五匠六釜

營業中

休息中

要做得 #價錢親民，又要 #控制成本 同 #食物質素，今時今日嘅老闆真係唔容易🤪 所以我都支持留港消費，等啲小店長做長有😚 呢晚藉着朋友仔嘅介紹，我哋一行六人嚟到位於 #Airside 頂樓嘅 #京川滬餐廳「五匠六釜」試吓佢哋嘅手勢😚都係我大意，竟然冇留意餐廳嘅用膳時間只有90分鐘😅 好彩店員體諒，將我哋入座時間稍為推遲🙏🏼 呢晚係其中兩個朋友仔嘅生日，當然要食得好少少。我哋嗌咗五個主菜加兩個甜品，真係夠晒豐富🤩🐟酸菜魚 - 魚片夠鮮嫩，酸菜湯辣辣地，都幾惹味🤤 不過湯底唔夠熱，可以煮熱啲先拎出嚟會更加好☺️🐟松子魚 - 配上酸酸甜甜嘅醬汁，淋喺酥脆嘅魚柳上面，啖啖肉，味道有驚喜🤩🪿北京填鴨 - 鴨肉同麼麼皮都比較乾身，不過份量都唔少，可以一試☺️🐮孜然大蔥牛肉 - 雖然唔係我鍾意嘅口味，不過對於鍾意孜然味道嘅朋友，佢哋話味道唔錯😚🥬上湯娃娃菜 - 娃娃菜夠晒新鮮，放入上湯一齊煮，口味好清新☺️🍎拔絲地瓜、蘋果 - 呢兩個甜品，真心建議大家唔使試😅 冇諗過員工會擺低兩份地瓜、蘋果，再加兩盤冰水🧊 就叫我哋搞掂佢😅 雞手鴨腳嘅我哋，彈到成身都係水之餘，食物中黐埋一堆😅 糖漿唔夠多，冇咗冰糖脆

好喜歡來airside，包括帶小狗到來，亦會過來吃東西，想不到有這間「五匠六釜」這麼經濟實惠的餐廳，而且味道一流，值得推薦！這裏的北京填鴨只售$168，包一份摩摩皮，十分抵食！北京填鴨外皮金黃酥脆，肉質鮮嫩，味道豐富，搭配甜面醬和蔥絲置放在摩摩皮上，軟糯口感與鴨肉的酥脆形成鮮明對比，十分美味。黃金蝦是一道色香味俱全的海鮮菜品，用新鮮的大蝦，裹上香脆的咸蛋外衣炸製而成。外層金黃酥脆，蝦肉鮮嫩多汁，這道菜的色彩鮮艷，非常吸引眼球。而黃金芥蘭同樣以咸蛋包裹製作，是一道創新且美味的菜品，將傳統的芥蘭與咸蛋的風味結合，芥蘭的口感爽脆，帶有濃郁的咸香味，讓人食欲大增。甜點絕對不能錯過脆炸鮮奶！脆炸鮮奶中外層金黃酥脆，內部則是滑嫩的鮮奶餡。每一口都能感受到外脆內滑的口感，甜味適中，讓人回味無窮。五匠六釜 (九龍城)地址：九龍城啟德協調道2號AIRSIDE 6樓L602號舖

星期六下午來到，餐廳座位比較開揚，等入去都可以見到全場環境，睇落樣樣都好似正正常常。我哋兩個人入去坐低，因為冷氣太大，所以轉左位。跟住落單，食物好物就上，快到你唔信，但係食物都係室温，特別係個唔熱嘅酸辣湯，真係好難飲，叫侍應同佢講個湯唔夠熱，佢木口木面用個湯勺搞下搞下，似乎要驗證下個湯，好似唔想處理咁。其實客人話食物有問題，你拎入厨房慢慢驗啦，喺個客面前搞，算係點！之後好快攞返出嚟，應該係用微波爐叮熱咗，其實佢嘅菜都應該係預製菜，全程微波爐出菜。佢嘅乾煸四季豆，油極多。個草紮牛骨又係室溫。個紅油抄手係實實一嚿肉咁。現場所見，部分侍應正常，部分唔想做。最反感係樓面咁開揚，你居然一路放小食入個口度，完全係目中無客。服務差，食物差。唔會再嚟。

🦆北京填鴨（半隻）估唔到可以咁平都可以食到片皮鴨😆仲要佢嘅份量都真係幾多🥵食截我同朋友都反晒肚🙂‍↔️佢嘅摩摩皮都應該有成20塊😚仲要係熱焫焫🍜四川擔擔麵呢個擔擔麵都真係幾大碗🙂‍↔️花生味好濃再加埋佢辣辣地✨食落又唔會太滯🥟京蔥羊肉餃（上湯）本身見到有好少見嘅羊肉餃🐑就諗住叫嚟試吓🙂‍↔️點知食落口嘅時候又冇中伏嘅感覺😂仲要覺得佢好出色😚羊味好濃又冇臊味個湯口都幾甜✨可以encore🍘西米椰汁流心球佢都炸得幾香口食落去都幾香椰汁味西米又幾有咬口😚佢又唔太甜，又唔係太油

假日嚟過一次~人山人海😅揀咗平日~好好多！仲可以喺openrice度book位添🎉上菜快！用餐時間雖然得90分鐘,依然可以輕輕鬆鬆咁食😋啲服務都唔錯喎🙏真金白銀自已俾錢食☺️並非打手啊🫢坦白講,並非十全十美！然而人均$200可以食到如此質素~真係可以啦👌首推瑤柱蛋白炒鱸魚~蛋白夠滑鱸魚新鮮😋😋😋再嚟必食北京填鴨~皮脆肉香有少少南方的南乳香🫢可惜麼麼皮冇熱住😋😋四川擔擔麵~記得要加底呀😅加四蚊四個人就夠食㗎啦🫢小小麻辣,厚薄剛剛好的花生味,麵質夠韌,攤咗一陣間都唔會淋bet bet😋😋😋揀咗兩個同黃瓜有關的小吃手拍黃瓜~清爽老醋海蜇頭~軟滑拼清爽~正兩種飲品$28/700ml~舒服晒最後配埋個拔絲蘋果~完美飽曬

五匠六釜」取其諧音五臟六腑。以各種菜式但求滿足我們的五臟六腑。北京填鴨（半隻）$168這道菜包含片皮鴨、餅皮、青瓜條、九黃。首先取一塊餅皮，將薄身的餅皮放在掌心，然後放入片皮鴨、青瓜條及九黃，再混入醬汁，最用將餅皮卷住餡料，每一口都充滿層次感。還可以按個人的喜好混搭。鴨兩食：茄子炒鴨架（半隻）$60鴨架也不要浪費，可以茄子炒鴨架，茄子吸收了鴨架的精華，口感柔滑又不油膩，十分美味。黃金芥蘭$88黃金芥蘭的色澤鮮艷，芥蘭爽甜嫩口，每一根芥蘭都充滿蛋黃醬，增添香氣，是一道非常邪惡又創新的菜式。砂窩雲吞雞（半隻）$158雞有半隻，雞肉嫩滑，雲吞大大粒非常足料，搭配濃郁湯底，口感極佳＇特別有家庭的溫暖。

同小朋友喺AIRSIDE玩完「冒險樂園」肚餓啊，今晚想食中菜，揀咗6樓好多選擇嘅「五匠六釜」。我哋7:30pm左右去到排隊，大約要8:15pm先入座！我哋點咗半隻北京填鴨（附摩摩皮）$168價格合理，鴨皮脆多汁肉質鮮嫩，係幾乎每枱都會點係必選嘅😋另外，點咗松鼠魚$198，價格略高，但係魚肉鮮美，炸得啱啱好口感豐富，魚皮仲有小小脆卜卜添，讚❤️。好彩有分開點餐，先食北京填鴨，再食松子魚，兩樣都新鮮熱辣，好味👍🏻要約埋屋企人可以試多啲嘢先得，已經睇定下次點咩菜式喇：避風塘大蝦、秘製杭州骨、鮮椒柴蘇田雞鍋同埋甜品拔絲蘋果⋯⋯🤭呢度嘅環境雅致簡潔，員工服務親切幾夠爽手醒目。

呢間餐廳 次次經過都好多人排隊 有晚收工同朋友行街 突然好想食填鴨就去拎左位 等左半小時左右 入到去 手機落左填鴨同雲吞雞 2樣菜 手機訂單唔洗5分鐘就上菜 （明顯係整定晒 一收到單就上菜）今次朋友點得分量好好 知我眼闊肚窄 話寧願唔夠再order 最後order 埋糍粑收尾 （呢個唔點唔可惜 唔好食）

之前已經嚟過九龍城呢間餐廳食午飯餐廳新開，食過都覺得好好食，而家開咗一段時間，估唔到人哋都保持到咁高，我哋今日晚餐嚟到，都唔知太晏，已經排晒隊，一路排隊一路望吓餐牌，見到都有好多新嘅菜式，結果都真係好好味。今日叫咗幾樣嘢，都覺得好好食，雖然睇落好似好清淡，但係食完都覺得好滿足！最緊要就係價錢都相當抵食。黃金芥蘭都幾特別，食得出啲芥蘭好新鮮，而且佢都有㓟皮，所以當每一啖鹹蛋都包住嘅話，每一啖都好邪惡！呢度都有好多唔同類型嘅餃子，我哋最後就選擇叫咗京蔥羊肉餃同肉三鮮餃。個人覺得京蔥羊肉餃真係幾好食，羊肉唔會騷，驚蔥亦都好香。木耳炒娃娃菜看似普通嘅一道菜，但係又真係炒得幾好食，唔會覺得油淋淋，完全係出色過我喺出面其他餐廳食過嘅！

朋友介紹位於Airside 6樓的五匠六釜，價錢抵，大大份，好抵食，今日終於有機會過嚟試一試，餐廳裝潢明亮，座位都算多， 6:30pm嚟到，已經差唔多坐滿晒，七點有人在等位，大家最好book位😉🥢北京填鴨半隻雖然係半隻，但份量都唔少，望落去好吸引，皮脆肉多，一啲都唔肥，加上大蔥同青瓜，包在一起，連埋甜醬，味道不錯，屋企人都話抵食，見到好多枱都有呢個菜式👍🏻🥢四川擔擔麵四川擔擔麵加底都係$4 ，大大碗，而且用料算多，麻辣醬料調得非常濃郁美味，少少辣，幾惹味，擔擔麵唔會太腍，有咬勁🥢肉三鮮餃子餃子餡料足！隻隻皮薄餡靚，非常肥美，肉三鮮鮮味十足👍🏻而且多汁，加上辣醬，自己一個都已經食咗半碟😋

今日又要嚟到九龍城airside做嘢，開完會之後超級肚餓，就同埋同事一齊諗住喺度食埋飯返屋企，睇吓你食地圖，發覺最吸引就係呢間，見到都有人排隊，我哋都即刻唔執輸。黃金芥蘭係佢哋嘅新產品，吸睛之餘都好好食，鹹蛋真係會覆蓋每一條芥蘭，食落味道好新鮮！餃子就要咗兩款，包括京蔥羊肉餃同肉三鮮餃，兩個都包得好紮實，好好味，完全有以前媽媽係屋企包嘅感覺同水準！最後都叫埋一個木耳炒娃娃菜，份量都好多，完全啱晒兩個女仔一齊食！

Airside商場開左間食上海菜既餐廳位於商場六樓，門外好多人等位，我地叫左一份京燒羊腩，羊腩炸到外脆內軟甘加埋醬汁好夾，入面座位闊落好岩一大班人同家庭聚會，羊腩層次分明既香脆，份量都幾多塊。另外叫左一碗牛肉麵，牛腩份量超大同多，留意反呢間餐廳既食物份量都偏大碟同抵食，連麵都大碗，麵係油麵入面都幾彈牙，牛腩超大塊厚肉，呢個價錢真係好抵食既推介。五匠六釜地址: 啟德協調道2號 Airside 6 樓 602 號舖

叫咗四樣嘢，都幾啱食。1. 醉雞（$78）：雞肉夠滑，而家酒味夠濃。2. 糖醋里脊（$88）：，/撈咗汁都仲脆脆地，正。個汁酸酸甜甜好開胃，而且份量都幾多。3. 地三鮮（$78）：有薯仔，茄子，青椒，雖然侮冇肉，但係個汁好惹味，加上夠鑊氣，好好食，有驚喜！4. 四川擔擔麵（$52）：個醬汁濃都不得了，有野味，麵條軟硬適中，唔會淋pat pat，好好食。總結：啲嘢食都幾好食，價錢唔貴，算抵食，而且份量都幾多，大推！

今日過嚟Airside睇戲🎥，順便搵食🍴。我入座嘅時候已經係八點半，餐廳依然好多人🙌。我哋兩個人叫咗一碟酸菜魚🐟，魚片好滑滑滑😋，完全冇腥味👍。湯底唔會過辣🌶，同時仍然保留川味🔥， 怎有水準！而且HKD198相當抵食💰。娃娃菜🥬，HKD72很大碟，好青甜💚。一份鮮肉餃子🥟有六隻，HKD50💸，餃子皮好煙韌，餡料充滿肉汁，多汁又好味🤤。香脆炸鮮奶🍞，HKD8一件，四件起，即叫即做熱辣辣🔥，香甜又鬆脆😋。鴨屎香檸檬茶🍋，茉莉花檸檬茶🍵，HKD28大大杯，真係好爽😌！總括嚟講，埋度交通方便🚗，環境舒適🛋，菜式嘅種類比泰二多好多📜，賣相仲十分吸精🌟。已經約定阿女星期六再嚟晚餐🍽！ 💃🏻🍲🎉

去咗啟德嘅商場行街，見到有間茶樓，見餐牌唔太貴就走咗入去。舖頭唔大，一眼睇哂。雖然有少少逼，但冇話坐得好辛苦。首先上菜就係鴨屎香檸檬茶。充滿了檸檬的香氣和酸甜的滋味。喝下去之後，一股清涼感直達心底，讓我感到一陣清爽。配飯一流。然後就係西米椰汁流心球。外皮香脆，一口咬下去，椰汁流晒出嚟。唔甜唔膩，好食。黃金芥蘭係新菜式。以咸蛋黃為特色，帶來獨特的鹹香味道。我本身勁討厭芥蘭浸草味，佢咁樣整，D咸蛋黃蓋過D討厭嘅味道之餘仲會食到芥蘭嘅味道。連芥蘭都變得好食了。醉雞酒香濃郁，雞肉鮮嫩多汁。每一口雞肉都帶著酒香，皮同肉之間仲夾住層膠質凍，讓人回味無窮。湯頭濃郁鮮美，麵條Q彈有嚼勁，肉三鮮餃包住大粒嘅蝦仁同豬肉，很飽滿。配上新鮮的蔬菜，讓整碗湯麵更加豐富美味。