五匠六釜

營業中

休息中

五匠六釜主打京川滬菜餚，都幾多人食，平日晚市都要等位裝潢走簡約路線，現代感餐桌裝潢，都幾舒適闊落👍<北京填鴨(半隻)> $168<草捆牛骨(小)> $128<農家炒飯> $82<鴨屎香檸檬茶> $28<北京填鴨>$168食到片皮鴨真係好抵，仲要分量好足🤩多鴨肉之餘，仲有非常足夠嘅青瓜京葱同片皮味道就還可，鴨同片皮乾身左d，醬偏濃味，勝在性價比高<草捆牛骨>草捆牛骨係用比較傑身嘅黑椒汁去煮，好入味；牛肉都好腍，半肥瘦正👍👍<農家炒飯>農家炒飯係簡單樸素嘅炒飯，有蝦仁、青豆、紅蘿蔔、粟米等簡單材料，調味都係簡單偏清淡都炒得不錯，炒飯粒粒企身，鑊氣適中👍👍<鴨屎香檸檬茶>近期好hit，轉登叫杯試一試😂鴨屎香茶底都幾特別，清香回甘，不過可能飲慣左港式檸檬茶，唔係好慣🫢🫢🫢整體餐廳味道剛合格，但勝在無份量好大、唔貴、上菜快，服務都不錯，附近街坊可以一試，偷聽隔離檯係幾滿意😂😂😂

假期來到這個比較新的商場，見到這一間食肆好像沒有人等位，於是一行入去試吓。裝修簡單醉雞 $78 酒味香濃但有甜味，在其他地方食得醉雞，至少雞胸，雞髀，或者雞翼都有一些。但這裏的醉雞全部都是雞胸，而且雞肉粗嚡。北京填鴨（半隻）$168片皮鴨皮比較腍，但鴨肉比較香，這個價錢算是不錯。宮保雞丁 $86炒得比較香口，有乾辣椒、腰果、雞粒 等鴨兩食：茄子炒鴨架（半隻） 加$60非常鹹，而且鴨肉很嚡口，茄子很少。京燒羊肉$138普普通通，但皮燒得非常香脆乾煸四季豆 $75常見的家常小菜，這一碟味道唔錯。拔絲蘋果$78正正常常，還可以。埋單連加一$875 ，價錢不算太貴，但係質素普通，可以有其他更好的選擇。服務質素麻麻，服務員在上菜時不停說話，並沒有戴着口罩，感覺非常不衛生。而且每一個服務員感覺到黑口黑面，並不是說一定要面帶微笑，但黑面的而且確令人感到不開心。由於坐得比較近走廊位置，服務員在推碗碟車的時候被撞了不止五六次，而且椅子位置已經坐得非常貼近餐枱，但依然每一次推車都被撞，令到心情非常不好。

原來餐廳係用gulu可以拎飛一黎到門口就好多人不過好彩又唔算等太耐可能咁啱1 round完咗重頭戲要order嘅一定係片皮鴨我地2個人order咗半隻份量都幾足而且配料可以refill 同埋蒸皮都好多塊不自覺食咗好多件但以百幾蚊嘅價錢係性價比高我地仲order咗黃金南瓜香口野炸皮好薄不過就可以上碟太快比較冇咁乾身同脆但南瓜好甜另外再order咗葱爆羊肉想試下佢地煮得有冇鑊氣呢個就不過不失但如果可以想多d京葱而唔洗放洋蔥

【九龍城•五匠六釜】@ππππππππππππππππππππππππππππππ啟德airside人氣中菜餐廳鮮椒柴藤田雞鍋（3辣)麻辣魚皮（3辣）農家炒飯檸檬益力多鮮椒柴藤田雞鍋（3辣）使用新鮮的辣椒和具有濃郁香氣的柴藤田家養的土雞。選用的雞肉肉質紮實，口感扎實，搭配獨特的柴藤田雞煮出的湯底，湯色澄黃且富含雞肉的鮮味。3辣的選項為愛好刺激的食客帶來了足夠的辣度，但不至於蓋過其他食材的風味，整體來說非常均衡且令人回味。麻辣魚皮（3辣）這道川味小吃以其獨特的口感和濃烈的麻辣味使人難忘。魚皮經過精心處理，保存了彈性和軟嫩，與辣椒油和各種香料的結合非常完美。3辣的等級同樣帶來了顯著的熱度，而花椒的加入則帶來了微妙的麻感，挑逗著味蕾。這道菜是對擅長處理川菜經典口味與辛香料搭配的廚師的絕佳詮釋。農家炒飯農家炒飯以其簡單樸素而著名。使用的當季蔬菜新鮮爽口，米飯恰到好處地炒至金黃，每粒米飯皆飽滿油亮，散發著隱約的蛋香和蔬菜的鮮味。這道菜吃起來不僅滿足基本的飽腹感，還提供了豐富的營養和溫暖的家庭味道。檸檬益力多這款飲品顯然是將檸檬的清爽與傳統益力多（的功能性結合在一起。酸甜可口的檸檬汁提振了精神，而

🍲 五匠六釜 🍲今天來到啟德的五匠六釜，準備品嚐一頓豐盛的美食盛宴。走進餐廳，被充滿活力的用餐氛圍所吸引，馬上讓人感到期待。🥢 雞絲粉皮首先品嚐到的是份量十足的雞絲粉皮，粉皮幼滑爽口，搭配上濃郁的麻醬，味道十分出色，令人回味無窮。🍛 欖菜肉粒炒飯接著是具有鑊氣的欖菜肉粒炒飯，欖菜的酸甜配搭炒飯，美味絕頂，每一口都散發著獨特的香氣，令人欲罷不能。🎃 黃金南瓜黃金南瓜炸得外脆內軟，鹹蛋黃與南瓜的完美搭配，帶來甜甜又鹹鹹的美味，每一口都令人驚艷。而且送上桌時還是熱騰騰的，讓人一口接一口。🥟 肉三鮮餃子最後是肉三鮮餃子，皮薄餡多，湯底也十分美味，每一口都充滿了鮮美的肉汁，令人愛不釋手。總的來說，五匠六釜提供了豐富多樣的美食選擇，每一道菜都十分出色，絕對是一個值得一試的餐廳。📍 地址：啟德協調道2號 Airside 6樓 602號舖

對此餐廳非常失望，上網訂座了6:30pm，餐廳當天4:00pm左右提示訂座了和說明限時90分鐘，家人6:25pm已到現場，但餐廳必需所有人到齊才可以入坐，如果不限時的話，齊人才可以入坐非常明白，反正限時，book了6時半，我8:00前走咪可以，6:40先齊人，亦冇枱比我地，最後7點05才能進，咁我book枱嚟做咩？有咩用？唔想做生意就咪鬼做啦，食物質素一般，餐具比較油，只是座位比較舒服！有時間同齊人先好去食

5月4日，我們在17:45預訂了一張7人枱。我們已有3人到咗，當我們拎枱時遭門口待應拒絕，要我們齊人方可入座。我跟待應講可以照計時，唔影響還枱，但待應仍然不肯安排入座。期間，不停安排walkin客人入座。17:50，我們已經人齊，可是，這間餐廳已沒有7人枱給我們。我們冇耐地接受餐廳剩餘最後一張嘅6人枱。在埋單時，餐廳仍跟我們去解釋，他們必須要人齊才可入座，不論是Walkin還是訂座。都已食完，唔需要再跟佢討論這個問題啦。

出邊落大雨，梗係行商場啦，路過呢間嘢都坐左一半食客，膽粗粗試吓同埋支持本地食肆。餐廳裝修都尚算光猛，亦有近窗口嘅位置，餐廳內部大枱唔算多，主要最多都係六位以下嘅枱。枱上面一早已經安排好餐具同埋洗碗兜、茶水。QR code落單。我哋兩個大人加1個小朋友，一共叫咗個陽春面、三鮮水餃🥟、羊肉水餃、辣椒土豆絲、京燒羊肉食咗個陽春麵之後。佢之後嘅嘢食冇乜期望。點知個辣椒土豆絲非常之有驚喜，除咗土豆絲之外亦有唔同配菜，非常足料。兩碟餃子亦都在水準之上。可惜京燒羊肉係炸㗎，略嫌油膩，不過性價比好高，$400有找

Airside 💁🏻‍♀️五匠六釜。向airside嘅五匠六釜位於6樓空中花園樓層。到達時已經有好多人喺門口排隊，應該都好多捧場客😃。首先講吓環境，坐得都幾ok舒適闊落。而且店員服務很好。上菜速度理想，每碟都大大碟好抵食。賣相亦都唔錯。食物水平可以，服務質素好。今晚我哋叫咗：1）白菜豬肉餃 - 肉質Juice，粒粒都好大粒。而配合埋辣椒醬汁好有家鄉風味。2）秘製杭州骨 - 份量十足，有啲似糖醋骨。再加上有菠蘿洋蔥炸薯仔粒，好有特色，好足料👍🏻3）蔥爆牛肉牛肉柔嫩彈牙，配合埋大蔥爆香醬汁。齒頰留香😌好美味。4）四川擔擔麵份量十足，好有家鄉情懷。食到好濃嘅家鄉味😚我哋見到好多人都有嗌片皮鴨＆酸菜魚，都好大碟，相當抵食👍🏻👍🏻。menu仲有好多好多唔同種類嘅美食。餐廳亦有推出特飲，主打鴨屎香檸檬茶，有機會再嚟試試。

之前去咗Airside行下，random入咗呢間片皮鴨餐廳食lunch，野食味道普通，但性價比幾高😛北京填鴨🦆 (半隻，跟一份餅皮約20片) $168 (1隻，跟兩份餅皮) $318半隻片皮鴨份量唔少，擺盤都幾靚幾吸引！鴨皮夠脆，不過鴨肉部分比較乾身冇咩油脂香🥲鴨兩食：茄子🍆炒鴨架(半隻) $60片皮鴨可以追加炒鴨架揀茄子或者紅椒幾入味😙黃金南瓜🎃 $82呢個份量超多，應該4個人以上先食得哂😂 南瓜好夠甜，加左薄炸衣同鹹蛋黃食落好香口，不過要趁熱食最好味😍📍五匠六釜🍽️ 7.5/10@jan_foodiary

星期六帶左狗狗去Airside, 尼個商場係pet friendly, 點知得幾間餐廳可以帶竉物，而且一定只可以安排坐於餐廳外圍，狗狗又要放係餐廳範圍出面，咁都算pet friendly 咩？最後去左五匠六釜食飯，等左兩個鐘終於有枱，但係坐低左冇人理，水又唔俾，連落單barcode 都冇俾我地。 因為坐左係reception 隔離，咪叫前台位姐姐俾啲水我地，點知佢(啪）一聲大大力掟低個壺😡😡，咁既服務態度就算食物ok 都冇下次啦！👎🏼👎🏼你估唔駛俾錢咩！想叫北京填鴨又賣晒。個水煮牛肉過鹹同太多鈉。家常餅,四川擔擔麵，同農家炒飯都正常ok既。但下次去airside 一定唔會再幫襯呢間。

係openrice見到呢間餐廳特登過啟德試下，點知搞到一肚氣。事源夜晚6點半去到餐廳拎飛，當時機器顯示叫到43號飛，而我拎44號，即係下一張就會到我。但係呢個時候有客人過黎，應該係過左號碼，所以下一張枱要補返比佢，咁我都明白。然後門口的知客小姐就問仲有冇其他要補飛的客人，當時佢都話如果未叫號的就不用同佢講，如是者就繼續叫號碼。但係點知佢下一張飛竟然叫46號，仲一枝箭就帶左兩位客人入去！重點係當時機器仍然顯示叫到43𠮟，即係44及45號飛仲未叫到！我地就即刻同知客小姐講：我：我係44號飛仲未叫，點解會比46號飛入去先？知客：佢地補飛架！（仲未意識到問題）我：但係你都未叫44同45號飛，點會比46號飛入架？知客：（終於意識到）唉呀，冇睇到我：你頭先明明話未叫到就唔需要同你講補飛，佢都未叫到同你講，你睇都唔睇就排後補，又睇都唔睇就比佢入先。知客：咁都冇辦法，人地都坐底左。然後佢就冇理我，我嬲得濟就走左去樓下另一間食片皮鴨。其實我都明白忙中有錯係好正常，而且客人已經坐底左係冇可能叫人地起返身，但最起碼都應該講返句：「唔好意思，下張枱即刻比返你」，而唔係一句冇辦法就算。而且即使要補枱都唔應該比哂

-去airside咁多次 真係第一次上6樓喺OpenRice訂咗呢間食京川菜嘅餐廳裏面有我鍾意食嘅片皮鴨 仲要係超抵食😍5:30入座 QR code落單 用餐時間90分鐘 🫨大約六點左右已經全場爆滿 直至到我哋差唔多離開⋯出面已經企滿晒等位嘅客人😧可想而知呢間嘢都幾多人幫襯🥢我哋兩個人叫咗三個菜式 兩杯飲品⋯埋單只需要四百零蚊 😋真係可以講係親民嘅價錢🔹北京填鴨 半隻 (包一份摩摩皮) $168片皮鴨以$168呢個 價錢 可以有呢個份量真係滿足😌鴨皮油脂豐富 仍然保留住微脆口感 包埋青瓜京葱甜面醬一口塞🤩Jeng 多數出去食片皮鴨啲皮好快就冇晒⋯去到尾只有淡口食滿滿油脂既鴨肉鴨皮😅呢度完全冇呢個問題塊皮夠薄又有煙韌嘅口感(不過有少少難搣開😅)🔹草捆牛骨 (小) $120未食過呢種牛肉😀 見Menu上面又好似幾吸引就叫咗試吓 其實就係用比較傑身既黑椒汁去煮🤣牛肉好軟腍⋯但就略嫌比較多肥膏🔹螞蟻上樹 $82呢度嘅螞蟻上樹都幾大兜 辣辣地好開胃🤤兩至三個人share啱啱好👍🏻🔹鴨屎香檸檬茶700ml $28🔹檸檬益力多700ml $28飲品🥤就勝在好平 呢個價錢 出邊手搖店都未必飲到

諗住放假試新餐廳，見到咁多人排隊，以為一定好好食點知得返8:30先有位，坐低咗先發現原來一早已經冇晒片皮鴨，但係職員完全唔理我。唯一同職員有對話係門口姨姨指引我去邊張枱，然後由我哋自己行去枱 去到落單埋單都係自己服務自己！就連加茶都係自己做！食物嘅質素非常普通，同一般屋村酒樓嘅質素一樣，朋友話可能部份人都係住附近，貪方便過嚟食。因為價錢唔算好貴，所以成為了解方飯堂但絕對唔建議特登搭車或者揸車去食！同埋我哋發現廚房會特登等到有其他客人點同樣嘅菜，先會一齊煮，每次一出就三四碟一模一樣嘅菜，好有機會自己嗰啲分少咗！我哋最後叫咗酸菜魚，我哋五個人 每人都唔可以分到兩塊魚片，然後鹹到要不停飲水，勁濃味辣子雞丁，只係炸雞粒，每一粒只有手指公咁大，都係每人得兩粒，然後成碟都係花生同埋辣椒四川擔擔面，食落去係麻辣雞煲味，只係湯底有味，個面係完全冇味黃金蝦，係比較好食嘅一碟，不過係一定定冇辦法咬返蝦殼出嚟，如果唔想食蝦殼嘅朋友就唔好點啦蝦蛋炒飯，完全想像唔到高級餐廳會用三色豆炒飯！完全同我中學食嘅頹飯一樣京蔥炒牛肉，一食落去就覺得好似乾炒牛河嘅味道總結，完全唔推介！餐廳完全冇服務！食物質素亦都好普通！

接近黃昏時間來到，等左一陣位，坐近窗邊，冷氣太大有點凍，好在都有杯熱茶可以暖下手。可以見到車站廣場附近的街景。北京填鴨 半隻 ｜ $168好似都好多人食北京填鴨，看起來份量都算多，皮也有好多塊，2-3個人食半隻都可以。鴨皮可以再脆一點及多一點，配料有青瓜，青瓜多一點更好。糖醋魚片 ｜$86魚肉無骨，都有好多魚塊，配料有青紅椒，不會炒到過老。菠蘿酸酸甜甜，幾開胃。茶位｜$5茶都夠熱，不過碗筷有少少黏。