亞谷特蘭州牛肉麵

營業中

休息中

新疆呢兩個字總係令人有一種神秘既感覺唔會係旅遊BUCKET LIST既頭幾位唔會無啦啦講起, 香港更加少新疆餐廳唯一一次既體驗就係係上海食既新疆菜印象都唔錯, 大盤雞有D似我地廣東既炆雞羊肉帶膻味但唔會難受一直都回味個餐晚飯今日黎到天后既亞谷特蘭州牛肉麵睇下搵唔搵到當日既滋味大盤雞拌寬麵雞件惹味唔辣, 份量十足呢到既麵係手打, 寬麵非常有嚼頭十分有彈性蘭州傳統牛肉麵 (毛麵)毛麵幼到好似線咁牛肉片係牛展, 嫩滑又稔身羊肉串好重孜然味, 但依然蓋唔住本身既羊味食完之後滿口都係羊羶味孜然雞翼同連鎖米線既不一樣, 雞翼表面仲係有油份唔會好乾香料味亦都會比較多西北肘花有D似肴肉好似食啫喱咁凍檸利賓立凍檸蜜食完重口味野飲啖凍野就最爽

牛肉麵喺國內係非常常見嘅麵類主食 這家餐廳午市菜單提供六款麵食 店內的王牌是蘭州傳統牛肉麵麵條類型有六種選擇 餐廳提供嘅麵條類型對於港人來說是非常陌生的 部分真係聞所未聞 若果冇特別要求 所有麵餐係跟細面 重慶擔擔麵 有豬肉碎，花生醬，芝麻醬 湯底非常香濃 有好重嘅花生和芝麻醬香味 湯底偏濃稠 豬肉碎炒得好香 好惹味 雖然湯底紅卜卜 但味道一啲都唔辣 唔需要俾佢個外觀而嚇親 配以細麵非常合適 麵條掛湯能力一流蘭州牛肉麵 餐廳選用牛展 炆得好淋 肉質相當柔軟 牛筋位置入口即化 相當出色 湯底是用了清湯再配上大量紅油 柔和中帶點微辣 讓人有種越食越想食嘅感覺 配料還有白蘿蔔及雞蛋一隻跟餐叫咗涼拌木耳及蓮藕 木耳配黑醋 酸甜又開胃 蓮藕用咗薑絲蔥花 味道清新爽脆 是開胃的小食孜然雞翼 極具國內特色 子然粉香味濃沃 外層燒到脆卜卜 內裏肉汁豐富 好味指數滿分羊肉串 一份有三串 份量十足 串燒個人認為都係必吃嘅 唔係港式口味嘅串燒而係國內風味嘅特式串燒 辣得嚟又惹味 羊肉紮實有咬口 帶有點點羊騷香

搵到呢間餐廳嘅時候就覺得餐廳名好有趣，望一望發現原來係新疆菜餐廳，就二話不說過黎食了。餐廳位於天后站出口大馬路嘅位置，好易搵的！🧭作為一個麵控，望到餐牌，有一個心心眼嘅位呢度總共有6款麵型可以揀，基本上都係平日唔會見到的特色款！今次就點咗闊度看起來中等嘅韭葉麵。當然是點咗招牌嘅蘭州傳統牛肉麵，另外點咗孜然雞翼、羊肉串同埋涼拌皮蛋！🥢先講牛肉麵，牛肉係用咗金牛展，好腍好入味，而雖然佢雖然可以揀辣度，但本身湯頭都係上湯來的，所以蘿蔔都好清香好腍。麵質好特別，如果硬身多一點就更好了，不錯的。到其他小食，上菜嘅樣已經好吸引。孜然雞翼外皮夠香夠脆，肉質夠汁夠嫩。羊肉串羶味恰到好處，香料味剛好唔會搶走羊味。皮蛋份量好多，蛋黃流心真係很讚。蘭州傳統牛肉麵味道：⭐️⭐️⭐️⭐️價錢：⭐️⭐️⭐️⭐️賣相：⭐️⭐️⭐️⭐️孜然雞翼味道：⭐️⭐️⭐️⭐️價錢：⭐️⭐️⭐️賣相：⭐️⭐️⭐️⭐️⭐️羊肉串味道：⭐️⭐️⭐️⭐️價錢：⭐️⭐️⭐️賣相：⭐️⭐️⭐️⭐️⭐️皮蛋味道：⭐️⭐️⭐️⭐️價錢：⭐️⭐️⭐️⭐️⭐️賣相：⭐️⭐️⭐️⭐️

最近天氣凍左好想食羊肉暖下個人～咁啱見到天后呢間亞谷特蘭州牛肉麵又有湯麵同羊肉串食，即刻入去試下😌！餐廳環境幾好，樓底高，令人覺得闊落～我地叫左個唔少嘢食🤩蘭州傳統牛肉麵$68落單嗰陣可以根據個人喜好選擇唔同嘅麵底、辣度，個湯底入口有淡淡香料同牛肉味，而味道唔會太濃，所以可以飲到肉嘅鮮味😋牛肉冧身又香口，正！麵底揀咗二面，望落有啲似油面，但食落幾彈牙～份量都幾多🤣女仔可以叫少麵😉個人建議可以叫韭葉嚟做麵底，會更加掛到啲湯汁🥰胡同兒炸醬麵 $68炸醬麵入邊有豬肉碎、鮮香菇、秘製麵醬、青瓜絲，麵底叫左韭葉，麵質比較冧身亦都幾掛汁，撈埋其他配料食落爽口而唔膩，不知不覺食晒成碗🤤孜然雞翼 $28雞翼表面有孜然粉，亦到整得好趣口，咬落都幾juicy!! 唔會話好油膩😋😋羊肉串 $56最想試就係個羊肉串，果然冇令我失望😍調味方面喺啱啱好，睇落好似好濃味，但食落唔會話鹹，而且亦都冇羊肉嘅羶味👍👍值得一讚係咬落多汁嫩口，火候控制得幾好～必試呢款😋😋！時令蔬菜🥬加滷水蛋 $30食得太多肉都要叫返啲菜平衡下～整體正常冇咩特別～整體來講上菜速度正常，大概5-10分鐘就上曬啲菜，價錢亦親民👍想嚐蘭州菜呢間係唔

ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 一路都想搵啲好食嘅羊肉串，終於比我搵到間似樣架啦🤤🌼 重慶擔擔麵 58可以揀大中小辣仲可以選幾款麵類我就選咗寬麵同個湯都幾夾，再索多啲汁花生🥜味芝麻醬好重，湯汁相對結身少少。麻辣味同花生醬比例均勻，兩者balanced，值得推介。🌼 蘭州傳統牛肉麵 68一清，二白，三綠牛肉係牛展，軟硬適中。湯底都算相當正宗。每一碗麵除咗牛肉仲配一隻蛋。泡菜酸中帶點微辣🌼 羊肉串 56亞谷特蘭州牛肉麵一份三串，用枝長型鐵竹孜然粉，啖啖肉，無筋，最緊要唔多肥膏！不過就少乾身，正常又唔算老啲肉，無羶味 👍🏻🌼孜然雞翼 28🌼 拌青瓜，麻辣豬肚 38跟餐，一素一肉，都可選兩肉或兩素細細碟幾好依間係會再去嘅店❤️ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ ◇◇◇◇◇◇◇◇◇🔎 #cass_新疆菜🔎 #cass_chinese🔎 #cass_tinhau🔎 #cass_天后🔎 #eatwccinhk

今晚降溫，氣溫只有13度，寒冷加落雨，真是飢寒交迫，😜醫肚的最好方法就是吃碗熱辣辣的拉麵。附近新開了家蘭州拉麵，今日終於有機會試一試。😋坐下欣賞餐牌，基本麵型就有六種，有些都沒聽過，🤪真是孤陋寡聞。由於天氣冷，特別想吃肉，於是點了新疆大盤雞跟一份闊麵，紅燒牛🐮腩麵，葷素搭配，又點了正菜心一碟。心裡還想不夠再點。牛🐮腩麵先到，好大一碗，牛🐮腩有七八舊，又香又林，還有一只滷蛋🥚，幾塊白羅卜，麵條🍜依韌香滑，清湯裡加了香菜，令牛肉麵錦上添花，價錢💰只是68元。👍新疆大盤雞🐔跟寬麵，＄168，用雞🐔腿燜薯仔洋蔥，加少少辣椒增鮮提味，非常惹味的煮法，香噴噴一大盤，用汁撈麵食，真是好好好味。😋😋寬麵有點像刀削麵的感覺，特別香，特別筋道，特別飽腹，是冬天的最佳選擇。💥💥蠔油菜心，嫩綠的菜心灼熟淋少少蠔油，清甜可口，是每餐不可少的菜式。🥬吃香喝辣，享受完美味的麵食後，又點了兩杯熱飲，朱古力和熱檸蜜，在又冷又濕的晚上，溫暖了無飯夫妻的身心❤。友善的老板還介紹了店名，亞谷特是人名，餐廳做的是地道的蘭州麵，人情味濃郁，是吃麵的好地方。🤩🤩

經過天后亞谷特蘭州牛肉麵店幾好生意，價錢都幾經濟！環境裝修都乾淨又光猛，感覺唔錯！menu有5-6款唔同種類麵型可以選擇，幾有特色！蘭州傳統牛肉麵要了細麵，有隻鹵水蛋幾入味！牛展份量都幾多而且幾有咬口唔乾身，因為我唔食得辣所以點了清湯，反而更食出鮮味。麵條細緻修長夠爽身，幾正！胡同炸醬麵轉了蕎麥麵，豬肉碎，鮮菇粒為基調！濃度調得好好，撈埋麵條一齊食幾惹味，蕎麥麵條較為粗身，質感都幾彈牙感，掛汁能力都幾強，又帶點煙韌感覺。小份西北肘花肉質爽彈，冰涼口感更加爽快！表面汁醬惹味，唔會帶辣，濃而不膩！孜然雞翼味道夠香唔會太咸，啖啖都係肉而且幾 juicy多汁！青瓜粉皮，清爽既口感加上芝麻醬好香好開胃，粉皮 qq彈彈，青瓜絲清爽， 雙重口感好味。

今日去咗天后返工，收工嘅時候同事帶我去食飯，同事知道我鍾意食辣嘢，所以帶咗我去一間食蘭州牛肉麵嘅餐廳，我覺得味道非常之好，所以喺度推介一下。亞谷特蘭州牛肉麵 ，地址喺天后留仙街3號雅景樓地下B1 舖，餐廳地方都算大，空間感好足夠望落去亦都好整潔，所以坐得特別舒適。麻辣豬肚絲，豬肚絲食落去好爽口，配埋中間嘅青瓜令到口感更加爽口，微微嘅麻辣香味慢慢滲出，佢個辣味唔算辣，但係就好香。大盤雞拌麵 韭葉底，首先雞肉嫩滑香口，雞肉份量好多，入口雞味香濃，旁邊嘅薯仔完全吸收晒雞味同香辣味，伴上韭葉口感煙煙韌韌，麵身比較寬闊，非常順滑。秘製牛展，牛展彈牙有口感，香辣味道非常入味，牛肉味配搭香辣味，味道好有層次。紅油豬耳，口感爽口Q彈，麻辣味唔會太勁，唔係太食得辣嘅人都接受到。第一次食蘭州菜，味道比較香辣，都幾適合港人嘅口味，好快會再嚟幫襯。

今晚在天后站附近，發現了一間非常有特色嘅麵食小店，是由真正從蘭州來的老師傅主理的蘭州牛肉麵店，麵店除咗有蘭州嘅麵食供應之外，仲有蘭州嘅小菜同小食供應，價格都係幾十蚊起，非常抵食，吸引到我入去試下新野。小店環境相當舒適，乾淨企理。全程可以用QR Code下單，方便又快捷。<秘製牛肉>我哋叫咗一碟小份嘅秘製牛肉，但係食下食下又覺得牛肉份量一啲都唔少，有十幾件咁多，餐廳用上優質嘅牛展肉來製成牛肉小食，配上自家製嘅蘭州辣椒醬，辣味入口亦較為容易接受，作為前菜，美味又開胃。<青椒皮蛋>這道菜對我嚟講，感覺非常有特色，餐廳用上非常優質嘅皮蛋，入口感覺晶瑩，味帶鹹香，再加上青椒同紅椒，還有自家製嘅秘製醬汁來調味，惹味又好食。<紅燒牛腩麵 配清湯/細麵>餐廳的招牌菜紅燒牛肉麵非常大碗，而且仲可以免費加大面底，抵讚!!~ 牛腩炆得非常入味，而且入口又軟又淋。牛肉麵配上清湯，味道清甜而充滿牛肉香味。人手拉嘅手工麵條，入口又軟又煙韌。另外，餐廳仲添加咗鹵水蛋同埋白蘿蔔來做配料，誠意感滿分!!~<大盤雞皮帶麵>雞皮帶麵是人手拉成效為闊身的麵條，入

蘭州傳統牛肉麵 $68我哋揀左手打拉面- 韭葉！ 韭葉 原來佢有咁個名係因為佢好似韭菜咁闊同埋咁薄！ 超好食！ 個面真係好出色 而且因為佢簿簿地 可以充分咁掛到湯 每一啖面都吸引大量上湯😍 牛展份量好多 好有咬口 好香濃 每碗麵都會有一粒紅燒牛腩麵 $68紅燒牛腩煮得好林😍 都埋入哂味 超級多牛腩 湯底好香濃嘅牛骨味 再加上蘿蔔粒 好香濃 呢碗麵我哋揀咗闊面 由於係手打拉麵嘅關係 所有面都係師傅即場手打 所以闊面特別煙靭 好有咬口值得一提嘅係呢一間所有所有面都係師傅即場手拉😍 以咁嘅價錢食到手拉麵真係超值！ 仲要佢係可以免費加底！ 大癲青椒皮蛋 $38皮蛋好似有成三隻咁多 涼拌得好入味 西北时花(小）$52有啲似豬手凍嗰啲感覺 好好味值得一試！ 時令蔬菜 $22連烚菜芯都烚得啱啱好 而且份量好多 菜心好清甜羊肉串(3串）$56 超好食！ 每一嚿羊肉都醃得好入味 而且係肥瘦相間 燒到啱啱好 唔會柴 而且每一舊上面都有滿滿既孜然粉！

昨日約咗人喺天后地鐵站交收貨品，行過少少，有間鋪頭嘅招牌燈箱好閃，寫住食蘭州牛肉麵，咁就吸引咗我入去幫襯 。店內窄長設計，光亮清雅，簡單舒服。我當然揀傳統蘭州牛肉麵，係招牌菜式，加麵底無需加錢，大食嘅我梗係要加喇！麵嘅種類有六款任揀，我就試韮葉配中辣。韮葉嘅質地及款式似台灣關廟麵，好幼滑；牛展夠爽脆彈牙，中辣湯底可以接受，並非太辣，配埋一隻鹵蛋，夠晒飽。跟餐我要咗杯少甜少冰嘅鴛鴦，可以解吓辣，一流。阿女喜歡煙韌口感，叫咗個胡同兒炸醬麵配蕎麥稜，麵質符合預期，有咬口，吸滿豬肉碎、香菇及豆腐粒嘅醬汁，味道豐富有層次，不過，如果鹹味略為減少，就更加理想。特色小食必定推介係燒羊肉串 ，一碟有三串，醃料豐富，火喉十足，令羊肉非常入味，冇羶味，鮮嫩可口，好受歡迎 。西北肘花即係切片豬手，有啲似薰蹄做法，肉質結實彈牙，凍食好過癮，配埋青瓜絲，好爽口。仲有一碟涼拌薑汁蓮藕，微酸但清爽嘅藕片，開胃清甜。餐廳不設加一，下次再支持其他麵食，以示支持。

母女今日難得外出逛街，順道搭下 “叮叮” 遊覽港島風景，到咗天后，又係晚飯時候。我哋都冇飯癮，見到餐廳話係食麵嘅，一於衝入去醫肚。呢間舖頭嘅特色係可以有六種唔同粗幼口感嘅麵底選擇，分別係韭菜、寬麵、蕎麥稜、二細、細面及毛細，大家可因應喜歡軟硬寬幼嘅程度去揀。因為我鍾意食牛腩，所以order咗紅燒牛腩配寬面。雖然清湯較為淡口， 但牛腩份量夠足料，炆得軟身，而寬面則似闊身台灣關廟麵，面質好彈牙，仲有一隻鹵蛋，一定夠飽肚。阿女話要試金城涼麵，係揀咗蕎麥稜做麵底，雖然叫涼麵，但冇影響麵質嘅煙韌度，肘花肉即是豬手，切開一片片嘅豬手，肉質爽彈，配合切幼嘅蔬菜絲一齊食，清涼脆口，夏天熱辣辣就最適合。我哋仲叫咗個秘製牛肉，牛展甘香入味，質地彈牙，配麵食好夾好正㗎。仲有麻辣豬肚，將豬肚切成幼條，吸收咗麻辣味，滲出微辣麻香，係好多人喜歡嘅選擇。仲有一碟紅油豬耳，小小辣，豬耳切得薄身，晶瑩剔透，爽身脆口，食落索索聲。跟餐點咗熱檸茶同少甜走冰嘅檸蜜，甜甜味道可以解吓辣味，清涼吓！我地加麵底，但餐廳唔使另外加錢，兼唔使加一，係兩大優惠，大胃王就最啱，可以食過返尋味。

我唔鍾意分勝負，我唔鍾意鬥，我淨係鍾意做自己，初頭我以為自己無乜爭勝心，但由頭到尾我都係一個怕輸既人，因為輸唔起，所以唔想鬥，只係一種逃避現實，或者食多D牛肉，可以令我變得勇敢D，踏前多一步？👇📌麵 食 - ▪️ 蘭 州 傳 統 牛 肉 麵 - $68▫️ 第一碗必食肯定係「蘭州傳統牛肉麵」，佢d金牛展絕對比足份量，每塊比例大大塊，肉質軟腍入味，；湯頭仲包括一大隻滷蛋、白蘿蔔、蒜苗、香菜，麵條我揀左二麵，呢種麵食落介乎偏向腍身與硬身之間，食落幾有咬口，湯底我揀左清湯，反而食到個鮮甜味，好食。▪️ 重 慶 擔 擔 麵 - $58▫️ 第二碗「重慶擔擔麵」亦有驚喜，就咁睇湯頭都知非常足料，食到大量豬肉碎、芝麻醬、花生醬，而麵條我揀左細麵，煮既時間岩岩好，入口係好幼滑果種，而麻辣味同花生醬比例均勻，兩者唔會太搶，值得推介。📌小 食 - ▪️ 羊 肉 串 - $56▫️ 呢個「羊肉串」一份三串，一上枱就用枝長型鐵竹插住，夠哂霸氣，食落啖啖肉之餘，唔會太多筋，面頭加左孜然粉，濃味得黎又唔會太重羊羶味，幾岩香港人口味。▪️ 麻 辣 豬 肚 - $44▪️ 紅 油 豬 耳 - $44▫️ 另外仲有兩個小食又係必點，前

#fafafoodblog中菜 #fafafoodblog天后🍴麻辣豬肚 44 蚊🌶️🐷醬汁帶 d酸辣 夠哂開胃 青瓜葱花 連埋切絲既豬肚 豬肚爽口 凍食得黎好入味 好正既小食 🍴新疆大盤雞中份跟寛麵 168 蚊🐥🍜寛麵同大盤雞分開上 甘就唔會浸到 d麵淋 夠細心 麵身夠闊夠爽口 大盤雞既雞肉好入味軟林 醬汁帶 d香草 甜咸適中 帶 d辣 雞肉啖啖肉而且好入味 連埋軟林既薯仔 撈埋粉食好正 🍴蘭州傳統牛肉麵 小辣 有金牛展 雞蛋 白蘿蔔 蒜苗 香菜 🍜🐂牛展好彈牙 比較厚切 牛肉味濃 湯底帶 d辣葱既香味夠 但唔會膩 白蘿蔔同蒜苗 夠入味盡吸湯汁 另外佢個韭麵好正 好爽口 同湯底好 match#韭麵 #牛展 #牛肉麵 #寛麵 #薯仔 #大盤雞 #豬肚Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#亞谷特蘭州拉麵天后留仙街3 號雅景樓地下b1 至b2 鋪~~~~

十幾年前去過蘭州，食過當地既蘭州牛肉麵，味道10分難忘。是日經過天后一間專食蘭州食品嘅舖頭，好奇心驅使下就走咗入去試一試。店內環境光猛，空間尚算闊落、乾淨企理。食品選擇算多，麵食小食都有唔少叫咗幾樣嘢：涼拌木耳、青瓜粉皮、羊肉串（3串）、蘭州傳統生肉麵(清湯寬麵）、紅燒牛腩麵 （少辣轉三角麵)涼拌木耳：木耳配合黑醋，開胃得黎亦可清清血管青瓜粉皮：青瓜爽，加上粉皮、雞絲、再加上大量花生醬，就成為一道唔錯嘅前菜小食羊肉串：叫咗一份三串嘅羊肉串，烤過羊肉帶有少少焦香，加上孜然粉，滿滿嘅大塊肉既大漠風情。蘭州傳統生肉麵(清湯寬麵）：我唔食辣，所以叫左清湯，麵就要寬麵，有少少似刀削麵嘅麵質，食落煙靭。牛肉就係牛展，牛肉味濃，肥瘦適中，同時有大量蔥，令碗麵一上枱就有撲鼻嘅香味。紅燒牛腩麵 （少辣轉三角麵)：老婆就食辣，麵就要咗三角面，比起一般嘅伊麵再粗少少。少辣剛剛好，惹味得來唔會搶喉，牛味亦濃。今餐食咗剛好$300 ，食物味道滿意，作為體驗蘭州菜嘅好選擇。