京都薈

營業中

休息中

朋友介紹去咗美孚京都薈食中菜晚餐。黎到有做婚宴廳既酒樓食飯，係因為環境通常好華麗好靚，岩曬同長輩食飯唔怕失禮。酒樓有獨立電梯直上， 另有長樓梯裝橫優雅。樓底夠高， 環境寬敞🤗， 氣派十足。晚市孖寶C ＄198(半隻脆皮燒雞+蒜茸粉絲蒸元貝)燒雞肉質鮮甜不油腻，外皮夠脆。不過不失。即叫即整，蒜蓉同粉絲作鋪設，上面一大粒元貝，簡直天作之合，大約等10分鐘就有得食。西蘭花炒蝦球 $128熱辣辣啱啱整，配埋三色椒一齊食，口感更加豐富。晚市茶位$15一位，及有加一服務費。