仁沙洞

營業中

休息中

D服務員態度真係好差, 明明個餐牌D食物有 no, 咁我叫 no 落單, 又話D no.係錯架, 叫我唔好用no落單, Ｄ態度好似係我錯咁！仲駁咀態度差到爆！一句講晒：服務差到爆！氣頂, 所以D野食好唔好味唔記得啦！可以選擇的話, 唔好去！！！

近排好中意食韓國野...之前去左紅磡既韓點食過佢D小食,好好味但係都係離我屋企有D遠,咁岩諗起屋企咐近有間開左幾年既韓國餐館可能係前身幾間餐館都唔好食..加上開係土瓜灣..所以一直都冇試但係又好想食韓國野...所以就去試一次啦去到個時仲有下午套餐(12:00PM-15:00PM)諗左陣就選左D4泡菜豬肉飯尼個下午套餐有2個小菜同一個湯送湯好似係牛肉同蘿蔔煲出黎,清清地..幾好味小菜就有泡菜同唔知咩汁煮既薯仔泡菜一般水準,最有驚喜既係個薯仔,用左唔知咩汁煮,個薯仔煮得好入味,D汁甜甜地,而且煮到好透,完全滲哂入個薯仔,好味到唔知點形容,心諗個薯仔都咁好味,個主食都唔會差得去邊黎到果然冇失望..正到爆先講份量..如果係其他地方食好多都係D肉少過D飯..尼到唔係..2樣份量一樣多再講個飯...D豬肉同一D蘿蔔絲,洋蔥,蔥煮埋一齊再係上面加少少芝麻粒而且D肉仲有少少汁,甜甜地,好開胃撈埋D飯一齊食簡直係一流,最後食到好飽先走人今次黎試尼間果然冇錯,下次黎再試下個3$98套餐

睇完今期飲食雜誌以韓國菜為主題，腦海中不停回憶住之前食過咩好味嘅韓國菜，突然諗起之前食過一間韓式冷麵，好想同大家分享一下。土瓜灣附近無大型商場，無娛樂設施，平時大家放假都未必會黎呢頭消費，而偏偏在偉恆昌嘅韓式小食店仁沙洞，就令我覺得值得專登到來開餐。仁沙洞設計裝修平庸，感覺跟韓國本地街坊小食店差唔多，如果唔係有中文餐牌，望住韓國人老闆真係以為去左韓國旅行一樣。韓國餐主菜通常都簡單不花巧，一大煲溝埋自己搞掂，但餐前小吃就係無比精彩，仁沙洞晚市如食得豐富一點的話，泡菜甜薯咸魚仔銀芽等一定夠你食一大碗白飯，不過午市就只有泡菜甜薯，同樣令我食得滿足。泡菜方面辣度唔算強烈，菜身食落酸度一般，味道亦唔似超市買到嘅感覺，估計可能係老闆自家醃製，懂韓文嘅朋友不妨到來求証一下。甜薯香甜好味，咬落鬆鬆軟軟果種感覺，非常討好，送飯更加係人間美味。今次我點選可能未必係大家平時至愛嘅熱湯麵，亦唔係食韓劇入面果堆黑漆漆嘅炸醬麵，而係我至愛嘅辣什錦冷麵($58)。冷麵用一個大銀盤裝盛，侍應同時亦放低兩大支醬料同一把大較剪，先將麵線剪斷，再將醬料攪勻先至食，大大支黃芥辣汁同埋酸醋任你落，出面實屬罕見，而我一向肆酸如命

連續吃了兩晚, 真的很誇張呀! 但這裡的食物真的很美味! 值得推介!!!人參雞湯 , 牛肋骨湯十分入味!!壽司卷用料十足, 一定要試!! 另外冷面和年糕也很有特色!!所以,一定要來這裡試下正宗韓國菜!老闆也是韓國人! !

之前好少去土瓜灣的, 因為探人嘅關係才去. 但去到先發覺, 原來土瓜灣都幾多好食嘅食店. 初初入店時都冇抱住特別嘅期望, 只不過係唔想食中菜, 就是但入一間店食飯. 入到去發覺老板好以係韓國人(因為聽到佢同D食客講韓語), 心想韓國人開嘅韓食店, 應該唔會太差掛. 叫咗D最普通嘅食物, 因為覺得如果最普通嘅食物都唔好食, 其它都唔會OK得去邊. 炆牛肋骨定食 HKD65 - 韓國人煮的炆牛肋骨真的非常美味, 無論係咩價錢, 汁嘅味道都唔會太差, 甜甜地, 配飯一流, 但肉方面覺得以簿牛仔骨多過牛肋骨, 不過都炆得好軟 石頭什錦飯(豬肉) HKD56 - 飯好夠熱, 仲有飯焦 tim, 好怕有D食店嘅飯只係微熱 ... 飯, 係要夠熱先好食的 (記食要加韓式辣醬伴呀) 辣泡菜餅 HKD58- 唔係好辣, 可以再煎乾 D 就會脆 D, 香口 D. 總括來說, 這個價錢, 這種質素, 這種份量, 我覺得好 ok. ^o^

因這店舖前身的關係, 我們常以為這是唔正宗不好吃的, 但某日老公看了些好食評, 決定來試一試炆牛肋骨是我們通常會點的, 但不知是否眼大看過了, 只找到上湯牛肋骨, 那就嘗一嘗吧湯清有很濃的牛味, 牛肋骨雖不是貴價的, 但也很好吃, 老闆看我不甚懂加調味, 還很親切地教我加胡椒粉和辣醬鐵板泡菜排骨雖較辣, 但排骨很好吃兩個餐的前菜都有水準, 泡菜, 炆薯仔, 卷蛋, 炸飯卷, 波菜皆好吃回味無窮, 過幾天我們又到來嘗其他料理炆牛肋骨始終是首選, 牛肋骨和上次一樣, 炆得也算入味人參雞湯不是自家的, 雞一般, 無參味, 但算用料多, 還可以泡菜薄餅係推介的, 全餅紅色泡菜, 不油膩, 凍了也好吃今次我們還遇到韓國人到來幫親, 感覺更正宗

寫食評，有時候就會有點矛盾的心情，希望能將美味的餐廳公諸同好，但同時又害怕餐廳出了名，人客多了，對我這個愛好者，就會帶來用膳最怕的找位置問題，更擔心餐廳的食物質素下降。這間仁砂洞，看它的知名度漸漸上升，靠的絕對是真材實料。我常來吃午餐，價錢十分經濟，又能享受韓國美食。今天點了牛肉什錦飯和烤豬肉飯（辣）。牛肉什錦飯，配料豐富十足，對怕熱氣的人而言，絕對健康。食法跟石頭飯相似，要混辣醬攪拌食。有時候侍應或老闆會查問需否幫手，這服務很貼心。另外一個烤豬肉飯，豬肉很Juicy多汁，用韓式辣醬炒過，配飯一流，而且份量也很足，很好吃。兩個飯都附上泡菜跟蘿蔔，兩個配菜都不錯，尤其泡菜，跟超級市場買到的比，絕對優勝，所以常常都不禁全部吃掉。午餐價錢很合宜，只是晚餐的價錢，就有點偏貴，希望餐廳也設計一些晚市套餐。

午市套餐: 牛肉雜錦鍋飯大大碗,好多菜,牛肉入味,提供之醬汁稍為失色烤雞肉定食太甜,芝麻好香咖哩吉列豬扒飯似日式咖哩,甜而不辣又唔香,豬扒o鞋o既泡菜唔夠辣,最好係碗蘿蔔湯,清甜不油店面分兩層,下層來了一團韓國遊客,吃火鍋及辛辣麵,加上職員說韓語,個LCD Mon又播韓劇,真係好韓feel呀

一間由韓國人開的店舖,正宗與否對來我說並不重要,食物的質素才是重點,中午時段人流並不多,沒有嘈雜的聲音,簡單的裝飾,坐得舒服,還有電視機播放著韓國節目,雖然聽不懂,但好像身在異地,遠離香港人生活緊張的狀態,可以悠閒地慢慢享受一個午膳.烤雞肉飯$30~~醃過的雞肉,有其獨特的香味,簡單的蘿蔔湯清清淡淡,甜薯仔也好味金槍魚紫菜包飯$25~~大大卷,餡料豐富,唯獨飯唔夠黏性

土瓜灣偉恆昌的韓國快餐店"仁沙洞",已開業兩年多,人氣有增無減,周日晚上竟然要等位.很喜歡吃韓式的牛肋骨煲,銅鑼灣的莊園做得很好,試試仁沙洞的牛肋骨煲,又會是如何樣子.前菜幾小碟,泡菜很照顧普羅港人之口味,嫌未夠酸辣,甜薯仔鬆軟香甜,銀魚仔,醃青瓜,卷蛋也做得不錯,單憑這幾小碟來送飯,已夠,連主菜也可省回.牛肋骨煲份量不大,起碼不是將個煲裝得滿滿,牛肋骨肉比較少,不算豐厚,但炆得夠入味,肉質鬆軟,味道香甜.粉絲吸收了牛肋骨煲內的醬汁,也可當麵吃.價錢在土瓜灣不算便宜,但比上韓國菜館,點同一樣的牛肋骨煲平.當同區的新梨花苑結業之後,頓成全土瓜灣唯一的韓國菜,所以現今生意興隆.

星期六中午, 一行三人就順路入去試試, 但大家都話冇下次! >_<”牛肉什錦飯牛肉絲得少少, 又凍又鞋又乾, 但好多冷配菜, 仲有隻太陽蛋係飯面, 又凍又乾硬化左, 好似道具假蛋咁, 個飯跟埋辣醬, 自己撈勻飯餸辣醬進食, 辣醬就幾野味, 最討厭D飯係微暖咋!白蘿蔔湯夠熱, 冇咩特別~前菜 ~ 蕃薯&泡菜, 泡菜唔好食….很有色…但完全冇味!烤豬肉飯(原味)三份餐中算是最正常的一樣, 豬肉炒椰菜夠熱, 又係最討厭D飯係微暖!牛肉辛拉麵朋友覺得十分難食, 好不容易吃了一半, 已停筷了! 我朋友很不滿話:我果碗係辛辣麵，但買包即食既仲好味過佢多多聲呀仲有危險事, 等緊上餐時, 前方的風扇外殼突然從高處跌下, 好彩那兒的坐位未有人坐咋!

好低食又好好食!真係要讚!!!啲套歺好夠份量! 仲有啲小前菜任食!!!牛肋骨超好食,值得一試!!環境就普通,但地方夠大~如果可以裝修一下就更好了!啲service好好!會耐不耐過黎幫手反下啲烤肉!我會推介俾朋友~

人蔘雞湯牛肉炒粉絲飯炸醬面人蔘雞湯味好淡飲到好微既蔘味但就飲唔到雞湯味半客要65蚊個人覺得唔化算牛肉炒粉絲尚算合格係牛肉少左d粉絲炒得幾煙銀個炸醬面就第一次食感覺普通喇要比較就上海粗炒好食d每一樣都有跟泡菜同埋羅白湯好清甜幾好飲

由於呢間餐廳距離公司都幾遠, 真係好想試下, 所以今日專登坐車去食…order了兩個set lunch白蘿蔔湯: 白蘿蔔切薄片, 清清哋, 唔錯吖！牛肉什錦飯：由於呢個係撈飯，廚師親自送餐及在客人面前才加入醬汁並攪拌，唔食得太辣嘅『食家』，可以叫佢落少啲醬… 不過辣得嚟又幾好食. 什錦飯好足料，加入大量芽菜，真係唔錯呢！烤雞肉飯: 賣相一般. 可能太少醬汁，入口有點乾

太太好像很喜歡到這所開在土記舊區內的韓菜小店。兩口子是夜不打算到菜市場買菜做飯，就決定吃簡單一些，一人來一份韓式快餐好了.....一向蠻熱愛吃韓式的"太卷"，這兒將之叫作"紫菜包飯"。叫做甚麼倒是沒有太大所謂，只要好吃便可以了。叫了一份以烤牛肉作餡的，紫菜有點不大夠脆口，感覺有些凉，好像剛從冰箱拿出來似的；好處是料下得足，除牛肉外還有雞蛋、紅蘿蔔、青瓜及很爽口的醃甜榨菜，味道鹹甜有致，當作是餐前小吃抑或是正餐(因對胃納較小的朋友來說，份量就剛好了)，都是挺不差的....辣泡菜炒豬肉是真的辣得嗆喉的，不可小看，但又吃得極過癮，人就是這樣了，有一點潛意識的作賤心態。豬肉切得大大件，很有韓國人的那份豪邁之情，但就是質感粗嚡，令人卻步.....好久沒有吃過水冷麵(這兒叫作"冷湯麵")。那種吃後冰凉入心的感覺，比起吃辣泡菜的那種過癮，又是另一碼子的事。這兒做的麵條極度煙韌，韌得直頭有點硬，怪不得吃時店方要附上剪刀一把了；湯內有大量冰塊，但喝落卻又不覺味被沖淡，入喉後確是透心涼，絕對是消暑妙品。餡料有一只烚蛋、醃蘿蔔、雪梨片、青瓜及一片牛肉，本應是主角的牛肉片得薄如紙，跟麵條一樣，是韌得要命，可以