五匠六釜

啟德其實都幾多抵食既餐廳🤑有晚我同朋友去咗airside發現有間餐廳，價錢親民，份量又大，即刻睇下有幾正啦❗️🥢醉雞 ($78)雞肉嫩滑，酒香味濃，唔算太重口味，開胃👍🏻🥢四川擔擔麵 ($52) 麵條滑溜，醬汁香辣而且辣味適中，花生醬味都重，幾開胃🤗🥢黃金芥蘭 ($88) 呢道菜超級邪惡😈滿滿咸蛋黃香味，炒得剛剛好，芥蘭仲保持住脆口感，真心食到停唔到口🤣🤣🥢肉三鮮 ($50) 呢碟餃子有8粒，粒粒餃子都皮薄足料，餡料有豬肉、牛肉同埋蝦，食落好滿足🫶🏻🥢避風塘大蝦 ($108) 好有鑊氣，食落好惹味，亦唔會太辣，略嫌蝦唔夠入味，但都已經好有睇頭😆🥢脆炸鮮奶 ($8/件，四件起) 外面酥脆，裡面係滑滑嘅鮮奶，甜度剛好，雖然本身已經飽飽地，但我都食咗兩件，證明好味🤭Airside本身都好多餐廳，而呢一間性價比算唔錯，而且餐廳好大好多座位，與其同屋企人去飲茶，五匠六釜絕對可以係你另一個唔錯嘅選擇👍🏻…查看更多

2025年7月3日 星期四今晚專登去到啟德既airside食飯，仲已經一早揀左呢間餐廳，因為見到網上面話性價比十分高，特別係片皮鴨好抵食，所以就吸引左我呢個片皮鴨愛好者餐牌有好多食物可以選擇，種類繁多，價錢又真係好貼地，半隻片皮鴨連一份大約20塊既摩摩皮都只係$168，所以我哋叫左呢樣再加少少野食應該就夠晒一點完餐等左一陣飲品就黎到，係檸檬益力多，飲落去酸酸甜甜，檸檬味清新，乳酸味唔太重，似係益力多加咗檸檬汁咁，飲完即刻解晒膩，好適合配上重口味菜式之後有黃金芥蘭，鹹蛋黃炒到似金沙咁黏住芥蘭，每啖都食到鹹香同菜嘅清甜芥蘭爽脆冇渣，鹹蛋黃唔會太鹹，反而有種奶油感，令到整道菜口感好豐富跟住到我最期待既菜式出場，北京填鴨配摩摩皮，呢道菜上枱時已經聞到陣陣香氣，鴨皮金黃酥脆，咬落去「卜」一聲，油脂唔多但香氣十足，鴨肉細嫩而且冇腥味，啖啖都係濃郁鴨香摩摩皮方面，薄身煙韌，唔會太乾或太厚，包住鴨肉、青瓜、大蔥同甜麵醬，一啖咬落去層次分明，甜、鹹、香、脆、嫩一次過爆發，真係好有滿足感！！之後有呢碗秘製牛奔麵，一上枱就見到深色濃郁嘅湯底，滲出陣陣香料味，令人未食已經期待爆棚湯底應該用咗多種香料慢火熬製，入口香辣中帶微微甘甜，唔會太油膩，反而好順喉牛肉方面，真係「奔」得有誠意——有牛腩、牛筋、牛肚三種部位，牛腩炆得夠腍但唔散，牛筋煙韌有咬口，牛肚爽口冇腥味，每啖都食到唔同口感，好有層次感麵條係偏粗身，掛湯力強，唔會食到尾變淋，仲有啲爽口感添最後有呢碟白菜豬肉餃，睇落簡單，但味道絕對唔馬虎，餃子皮係偏薄身但唔易爛，入口煙韌，包住嘅餡料係鮮甜白菜同嫩滑豬肉，比例剛剛好，唔會太油亦唔會太乾咬落去有種自然嘅肉汁滲出，白菜帶出清新感，令到整體味道更加平衡食左咁多野人均消費都不過係二百蚊唔洗，真係好抵食！！…查看更多

📍五匠六釜上次去Airside食嘢，順便行咗呢個商場，發現呢一間中菜好多人排隊，高朋滿座，睇網上評價亦都不錯，就同屋企人嚟食。第一次食，小編叫咗啲簡單嘅菜式👉四川擔擔麵呢個擔擔麵好足料，一上枱就見到滿滿的花生碎和肉碎鋪喺麵上，撈勻之後每食一啖麵都食到花生碎和肉碎👍擔擔面醬汁食得出有好濃的麻醬和花生醬，仲有啲辣，會越食越辣。每食一啖麵都掛住濃濃的醬汁，會有啲飽肚，所以一開始食仲擔心會食唔晒，但不經不覺一啖又一啖咁就食晒。糖醋里脊呢度好特別嘅係用咗豬里脊，比出面坊間嘅排骨或者梅肉，呢個部位更加瘦，啱晒鍾意食瘦肉嘅小編，呢間火候控制得不錯，就算炸完之後肉質依然嫩滑，加埋糖醋汁，啱晒餸飯。紅油抄手小編好喜歡食紅油抄手，呢度嘅紅油抄手好大粒，雲吞皮薄薄咁包豬肉粒，小編略嫌紅油唔夠辣，調味可以再重手啲。黃金芥蘭食飯點都要叫一碟菜食補充下纖維，小編就揀咗黃金芥蘭，鹹蛋黃包住爽脆嘅芥蘭，濃味得來帶點蔬菜嘅清新，但小編就覺得鹹蛋黃可以再鹹啲同多啲。檸檬益力多食咗咁多重口味嘅嘢，梗係要叫返杯飲品，佢哋就有特飲，例如鴨屎香檸檬茶，但小編今次就嗌咗杯檸檬益力多，不太甜，但飲落唔似益力多，反而似普通乳酸，但勝在酸酸甜甜可以解膩。…查看更多

五匠六釜呢間位於airside嘅餐廳都真係嚟過唔少次，由佢開業到而家基本上都係定期會嚟幫襯，原因好簡單，呢度啲嘢夠抵食，不論係晏晝定夜晚其實食物都好好食，價錢更加係好抵，服務態度亦都算絕對對得起呢個價錢！今晚我哋6:30就嚟到，估唔到餐廳都有一半位置已經坐滿，睇咗餐牌見到好多選擇，睇來睇去最尾都揀咗幾樣嘢都好滿。黃金芥蘭炒得清脆，加埋外面嘅鹹蛋黃，真係好惹味！蝦仁炒蛋雖然喺一度簡單嘅菜式，但係蝦仁好大隻，蛋亦都炒得相當好，唔會水汪汪。麻辣皮蛋都好出色，麻辣汁做得好好，加埋中間有好多青瓜，推介！到最後都要叫返個所謂嘅澱粉質，於是就叫咗上湯雲吞，清清地都幾好味，每一隻都包得好紮實，皮薄餡靚！…查看更多

假期等位好耐，足足等左成個鐘終於見到有人起身，等於見到希望，邊個知有位先生一行有好幾個人，來左幾分鐘，見有位，就不停為難門口個姐姐，吵住要佢比位，幾沒禮貌，不停要見經理，搞到我地攞到位都係十分鐘後喇邊個都係排隊，等人哋安排架嘛,我地來之前都打過電話想book位，但餐廳告知繁忙時間只做wallkin。坐底叫左好多嘢食，覺得之前等待係值得嘅，每個餸份量多得離譜，個個肚仔都食得脹卜卜，最中意佢哋黃金南瓜，加入鹹蛋黃炸到卜卜脆，一口咬落去又有南瓜清甜，基本停唔落口餐廳侍應每個都幾忙，我地都叫左幾次服務，沒次都有不同侍應過來服務，都算滿意。會同身邊朋友推荐呢間餐廳，對我地來講又多左一個聚會選擇…查看更多

昨晚家庭聚會，選了這間作晚餐！食物味道十分好吃！我們叫了片皮鴨、咕嚕肉、鹹蛋黃炸南瓜和蝦仁蛋炒飯，還叫了杯檸檬益力多。片皮鴨油脂香味十足，配上甜醬和青瓜配料，清爽又好吃！不過如果薄餅可以分開一格格就唔會分離得咁不便！鹹蛋黃炸南瓜超好食！外脆內軟，鹹蛋芒的鹹香味配搭南瓜的香甜，確實又好吃又邪惡！🤭一定要叫返杯檸檬益力多！超大杯！酸酸甜甜，邊吃邊喝，很解膩！👍🏻每次份量都很大，家人們也吃得很開心！❤️…查看更多

今晚去airside睇戲，順便係果度食埋晚飯。搵左間食上海菜既餐廳，突然之間好想食回鍋肉。我見呢間五匠六釜都好多人排隊，所以試吓先。我叫左幾個小菜都好好食，同埋份量十足味道又唔差，幾有驚喜。我叫咗黃金炒芥蘭，佢係用鹹蛋黃嘅蛋黃炒芥蘭，每一條芥蘭都爆滿鹹蛋黃。鍾意鹹蛋黃嘅愛好者一定必叫，同埋佢個芥蘭頭咬落去爽脆得黎裡面好嫩又多汁。仲有回鍋肉，佢個份量好多，而且甜甜辣辣好惹味，送飯一流。啲肉都唔少，又唔會炒到好乾身，仲有啲掛汁同埋啲蔬菜都好爽甜。另外仲有糖醋里脊，呢個真係估佢唔到好有驚喜，平時出面食佢嚿肉係好厚粉，呢度冇落粉炸，咬落去完全係豬肉，唔會食到好厚粉。同埋佢酸酸甜甜，再配埋啲配菜真係好開胃。飯都食多幾碗，不過佢呢度份量真係好足，叫咗三樣菜都食唔晒。同埋佢杯鴨舌檸檬茶真係幾正宗。茶底幾香同埋香水檸檬味酸甜得來好開胃。五匠六釜(九龍城)九龍城啟德協調道2號AIRSIDE 6樓L602號舖…查看更多

呢間餐廳環境企理，座位好多，食物選擇都好多款式，我地叫左一份煎羊肉餃子，煎到外脆內香，入面涵料有好多羊肉，而且一碟有8粒，外皮香脆沾上醋岩岩好。另外，我叫左一碗牛肉拉麵，拉麵份量好多好大碗，價錢好抵，而且牛肉鋪滿左成碗麵，食落牛腩煙韌又大塊，一碗只需大約60蚊，腩汁湯底濃郁，油麵多。京燒羊腩，烤至外皮香脆勁惹味，配香辣醬汁，脆口羊腩肉食落更有層次。餐廳：五匠六釜地址: 啟德協調道2號 Airside 6 樓 602 號舖…查看更多

同親友一聚，有人點名要食呢間話平靚正根據國際慣例，點名個位都係長坐直升機，伏伏伏伏伏。為免影響和諧相處，佢話咩就咩啦菜式係似京川滬，樣樣有啲啦。叫咗片皮鴨，砂鍋雲吞雞， 仲有啲小菜。上檯正正常常，重點同平價內地食店相似，得微暖嘅溫度。隻鴨無論皮，肉，青瓜同餅皮都係乾炆炆，肉又鞋。好似超市擺咗好耐吹到乾晒咁樣囉，鴨又瘦又柴皮。雲吞雞完全無驚喜，都係一煲嘢，樣樣淋淋地，雞肉無味但湯較咸。其他小菜餃子都係唔食無損失。Overall 感覺好似返上深圳食咁囉話食個半鐘，一個鐘就埋嚟清你檯，75分鐘直頭埋嚟要你埋單。 期間無咩招呼，正常茶記形式但加一茶錢…查看更多

五匠六釜🥢 黃金芥蘭 $88芥蘭淨係用左莖部，所以好甜冇苦味好爽脆🥰用咗鹹蛋醬炒，蛋黃炒到鹹香味岩岩好，完全沾滿左咸蛋黃係表面，唔會好乾😝-🥢 酸辣湯麵 $52酸辣麵份量好多，4個人都食唔晒，非常抵食🙈其實即係陽春麵不過轉咗酸辣湯做湯底，呢度個酸辣湯味道都幾傳統，酸味同辣味都好平衡😝-🥢 紅油抄手 $46紅油抄手皮薄餡味，啖啖肉🥰-🥢北京填鴨 半隻 $168摩摩皮一份有20塊，每塊都好薄☺️鴨嘅份量好多，皮好薄，燒到好脆…查看更多

呢度價錢唔貴、選擇又多嘅高質東北菜**(黃金介蘭)**介蘭都均勻咁裹上鹹香十足嘅鹹蛋黃，炸到外層酥脆，但入面嘅菜莖保持爽脆清甜，鹹香惹味**(京燒羊肉)**呢度嘅羊肉處理得幾好，冇羶味，肉質燒得軟嫩！配上京燒嘅特製濃郁醬汁，味道層次豐富！**(肉三鮮餃)**誠意十足！隻隻都脹卜卜，皮薄餡靚，富有肉汁！豬肉嘅鮮、蝦仁嘅爽、加埋韭菜嘅香，滿足! 可以用一個咁親民嘅價錢，食到咁多選擇、味道有保證嘅東北菜，非常難得！…查看更多

啟德依排真係越嚟越旺，今次嚟到Airside嘅「五匠六釜」，夜晚八點嚟到已經座無虛席，氣氛幾熱鬧，心諗質素應該唔差，於是就坐低慢慢試下佢啲中菜😋🍖 秘製杭州骨 $88一上枱已經聞到酸甜香氣，排骨外層掛滿醬汁，酸酸甜甜好開胃，咬落肉質好易咬開，唔會覺得硬。加埋菠蘿、洋蔥同薯仔一齊食，甜酸味層次更豐富，成碟食到停唔到口。🥦 黃金芥蘭 $88呢道菜真係全晚最邪惡，咸蛋黃均勻地包住每一條芥蘭，外層帶點沙沙口感，味道香濃。咬落去芥蘭本身爽脆鮮嫩，冇渣，食落完全唔膩，仲忍唔住一條接一條。🐖 千層醬豬耳 $78切得層層分明嘅豬耳，口感超級Q彈，有豐富膠質，咬落有嚼勁但唔韌。調味啱啱好，帶少少滷香，唔會過鹹，好適合用嚟佐酒或者作為前菜。「五匠六釜」環境乾淨企理，份量唔少，出品比預期好。以價錢嚟講性價比唔錯，幾道菜都有亮點，尤其係黃金芥蘭真係邪惡到極致。如果之後再嚟Airside搵中菜，呢度會係一個好選擇。…查看更多

必試嘅瑤柱蛋白海爐魚，真係驚喜滿滿！魚頭炸到金黃色，脆卜卜少少焦香味，單食已經好惹味。魚肉拆晒骨，再同瑤柱、蛋白一齊炒，成碟睇落好清淡，但入口先知功夫位。魚片嫩滑無比，配上炒得細緻嘅蛋白，滑溜得嚟又有層次，加埋瑤柱嘅鮮味，整體非常清爽又高級。食落完全冇腥味，海鮮嘅甘甜，成道菜好啱怕油膩或者鍾意清淡口味嘅朋友。最正係魚肉份量唔少，幾個人share都夠食，連埋魚頭一齊上枱，感覺得體餐廳出菜時仲灑咗少少蔥花做點綴，顏值同味道一樣出色。價錢唔算平，但以物價加埋師傅嘅手工，完全值得，啱晒鐘意食魚既朋友仔。…查看更多

今次嚟食北京填鴨，完全冇失望！鴨皮燒到金黃脆卜卜正！一咬落去就爆出油香，但又唔會覺得膩。鴨肉保持到嫩滑多汁，配埋清爽嘅青瓜、京蔥，再加少少甜麵醬，用薄薄軟糯嘅餅皮一包，入口層次豐富，真係食到停唔到口。餅皮厚薄適中，完全唔會搶走鴨肉同醬料嘅味。份量方面都幾足，幾個朋友一齊share都好夠，大家都一致讚好。甜麵醬味道帶微甜，配鴨肉超級夾，每口都好滋味。餐廳環境乾淨舒適，上菜速度快，食到咁高水準嘅烤鴨，價錢雖然唔算平，但絕對對得住個質素北京填鴨絕對係必點招牌，考慮聚餐同家庭聚會都好適合，推薦大家一試！…查看更多

五匠六釜評分：42／50懶人包：味道好吃有點像是高級大排檔，份量非常足夠環境偏吵雜，適合一大班朋友家人聚餐，但如果是情侶想找餐廳談天，便可能不太適合了價錢：$150-200服務：不過不失，雖沒有賓至如歸的感覺，但也沒有扣分位。小插曲：看到旁邊有客人聲稱杯上有唇印，要求更換，店員即使在繁忙時間也立即為客人更換，態度很好！環境：周圍比較嘈吵，尤其我們是對着坐，所以不太方便聊天。食物：醉雞是涼菜。近骨頭比較多紅色的位置，但感覺肉都是熟的，只是很紅而已，個人不太喜歡這一點。雞肉很嫩口。配汁很重酒味，貓咪小編略嫌太重，不過這都是個人口味！娃娃菜正常偏軟，有開水白菜的感覺，加上雞湯頭，吃完很清爽不過每棵菜都比較大棵，所以吃起來比較麻煩，然後蒜頭是爽口的，貓咪小編很喜歡吃（蒜頭控北京填鴨份量極足，兩人點半隻也有點吃不完。皮很脆，肉很嫩！而且摩摩皮很足夠，半隻鴨有20份皮！（後來老虎小編把剩下的北京填鴨帶回去吃，還夠吃飽一個午餐）…查看更多