亞谷特蘭州牛肉麵

營業中

休息中

今日落街覓食，發現天后這間新開”亞谷特蘭州牛肉麵”，以前回國內也會常食蘭州牛肉麵，都已經好耐冇食過，今日可以品嚐下。餐廳麵食都係現場即拉，很地道，要的就是這樣。餐廳用手機落單，十分方便，點了很多想食的，最地道，當然係可以選擇麵的粗幼，有6款粗幼咁多添。胡同兒炸醬麵 （細麵） $68這款是我們當的三款中最濃味的一款，配標準size細麵，很掛汁，味道香濃，手拉麵就是不一樣，特別彈牙，好滿足。重慶擔擔麵（轉二細加麵底）$48看著紅紅的感覺會好辣，但其實食落沒多少辣味，麻醬味香濃，並不是濃稠很杰那種擔擔麵，帶湯一些的，配粗一點的二細麵，更加彈牙，也不錯。金城涼麵 （轉寬麵走蔥走香菜）$55這款配上寬麵，舖上豬肉凍，豬肉凍入口即化，十分軟腍，手拉寬麵就是不一樣，口感一流。秘制牛肉 小份$68/大份$128店員介紹這是空運到港的，本地食唔到，有筋有肉，有口感，味道香濃，幾特別。紅油豬耳 $44豬耳爽口軟諗也入味。孜然雞翼 $28個人喜歡孜然的調味，很惹味。涼拌木耳 $38新鮮爽口，調味剛剛好。跟餐凍檸茶$12跟餐熱檸蜜$8跟餐凍檸蜜$12

剛經過，被Poster上寫是師父手工即場點餐才拉的麵食吸引來試試。原來還可以點不同軟硬粗幼麵條呢。如有茶餐更好，因坐下時已4点半，吃不到太多。只好外賣一份金城涼面回家當晚餐。靚女老闆娘很好客，是蘭州人，來港超過十年，下次有機會路過再試下佢地的擔擔面啦。

今晚和朋友去了銅鑼灣sogo 行街，行完就去了這裡吃麵。秘制牛肉（$68）：牛展好好食，肉質鮮嫩，唔會韌，有少少辣，都唔錯。紅燒牛腩麵（$68）：牛腩又幾淋幾好食，幾滑，唔會韌，唔錯。麵佢有好多款唔同粗幼選擇，我選了最幼的毛細，d麵又幼又滑，索哂d湯汁，食落幾正。湯底我則選了清湯，佢清湯就唔辣，但都幾有肉味。另外佢仲有一隻雞蛋同白蘿蔔，真係夠哂飽。重慶擔擔麵（$48）：真係好香好好食，花生醬的味好出，芝麻醬又香，個湯好濃味，幾好飲，非常惹味。孜然雞翼（$28）：咸咸地好入味，幾好食，又煎得好香脆，唔錯。羊肉串（$56）：羊肉串點了大辣，真係非常辣。但太辣就有機會遮左本身的羊騷味，所以可能點中辣或少辣更香。

亞谷特蘭州牛肉麵天后留仙街3號雅景樓部份地下B1&B2號舖Shop B1&B2, Portion of G/F, Parkview Mansion, 3 Lau Sin Street, Tin Hau蘭州牛肉麵, 呢度竟然有6款麵比人揀, 好多都未見過亦未聽過。有韭菜, 闊麵, 毛細,細麵, 二細, 蕎麥稜蘭州傳統牛肉麵 $68滷蛋一隻，個湯落了辣油，食落辣辣地很滋味，個麵質有點似陽春麵，吸附著辣湯，而牛展很入味，好食小食試了紅油豬耳 $44，辣辣地好好食，豬耳又夠爽口。

朋友約我食蘭州麵，我仲以為係食拉麵，點知入到呢一間位於天后電車路對面的「亞谷特蘭州牛肉面」先發現原來係新彊菜，好驚喜呢！😆餐廳既格局好清新，樓底好高，坐得好舒服☺️餐牌既食物款式都好多，今次叫左以下食物：胡同兒炸醬麵 $68因為驚食唔晒，所以揀左少麵炸醬麵以豬肉碎、鮮香菇丶秘制麵醬撈埋，口感幾豐富，同埋都好惹味😆另配左跟餐小菜：涼拌木耳，涼拌青瓜 $26木耳幾爽口，青瓜就好重麻油味，有一份邪惡感，我本人都幾歡喜😋所以另外叫多左一份涼拌青瓜 $28另外再叫左一D 小食：青椒皮蛋 $38皮蛋幾新鮮，亦唔會太麻辣，口感不錯😋孜然雞翼 $28聞落已經覺得超香，而且整得幾入味👌🏻羊肉串(3串）$56辣度：揀左不辣肉質都幾嫩，唔覺鞋口，不錯😆原來有小龍蝦放題，可惜之前食得好飽，下次黎要試下先！🥳

行過天后想食碗麵，地鐵站附近就見到呢間餐廳，佢唔係賣普通魚蛋粉都唔係賣米線，而係專做特別手工蘭州拉麵，近近地就入去試吓佢出名食各種牛肉麵，擔擔面同炸醬麵，但都有提供唔同嘅飯類。我就嗌咗個胡同兒炸醬麵，屋企人就叫咗個新疆大盤雞寛麵，見全部都係肉，叫番啲蔬菜配搭下，就叫多個四川泡菜同涼拌木耳。呢間餐廳好特別，來嘅種類都有6款，細睇返原來係唔同形狀嘅麵，我估形狀唔同口感應該都有分別😂😂我叫咗炸醬麵，麵就揀咗二細，肉醬都係由豬肉碎、豆乾、香菇煮成嘅一個醬汁，再搭埋青瓜絲，成碗麵賣相好吸引🤤，食落去面好有口感同彈性，肉醬味道啱啱好，香得來唔會太鹹👍🏻👍🏻未聽過新疆大盤雞，所以就叫嚟試吓，見到由雞件洋蔥薯仔同辣椒煮成嘅一個餸，肉汁濃郁，用嚟撈麵一流，雞肉件數好多，仲要啖啖肉，一個人根本食唔晒👍🏻，而佢寬面就好似刀削麵，面可以掛多啲汁，每啖都好滋味。四川泡菜小辣，涼拌木耳係用陳醋浸，所以食落好開胃，配麵一流。見到佢有做小龍蝦放題，睇落去好吸引，不過留返下次先再試啦。

Happy Friday唔知食咩好，經過天后留仙街呢間亞谷特蘭州牛肉麵好似幾吸引咁，凍凍地想食返碗暖笠笠既麵，一於入去試下先，餐廳環境乾淨企理，樓底夠高空間感十足🌟涼拌木耳 ($38)前菜我就叫左個涼拌木耳，口感清新又開胃🌟紅燒牛腩麵 ($68)淨係麵型都有六款選擇，我就揀左人氣推介既紅燒牛腩麵，好欣賞佢地既湯底好清甜，飲左大半碗都唔口渴，牛腩粒份量都唔少，燘到好腍，配料有滷蛋同白蘿蔔，食完碗麵個人暖哂，大滿足🌟孜然雞翼 ($28)聞到好香忍唔住叫個孜然雞翼小食，即叫即整香噴噴又夠惹味😋

今日放左工去搵左朋友，佢知我好鐘意食麵，佢就帶左我去天后呢間亞谷蘭食蘭州牛肉麵，入到去店員就比QR CODE我地自助落餐，黎呢度咁就梗係一定要試蘭州牛肉麵啦?再叫埋 紅燒牛腩麵，另外再加羊肉串，孜然雞翼，青瓜同蓮藕片，呢度最正係佢可以比你揀麵種，因為佢地有個師傅即場製麵，好厲害! 📍蘭州牛肉麵 $68 (寬麵/清湯) 有 4 大塊牛展，牛肉味濃仲好有咬口但又唔會好鞋，另外仲有隻雞蛋白蘿蔔，最正係佢有大量既蔥！ 如果大家覺得啲麵唔夠食，你仲可以免費refill，但我想講佢黎到既時候份量已超級多!!! 根本就食唔晒....📍紅燒牛腩麵 $68 (毛細/清湯) 毛細個幼度同天使麵差唔多，佢麵質較軟，食到差不多最後佢係會有啲吸湯個質地會再軟啲~ 牛腩份量都幾多，有大概 5, 6 舊，肉質軟稔📍羊肉串 (3串) $56新疆風味燒烤羊肉串，有勁多孜然粉十級惹味! 📍孜然雞翼 $28外皮炸得好香脆，但肉質依然好滑加埋孜然就更香口~ 📍涼拌青瓜 $28食完咁多肉，食啲青瓜就剛好中和返~~ 📍蓮藕片 $42呢個好脆口再加埋有啲辣油辣得好過癮!!

係香港少見既蘭州麵館，放工之後經過就入去試一試👍🏻價錢適中，裝修企理；自助落餐，可以慢慢睇慢慢揀。蘭州傳統牛肉麵（小辣）配料包括金牛展、雞蛋，白蘿蔔、蒜苗同香菜，不得不提金牛展非常軟熟！面嘅份量非常充足，幾乎食唔晒。小辣已經足夠香口，下次可以試吓中辣！大盤雞飯配料有雞髀肉同薯仔，再用秘製醬汁製成，非常開胃。將醬汁家落白飯食，好快就清晒成碗！羊肉串（3串）好少見係餐廳入邊可以食到羊肉串燒，立即點來試一試！火候岩岩好，羊肉軟熟又有內汁，調味料都好足，值得一試。孜然雞翼（3隻）雞翼算係大隻，落孜然粉燒，好香口。平時係串燒店先至可以食到，而家就可以係餐廳入邊食到👍🏻青椒皮蛋份量都好多，味道少少辣，當開胃菜都唔錯

餐廳主打超正宗北方口味主食,不但有牛肉麵炸醬麵,更有平時少見既大盤雞皮帶麵,仲有好多新疆特色小菜😍😍價錢仲要相當合理,難怪中午人頭湧湧,午市套餐仲有優惠價配飲品及小食:蘭州傳統牛肉麵Lanzhou Beef Noodles $68超大份量牛肉麵,叫小麵都好足食,仲有多款辣度或清湯可選擇,啱晒食辣唔食辣既人🤣金牛展非常入味,口感結實有嚼勁!附上一粒入味滷雞蛋夠晒營養又飽肚👍🏻湯底清香,配上白蘿葡,蒜苗,芫荽更增添幾番滋味~紅燒牛腩麵 Braised Beef Noodles $68無骨牛腩燉煮時間充分,軟嫩口感非常惹味😋青椒皮蛋 Century Egg in Sichuan Style $38香辣下飯既皮蛋口感Q彈,同朋友一齊分享必選~

朋友想食蘭州麵，於是去了天后留仙街3號雅景樓部分地下B1及B2號舖~亞谷特蘭州牛肉麵食新疆菜/拉麵，港鐵天后站A1出口，步行約1至2分鐘，交通非常方便。室內環境清潔衞生，這店是新開的，裝修很雅致，座位距離寬敞，感覺很舒適。香港人可能對蘭州的菜式名稱頗為陌生，菜譜內相片和名稱解釋很清楚，多款麵類選擇，讓客人自由配搭，菜式和小食也多元化。蘭州傳統牛肉麵$68 (轉三角麵)牛肉選用牛，炆得又淋又夠味，一點牛羶味也沒有，入口感到牛味濃。特別一提蘭州麵筋韌有勁夠彈牙有口感，配上烚蛋一隻和白蘿蔔片，吸入牛肉麵的湯汁，更覺好味。紅燒牛腩麵$68(轉二細)牛腩炆得極淋滑，牛味肉質香濃，調味恰好，入口即化。蘭州各款麵各有口感和特色，滿足又飽足。西北肘花(小)$52以醋及多種香料調好秘製汁醬，夾起肘花肉香撲鼻，入口清酸涼爽，輕嚼外勁內酥，再嚼滿口肉香，毫無油膩之感。青椒皮蛋$38糖心皮蛋份量頗多，香濃陳醋白糖調味拌碟，好吃不膩，蒜末青椒爽口開胃。跟餐~熱檸蜜$8/熱檸茶$8普通的檸蜜和檸茶，為這濃味的蘭州麵，添上陣陣暖意和飽足感。

最鍾意食麵類嘅我今次同朋友嚟到天后試試呢間蘭州牛肉拉麵一日都去餐廳光猛企理 俾人感覺好乾淨我哋分別都食咗幾多嘢有擔擔面牛肉拉麵涼拌菜式所有嘅食物味道都好唔錯餐廳嘅服務員仲好好態度問我哋啲面使唔使剪開 方便我哋分享食用呢個位好貼心另外啲面餐廳都俾咗好多唔同嘅選擇我哋 右面嘅選擇方面都可以睇到餐廳對麵有執着嘅要求 呢個位都幾欣賞餐廳湯底方面都食得出真材實料味道濃郁鍾意食麵嘅朋友真係唔可以錯過呢間餐廳另外餐廳涼拌食物嘅水平都唔錯有興趣都可以一試 佢個涼拌粉皮個人來講都幾鍾意花生醬味濃郁 另外覺得佢哋嘅凍檸蜜幾好飲 雖然唔係餐廳嘅賣點但係覺得諗唔到有咩朋友都可以試吓 我哋兩個人一共叫咗四杯真係算係一杯唔錯嘅檸蜜

在天后工作完順便食埋個午餐才歸家😄見到呢間餐廳裏面裝修清雅，店名又好特別，便入去試吓👏原來係食地道的蘭州牛肉麵，而且老闆娘態度非常和藹親切❤️紅燒牛腩麵～由於我唔係好食得辣，所以叫咗清湯，湯底醇香，第一次聽韭葉，佢係比麵條闊和薄，非常順滑，而且很掛汁😋牛腩份量足夠，夠林和入味，仲有白蘿蔔和滷蛋做配菜👍跟餐小菜（一葷一素）～揀咗酸甜清爽有醋香的涼拌木耳和薄切的秘製牛肉，有咬口，好味😋青椒皮蛋～擺碟好靚，皮蛋獨特既味道配上清脆爽口嘅青椒，不得了😍跟餐加$8凍檸檬利賓納

係天后等朋友嘅時候見到對面有間牛肉麵店,menu都望落幾吸引就決定係度食個快嘅下午茶～環境好光猛乾淨,職員都好友善,會介紹下有咩菜式,仲好方便可以用QRcode落單;-)—————————————————————📍 亞谷特蘭州牛肉麵 地址: 天后留仙街3號雅景樓部份地下B1&B2號舖✍🏻/食評/◍ 蘭州傳統牛肉麵 $68幫朋友叫咗姨姨推介嘅牛肉麵，足足有6大塊牛展,好有咬口,麵質好掛汁好入味!◍ 紅燒牛腩麵 $68牛腩煮到非常入味非常淋,份量好多,蘿蔔塊亦都吸晒湯汁好香濃,毛細麵條口感好特別,可以一試～◍ 孜然雞翼 $28適合重口味人士,雞翼面頭灑上勁多孜然粉,肉質嫩滑多汁◍ 青瓜粉皮 $38口感清爽得來同芝麻醬配搭得好夾,粉皮比較厚但仍然好Q彈,非常開胃!◍ 牛奶醪糟 $28上檯時老闆娘特別推薦係佢哋新疆嘅家鄉甜品,入面加咗唔同嘅乾果同乾花瓣,老闆娘話非常適合女士美顏🤣熱辣辣咁食好好味,好特別嘅新疆甜品!◍羊肉串（3串）$56朋友話每舊都醃得好入味, 燒嘅時間較得啱啱好,唔會又乾又鞋, 肥瘦適中！

辣野可以暖身，今日天氣都好凍，我同朋友去左天后亞谷特蘭州牛肉麵食正宗既蘭州拉麵。餐廳環境幾乾淨，樓底高，座位唔會話好迫。- 秘製牛肉牛展切得幾厚身，加入蘭州辣椒醬令味道提升左一個層次。- 羊肉串自從封關之後一直食唔到地道既羊肉串，不過餐廳既羊肉串有九成似，咬落好多汁完全唔羶。調味適中，唔係太辣。- 涼拌青瓜青瓜爽口，份量都多，不過略嫌唔夠醬汁。- 紅燒牛腩麵湯清係蘭州紅燒牛腩麵必備元素，加上辣子油香令湯麵變成太極既圖案。牛腩入口軟稔，配料仲有蘿蔔同滷水蛋。麵條方面有六款，包括韭菜、寛麵、蕎麥稜、毛細、細麵同二細，主要分別在於寬度，我揀咗二細，掛湯能力唔錯。- 大盤雞飯入面有薯仔洋蔥燜雞腿肉，味道豐富，加上小量辣椒提味，惹味可口送飯一流。份量岩岩好食完充滿有飽肚感。我哋叫咗凍檸茶同檸檬利賓納，價錢係$12，幾大杯。我哋叫咗咁多食物，但價錢都唔過$300，真係抵食👍🏻