五指間蘭州牛肉麵

營業中

休息中

路過見到有間蘭州牛肉拉麵，好耐冇食過抽起條筋就走入去試下，入到去見到一係就國語人，一係就係伊斯蘭鄉里，而且裝修仲好有“袁記云餃”feel，有一刻懷疑呢間係咪同一個集團嘅姊妹公司。雖然感覺充滿著濃烈嘅深圳味道但係套餐價錢就係本土特色，一碗拉麵加小食加飲品$68，單點拉麵$48，老實麵質係唔錯，煙韌彈牙夾爽口而且份量都滿足，但係牛肉麵個湯底就得個鹹字，飲唔出有其他味道，而所謂嘅牛肉就即係牛𦟌，真係好很佩服師傅嘅刀功，可以細緻到將每一塊牛𦟌切到好似紙張咁薄，一定係經過千錘百鍊嘅苦心修行，食完感覺有啲口渴，出去"三不賣"整返碗野葛菜降降火.... 🤭🤪🤨

係灣仔又想平又想快又唔想食咁熱既野，一邊行一邊搵，見到呢間好似幾多人食就入去買嚟試吓。一開門已經聞到孜然粉嘅香味😍😍，買返個羊肉串夾饃$38試下先，呢到仲有自助機買👍🏻唔洗排隊就買到👍🏻 包裝做得幾好，搣開一半就食到，孜然羊肉真係好香好夾🤤呢款餅饃比起平時食嘅有d分別，之前食果d比較軟熟，而呢款好似千層酥咁，比較硬一d，食咗頭幾啖都係羊肉，之後全部都係肥膏😨油膩感太重了😓最後食咗三分一頂唔順掉咗了。😖😖😖

今日路過五指間嘅蘭州牛肉麵店，見到好多人排隊，心諗不如入嚟試下。估唔到竟然有蝦仁炒杏鮑菇！睇到相片真係超級吸引，忍唔住就點咗！蝦仁炒杏鮑菇🦐呢道菜真係好正，蝦仁彈牙，口感非常新鮮，食落去好開心！杏鮑菇吸咗好多味，食起來香滑可口。仲有一個set，配有清爽嘅酸辣土豆絲，酸酸辣辣嘅，真係好味，胃口大開！😋炸鱈魚🐟呢個係新菜式，炸得金黃香脆，仲帶少少檸檬香味，食落去魚肉嫩滑，真係一流！😋總之，今次可以話係非常滿意，下次一定會再嚟試其他菜式！

在香港，能讓我反復回去吃的店，一開始是附近的朋友推薦過來吃的。後面只要想吃蘭州牛肉拉麵🍜都會來這家，因每次來我都能吃到熟悉的味道。🔥小炒黃牛肉飯58現切現炒的牛肉真的好香，配上青椒和紅椒🌶️，牛肉🐮鮮嫩多汁，吃起來味道鮮香，有嚼勁，搭配了芹菜口感清爽，開胃哦~🍢羊肉串+36羊肉串口感鮮嫩，撒上孜然好吃。🍲蘭州牛肉面牛肉軟糯濃醇，肥瘦均勻，一口咬下去還有紅蘿蔔的清甜，湯汁濃郁鮮美，解膩又好喝！🥩孜然牛肉肉夾饃

今天走過銅鑼灣，發現一間 “蘭州牛肉麵” 店，看環境不錯，味道應該也不錯，於是就進去試一下。我點了一份蘭州牛肉麵，由於麵條是即打即做的，我等了大概15分鐘。15分鐘後，終於試到那碗麵，先試一下那口湯，味精感觉只是放了很少，喝完不會感到口喝，湯裡面有幾片白蘿蔔。然後試一下麵條，麵質勁道彈牙，也比較滑，很好吃，也挺正宗的。麵條份量足，能吃飽。至於主角牛肉，其實是牛展，口感不錯，不會煮太爛，就是份量有點少，切得也比較薄。

銅鑼灣可以吃上合口味的蘭州牛肉面啦！還是清真的，清真屠宰的是活牛羊，其肉質鮮嫩，口感好，無疫病在銅鑼灣地鐵站C出口對面，現場手工拉麵香港好少見，面條吃起來口感確實不太一樣，煙煙韌韌，店舖位置雖小 只有六張桌子，點外賣挺多人的喔！味道也很不錯！對我來講套餐份量也夠！

晚上閒來無事，過來吃碗麵，21.30進來的時候店裡只剩下一桌客人了，選了68的套餐，一碗牛肉麵，一盤小菜，一瓶汽水，面算是1細到2細之間，不算很細，所以吃多久都不會泡散，味道還算可以，油潑辣子味道也算正，湯底味道偏重口味，10點關門，不過店家也不會趕人。

今日喺灣仔行街行內阻夜晚想搵間快餐食，咁啱就見到呢一間連鎖式嘅中式快餐，呢間中式快餐嘅菜單非常之簡單，菜式都係得幾款，勵德呢度當然係嗌返同舖頭名一樣嘅蘭州牛肉麵，即管睇吓佢有幾咁好食。叫咗一份蘭州牛肉麵套餐，有一份薯仔絲配菜，一杯酸梅湯，同埋蘭州牛肉麵一碗，賣相就同圖片一樣普通，同佢舖頭嘅宣傳圖係好唔同。配菜同個飲品到好普通，值得一題係酸梅湯非常甜，怕甜嘅女士們要避免吓啦，牛肉麵嘅湯底係清湯，原來如果你要加其他配料就可以係檯度攞唔同嘅醬料加落去，清湯同睇落去嘅唔一樣係非常濃烈，拉麵質地就同一般陽春面一樣，軟硬度適中，就咁食嘅話，我覺得味道係正正常常，但加咗黑醋同埋辣椒油之後我覺得好食咗，非常推薦大家跟住咁樣食。

味道非常普通，但店員態度極其惡劣。帶小朋友吃飯兩人分食一份面，問店員要多一個碗分面被拒絕，理由是「不可以惜一個碗給你們」，這態度即使在香港都令人震驚，不可理解😱

份量極少，配菜完全比唔足雞蛋超似預制菜，然後咖喱應該係有菜脯，西蘭花同薯仔，又消失咗牛腩係碎上，手指公咁大左右數量只有四五舊左右，仲衰過波仔咖喱雞蕃茄炒蛋嘅味冇蕃茄味，得個鹹味雞蛋好似用水溝咗出嚟，再去炒好嚡口，本身應該兩隻蛋嘅配菜，變咗做一隻蛋。呢個價錢，雖然係唔大期望，但係質素相差太遠，完全圖文不符機率極高不回頭了圖片賣相係好吸引，但失望至極可能自己咁啱嗌嗰兩份唔好彩希望下次好啲，可能都冇下次

中國大江南北，有唔同嘅菜系同飲食習慣，各具特色。但對於唔少香港人嚟講，大西北嘅蘭州清真菜相對少接觸，亦都係我哋嘅第一次。位於灣仔嘅五指間蘭州牛肉麵，餐廳走快餐店佈局，啱晒初嚐大西北大漠美食嘅我哋。羊肉串羊肉串係跟餐小食，羊肉被滿滿嘅香料包住，先係孜然味，後勁再嚟辣味，好惹味。蘭州牛肉麵講起蘭州嘅美食，一定就會諗起蘭州牛肉麵。而蘭州牛肉麵最講究嘅一定係個湯底，用上長時間熬製而成嘅牛骨湯，清香濃郁，加上芫茜同葱，香味充滿層次。至於麵條幼細彈牙，牛肉用上切片嘅牛𦟌，肉味香濃。咖喱牛肉飯世界各地嘅咖喱，各走不同路線，而蘭州風格嘅咖喱香而不辣，啱晒撈飯！配料主要有無筋又夠腍嘅牛肉、索晒汁嘅薯仔同紅蘿白，仲有半隻滷蛋，整體味道唔錯，但就略嫌配菜嘅份量少咗啲。孜然牛肉肉夾饃肉夾饃以千層酥皮包住牛肉、青椒、洋蔥等餡料，外層香脆鬆化，入面配料豐富，充滿口感。

抽起條筋好想食蘭州牛肉麵，睇食評搵到呢一間諗住試吓，結果換來失望。首先嗰度喺快餐設定，要自己出去點餐按號碼取餐，牛肉麵湯底剩係得鹽味，冇酸菜供應醬料要自助。牛腱有四至五片，麵條唔差，但整體毫無驚喜。我哋仲點咗一個蕃茄雞蛋拌麵同埋牛肉水餃，拌麵啲麵根本係未淥夠時間，有點兒硬，完全唔夠味。水餃好細粒，唔juicy, 似食粉頭。講真我真係唔知啲好評係點嚟，本身都真係好想俾次機會，但係如果上過大陸食蘭州牛肉麵，老實講真係唔需要喺香港食啦，唉…

灣仔新開嘅牛肉麵，就算冇時間返大陸，都可以食到，又幾好喎！除咗牛肉麵之外，仲有飯、餃子、串燒等等蘭州牛肉麵，賣相相當吸引，個清湯見到就好想飲❤️❤️湯如果淡少少會更加理想鍾意佢有大量嘅蔥👍🏼👏🏼夠晒清新牛𦟌口感軟熟，厚薄岩岩好，至於麵條都做到彈牙口感，唔錯唔錯😁😁而且份量都幾多，食晒都真係非常滿足，好飽🤓🤓餃子皮比一般香港雲吞水餃厚，更加有飽足感，餡料都算多如果想清清地，食啲簡單嘅嘢，而家餐廳都係唔錯嘅選擇😄😄

我只想同間舖嘅老板講，你有心係香港開檔做得耐就唔該做多啲功夫同請多啲人，要慳錢就唔好做，我今日4點去食唔係午飯最忙時間，見到幾個員工做到唔停手都處理唔晒成場客人，做到佢哋都有少少手忙脚亂，不過見到佢哋都盡力做，客人都理解無發脾氣，但間舖就真係有太多改善嘅地方：1.請多個人做收銀兼樓面啦，我見收盤阿姐去後面廚房食飯時，成間舖滿客無人收枱，樓面員工太忙根本行唔開去收盤、清潔，要客人自己收盤先有位食2.下午茶餐飲品不能更改，要跟價錢牌上圖片一樣，太攪笑，加錢轉都唔得，太唔靈活啦3.主打清真牛肉麵所以好多伊斯蘭教及其他外籍客人(今日半間舖嘅客都係) 但電子叫號取餐只講廣東話無英文又無顯示牌，外籍客人白等唔知已經可以取餐4.細碗不足得幾隻，見一家大細客人想攞隻碗分食都無晒另外讚嘅地方：1.收銀個男仔真係好員工，咁忙都無任何態度差或發脾氣，睇得出有盡力處理出餐及同客人溝通有咩賣晒要更換等等雜事，之後有空閒仲主動行出去收盤送餐，香港後生仔員工已少見，不管佢係咪國內新移民都要讚，好榜樣！2.食物價錢合理，味道唔差，牛肉麵都幾好味，快餐價錢算係咁，另外牛肉夾餅係即做，入口仲係熱，抵讚，不過等出餐時間就等

通過外賣平台下單後，去到店裡領取食物時被通知他們沒有收到訂單，堅決否認自己收到訂單，所以就沒有準備食物，只能線上退款。但外賣平台查詢後發現商家已經接受訂單，打電話去確認時又不接聽外賣平台客服的電話，導致無法退款。服務態度極差！