難得唔洗湊女 仲可以同好朋友行銅鑼灣 咁開心緊係食返餐燒肉啦 我地今次就黎左喜來稀肉 職員帶位時盡細講解出面有前菜 有調味 可以自行去拎 仲有食完可以再添既爐邊蛋 前菜方面有 喜來泡菜 青瓜 韓國酸泡菜 蔥絲 酸蘿蔔片 另外仲有一份份既生菜 同蒜片 可以夾住燒肉嚟食 增加層次感 今次點左 喜來烤肉 $158（150g) 捲到成朵花咁 薄薄一片 燒既時間唔洗太長 每面輕輕燒一燒就食得 牛肋骨肉 $150 (150g) 燒到外面熟 入面未完全熟透 口感很好 真雪花牛肉 $228 （150g) 油脂平均 燒既時間唔洗太長 櫈下面係儲物箱 可以放袋 唔會搞到個袋一陣味

湊住小朋友又想舒舒服服食燒肉 真係非呢度莫屬喇 一入餐廳就好似去左韓國咁有feel 除左食物同裝修 呢度最吸引既就係有個小朋友既玩樂區呀 大人可以慢慢食 小朋友可以盡情玩 小朋友仲可以免費著韓服 仲有頭飾可以揀 去到尾聲果時仲可以扭蛋 添 一坐低冇耐 店員就送上前菜 食完可以再refill 爐邊仲有粟米芝士同泡菜蛋一樣可以refill 我地今次食左 特級牛肋骨～配大蝦一隻 牛肋骨夠juicy 月見韓牛前胸肉～配溫泉蛋 牛肉入口軟滑 名品大王豬扒～醃得好入味 燒完都唔會un 又大塊又juicy 青醬雞腿肉～雞肉入味燒完都好滑 兔仔蛋包飯～ 仲配有兩塊炸雞甜甜地 外脆內軟 企鵝泡泡浴～兩隻企鵝係浴缸 吸引小朋友目光 甜蜜士多啤梨香蕉奶昔～ 味道清新 入口唔會太甜 士多啤梨朱古力奶～有朱古力味但唔會死甜 小朋友都岩飲 兒童餐選擇都算多 實有一款岩小朋友既

難得今日放低個女 可以兩公婆拍拖 一於黎試下呢個有海景既燒肉店啦 入座後 店員好快就送上沙律🥗同幾款前菜 仲有芝士粟米 爐邊蛋 前菜同爐邊蛋 芝士粟米係可以refill的 甜甜既蛋香加埋泡菜 真係好正 壺漬牛肋骨 大片薄身 好易燒熟 牛味重 25日熟成濟州黑毛豬五花肉 肥瘦適中 食落唔un 有口感 大葱切牛舌 比較薄身 容易燒熟而唔會燶曬 配少少鹽食 一流 新鮮鰻魚（半份） 雖然係半份 但佢一d都唔細份 配有薑 檸檬 同汁 食落唔會腥 塊皮燒到脆身少少好好食 豪快蘋果醬油雞腿 雞腿原隻燒 有淡淡蘋果香 肉身嫩滑 大八爪魚🐙 真係好大隻 原隻燒都係第一次 環境舒適 食物新鮮 值得再黎

今次試呢間日式火鍋放題 係一人一鍋 大家可以揀返自己鍾意既湯底 唔洗就黎就去咁麻煩 又衛生 重點係120既火鍋放題有高質既和牛 時間充裕 可以慢慢歎 肉類同海鮮係由店員幫忙落單 其他丸類 蔬菜 小食 甜品…等 都係自助形式 食幾多拎幾多 唔洗浪費 我地今次揀左椰子雞湯 （+$10） 清甜既湯底 可以食出肉既鮮味 雞件好滑好鮮甜 另外一款揀左完熟蕃茄海老濃湯 濃濃既蕃茄味 牛肉方面都有幾款選擇 另外仲有羊豬雞 都係可以無限點單 極度推介杭州黑魚片 好鮮 好滑 真係好正 食完火鍋 再食埋甜品 真係好滿足 而家仲有個糕點時光禮盒做緊優惠 $79 3款口味 仲送價值超過$400優惠卷 買黎送禮或者自己食都開心呀

舊同學聚會揀左呢個粉紅色 少女風 又可以打卡既火鍋店 門口位置仲有個小小playhouse咁地方比小朋友玩 門口有一隻粉紅色既熊熊 打卡岩曬 入到去 店員問我地之前有冇黎過 好簡單咁講左 用平板落單 我問佢拎bb櫈 拎完就走左 其他乜都冇介紹過 滋補養生香辣鍋 聞落都有香味既 食落就… 完全冇麻香 感受唔到食麻辣火鍋既刺激 膠原蛋白養顏美容鍋 味道清淡 湯底本身有d菇 味道唔差既 食物方面 黃金魚皮好食 其他都冇咩特別 魚豆腐 魚型賣相吸引 食落口感麻麻地 用膳其間 詢問店員有冇該款食物 叫我地睇平板 其實我係睇完先問你有冇 我唔知會唔會miss左 其實我都知 落單 用平板 知道我地第一次黎都冇提及過醬油區 係我之前openrice睇介紹先知架 埋單既時候同行小baby都有收醬油費 我地坐既位置 有一位新既員工 問佢野好多都唔知道 但佢會搵同事解答我地 感覺很好 但同事態度好似嫌我地煩 係我地面前教新同事 語氣唔太好 好唔耐煩咁 整體黎講 除左打卡同坐位舒適 食物一般 店員態度一般 價錢同質素黎講 唔會想再去第二次

開咗咁耐都未食過 今日終於有時間去食早餐 未夠9點都好多客人 係門口等左一陣 自己行入去就有店員叫我哋隨便坐 用QR CODE落單 好方便 食物上枱速度都算快 早餐有鮮油咖央多士呢個係驚喜 天氣咁凍 上枱既時候仲熱既 烘過既麵包夾住有厚度既牛油配咖央 好邪惡 但好好味 令到平平無奇嘅蕃茄湯通粉加曬分

難得兩公婆分別一早做完手上既工作 偷到時間出黎食個Lunch 我地揀返拍拖果時黎食過既Ocio 我地今日就揀左set lunch 粟米吞拿魚忌廉長通粉 濃濃既忌廉味 長通粉軟硬度適中 粟米 🌽吞拿魚 同忌廉既配搭幾時都係咁好 奧斯芝士牛肉漢堡配薯條 新鮮熱辣送到面前 牛肉鮮嫩 帶一點點淡粉紅血水 厚厚既蕃茄經過烹調 十分有誠意 中間夾左一塊煙肉 脆身 唔會過火 中間既芝士 因為熱力 溶溶地 加埋菜 一啖啖咬落去唔會太油膩 好juicy 熱朱古力 有拉花 飲落有少少泡沫咁 口感特別 唔會太甜

環境比較暗 座位都舒服既 入門口前先探熱 有提供口罩袋比你放好口罩 座位闊落 唔會好迫咁 旁邊仲有一張枱可以放食物 有提供埋紙巾 最低有兩個櫃桶 可以放外套同袋 唔怕整污糟同吸味 好貼心 不過抽風就比較差 基本上大家都會點麻辣 我一坐低就覺得個鼻好辛苦 好攻鼻 講返食物方面 上菜都算快 食物質數唔錯蒿荀上碟好靚 牛肉同豚肉唔會太肥或過瘦 有口感 淥耐左先唔un 不過好多食物上枱時仲係雪到好硬 痴埋一齊 有少少影響口感 麻辣湯底一開始我覺得冇乜料到 愈食就愈辣 後勁比較犀利 我地好多都點半份 佢既半份真係比較少 我地點左蝦 一直都冇黎 冇人通知 最後通知店員 佢先話賣曬

疫情關係 冇得飛日本🇯🇵 思鄉病發 每次去日本 都一定會搵磯燒 上網睇左好多間 見到呢度好有日本風 而且食評好多 一於黎試下啦 環境方面 由門口到店內 都充滿日本風 唔講真係以為身在日本架 乾淨 整齊 有磯燒 但唔會一陣味 唔會焗 值得一讚 服務方面 店員都好nice 有禮貌 食物方面... 燒海產都會由店員幫忙 等食就得喇 黎得磯燒點可以唔食甲羅燒架 賣相好好 不過味道比較淡 燒得比較乾 真係扣曬分 燒蟹腳 又係好乾 口感比較遜色 燒大蜆 係新鮮既 不過落得太多油 食唔到蜆既鮮味 只有濃濃既酒味 點左其他食物都唔錯 只係磯燒方面比較遜息 有d失望 完全冇日本既味道 整體黎講 唔係差既 但燒海鮮方面 可以再改進一下

次次想食都排滿晒人 唔知係咪疫情關係 今日終於唔洗排喇 終於都可以試下佢喇 一坐低 急不及待就睇meau 睇下有咩食啦 嘩 勁多野揀 樣樣都好吸引咁 好快就送上餐前麵包 比較硬身 但好食 今次就叫大左幾樣野 碟碟食物份量都好重量級 香脆蟹肉球 外脆內軟 上菜時仲熱辣辣 味濃 正呀 值得encore 水牛城香辣雞翼 好大碟 好脆 肉有少少「鞋」 只係少少姐 好惹味 食完仲想繼續食 但好熱氣 雞肉蒜香檸檬忌廉意大利麵 勁大碟 味濃 但太太太油 食到一口油 辣肉腸薄餅 唔洗講 都係大大份 呢個都唔錯 但唔會特別推介 最後 緊係叫件cake黎做總結啦 紅絲絨芝士蛋糕 好大件 好甜 食左一大舊creamcheese落肚咁