享樂烘焙

營業中

休息中

再次光顧🍞🥯🥖麵包控表示好想試晒所有麵包，每款好似好好食咁，平均價錢約$1x 一個..貝果🥯系列性價高，$20 都唔洗就有包餡Bagel幾吸引，手工芋泥🍠湯種Bagel🥯啖啖芋泥， 好足料，而且聲稱無加牛油同糖，感覺會少左D 罪惡感🤣( 第二次出先有，第一次光顧時剛好賣曬）朱古力紅莓Bagel都唔錯，基本上所有Bagel 都買左一件黎食😅 推介藍莓乳酪Bagel😘好抵食！整體Bagel 口感會似麵包多少少，無左個Bagel 既香脆「煙un」既口感，但味道唔差，賣相都好好💛.

傳聞貝果好好味既麵包店 終於都開左分店坐落九龍灣 都比較方便係德福行落去就係鋪面都算大 落地玻璃好光猛 遠遠已經見到鋪入面好多人一於少理 入去搵我鍾意既貝果可能晏左既關係 好多味道都賣曬 得返湯種黑松露芝士貝果同伯爵茶核桃乳酪貝果我今次就揀咗黑松露芝士貝果黑黑地既外表 帶有金色 賣相話我知佢都幾好味打開包裝袋 就聞到陣陣黑松露既味道咬第一啖 比較淡 再咬 發現有半個都有芝士係入面 食落又真係幾好味另外仲試左冰心麵包我揀左抹茶🍵味店員提醒我地要等5分鐘先好食咬落啖啖抹茶味 鍾意抹茶味既朋友可以一試

今日途經享樂烘培就買幾款包試試～紫薯麻糬包賣相最靚，紫薯都唔少，但係最要讚係麻糬，超滑溜完全做到拉絲效果，$12真係抵！人氣湯種芋泥貝果當然都要試試，原來係大熱倒灶，貝果比較硬身又冇味，芋泥都只係微甜冇咩味，令人失望招牌冰心麵包擺落雪櫃一陣先食，cream有唔錯嘅微甜雲尼拿味，個包意想不到味道似豬仔包，鹹鹹地同啲cream幾夾，$18都唔錯牛角包酥皮脆身有牛油味，其實都比唔少地方好食，size比較細，$15價錢都算可以總括：麵包種類繁多又唔算太貴，下次經過都可以買番一兩件

享樂烘焙（九龍灣）📍.近日係九龍灣覓食竟然搵到間高質既麵包烘焙店🍩麵包店主打台日風本地手做麵包款式近穎而且選擇好多 E.L就試左其中三款💁🏻‍♀️.🍵抹茶冰心麵包（$18）包皮鬆軟 咬開有爆漿抹茶餡料抹茶味濃 甘甜恰宜 味道極佳😋.🍨原味呍呢拿冰心麵包（$18）係小店既人氣選擇之一🔥包皮都非常鬆軟 內有煉奶同忌廉混合而成既餡料 帶有淡淡既呍呢拿味滑溜濃稠 而且比抹茶更多餡 食落更好味🥰.🍠台灣紫薯麻糬包（$12）口感鬆軟既麵包包住香濃既紫薯蓉同麻薯餡啖啖紫薯 紫薯迷必試👍🏻.總括而言 小店既麵包新鮮鬆軟🥯整體質素佳 而且價錢合理 值得一試據知佢地既貝果都係人氣選擇黎🔥下次都要試下先🙈.美味指數：😋😋😋😋😋😋😋😋（8.5/10）☝🏻 店名：享樂烘焙 (九龍灣)地址：九龍灣常悅道21號The Eastmark地下3號舖.

1. 湯種抹茶紅豆麻糬貝果（$16）之前聽大家講呢粒麻麻地，我都冇咩期望😂 不過可能冇期望又冇失望，呢粒不過不失，紅豆餡唔少但都幾甜，家母好鍾意，但對我黎講太甜了。麻糬係流質果款，加上份量唔多，所以有種食左都唔覺既感覺，抹茶味方面就同大部分foodie睇法一致，都幾淡下，但真心好平，口味屬大眾，對得住個價錢，加上黃店，值得再試其他口味

湯種伯爵麻糬奶茶貝果($18)買果時見到佢寫住會有珍珠奶茶既味道, 所以二話不說就即刻買左😂 因為本人真係對珍珠奶茶情有獨鍾😍 食落係有少少珍珠奶茶既味🤏🏾 不過唔係我想像中既味道🙈 我拎左返屋企用焗爐加熱再食, Bagel既部分有少少脆身, 入面包左啲奶茶味既醬食落幾得意既台灣紫薯糬麻糬包($12)($22/2)呢個麻糬包不得了, 麵包夠曬鬆軟而且啲紫糬餡係爆曬出嚟咁濟🤤 滿滿香濃紫薯味既紫薯泥夾埋煙煙韌韌既麻糬, 口感超級澎湃🤩 甜度適中c 適合怕甜既人士湯種抹茶紅豆麻糬貝果($16)綠色既外表一睇就知佢係綠茶味啦😂 我相信冇咩人可以抵擋到綠茶既誘惑🤤 淡淡綠茶味既bagel配上紅豆同埋麻糬既餡料, 真係正到爆, 麻糬煙煙韌韌好有口感手工芋泥貝果($16)滿滿甜甜既芋泥充滿住係bagel入面, 口感好豐富, bagel俾我翻焗左帶少少脆身👍🏽 湯種藍莓乳酪貝果($16)呢個bagel既味道比較少見, 滿滿既藍莓肉舖滿左bagel既部分, 內部包住左酸酸地既乳酪塊, 酸酸地幾有趣咁多款麵包入面, 我個人最鐘意台灣紫薯麻糬包同埋抹茶紅豆麻糬貝果🥯 呢間麵包舖有兩間分店, 九龍灣呢間比較

明太子米卷外表望落好似好少明太子本身都猶豫試唔試好！原來佢入面係好多明太子😍咬落去個下爆哂出黎😋-特濃抹茶焦糖三角一望就俾佢個顏色吸引左😂焦糖同抹茶味好濃可以一試🤣-湯種藍莓乳酪貝果焗反熱黎食一流👍藍莓乳酪爆多好有口感😋貝果好煙韌😍-黑芝麻雷沙貝果🥇貝果口感煙韌入面有大量芝麻食落真係好似食緊雷沙湯丸咁😍好驚喜推介！-黑松露乳酪貝果鐘意黑松露既人唔可以放過😉淡淡既松露味加上cream cheese係絕配！

因為鍾意食bagel 所以見到有就買黎吃 買咗兩個 一個藍莓味同Earl GreyBagel都算OK不過就唔係傳統bagel嘅味道 但係收銀嗰個店員態度就真係差 收錢嘅時候已經黑口黑面收錢嘅時候態度又差 好似欠咗佢咁

在單位附近的一家店，沒有買到最有名的湯種，買的抹茶三角，味道很好，但是口感不好，有點硬，但是抹茶味很好，紫薯麻糬，如果麻糬多一點就更好了，餅乾我每一個口味各買了2個，抹茶很濃郁，海鹽餅乾特別好吃

享樂烘焙得新蒲崗有舖果陣已經久仰大名，當年市面上無咁多唔用改良劑嘅優質麵包，而且佢嘅款式同配搭都好吸引，我好早已bookmark左丸久小山園系列，奈何總店嘅位置唔多就腳。今年佢係九龍灣開左分店，老闆乜係黃嘅，梗係要幫襯啦。由於佢地嘅麵包太受歡迎，放工時間已經無咩選擇，買到埋貝果再分享。 .特濃抹茶焦糖三角:呢個可以話係佢地嘅成名作，多士浸左混合抹茶粉嘅蛋漿再焗，一面灑上砂糖好似奶酥咁，外皮則抹左焦糖，就咁食比較硬，但翻熱後口感焦脆，加上裏頭鬆軟嘅麵包，成件事好有層次。另外麵包要食到抹茶味相當不易，我覺得呢款合格有餘。 台灣紫薯拉絲包:一切開就見到滿滿嘅紫薯，味道微甜，店家講到明餡料唔加糖，夠天然健康。麻糬好大舊，係軟糯黐牙果種，所以拉絲效果好明顯，如果你鍾意軟包嘅話呢款一定啱你。 抹茶曲奇:呢款嘅外貌唔係幾討好，顔色偏啡，食落苦味同牛油味較明顯，食到尾有少少回甘，曲奇脆身。我覺得麵包水準較高，呢款就未必會回購。

一年一度既抹茶冰心包番黎嚕🍵🤤只有夏天先售賣既冰心抹茶包 今日2點幾去到已經見到幾個人拎住冰心包🤤冰 心 包 出 爐 時 間九龍灣分店12:00後新蒲崗分店14:00後第一次食雪凍左既麵包 改變左我對凍包唔好食既睇法麵包係使用自家煮既小山園抹茶忌廉餡💚北海道煉乳同法國忌廉咬左兩啖已經見到小小流心個包食落幾軟熟 有少少咬口一meet開真係不得了🤤好多抹茶醬 而且非常流心添 媽啊 好幸福😙夏天食冰凍包就是爽  一個$22蚊抵食呀😙

推出多款特別口味bagel的麵包店🥯但並非每款也出色。Bagel size偏小，口感屬偏軟身的bagel，沒有期望中的那麼有嚼勁，感覺不像傳統的bagel。1️⃣湯種台灣大甲芋泥貝果 $16 👍🏻包面輕灑了少許紫薯粉點綴；咬下去口感煙韌；芋泥餡分量足，比例剛好；自然的芋頭味香氣四溢；很好吃😋很有驚喜 #餐廳必點之選🏅2️⃣湯種原味貝果$12有咬口，但可更有嚼勁。嘗試按店家指引翻熱後，能做到表面外脆的bagel皮😳3️⃣湯種伯爵麻糬奶茶貝果 $18伯爵茶味太淡；微微的黑糖味麻糬再配搭奶酥味的內餡，曾出現一陣咸香味；對比起芋泥bagel，麻糬奶茶的餡料太少，大概是分布不均以致幾乎嚐不到麻糬 ———————————————————————味道：6.5 /10性價比：中回頭率：30%

呢間鋪嘅bagel真係超多款，雖然唔正宗，口感不及傳統款式有咬口，但味道都唔錯，外煙韌內軟綿，而且面包體濕濕地，唔會話好乾。佢地嘅貝果真係勁多餡，啖啖滿足。🍊朱古力紅莓貝果 $16朱古力粒好多，而且係半融狀態，成個包都有濃郁嘅朱古力味。相比之下，紅莓雖然無朱古力粒咁多，但係都好足夠，成個包都夾雜左好多好多料。朱古力微甜，紅莓有少少酸，好開胃。對於朱古力包而言，佢嘅甜度啱啱好，係我試過咁多朱古力包入面味甜度最低之一。🍊擂沙黑芝麻貝果 $16呢款食嘅時候真係有少少驚訝。本來以為係甜包，估唔到面包體居然有少少鹹，但係又同甜嘅芝麻餡配合得好好，成個包好香口。芝麻餡係甜d，但係唔甜嘅話就會澀，所以理解到。有芝麻撈左係麵包入面，所以個包唔會話好齋，反而令芝麻味更突出，而且可以增加口感。整體而言，佢係一個好出色嘅芝麻包。🍊抹茶紅豆麻薯貝果 $16麵包嘅抹茶味唔算好濃，但係都食得出。紅豆餡嘅甜度ok，對我而言尚算接受到。麻薯反而太軟太黏，唔係好煙韌，一啖咬落去無咩口感，被有咬口嘅麵包同味重嘅紅豆搶左風頭，所以唔係幾食得出。整體而言，呢個包比較普通，除左包皮有咬口比較特別外，無咩過人之處，感覺同其他面包

-🦄享樂烘焙 @ly_bakery-小山園抹茶紅豆麻糬貝果 Hkd16Rating🌕🌕🌕🌗🌑湯種台灣大甲芋泥貝果 Hkd16Rating🌕🌕🌕🌕🌑朱古力麻糬波波 HKD15/4Rating🌕🌕🌕🌕🌑黑芝麻麻糬波波 HKD15/4Rating🌕🌕🌕🌑🌑-第二次來到享樂烘焙買包包🥖但今次因為太早去到 只係朝早1130左右😂😂所以麵包既選擇好少有好多想食既包都應該未出爐😭🥺不過我都簡左幾款岩曬煙韌控既麵包🤪🥨首先當然唔少得係BAGEL🥯🥯啦上次買個陣已經好想食呢兩隻味🤤‼️🥯小山園抹茶🍵BAGEL既抹茶味好香不過對於抹茶控🍵來講係絕對不能滿足😌因為佢就只有抹茶既香味 食落就唔多覺😅而中間就夾左抹茶既好朋友 紅豆蓉紅豆蓉我就覺得好好食 唔會好死甜👌🏻不過個人建議可以加返啲紅豆粒增加口感同埋麻糬既存在感都好薄弱😵😵😵如果麻糬可以大粒啲就好喇 因為煙韌控會瘋了🤧不過整體呢個BAGEL都幾好食既👌🏻👍🏻🥯台灣大甲芋泥貝果既芋泥一食落口既時候就覺得 呀點解咁似OREO中間個忌廉既😂真係好似 味道有98%相似 唔知大家覺唔覺得呢不過芋泥既量都好足 幾乎每一啖都可以食到😌甜度方面適中 不過個人更希望食到芋泥

🍊粒粒芝士核桃法國 $24:上次見明太子法國新鮮出爐，就買左個試下，味道好好，明太子醬都好多！今次就試下粒粒芝士合桃法國。個包有濃郁嘅麥香味，口感好好，外煙韌內濕軟，外皮甚至比佢地嘅bagel仲有咬口。邊邊位有d窿窿地，咬上去好脆，滿口焦香，單單係麵包體嘅味道就已經好出色。因為當日食唔曬，所以就放左去冰格。幾日之後再落出黎解凍，然後用煎pan翻熱，同焗完一樣脆。雖然橫切面好快就變淋(可能係因為包體比較濕?)，但係個底就依然脆卜卜，甚至香口過買翻黎直接食。試左用微波爐叮，叮完個包軟綿綿，外皮更煙韌。個人認為直接室溫食反而無翻熱咁正。之後就到餡。講真我就覺得餡唔係好多，但係都算足夠。可惜餡嘅分佈唔係咁平均，有d位好多芝士，有d位就齋包，感覺無果種啖啖滿足感。好彩嘅包味道夠好，無餡都好好食。🍊特濃抹茶焦糖三角 $18:呢個包好似好出名，見好多人都大讚特讚。雖然咩餡都無賣hkd18係有d唔抵，但係話唔定真係好好味呢？拎上手好有分量，d糖渣不斷跌落離。個包聞上去抹茶味好重，外皮硬硬地，佈滿半融嘅糖粒，中間gum落去則軟綿綿。第一啖咬係邊邊位，有d硬，食到一粒粒沙沙嘅口感，而且好甜(因為果個位全部