋轉個頭就冇左熱度,附上o既白飯都係咁前菜主要係跟個牛骨湯黎,個飯o既前菜只有薯仔同泡菜d前菜都係咁上下,冇特別野好講白飯其實都係好重要o既一樣野,但佢呢度整得唔好食,好似未煮透(唔係生o個種...總之就係煮得唔好,原諒我唔識形容),然後撈d乜野落去都覺得唔好食但係食韓國野唔撈又冇意思...所以結論係唔好食.唔會再黎lu~

成日見到佢咁多人，今日收六點，可以試下，叫左人參雞湯，好有參味，海鮮拉麵，唔好食，牛仔骨，好味，配白飯，但好細碗，水係自助，有D煩，鐘意佢果D配菜，尤其是薯仔，好好味，唯一缺點要付現金!