人和荳品廠

營業中

休息中

其實是上星期五的事情了因為要早上去旺角做身體檢查,檢查完畢後.找一間食早餐吧,來到這裏,沒有客人,坐下看看有什麼東西好食,價錢也比較貴~最後叫煎菜肉餃,炒麵和豆漿,先說煎菜肉餃,皮很厚,底部不是脆,而是硬的~十蚊不值得炒麵,比較乾~加了少許醬,比較易入口~豆醬反而比較好~比較有豆味~不怕飲~坐下十數分鐘,因為要趕返公司~27元,可以找到好食的早餐~

星期六27/9我同媽咪口痕痕想食野就行黎尼到豆腐叫左：煎魚肉豆腐 - 豆腐一D唔滑,魚肉細舊左好多煎羅白糕 - 薄左,無味,豆卜炒米 - 媽咪之前最愛食的 , 但有料少左好多,D米一舊舊我同媽咪都有同一感覺,無以前咁好食加價都唔緊要啦 , 但水準keep唔到！好難再有下次

無感覺豆腐花：好滑、甜味恰當，是自己加糖的人地話不及荃灣興記，事實都係，皆因無人地個隻風味，漲彈震騰騰的【感覺】芒果豆花、芝麻豆花、黑糯米豆花。咪再搞，無特別，味道仲怪，加上睇得出好求其下…豆漿：ookk喇，不過不失【感覺】。。。對。 何來【感覺】？？

炎炎夏日....食碗凍豆腐花....好滑.....(幾細碗的~)其實仲有好多不同種類的豆腐花.....下次試~但環境唔太好....有很大陣味....(處理豬腸...定浸醃鹵味汁的味道...)急急食完, 急急走~

睇完戲想食少少野醫肚..旺角24食宵夜既地方都試暈晒..係無食過呢間!!要個生菜魚肉 $14 ,OK啦...清清地加D糊椒粉,魚肉唔腥囉!!再要左個9菜豬紅豬腸$18 ..呢個真係正!!豬腸洗得好乾淨無怪味!!!!9菜爽口豬紅入味!!!真係要比10分佢!!!!豆漿要7蚊,而可樂都只係6蚊..哈..真係咁好飲??環境擠迫..坐唔耐架...不過會再來既...為左個豬紅豬腸

今日好想食涷豆腐花, 行到花園街附近見到有間食豆腐花 , 甘就入去食碗啦!地方細服務差我全部不介意 , 只要豆花正食完就算 。 叫左碗涷豆花 , 一黎到 , 嘩 , 唔係呀嘛 , 碗野碎晒瓓晒 , 好似嘔出黎甘 , 唔係人為攪難果隻(我巳經唔係挑剔的人唔係太差我都照食ga啦) , 我一畢起第一啖 , 就好似腐竹糖水甘 , 超市果d豆腐花好過佢多多聲 , 佢夠膽收人10蚊被喱d豆腐花人食, 真係想叫個師傅出黎 , 咩叫做豆腐花 。 做左甘耐人都未食過甘難食ga豆腐花。

睇完戲去人和食小小嘢,估唔到現在人和有好多嘢食,油渣麵好耐冇食過,再食依然好食,但已唔敢食油渣,豬紅豬腸好好味,豆槳略為豆味不夠,此價錢總比早上那餐抵食.

尋日下午行完街求其d食下再行,早知唔食好過...我地4個人,入到去好細,有好多人,無奈要坐在廚房口,隔離放晒食完d碗碟,d亞姐行行去,見到個環境都唔想食呀!之後佢地叫左豆腐花、魚肉翅、煎豆腐、芝麻糊同煎餃,我食左煎豆腐,頂.....魚肉有骨,豆腐鞋過你亞塊面呀。個亞姐芝麻糊時,隻手指放晒入碗野度,話完佢,佢都冇反應,最後係冇食度,叫左魚肉翅好耐都唔到,到時係冇魚肉翅,都算。d煎餃仲要贈送一條眼睫毛,非常嘔心呀!走都走唔切呀!!比多多錢我都唔會再食呀!

尋晚(12-9-2007 Web)最後一堂出o黎學o野,橫豎又去奇趣買豆沙燒餅做今日早餐,把心一橫,行前多一條街買支豆漿配合.今朝食完兩件豆沙燒餅後就飲豆漿lu.嗅就冇咩味,飲落好重豆味,好似飲豆腐咁,但甜o左啲,我就覺得淡返啲會更好飲.

(3/4)　　是夜晚歸途中，經過此店燈火通明，忘記吃晚餐的我，片刻間留在這店上。興之所致，點一杯熱豆漿，想想又怎能欠缺粢飯？點了這兩款之後，沒有看過那煎爐的情況下，便衝動地點了煎釀豆腐。事後，回望看那個煎爐，白天的油煙、煎炸聲欠缺，只剩下寂寥的煎釀豆腐平行而列，還以為那是賣剩的食品。此情此景，大大降低了食慾，惟有喝一口豆漿定神，豈料這豆漿味道有清醒作用，過甜，清香的豆味欠奉，回想起順興隆甚至公和，更見分別；那微溫的煎釀豆腐，略嫌鬆散，味道較淡，只吃了兩件便成了。那件粢飯，糯米略有點硬，但餡料的味道屬可級。在這接二連三的考驗下，食物還剩了不少，實在有點慚愧。　　萬料不及這份驚喜，更勝收取禮物，這便是他親自烹調的麵包布丁。首次品嚐他的出品，我笑著說：「哈哈，你的甜品樣子精美，不知味道如何？」他只笑而不答。入口的布丁，香濃的牛油味，不會過甜，熱辣美味，這驚喜與之前的大相逕庭。　　另一邊廂的我反問自己，我喜歡他的布丁，還是他的心意？

20070406用了十分鐘的時間坐下、點東西、吃完、埋單，熙來攘往的小店，阿姐就在身邊煎著滋啦作響的豆腐，市井氣息真是濃厚的很：）魚肉煎豆腐很正，熱辣辣的，豆腐夠滑，魚肉也香，煎得略帶一點焦但又不是很油，剛剛好：）追加的凍豆漿相比較而言就跑輸大市，像溝了水，令人有些失望。

要了3個熱豆花加1份粢飯。豆花($10): 夠熱﹐夠滑﹐甜度適中﹐有豆香但不足。粢飯($8): 夠熱但很難吃u.u" 油條唔脆都接受但炸菜都唔多有味就過份左小小囉! 肉鬆都無味﹐飯煙韌度又不足!! 每人咬了一﹐兩口就放下。食評唔計個粢飯所以係笑臉

行完花園街街市,熱到標煙!!諗住食碗凍豆花降降溫,唔係中暑都似!!坐係煎豆腐爐隔離,望住煎得金黃香脆既豆腐、餃子都無胃口食.....凍豆花($10)睇落好滑,但食落係兩回事!!可能人流太多關係雪唔切又或者雪櫃經常開關,凍豆花係唔多凍囉!!而且又唔滑,我覺得可以用硬黎形容,比neway 既更差=( 後來至記得滑滑豆腐花係公和,鬼叫自己無記性咩!!臨走外賣一碗剩豬腸($20),今次d豬腸唔太肥,而且唔會太淋,今次口感幾好,只係落左太多胡椒粉,好辣!!

豆花好滑, good!芝麻糊太淡...> <整體上我覺得芝麻糊同豆花兩樣野完全無chemistry......咁撈法唔係好work......傳統豆花應該會仲好味......其實唔難食....但又唔講得上好食lor.....d阿嬸個樣好惡，服務態度唔係好得...

$9一碟的豉油皇炒麵的而且確令人有驚喜, 碟頭大之餘, 又唔會話太多油, 重有超多芽菜, 唔會好似一般炒麵咁, 比得好少芽菜, 呢碟炒麵食落好似覺得健康少少(雖然都係肥囉…..)另叫左個鹵水豆卜($6), 一碟有好多舊喎, 個味同色都唔係話好鹵水, 但味道都不錯, 清清地食落好fresh, 但係豆腐有少少油益味….可以improve下。豆漿就一般，本來諗住會好似自家製豆漿咁, 但呢度飲落似係街製咁…