九頭鳥米線

營業中

休息中

最近，去左九頭鳥食米線🍜🥘湯底我叫左十小辣，辣味刺激但接受到😋大家唔算好食得辣都可以嗌嚟試吓🌶️🐠炸魚肉春卷炸魚肉春卷超好食，一食個下feel到係啱啱炸好，佢好脆而入面嘅魚肉好入味。好推薦大家叫呢個餸😋🐖豬軟骨不過，豬軟骨就冇咁特別好食喇。豬軟骨嘅質感比較硬冇入口即化嘅口感，雖然佢都好大份好抵食，但係味道都冇特別突出。大家可以試下叫其他餸試下。如果你等唔到譚仔，又或者想試下其他米線，可以去九頭鳥試下個炸魚肉春卷😊

🍜九頭鳥米線雲南酸辣竹笙+豬大腸+魚肉春卷+墨魚頭+紫菜 湯底酸辣程度好分明～夠味之餘岩岩好唔會太酸太辣～真係幾好味好夾米線食～米線爽口彈牙落單時有得選擇淋d～竹笙同豬大腸都洗得乾淨～亦好入味🤤🤤魚肉春卷好好味😋大舊得黎仲要啖啖肉～墨魚頭爽脆份量亦唔小😍😍霸王雞翼必試‼️真係好入味～等佢十分鐘係值得👍盛惠💰$1xx好味指數(7級最佳)▁ ▂ ▃ ▄ ▅ ▆ ▇—————————————————☻非專業食評·純個人口味☻—————————————————📍總結:味道上係小編意想不到既好食😋當然未食過都知應該唔差架啦～中環分店多人到呢😎價錢其實唔算好貴～因為都幾大碗😜建議大家lunch食飽飽出門口先傾啦～俾個空位其他上班族醫肚啦🤭

通常去譚仔，三哥，南記食米線，都指定食相同的配搭，今次第一次食九頭鳥，好有新鮮感，試咗多人叫的春卷，雲南酸辣3小辣，我覺得同譚仔不同，但都好味。下次可以再試辣多兩度。春卷質地感覺都同南記好似，份量都好多，有5條。下次會想試吓其他湯底，但春卷一定要encore，可以同朋友share但一定要預時間食呢間，lunchtime等位人多，等外賣都多，等上菜，好多枱都有吹單但我覺得同朋友去便可以傾耐D，坐耐D.. 有心理準備就唔使咁趕

九頭鳥米線突然一年內冒出黎係港島開左3間分店，近排仲進駐九龍開多間，個個都好神奇咁問到底發生了什麼事? 加上唔少人食過九頭鳥後話似足譚仔翻版，有一日係中環開完會，咁岩一丁人，就去試下呢間神奇「連鎖」米線店。店舖裝潢或許用木系為主題，感覺上都有點簡約風，如果唔計隔板的突兀之感，其實你話去Café都似。講番食物，餸料選擇方面其實都幾多選擇，包括有魚肉春卷、墨魚頭、豬肚、豬軟骨等。米線上枱後份量都唔錯，魚肉春卷都幾大件，仲要有3件，而食落去同平時食開唔同，表面係脆皮，好唔好食就見人見智，唔好食就會覺得比較乾，但我就覺得幾特別，食落去有脆皮口感。另外都叫埋雞肉，雞肉正常發揮，至少唔會有雪味，但調味就略嫌輕手左。米線都爽彈，唔會過淋，而湯底就真係幾似譚仔，但相對濃郁些少。整體黎講，九頭鳥係譚仔同南記的結合體，比譚仔濃郁的湯底配上有南記「脆皮」的魚肉春卷，如果揀連鎖的話，三間黎講如果保持水準，我暫時會揀九頭鳥。

朋友介紹食呢間九頭鳥米線，話湯底好似譚仔🤣 今日黎開中環呢邊做野，中環區食個米線40零蚊都係唔錯嘅選擇。我食麻辣，覺得九頭鳥個湯偏辣，譚仔就偏麻，各有各好。九頭鳥優勝之處係佢嘅餸好多，叫春卷有成5條，好開心😄仲叫左2款小食，係豬耳同墨魚頭，豬耳味道偏淡，要點多啲汁先好食，墨魚頭就幾爽口，有少少咸香味，唔錯😇不過留意番呢間係極多人排隊，真係超受歡迎，你預要等半個鍾以上，大熱天時我試過一次就未必再去住啦，等冬天先😌😌😌

外賣平台落定order,去到取米線。足足遲左28分鐘。大熱天時，暴曬足半個鐘等。四周等外賣也怨聲載道。單就不停的接，廚房出米線程度遠追不上，只管自己做生意，懶理食客去等。不尊重食客的店，不了。

最近講起米線，好多人都提起九頭鳥，依家有4-5間分店，而款式味道有另一間米線集團嘅影子。試過3間分店，中環店最出色。必點魚肉春卷，今次再加豬潤，雲南酸辣🌶️（+$3）3小辣，再轉薯粉（+$3）。平時一餸魚肉春卷有5條，又長又份量好多。雙併魚肉春卷就有3條，春卷好味似啱啱炸起，啲皮仲有啲啲脆；豬潤唔鞋有啲爽口，有豬潤味… 溝埋酸辣湯底，！另一次食齋魚肉春卷雲南酸辣2小辣🌶️🌶️，但成碗油浸咁，唔知其實係咪小辣嚟… 只係搞錯俾錯我🤔。咁紅被嚇親。試過另外2間，一間春卷短啲，一間春卷皮淋嘅，真係一般般，而湯底都好似淡啲….不過普遍都有一個問題…. 上得慢…. 或者非常慢….

👉🏻 @九頭烏，真係食完唔會想食譚仔了😂，簡直真係升級版嘅譚仔！！！#1 2餸麵（豬紅➕雞肉）$46#豬紅 : 好滑、好入味、份量多😍👍🏽#雞肉 : 嫩，唔會老！👍🏽👍🏽麵🍜: 份量多👍🏽湯底: （#麻辣三小🌶 ）試咗幾啖湯底，感覺好鮮好有味道，會想飲多啖👍🏽😂🤣------------------------------#2 3餸麵（魚肉春卷➕豬紅➕雞肉）$58#魚肉春卷 : 嘩，好好味！外皮係脆的，同 南記 到嘅春卷又唔同感覺，好值得一試！湯底: （#重慶酸辣三小辣 🌶️）一開始以為會好辣，原來都ok，到就唔會食到原本湯底嘅味道，因為太重口味，都係建議按個人需要選擇適合自己湯底比較重要！🫶🏼👍🏽🤣------------------------------#3 小食~#海蜇頭 $40份量: 夠二人份👍🏽口感: 一流，好大塊，食完好滿足！👍🏽#4 小食~#大麻辣雞翼 （5隻） $40味道: 麻辣，建議下次食要先叫雞翼，先食會有味d，我地食完麵再食雞翼就唔係好食到味道。😣🫣口感: 好滑嫩辣度: 個人覺得還好，接受到，唔會太辣！👍🏽👍🏽#5 小食~ #辣鵝腸 $45人生第一次食

中環少有非連鎖既米線舖內唔大，眼見都乾淨企理不過今次係買外賣外賣湯麵分開，約15分鐘後食，麵都唔會硬左一舊清湯都好夠味，但偏咸少少米線係幼身米線，滑溜又軟硬適中豬軟骨微辣，同埋雞肉都唔錯，好軟淋阿姐態度良好peak hour 外賣等左約8分鐘，合理

一人之米線自己一個安排了好似吧枱咁一格，我覺得好唔錯，有私隱得嚟又唔洗對面有人我叫咗螺旋藻+豬紅+墨魚頭，蕃茄湯5小辣米線 +一 杯凍鴛鴦$63依間店用QR code 落單，每樣野都寫得好清楚，我叫咗小米線可以減$1, 我仲叫咗米線要淋啲，合曬好多人口味，中意點改就點改😀😀蕃茄湯底好濃郁，而且有啲愈食愈辣🤣🤣墨魚頭我覺得好好味，每舊都唔係細細粒咁比你，而且非常之爽口，螺旋藻都好唔錯，不過唯獨豬紅我覺得麻麻地，唔知係咪因為用清水淥定先定點，我覺得味我似有啲怪怪😅😅整體嚟講依間算係底食又有食嘅米線🥰🥰

香港人實在很喜歡吃米線，所以不管是大型連鎖店還是自己小本經營的米線舖，都總有一間會在你附近，雖然每一間米線舖可以選擇的食材都大同小異，不過總會有一些食材讓你選擇他一睇餐牌係咪有一種好熟悉嘅感覺呢😂價錢雖然貴少少，但可以選擇的配菜都差唔多（感覺上依間會多少少，冇實則去數）而且可以加錢轉薯粉魚肉春卷 $41 推薦指數🗯️：🌟🌟🌟🌟他們春卷的份量很多，有足足五條，而且每一條都唔短，食落表面仲脆脆哋，內裏的魚肉餡好爆如果其他米線舖食到厭，試吓依間也不錯以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。

見到九頭鳥米線排隊，招牌、裝修都好似譚仔，上網睇下好人話好食，咁要食下啦！翻開餐牌，確實有9成相似。配料方面，九頭鳥就多啲選擇，有雞翼尖、豬脷、豬大腸及豬肚，還有螺旋藻、墨魚頭等特色配料，選擇多多， 即刻有選擇困難。湖南酸辣＋ 豬大腸＋ 竹笙米線粉量唔算好大碗，湖南酸辣辣味温和， 辣味唔太突出，得一個辣度揀，口味比較偏酸，米線腍身。蒜泥白肉肥瘦均稱，夠多蒜香，好味！麻辣墨魚頭爽口，唔太辣，偏咸，都唔錯，幾惹味！呢間都唔錯，同譚仔無太大分別！可以推介！

濕濕淰淰的下雨天，十分需要一碗熱辣辣的湯麵暖暖胃，所以今日和同事到九頭鳥吃一碗米線！我點了魚肉春卷雞肉米線，雲南酸辣3小辣🌶。同事點了竹笙炸醬米線，麻辣小辣🌶🌶。另外加了麻辣鵝腸🪿，兩杯凍檸茶🍋，盛惠166元🤗先喝一口湯底，酸勁十足，辣度可更多，下次決定一試小辣，配料有花生，芽菜，酸菜，十分足料。魚肉春卷有3條，香脆可口，跟南記春卷一樣好味，必點！雞肉十分出色，用上雞脾肉，十分嫩滑，有別於譚x的較乾的雞肉。同事的炸醬相對較遜色，沒有肉碎，真的是一個醬，有點失望。🥲小食的麻辣鵝腸屬於必點之選，爽脆沒有異味，麻辣汁惹味，推介！

成日都聽到朋友推薦食九頭鳥米線，話同致命米線舖好似，呢排行街見到就試試佢啦！米線舖嚟講佢都算多餸可以揀，平時識開雞肉藍玉或者係一啲墨魚卷都可以有得揀。當日我就揀咗腩肉、墨魚卷、豬膶，仲加咗個蒜泥白肉。啲餸嘅味道正正常常，不過豬潤就偏細塊同乾身，由於本人比較鍾意食厚身爽口，可能就唔係太啱我啦。反而個墨魚卷表現非常良好，食得出佢啱啱炸起嘅味道，配埋成個湯底都幾嘢味。至於個蒜泥白肉，蒜泥唔係生磨蒜，唔會話太辛辣，腩肉質地都爽口，想加個小食都可以一試。

第一眼望到餐牌都覺得同譚仔好似，但係仔細睇就會發現有d配料其實有少少唔同🧐九頭鳥湯底就有有6款湯底可以選擇，譚仔有嘅四川麻辣、重慶麻酸辣、湖南酸辣、番茄、清湯係九頭鳥都有，唯獨係九頭鳥多咗雲南酸辣湯底選擇👍🌶️辣度都係由10小辣到特辣選擇配料方面就係九頭鳥選擇多d，同譚仔一樣都有腩肉、墨丸、魚肉春卷。另外仲有辣滷水配料，例如豬大腸、豬肚、豬耳等等🐖🔎米線可以加$2轉紅薯粉🍜魚肉春卷＋雲南酸辣湯底(3小辣)米線 $44湯份量好多，但湯底冇辣味，偏酸加上好咸，食哂成碗會覺得好口渴👎魚肉春卷份量好多，唔乾身好juicy👍米線偏腍，唔太彈牙🤭🌟 Lamlam脷指數 😋😋😋 (3/5)🐥霸王雞翼(大) $40好似譚仔嘅土匪雞翼，表面舖滿黑芝麻雞皮好脆，咬落都幾多汁😚雖然雞翼大隻過譚仔，不過唔入味☹️🌟 Lamlam脷指數 😋😋 (2/5)🌟整體評價: 湯底太咸，同埋辣味唔夠，鐘意食辣嘅話都係去返譚仔食會好d。抱住翻版譚仔嘅心態嚟試會有d失望，不過以普通米線嚟講就不過不失啦😊🌟 Encore指數 ⭐️⭐️ (2/5)