京都薈

營業中

休息中

在今天這個日子九月十一日，約左八位舊同學，共九個人去午餐。去了這間酒樓，前身是一間戲院，所以視野廣闊和光猛，樓底正常，並沒有壓迫感覺。沒有太多橫條。座位濶落，等待時間不長！在午飯時候，並不嘈雜，晚上小菜都好多！而且有多款套餐和卡拉ok.午間茶市價錢都合理。叫了不少㸃心和飯，鴨腿湯飯熱騰騰，湯底清而不帶點「囌味」感覺，有果皮香味，味道清甜！加碗白飯，正能量回來了。其他點心亦不俗，腸粉，牛肉，蝦餃，燒賣和鮑汁雞腳。都是自家弄👍⋯⋯蛋白菜粒炒飯，粒粒分明。火氣👍⋯⋯至於最後懷舊甜品：黑糖蜂蜜榚，唔甜，柔軟鬆化。薑汁糕：薑越老越辣，無得頂。芝麻卷：折開一片一片在口裏面，懐念童年味道。鬆化蛋散：入口溶化。完美午餐。最後承恵$911（真的應景）😱😱😱

最近常來此店，因為價錢親民，食物美味。之前有的侍應常神遊物外，最近來了新的侍應，水準大提升。每次到來必點清蒸沙巴龍躉仔，星期一至五$48，星期六日假期$58，肉嫩滑味道好，超值！乳鴿皮脆肉嫩味道佳，也好吃。焗芝士龍蝦伊麵的芝士味道較淡，改為蒜蓉蒸龍蝦的話，味道應較好。薑蔥粉絲蟹煲非常惹味，蒸鮑魚肉質軟，味道也不錯。至於帶子西蘭花，帶子又大又好味，有驚喜。有美味餸菜，再加冰凍啤酒，又和家人共度一個開心晚上。這店快要變成我家的飯堂。

之前來過幾次，都是吃晚餐，這是第一次早上來飲茶。不少酒樓在星期一至五都有早茶特價時段，星期六日就沒有了，這兒連星期六日也有特價早茶，而且不少點心只是比星期一至五的特價早茶貴$1。點了鳳爪排骨飯、鮮蝦莧菜餃、薑汁雞包仔和紅油抄手。鳳爪排骨飯的鳳爪和排骨雖然不多，但飯很多，味道也不錯。鮮蝦韭菜餃脹卜卜的，餡料多，味道也好。薑汁雞包仔沒有薑汁味，但也好吃。紅油抄手不太好吃，沒有辣味，而且抄手的口感不好，有一種「死死實實」的感覺。這兒的服務也不錯，要改善的是餐具不太乾淨，其中一隻碗邊有食物殘渣，需要更換。

美孚有好幾間酒樓，陶源比較貴，中價之中我最鍾意京都薈，因為坐得舒服，環境光猛，同埋食物質素都唔錯！五個人叫咗12樣點心，10點前有早茶優惠，26.8蚊有孖寶，當中嘅選擇都幾多，其中10樣都係孖寶價煎薄餅就係散叫的，小朋友最愛整體每樣點心都有水準，值得捧場！

今日去美孚飲早茶，呢間唔算多人排隊，點心係即叫即整，叫咗2個蒸飯，煎薄撐，蒸腸粉，生菜鯪魚球同煎蘿蔔糕，首先講吓薄撐，煎得好香好脆，都幾煙韌，煎腸粉同蘿蔔糕都煎得好香脆，生菜鯪魚球d鯪魚好爽口，蒸飯份量唔太多，但d餸都幾多，整體都ok...

2019年3月2日（星期六）酒樓有電梯，方便扶老攜幼嚟開餐，星期六下晝都好多一家大細捧場客，幾旺場㗎!下午茶2:00pm開始。燒鴨瀨粉（$16.8 ）燒鴨大大件，好入味。啲瀬粉淥得啱啱好、軟硬適中，啲湯又唔會話好鹹，味道好、價錢平、抵食黑糖蜂巢糕（$18.8）一籠有4件，其貌不揚、實則係超好味！好煙靱、滲滿清新嘅黑糖香味，忍不住口，好快已經食晒！另外一樣實而不華嘅就係花生麥米粥！千祈咪走寶！潮州粉果（＄16.8）皮薄餡靚好爽好脆，應該係有落到菜甫。鯪魚球加埋胡椒粉同少少豉油都好鮮味㗎 ！叉燒包就普普通通！總共叫咗6樣嘢，埋單唔駛$140。歎咗餐悠閒下午茶，好滿足！

同屋企人嚟食一圍酒席，要不斷催才上第一道拼盤。後續等了30分鐘都未有其他嘢食上，追了4個侍應但完全無結果。同部長講，態度極差只係話煮緊，完全無服務態度並非常串。之後一定唔會再幫襯。非常差。

「夜半輕撕乳」，再度重出漿湖。。。 我覺得我要為「夜半輕撕乳」申請註冊專利，這題目真係有用心思諗過架。會否令你腦中哼起首歌呢？ 係，今餐係食脆皮乳豬。撕開序幕，有蠔皇金錢鮑魚螺片： 是真 • 鮑片，花菇也厚肉大塊，汁的底味扣得不錯。一早燒好的乳豬已在外等候，另伴調味有乳豬醬及砂糖： 芝麻皮也叫有做得到，在不太熱的情況下仍脆，也沒多肥膏，算合格啦。剩下的頭和腳仔？就可以斬或撕來吃囉。翡翠炒蚌片，不知是甚麼蚌，嚼感似魔芋，怪怪哋。炒翠玉瓜和雞柳倒也蠻不錯： 炸物 - 黃金鳳尾蝦： 加了 $300，將套餐原有的魚翅轉做姬松茸響螺燉雞： 湯都幾足料，少少味精感，可接受： 其實咁多料頭，我覺得可以連味精都唔洗落，自信啲，味道也該不會太稀淡吧。$168 / 隻的片皮鴨： 這個可取，叫做新鮮烤起： 用摩摩皮包脆鴨皮、青蔥、青瓜條、甜醬，好吃： 個人覺得店員只會真正片起鴨表面，剩下還有很多鴨肉，可能店方會用來回收再做另一些鴨肉菜式吧。我會建議加錢做一鴨兩吃，炆個涼瓜什麼的，多一個小菜，也可自己吃盡鴨肉。 味道正常的瑤柱扒雙蔬。這些菜式以飲宴酒樓來說，也很難失手吧？！賣相會否令有「密集恐懼症」

每逢大時大節，總會四代同堂吃餐晚餐，每次吃的套餐都是萬變不離其宗，下一道菜吃什麼已大約知道，味道更不可抱有任何驚喜。可是，今次去美孚的京塊薈，完完全全地推翻了我對中式酒家的看法。由於家中長輩生日，特意叫得比較豪氣，有澳洲大龍蝦、花膠雞煲排翅、吉品鮑、大東星班等名貴菜式，以上的款款菜式都製作得十分出色，大龍蝦的味極之濃烈，肉質滲透著一種喝龍蝦湯的味道，是我人生中吃過最好吃的龍蝦；花膠雞煲排翅魚翅大大「梳」，沒想過魚翅可以咁有咬口；吉品鮑有7、8cm長，煮得又軟腍，又入味，十分名貴；至於大東星班蒸的時間剛剛好，肉質十分鮮嫩細滑。吃完這一餐之後，完完全全改變了傳統廣東中菜的印象。

咁多年都只係閱覽openrice，從來都沒開過帳號寫食評,今次條氣唔順忍不住出post，不是特價時段買的，腩仔切雞飯，切雞竟然比2大隻雞翼，完全無肉，斬頭斬尾都唔好咁過份！味道還要不是好，又乾，掛出黎擺的就好睇！幸好美孚還有其他舊式燒臘店舖可選擇，依間入黑名單！

美孚咁多間酒樓，我哋都比較喜歡去京都薈，老爺奶奶覺得早茶抵，我老公就貪佢係舊戲院樓底好高好舒服，我就覺得有𨋢方便老人家。今日難得閒日放假同四大長老一齊飲茶，點心一般啦，叫咗籠仔班件蒸飯，d飯油咗少少，但係都幾多魚同幾好食，菜苗餃都幾快姐同隻蝦幾大呀。鹹水角皮煙韌又熱辣辣係我女女最愛。另外比較驚喜係有懷舊嘅鵪春蛋燒賣，有兒時嘅回憶。又午市食到下午茶，下午茶有特價點心都好抵食，仲有d仔寶套餐都好吸引，下次要試一試。

平時照顧小米，已經很少機會去嘆茶食點心。即使間中飲早茶，都是男家長輩決定食物。 而我，作為晚輩及外姓人，没有剔紙仔的話事權，純粹陪坐的所謂飲茶囉！　所以收到好友邀約飲茶，作為補祝生日飯，真係好開心！　和朋友飲茶，可以自己剔紙仔，選擇喜歡的點心，終於可以正正常常咁飲茶了！　算起來，去年朋友都是去茶樓籠籠點心慶祝我生日呢！　這次提早來到朋友所講的茶樓，提前拎位。　茶市要拎飛仔，等叫號碼。終於可以入座！先看看點心紙。韮菜豬紅　　看到吧部的一大鍋豬紅，浸在香辣椒油裡，細火燉煮，十分吸引，所以想來一碗。可是滑滑豬紅數量很多，食極都仲有，不見韮菜。其實自己最想是食韮菜。醬皇蒸鳳爪　炸過的鳯爪皮十分鬆化，而且醬汁不太濃，没有過鹹，無需馬上飲茶過口。　蠔皇鮮竹卷　大大隻，腐竹皮很軟滑。椒絲腐乳通菜　嚐過多款點心，總要有一份青菜，才覺得健康。通菜全不沾醬，只淨食也很滿足。蛋散　嚐過鹹的點心，又想來一份甜品。ＸＸ糕，ＸＸ糊，太平凡了！看到場內多位長者都在享用這蛋散，原來只是十几個大洋，好抵食！不塊係鬆化蛋散，一篤即散，無需太多牙力，即可品嚐，難怪阿婆都食到！有糖漿的甜味，有蛋味，似鬆化版本的馬仔。嚐過後欲

本來想同家人開開心心食餐生日飯，可惜事與願違。星期六晚入到黎見到得幾台都知道中伏，叫左個漁村海鮮九大簋宴，上湯焗龍蝦伊麵只有龍蝦碎，錦繡金豬盤只有反叮嘅叉燒，蒜蓉粉絲蒸元貝蒸得超級老，鮮紅柿浸時蔬貌似湯渣，唯一好處就係由於周圍無mud人食飯，唔會有逼嘅感覺，但奉勸各位如果真係想食餐飯，真係唔好搞。😡😡😡😡😡😡😡😡😡😡😡😡😡😡🤬🤬😡😡🤬🤬🤬🤬🤬🤬🤬🤬😡😡😡🤬🤬🤬😡

是日有住係附近嘅auntie請食飯，由於上一次嚟食晚飯經驗麻麻，所以相隔一段時間再嚟食香港地酒樓員工轉流快，縱然一次壞經驗，只會暫停光顧1，2個月，好快轉一班人，廚師，樓面都會變動。今次到來見到有頗熱心服務嘅姐姐，感覺好返好多。大部份酒樓有嘅promotion哩到都有，孖寶三寶，每枱限量特價等等，選擇都幾多。燒腩仔個皮少少脆，腩仔肥瘦均勻，孖寶價錢都有三排咁多，抵睇返單先知係金銀蒜，金銀(生熟蒜)就唔多覺賣相都麻麻，味道不過不失啦…萵芛爽脆，上枱仲好碧綠，少少清甜，同蒜味夾到唯獨面頭油+芡汁較厚，影響入口第一下嘅感覺西欄花炒帶子北寄貝，菜甜帶子少少鮮，份量都甬，$68超抵食店員推介嘅龍躉尾，大大份魚尾走油後炆煮，配菜有火腩，冬菇，枝竹，好足料。魚肉結實，外皮少少脆，配搭醬汁味道，口感好豐富好滿足哩個份量夠6-8人食，今日4人晚餐，唯有打包

平時好少寫食評既我都忍唔住要黎寫。有朋友生日睇佐幾間酒樓念住擺兩圍，最終係FB睇到黎美孚京都有party全包晏決定過黎試下。入到酒樓，服務真係一流，一個房仔遮冇念過會有1～2個人專門服務我地個間房既野D人仲好好笑口。D野食仲好好味冇諗過咁既價錢仲可以咁足料，由其個湯真係超好飲，睇到已經留口水，不過冇影到相最後食到個壽包個包古唔到仲有蛋黃係入面。下次有人再攪party都叫佢地黎先。起碼可以黎食多幾餐