五匠六釜

營業中

休息中

跟朋友來到Airside 6樓發現有間性價比幾高的京川滬菜 餐廳滿座好爆場店員都好忙碌不夠人手😅二人枱比較細同隔離枱好近會比較嘈 見到好多檯都有叫新推出的鴨屎香手打檸檬茶700ml夠大杯幾吸引🍋✨北京填鴨（半隻） $168半隻片皮鴨份量都幾 鴨肉的部份比較多而且幾瘦👍🏻配上青瓜京蔥蘸上甜醬 以薄薄的摩摩皮包起來味道不錯 如果摩摩皮可以保溫就更好了✨孜然大蔥羊肉 $96好足料大碟🐏羊肉肥瘦相間夠嫩滑 加入大蔥以孜然調味好惹味 味道不會羶但食到未都會有少少油膩✨脆炸鮮奶 $32炸得外脆內軟😍奶味香濃味道香香甜甜 攤凍左食都依然脆身 叫幾多件可以自己決定最少要叫四件📍五匠六釜 (九龍城)九龍城啓德協調道2號AIRSIDE 6樓L602號鋪

紅油炒手雲吞非常之大粒，入面有好滿的餡料，配上佢地的紅油，有好香的香料味，同時係唔會好辣😄乾煸四季豆同樣呢款四季豆都係唔係好辣的，四季豆表面有啲焦香，入面又好濕潤爽爽脆脆咁，好快我就清左碟四川擔擔麵擔擔面我見好多枱較有叫，果然係冇錯的😆湯底十分之濃郁，每一條面都俾個湯底包裹着😍糖醋里脊佢地的醬汁調教得幾好，唔會過酸或過甜🤤做到外脆內軟的口感，仲有好多不同的配菜，大大件菠蘿咁😋十分之清新五匠六釜 (九龍城)九龍城啟德協調道2號AIRSIDE 6樓L602號舖

每逢星期六日唔知去邊，我哋就會去Airside冒險樂園夾公仔，五匠六釜係我喺Airside食過嘅第四間餐廳。我地六點到達餐廳既時候，餐廳外面已經好多人等緊位。入面裝潢行簡約路線，最特別係落地打玻璃，不過對面係工地，所以冇咩景色可言🤣- 螞蟻上樹其實係豬肉碎炒粉絲，味道香辣惹味，份量非常大，完全食唔晒🤣- 酸辣土豆絲呢個份量係我平時叫既一倍至兩倍，真係好誇張😱。即使咁多土豆絲一齊炒，土豆絲口感爽脆，而且非常開胃，令人食唔停口。- 北京填鴨薄餅皮保持濕潤，唔會咁易痴埋一舊。鴨皮酥脆，油份適中，肥瘦均勻。配料醬汁選擇唔算多，有甜麵醬、蔥絲同青瓜。- 鴨屎香檸檬茶估唔到中餐廳入面都有鴨屎香檸檬茶🤣，檸檬茶好大杯，入口清香，醇厚回甘。五匠六釜應該係Airside入面性價高既一間餐廳，無論食物飲品都好大份，「抵食」絕對係呢間餐廳嘅代名詞

每次經過五匠六釜，總是人頭湧湧，好耐冇食過北京填鴨，避免太多人要等位，今日6:30就嚟到，但食客都不少，呢度座位都算舒適寬敞，燈光明亮✨🌟北京填鴨半隻映入眼簾係酥脆誘人的鴨皮😍經過反覆烘烤至皮脆肉嫩，鴨皮金黃色，散發出陣陣香氣😋切開之後，裡面的鴨肉白嫩多汁，蘸上甜醬，與上大蔥和青瓜，包裹在摩摩皮內，好味🤤🌟四川擔擔麵擔擔麵麵條細韌有勁，能很好地吸附住醬汁，特色在於濃郁的麻辣醬料，這種醬料由芝麻醬、花椒粉、辣椒油等多種調味料混合而成，這種獨特的口感正是擔擔麵的靈魂所在👍🏻🌟京蔥羊肉餃子餃子餡料裡的羊肉鮮美多汁，沒有一點羶味，蘸上陳醋或辣椒醬，非常惹味✨

第一次行啟德airside新商場，真係好新好靚，又有空中花園發現有唔同種類嘅餐廳，唔淨係連鎖店亦都係一個寵物friendly商場，見到好多狗，成個感覺係好有活力同年輕五匠六釜喺商場6樓，專食北方菜，而隔離仲有台式湊湊火鍋✨北京填鴨（$168）鴨肉肥瘦均勻，鴨皮脆卜卜！片得都幾薄估唔到半隻嘅份量都咁多，兩至三人食係非常足夠～摩摩皮薄身，放上青瓜、大蔥，點埋醬料一啖咬落去有層次感，仲減輕左油膩感✨脆炸鮮奶($32)幾特別、好美味！面層酥脆、內層軟滑，唔算太甜，有微微奶香👍🏻✨秘製牛奔麵 ($58）牛份量多，牛筋炆得好腍又入味、麵爽口軟硬適中，呢個價錢黎講好有誠意✨肉三鮮水餃餃子皮太厚味道中規中矩一定要趁熱食凍咗個皮會變硬✨蒜蓉炒娃娃菜份量好大碟，但冇乜蒜蓉味，而且個味道太淡普普通通✨鴨屎香手打檸檬茶 ($28）近期大熱，估唔到呢度都有😹不過個人嚟講鍾意港式檸檬茶多啲

【啟德•五匠六釜】@ππππππππππππππππππππππππππππππ啟德airside性價比高既頂配北京填鴨北京填鴨（半隻）砂窩雲吞雞（半隻）四川擔擔麵片皮鴨是一道傳統的北京菜，通常是用作籃子烤或懸掛式烤製。它的皮脆，肉嫩多汁，是中國菜系中深受喜愛的一道名菜。砂窩雲吞雞是廣東菜系中的經典菜餚，口感清淡，清爽可口，深受人們喜愛。四川擔擔麵是一道極具特色的川菜，以調味濃重、口感麻辣鮮香而聞名，是四川地方的特色麵食之一。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 450✨✨✨✨✨✨✨✨✨✨✨✨✨#九龍城美食 #五匠六釜 #web3九龍城五匠六釜九龍城啟德協調道2號AIRSIDE 6樓L602號舖

啟德Airside商店大部分都以中價位為主，想不到六樓有一家親民價錢的京川滬菜。店內光線充足，有落地大玻璃，環境十分舒適。黃金南瓜 沒想到最好吃的竟然是這個黃金南瓜，以鹹蛋黃調味，炸過後的南瓜外脆內軟，鹹香味道十分惹味，份量亦不少，建議三人或以上才點選。北京填鴨（半隻）十分高性價比，半隻只需$168，外皮香脆，帶鴨油香，輕沾醬料後與爽脆的青瓜和蔥一起包着吃，口感豐富。脆炸鮮奶 這個點菜需要四件起，外皮非常酥脆，配搭充滿甜香的鮮奶，中和了前面吃過的鹹味菜式，令舌頭更滿足。

今晚終於可以去試吓呢間上海菜館，之前見食評都讚食物質素不錯，只係有個別侍應服務比較差，但係今晚去到見啲侍應招呼都唔錯。整體食物質素都幾好，只係水煮魚略嫌比較鹹而魚皮同炒飯個辣度都啱啱好，特別係個炒飯。已經好少喺餐廳食到一個比較似樣嘅炒飯。因為今晚係同太太同囡囡一齊嚟，所以試唔到佢嘅片皮鴨，我見好多枱都有嗌，佢個價錢都叫公道，希望好快可以再嚟試到個片皮鴨，同埋我見有啲小炒都炒得幾好。下次試完再出食評。

老友請食生日飯揀咗呢度，餐廳裝修幾光猛，同一般中餐廳感覺比較新派。總結整體食物質素幾好，性價比高，尤其朋友特登嚟試果個鍋包肉幾香口，肉應該炸完外面再包咗小量薄薄一層糖漿，出面應該唔多地方有得食，隔離枱叫咗水煮魚個賣相幾唔錯，下次有機會會再嚟食。

未食已經成肚火，今日12點幾放lunch諗住食啲平嘢，見到呢間menu幾好就入咗去，QR code落order一個菠蘿咕嚕肉+飯，等咗15分鐘都未見有，就問個侍應可唔可以催催廚房，佢話ok，但係完全冇走入廚房望今日呢間餐廳有幾個位置冷氣機都滴緊水，我話一個人，侍應一開始都係叫我坐sofa位2-3人枱，見開始多人，佢就問我可唔可以轉過去搭枱，但係嗰個位已經滴水滴濕曬，佢都係堅持想我調位，話將張枱移過啲就滴唔到，隨便抹咗兩嘢就話執好叫我坐，已經燥燥地，但係我都理解lunch hour多人，點知坐上去未夠10秒就滴咗落我件衫度，我就行過去同侍應講都係滴到我，佢就話咁算啦你照坐原本個位，呢個時候個飯已經成半個鐘都未見，諗住順便叫佢催，未開口佢已經直接走咗之後再等咗10分鐘都未有飯，我再搵侍應問其實係咪未整，未整嘅話cut咗佢，佢聽完乜都冇講行開咗我返工都只有一個鐘頭放飯，好肚餓等咗咁耐乜都冇，最後忍唔住直接掉張單比個侍應話我唔食，由此至終45分鐘乜都冇處理過，冇人道歉，態度極其差，呢間垃圾餐廳快啲執咗佢算啦，堂堂大商場入面嘅餐廳搞到咁，影衰曬

北京填鴨好吸引,餡料好飽滿,鴨皮脆爽帶點香甜,十分新鮮，不會有好膩嘅感覺。 另外,試了佢哋嘅砂鍋雲吞雞煲。雲吞肥美多汁,湯底濃郁香濃,滾燙入口好暖胃,真係好適合呢個季節！松鼠魚燴得非常出色!魚肉嫩滑多汁,配上酸酸甜甜嘅調味汁好入味,仲有爆脆嘅質感,真係鮮味難擋，每一口都超級爽口開胃!最後,試左佢哋嘅鴨屎香檸檬茶!酸中帶甜,好清新解膩，跟前面幾道菜非常配襯，非常有特色,味道獨特！總括嚟講,這間五匠六釜嘅每一道菜都做得好出色!食物質素高,菜式新穎,而且價錢亦算合理,大家嚟呢度一定唔會失望,十分值得一試!

落雨的星期五，諗住帶狗仔一齊去Pet friendly 嘅商場行下食下嘢，下午的Airside唔多人同狗，上次見到有張係枱出店外狗仔連車放旁邊一起食飯，點知今次要狗仔連車泊在店外，即係人嘅背後，不是旁邊🥲呢到有午市套餐都幾抵食。我地叫咗兩個套餐，再加散叫其他菜色， 食物中規中矩。醉雞 $78手拍涼瓜$22涼拌木耳$22香樁伴豆腐 $22上湯雲吞 $42京蔥羊肉餃子 $52草捆牛骨 $128京燒羊肉 $138北京填鴨半隻 $168水煮魚 （鮮鱸魚）$198📍五匠六釜九龍城啟德協調道2號AIRSIDE 6樓L602號舖

明白餐廳通常都要等好耐 但係等咗兩小時都入唔到位 仲以為餐廳有幾好食 點知燒鵝仲差過樓下專食燒鵝嘅店舖 小炒一般上菜勁慢 店舖算大 但輪客次數勁慢 唔講以為係coffee shop 仲要主力入大枱五至六人位 同埋一至兩人嘅位置 中間最多人嘅三至四人卻遲遲未有位置 店舖位10分不明確 其實如果有其他選擇都冇必要嚟呢一間 下面嘅小籠包 或者其他中菜館比比皆是 兩個鐘嘅排隊呢一間舖頭不能勝任

在商場消費夠一定的價錢, 獲得了商場消費券, 於是在那裡的食肆吃個晚餐, 五匠六釜這餐廳名字很優雅, 而且主打京滬菜也是商場裏的唯一, 於是就選擇了這一家, 但吃完之後真的有點生氣, 從安排座位的混亂, 侍應的忽略, 去到兩人座與隔離窄得一般女生也很難通過的空間, 真的不太OK. 然後結帳的時候, 沒有點明清楚優惠券的用途方法, 付出了更多的金錢, 得到如此的服務, 就算食物再好也不會得到大家的掌聲.點了北京烤鴨, 酸辣湯, 水餃和京燒羊肉, 大部份也不太OK. 例如是北京填鴨的鴨皮軟淋帶油膉味, 包的麵皮全部黏在一起; 酸辣湯酸而不辣, 餃子的膠皮太厚而內裡太乾, 經銷羊肉的羊肉是全場最OK的, 但炸皮和羊肉不能緊扣, 一夾即散也代表着處理是羊肉表面太濕. 總而言之, 無論是食物和侍應的服務質素, 也沒有令我再度光顧的理由.

相約朋友去Airside睇戲，順便食埋晚飯去到Airside，朋友咩都唔想食咁，Cafe唔要，日式唔要，咩都唔要最後行行下見到呢間有北京填鴨，同埋時間唔係淨好多，所以入左去食見到餐牌唔貴，以為會好細份，所以打算都叫多啲野食點知啲野黎到都幾大份首先叫左個鴨，見好似好平，點知都唔細份，好多鴨，少少乾，但都可以接受最緊要係份里多之前黎個大盤花菜，香辣，幾好食，份量多，唔經唔覺就食曬之前食埋炸鮮奶同糍粑，炸鮮奶本身鐘意食既，可以一試，但糍粑，個人覺得一般食左差不多一個鐘，睇戲時間都差唔多，突然醒起原來仲要個炒飯未黎，跟住就把幾火有個老女人侍應回應，本身態度都正常，我話漏左炒飯，可以幫手望望？佢話OK，就開始想行去廚房，跟住隔左幾秒，我再同佢講，如果未整漏左就唔要啦，趕時間點知佢突然黑口黑面咁大聲講，整緊啦！我呆左一下，心諗你都未入廚房或問人，你就知整緊？另外炒個飯都幾耐？坐左一個鐘，隔離遲我地半個鐘以上入座既人，啲菜都齊曬，正常人都知係漏左單炒咩飯都炒一個鐘！？都算，個態度好似得罪左佢咩咁，即刻影響曬心情，唔會再去！