京都薈

營業中

休息中

趁住假期，同屋企人嚟美孚飲啖茶．食個包呢間酒樓同港鐵站距離好近，幾寬敞。Lunch嚟到好Full, 不過都好快有位✨香滑芝麻卷久遺了的<菲林>細個時好鍾意食，但呢啲手工食物已經開始絕跡，唔係好多地方食得到，味道同口感都Keep到水準，我依舊係鍾意拉開一片咁食先夠滋味✨脆皮乳鴿乳鴿都幾多肉，燒得恰好外皮香脆✨ 蟹籽燒賣皇燒賣大大粒，蝦肉爽口，兩粒有點唔夠喉✨ 水晶蝦餃皇蝦餃外皮唔會太厚，裡面蝦肉飽滿大大粒✨ 瑤柱灌湯餃識食一定要先飲啖湯，味道清甜唔油膩，灌湯餃足料夠大隻，仲有瑤柱，真材實料。餃皮唔會因為浸住湯而變淋✨ 蜜汁叉燒包叉燒包大人小朋友都喜愛，雖然唔算大個，但餡料比例都算多食物質數．服務同舒適度都滿意，見到大閘蟹餐都好正，下次晚餐要嚟試

美孚傳統老字號酒家， 推出平靚正海鮮。 一場街坊一定嚟支持。蒜蓉粉絲蒸扇貝， 扇貝 好鮮甜 即叫即蒸 正度剛剛好 甜甜嫩口。 配上蒜蓉同粉絲， 粉絲把扇貝的 鮮味 吸收。清蒸魚 大大條 清蒸沙巴老虎斑 估你唔到只係38元真係抵過自己喺街市買， 條魚好嫩滑。魚的肉質鮮味 配上小小 薑蔥 非常好味魚的肉質彈牙 食得出是 新鮮好味的 沙巴老虎斑。薑蔥桶蠔， 桶蠔有好多隻好蠔， 首先 生蠔煎水薄薄的粉 炸熟佢。 然後配上 薑蔥 一鍋薑蔥桶蠔就咁完成。除咗沙巴老虎斑 仲有其他優惠 例如 加拿大龍蝦， 脆皮飛天雞。 3款只能選一款

京都薈 (美孚)美孚美孚新邨4期百老匯街73號地下及1樓酒樓座無虛席，好多特色招牌菜，抵到你唔信，一蚊一隻脆皮飛天雞，🐓都幾吸引客人嚟食。脆皮雞，燒得好靚，紅卜卜，皮脆肉嫩，肉汁味甜，用手套滅嚟食，特別之味，好好食，讚👍👍👍蟹子海蜇，大大條，好清新爽脆，加埋啲蟹子一齊食，超鮮甜😋😋😋豉汁炒蟶子，好入味，鮮甜，爽滑，好夠師傅，僅屬唔生，一啲都唔韌，超級好食😋值得推介🥳🥳🥳再食兩隻大閘蟹，蟹🦀️肥，膏滑，食到上顎黐下顎，鮮甜無比，津津有味，大家必食😯，飯後飲返壺靚普洱，大滿足😃😃😃

朋友介紹去咗美孚京都薈食中菜晚餐。黎到有做婚宴廳既酒樓食飯，係因為環境通常好華麗好靚，岩曬同長輩食飯唔怕失禮。酒樓有獨立電梯直上， 另有長樓梯裝橫優雅。樓底夠高， 環境寬敞🤗， 氣派十足。晚市孖寶C ＄198(半隻脆皮燒雞+蒜茸粉絲蒸元貝)燒雞肉質鮮甜不油腻，外皮夠脆。不過不失。即叫即整，蒜蓉同粉絲作鋪設，上面一大粒元貝，簡直天作之合，大約等10分鐘就有得食。西蘭花炒蝦球 $128熱辣辣啱啱整，配埋三色椒一齊食，口感更加豐富。晚市茶位$15一位，及有加一服務費。

登登登…終於食到大閘蟹放題喇🤤🤤因為之前冇食過所以左諗右諗。揀左e間酒樓，本身酒樓係做婚宴嘅，所以座位都好闊落。我地6點鐘入坐，叫左嘅蟹都算快送到，每次一枱可以叫6隻🤤隻隻大閘蟹都爆曬羔，仲流黃油👍🏻仲要大大隻，蟹腳都有肉🤤服務員都好貼心，時不時會換下碟🥰除左大閘蟹，酒樓仲送左花膠雞湯，蠔皇鮑魚扣王掌😋仲有任食片皮鴨，臘味糯米飯等。所以性價比超高👍🏻😋最後仲有甜品，各式糕點都可以任食😍

今晚去呢間美孚京都薈食大閘蟹任飲任食放題$498/位 連茶加1—大約$564/位上蟹都唔算快，要催幾次，全部蟹乸，但都總算不錯多膏！*鮑魚扣肉掌*蛇羹或或胡椒花膠雞湯二選一*臘味糯米飯任食*片皮鴨任食*Movenpick一杯*任飲啤酒，汽水叫咗兩次片皮鴨，就話冇晒，蒸蟹速度又慢，搵經理黎，佢話真係冇晒片皮鴨，我地好失望，佢話送你半隻燒鵝，態度好好，再拎多12隻蟹比我地！話有咩事搵佢，算係咁啦！職員態度都好好！最後又唔夠雪糕😂🤣🤣🤣差一杯！送左4碗紅豆莎。總括來說，d蟹新鮮多膏！其他糯米飯，片皮鴨，鮑魚扣肉掌都好食👍🏻👍🏻👍🏻

前幾日去咗美孚搵好嘢食見到呢間酒樓<<京都薈>>好似幾吸引所以就入去試吓入到去見到要行幾層樓梯先上到去,不過左邊原來有部Lift可以畀你上。老人家就會方便d la。再睇下個餐牌,見到有個十蚊雞幾吸引因為我哋都多過五個人,所以可以嗌到兩隻,嘩!隻雞嚟到,好有驚喜!酒樓部長上菜嗰陣見到隔離枱個個都望到實一實(脆皮飛天雞)隻雞上到檯仲熱辣辣,仲滴緊油架!不過要注意,隻雞要自己分開一舊舊(又有多樣嘢玩XD)塊皮都有少少脆,鹹味都好夠,唔係虛有其表,10蚊抵到爛另外都嗌咗其他嘢食(腐皮素雞)唔會好油,正常水準(南乳雜菜煲)粉絲好好味索曬啲南乳味!(小炒王)小炒王要讚讚佢,韭菜花炒得啱啱好唔會太熟唔會太生同埋個碗上獻埋得靚同埋魚乾夠脆有香口有鑊氣!必食之選(菠蘿生炒骨)佢哋啲菠蘿生炒骨幾特別菠蘿同啲生炒骨係分開嘅同平時食開好唔同不過可能要注意返菠蘿比較凍,但個餸就熱嘅可能想叫你當飯後果食不過anyway呢個幾特別嘅體驗同埋份量都好夠如果唔介意菠蘿同生炒骨分開,可以試下嘅推介菜式:脆皮飛天雞小炒王#小炒王#飛天雞#性價比高#抗通脹

今日去美孚探朋友，順便周圍覓食下，見到美孚新村內商場百老滙內有唔少餐廳茶樓，見到京都薈的門面幾靚，於是就同朋友行入去睇下。茶樓係喺一樓，有升降機同有樓梯選擇，岩大人🧑細路👦。我地平日晚餐時間入去，一坐低就見到大大個特價食物推廣餐牌，有$10隻雞有$28嘅酸菜魚，但要留意只可以揀一樣。我地七個人可以叫兩隻$10雞，咁除咗炸雞，我哋梗係要試吓其他野嫁啦。除咗依樣，我哋仲嗌咗其他食物，好似炸素雞，蒜蓉炒小白菜🥬， 南乳素菜煲，雜菌炒伊麵，菠蘿咕嚕肉，小炒王炸雞🍗 好好味，皮好脆，但美中不足係原隻上菜，要拖埋助手黎食😂 因為要佢剪雞，雞其實唔多肉，但$10算係咁蒜蓉炒小白菜🥬有唔同菜揀，印象中有十多款，任君選擇。炸素雞好正常，無咩特別南乳素菜煲味道普通，粉絲唔係幾夠味雜菌炒伊麵好少料，唔好味菠蘿咕嚕肉呢碟好特別，菠蘿和咕嚕肉係分開上菜的，菠蘿係凍，咕嚕肉係熱，唔係幾接受到小炒王幾好味，足料

喺美孚附近行過見到呢間中式酒樓好似幾抵食所以就入咗去試下。酒樓入口有電梯，都幾方便。可以方便老人家或者行動不便嘅人。上到去裝修都好靚，有啲位置有梳化。夜晚有啲特價嘅送今次我哋試咗脆皮飛天雞因為我哋有八個人所以可以叫到兩隻都係$20，真係好抵嚟到嘅時候新鮮熱辣，擺碟造型都好特別其他枱嘅客人都望住，哈哈當然我哋都全部相機食先^_^用鉸剪剪開之後啲雞都好脆同埋好有雞味除咗脆皮飛天雞之外仲叫咗其他小菜因為有屋企人食齋同埋最近食得比較油膩所以都叫咗啲清淡啲嘅菜清炒小白菜生炒排骨 好香脆伴碟嘅菠蘿分量都唔細都好鮮甜南乳粗齋煲小炒王 送酒一流總括嚟講佢嘅小菜份量都好多好抵食。值得一讚嘅真係嗰隻脆皮飛天雞冇諗過呢啲推廣優惠會咁抵食下次想試吓佢個酸菜魚同埋個蒜蓉蒸龍蝦

見到上網推介這裏的$28酸菜魚，慕名一試，結果驚喜萬般。入到嚟，全場坐滿，幸好我們只需等一張枱。本來以為屋苑酒樓，一定會有位所以沒有預訂。一坐低我們就叫了$28酸菜魚，這是我人生食過最難食的酸菜魚。魚不是有骨這麼簡單，而是全部都是魚鰓魚頭魚嘴的位置，請問我食什麼魚？到配菜上，萵筍搵了成碟，只有四舊。豆卜，是硬的，硬到吸唔到湯的汁。到寬粉，寬粉份量幾多的，但黐住一住，即是4，5，6，7條搭着一齊，沒有分散。當我對這間酒樓完全失望的時候，高潮來了！下面的四碟餸，令我對這間酒樓完全改觀，亦都不知道怎樣評價食物質素。首先食豉汁炒蟶子，$128聖子新鮮大隻爽口鮮甜，紅椒豉汁青椒的味道恰到好處，一句講晒好食。鮮蝦荷葉飯$108這荷葉飯好大碟，我們三大一細食，每人都有兩碗幾，飯質粒粒分明，加了些類似鮑魚汁，蝦比較少，有些肉粒。脆皮牛坑腩，皮脆肉滑，皮炸得非常酥脆，很薄。他配上一個特有醬汁，甜甜蜜蜜很開胃惹味，中和左炸牛油膩感，入口豐富，充滿不同嘅香料味，令到成疊餸昇華10倍。因為酸菜魚太不滿足的關係，最後再加了一個大澳香蝦骨。也是想像不如預期🤷🏼‍♀️想像是醬汁抄蝦的樣子，出來時炸豬扒，又一個驚喜。不

見到佢有晚食特價餐單，就決定去試試～呢個酒樓推出咗幾樣超特價菜式，包括$10雞、$28酸菜魚同$28半隻龍蝦。好想3樣都試曬，不過一檯只限叫一樣，所以我今次同朋友就決定要酸菜魚。酸菜魚雖然係特價價錢，但份量同正常嘅係一樣咁大👍🏻味道就唔係特別好，我同朋友都覺得區唔夠酸同唔夠辣。不過呢，呢個價錢就當係過下口癮啦～我地仲叫咗蒜蓉粉絲蒸扇貝($98/4隻)啲肉質其實有啲差🙈不過一分錢 一分貨，所以我係收貨。而且佢啲汁送飯一流，我同朋友都用啲蒜蓉粉絲送咗成碗白飯！😋值得一睇係呢個酒樓坐得好舒服

久不久也會來這店吃晚飯，因為店子的清蒸沙巴只售$68 ，實在超值。清蒸沙巴：這晚的魚比以往的大，三個人吃也足夠。蒸的火候剛剛好，肉質嫩滑。魚肉的味道也好，就是豉油有點過淡。只售$68 ，老實說，自己在菜市場買原材料也買不到。五指毛桃鮑魚湯：這湯太清淡，下次不會再點。至於鮑魚，有一隻，只是個子太小，在湯中找了好一會才把它找出來。上湯海皇雜菜煲：菜多，粉絲多，蝦、魷魚圈、蚌等海味食材也不少，不過味道也是有點過淡，後來請侍應給我們一碟豉油蘸着吃。蒜頭豆豉蒸蟶子皇：蟶子皇本身已經頗大，上面鋪滿蒜蓉和香蔥，下面墊住金菇和粉絲，看起來個頭更大。肉質爽口，味道鮮美，下次會再點。

美孚果然係傳說中既美食沙漠，有事要忙所以係呢區食中午飯，芝士蝦春卷好食，但係龍躉頭腩蒸飯出大件事，魚鱗冇去除，仲要啲魚頭腩有一半都係咬咬下咬唔入，諗多兩諗先覺得係未熟，問題係128蚊加一嗌呢個飯我點可能冇要求，貴又貴過人仲要煮唔熟比人食同個部長講之後都算佢識做，三番四次講唔好意思，話可以贈送糖水或者點心，但我家人都冇要

因為做嘢去到美孚求其搵咗啲嘢食填肚！為實在太肚餓，三點先食午餐睇到啱就入去食～ 呢間之前好似食過一次今次嗌咗好多內臟食呢度嘅點心都幾多款式除咗金錢肚，仲有牛柏葉！而家諗起原來佢落漏咗魷魚我哋！！！！！！呢度啲點心大致上都規規矩矩，味道同份量正常不過可能非常肚餓，好似食咩都覺得好好味😋太肚餓啦，🤣搞到啲相全部都認得咁衰佢個燒賣就比較差，因為好多肥肉，唔係好覺有認認真真一舊瘦肉！睇呢度嘅服務態度唔錯！啲姐姐勁有屋村嘅親切感

有次行過美孚站一出就見到大大個牌寫住大閘蟹任食，見咁近地鐵站，所以就book左同屋企人試試😻😻😻講明大閘蟹係主菜，咁最緊要一定係啲蟹嘅質素。不過首先呢個要提一提，侍應捧住勁大盤蟹入黎，佢勁有禮貌同我地講解要點食先至好味。呢個真係好少酒樓做得到。👍🏽見到勁大盤蟹熱辣辣，又大隻，望到都覺得好正🤤一打開見到講多膏，唔講我真係以為係海膽添！仲要香噴噴，入口肉質非常新鮮，質素絕對對得住呢個價錢。😎我地仲叫左片皮鴨，配埋京蔥，最傳統食法，爸爸媽媽都話非常好食☺️仲有燉湯，用料超足，仲有隻鮑魚仔係裡面，好夠火候。🔥當然唔少得仲有糯米飯任食！成晚整體黎講十分滿意，值得推薦俾大家試試😋😋😋