京都薈

🙌🏻一間隱藏喺美孚站附近嘅老字號酒家——「京都薈」！晚市優惠勁到嚇親人，$1就食到片皮鴨/灼海生蝦/脆皮飛天雞，簡直抵到爛！.🦆首先講吓個$1片皮鴨（原價要$228㗎！），雖然係優惠價，但份量一啲都唔馬虎！店員即場係你面前片，鴨皮烤得香脆，油香十足，夾住薄薄嘅餅皮，加埋青瓜同甜麵醬，一口咬落去——正呀！14片餅皮足夠2-3人分享，記得要提早訂座，因為每日限量㗎！.🦪蒜蓉粉絲蒸大蟶子絕對係必點！四大隻蟶子足足有成隻手掌咁長，肉質鮮甜彈牙，蒜蓉香味爆棚，底下嘅粉絲吸盡蟶子精華，啖啖都係海洋嘅鮮味！.🥦西蘭花炒帶子鑊氣十足，帶子大大粒，外層微微焦香，內裡保持嫩滑，西蘭花爽脆清甜，健康又好味！.🧆話梅山楂一字骨係驚喜之作！酸酸甜甜嘅話梅山楂醬汁非常開胃，一字骨燜得軟腍入味，輕輕一咬就離骨，送飯一流！.👍🏻總括來講，京都薈作為老字號酒家，食物質素保持水準，晚市優惠性價比超高，環境乾淨舒服，服務態度唔錯，絕對係街坊飯堂之選！建議大家提早book位，因為晚市真係幾爆場㗎！…查看更多

在美孚開業多年的京都薈，一向以高性價比見稱，而且交通方便，今晚約同朋友來吃晚飯。酒樓面積不少，裝修華麗，夠空間感，不侷促。餐牌上的特惠晚餐非常吸引，還有多款不同菜式可以選擇。晚飯優惠三選一：「脆皮飛天雞」賣相獨特，用架撐起燒雞，熱騰騰送上。燒雞真正皮脆肉嫩，肥美多汁，肉質非常幼滑，加上外皮燒得香脆，每一口都吃得好滋味。晚市大特惠：「深海大龍躉兩味」-翡翠炒龍躉球龍躉球厚肉大件，夠鑊氣，炒得香口，肉質鮮甜彈牙，鮮味十足。加上翠綠爽口西芹，最佳配搭。-金銀蒜雲耳蒸頭腩頭腩一樣是啖啖肉，而且骨膠原豐富，蒸的煮法更加突顯龍躉的鮮味，口感更加幼滑，有另一番滋味。配上爽口雲耳及香蒜，令口感味道更上一層樓。小菜「新鮮菠蘿咕嚕肉」賣相不俗，有開邊新鮮菠蘿伴碟。咕嚕肉新鮮即製，夠香口，選用梅頭肉，不肥膩，同樣高水準。配上酸甜芡汁和新鮮菠蘿，是個開胃菜式。整體而言，用料高質新鮮，烹調得宜，價錢實惠，服務周到，下次再來嚐其他菜式。…查看更多

餐廳位於美孚新邨，環境寬敞舒適，裝潢典雅，帶有濃厚中式風情。京都薈的晚飯三重套餐誠意十足，份量豐富，味道出眾。枝竹火腩炆班頭腩入口即化，魚腩油香四溢，配上吸滿湯汁的枝竹，滋味無窮。脆皮燒鵝皇皮脆肉嫩，鵝脂香濃，令人回味。白灼海生蝦鮮甜彈牙，展現食材原味。配菜選了京都焗排骨，醬香濃郁，肉質鬆化，與主菜相得益彰。另點的黃金魚皮伴蝦球亦是亮點，魚皮酥脆不油膩，蝦球爽口彈牙，口感層次豐富!晚市優惠的燒鵝皇只需$38，性價比極高。服務人員親切有禮，出菜速度亦令人滿意。無論家庭聚餐或朋友聚會，京都薈都是不錯的選擇。…查看更多

幸福嘅一餐，當然就係同自己喜歡嘅人或者屋企人一齊食飯，人多去叫餸食飯就最啱，每人揀個小菜，枱面即刻變得豐富又有氣氛。位於美孚嘅京都薈，菜式選擇多，而且份量十足，碟碟都係送飯神器，傾住偈送飯就更惹味，真係會食到忍唔住要加多碗靚仔呀！南非鮑魚鮑魚贏嘅就係口感！用上果皮同薑絲稍為調味，將鮮味帶出，加上非常新鮮，所以口感彈牙之餘，又有一份鮑魚獨有嘅鮮甜味。枝竹火腩炆斑頭腩煲用汁煮過嘅火腩，雖然無咗嗰種脆口感，但嗍晒味嘅火腩，同樣惹味，霎時成為男人嘅浪漫。至於炆煮過嘅斑腩，魚皮保持香脆，魚肉入味又軟腍，雙腩同煲，呢個男人嘅浪漫就更昇華啦！明爐燒鵝王燒鵝嘅外皮晶瑩剔透，鵝皮燒得夠乾身又香脆，鵝油豐盈，肉香而不膩，沾上微酸嘅鵝醬，更加惹味。大澳蝦乾唐生菜煲恰到好處嘅火候令唐生菜入口爽甜，混合甜中帶鹹味嘅大澳蝦乾，用上砂煲爆炒過之後，火侯十足，色香味更上一層樓。…查看更多

京都薈．龍蝦伊麵+三重配抵食到震琴晚去美孚探完老友，佢帶我去咗間街坊熱店「京都薈」食晚飯，呢間酒樓唔單止抵食夾大件，服務仲好好，難怪成日見到咁多街坊捧場。必嗌嘅上湯美國龍蝦伊麵真係無得輸！龍蝦開邊上，隻隻都手掌咁大，啖啖肉咬落去彈牙到不得了，仲要爆晒汁！個上湯完全滲透落伊麵度，掛汁效果一流，我同朋友爭住掃清個碟。重點推介個「晚飯三重配」，300幾蚊有齊三款餸，平到笑！個花膠燒豆腐好足料，花膠厚身又滑溜，豆腐吸盡醬汁精華。斑頭腩煲火候十足，魚肉嫩滑得來唔會散，個汁撈飯真係無得頂。白灼海生蝦足足半斤，隻隻都新鮮彈牙，點少少豉油已經鮮味爆棚。見個斑頭腩煲咁正，我哋忍唔住追加咗個煲仔白飯！飯焦香脆得來唔會燶，熱辣辣咁食真係滿足到喊。最抵讚係班伙計，由落單到上菜都笑容滿面，見我哋碟蝦食得七七八八，主動換碟。埋單個陣仲同我哋吹咗兩句水，難怪水準保持得咁好。今餐人均三百蚊，食到飽飽，仲要個個餸都保持到水準。呢間絕對係我會encore嘅飯堂！上湯美國龍蝦伊麵1隻「晚飯三重配」1.花膠燒豆腐2.斑頭腩煲3.白灼海生蝦(半斤)追加1份：煲仔白飯餐廳：京都薈地址：美孚百老匯街73號美孚新邨4期地舖及1樓…查看更多