九五至尊火鍋狗毛

營業中

休息中

呢一間新開嘅餐廳係尖沙咀，距離地鐵站都唔係太遠嘅路程，主打係火鍋或者泰國菜，裝修非常新，而且坐落都非常舒服，非常適合三五知己或者朋友聚會，我哋今日係大概夜晚8:00嘅時間黎食，可能係平日嘅關係，唔使訂位都可以直接入到去！店員都非常熱情，向我哋介紹佢哋最新嘅餐牌！最後我同朋友就決定咗食泰國菜！佢哋就介紹我哋食咖喱大蝦，標榜餐廳係用新鮮嘅大蝦製造唔係用雪藏貨！🩶咖哩大蝦，嚟到嘅時候份量都非常驚人，有四隻大嘅海蝦，我哋就會配埋薄餅，薄餅配咖喱，我諗都唔使多介紹，非常入味，每一隻蝦都非常新鮮彈牙，而且食得出真係唔係雪藏貨，咖喱嘅味道都非常濃郁，係黃咖喱，味道非常正宗，我同朋友都非常鍾意食呢一道菜度菜🩶燒牛肉，好多泰式嘅燒牛肉都會控制火候方面做得唔係咁好，但係呢一間燒牛肉就令我哋非常有驚喜，每一件都有粉紅色嫩口，而且食落去juicy, 唔會有好鞋嘅口感，呢一個位非常值得抵讚！再加埋餐廳特製嘅醬汁，令到口感嘅層次上更加有特別！🩶泰式炒通菜，份量非常多，而且我哋叫咗小辣，廚師都有因應我哋嘅口味唔會放得太多辣椒，通菜非常爽口，食落亦都有廚師嘅鑊氣，食得出泰國嘅風味！埋單之後，店員仲請咗兩個楊枝甘露俾我

前排天氣凍，試過佢地個羊腩煲，羊腩好新鮮同好大件，不錯！所以今次決定試吓打邊爐加唱K！K房裝修一流，而且超級方便！一路唱住歌一路打邊爐，間房仲有獨立廁所。音響設備齊全打邊爐嘅食物質素唔錯！我哋叫咗手切牛肉，羊肉片，豚肉，竹笙，韭菜餃，墨魚滑....特別係啲刺身好新鮮，價錢好合理！我覺得地點位置好方便，尤其係約朋友慶祝生日，同埋開到好夜！（好似去到凌晨六點）入邊地方好大，除咗有得篤波仲有得玩飛標 🥰

老細食鱔日記🪱 11 老細讀左好多書，完成左整個九年免費教育。學識淵博，而且我諗佢有自習精算。有日有個sales 比左個供應商報價話加左價，九個item由每個四百加到五百蚊，佢話冇吖，九五三十五，平左喎。就係咁佢以後就成為大家口中既九五之尊。反工對住個數口咁精既，好攰。好彩朝九晚五後可以黎呢度放鬆下。 🍖食個本地手切牛，大碟到不行，肉味好濃，而且機切永遠冇手切個種口感，駌鴦鍋一邊既鴨血麻辣鍋直頭係佢既絕配。的坑吸實d汁，調味料都唔洗落。而我所講既肉味濃，就係因為就算辣都蓋唔過佢既濃郁。不過仲有個牛柳粒都唔可以睇少，我地一開始就倒左佢落去個湯底，20分鐘之後先至撈出來食，唔單止唔靱，而且吸收左啲辣味，又有另一番滋味。仲有一個炸腐皮卷同個風琴串，喺嗰湯底煲甘上下嘅時候放入去，吸收辣味嘅程度更加高，味度更加過癮。 🍖另一邊箱嘅胡椒豬肚湯，落足曬料，勁大舊豬骨，豬肚爽滑，湯底用黎渌雲吞，手打牛丸，鮮味無比。但係最正係用黎淥皇帝菜同埋冰菜。我尤其鍾意冰菜，唔好淥太耐，冰爽口感好難會有人抗拒。 🍺✨️呢度既啤酒供應有唔同牌子，而且啤酒姐姐又好靚好nice，所以又飲多幾杯，不過其實本身打邊爐配啤酒就係

餐廳主打火鍋加泰菜, 可以一次過滿足我兩個願望. 店舖裝修新淨座位闊落, 仲特別引入左抽氣火鍋爐, 唔驚食完個身會一陣味, 十分貼心.蕃茄薯仔濃湯鍋 $148首先試左啖湯底, 蕃茄味香濃, 亦都非常足料, 就算之後再加湯都唔會將湯底沖到淡哂.蟶子皇 $48/隻 ｜扇貝$38/隻蟶子夠大隻, 熟左之後亦唔會縮水, 而且能夠保持鮮味. 扇貝圓大厚肉, 肉質細嫩, 非常新鮮.桂花蚌 $68半份唔需要淥太耐, 口感爽口彈牙.安格斯三角肥牛 $198雪花均勻, 肉味濃郁, 而且油香同肉味既比例平均, 肉質亦夠軟嫩. 黑豚肉片 $58 半份每一片都又長又大片, 而且肉質嫩滑, 非常推薦.自家韮菜水餃 $48 半份餡料豐富紥實, 入口食到滿滿韮菜, 而且欣賞佢水餃皮做得夠薄身. 泰式爆炸蝦 $148邊爐之餘, 我地仲叫左個泰菜, 每隻蝦都有手掌咁大隻, 而且肉質彈牙, 配上大量炸蒜同小許辣椒, 非常惹味, 非常推薦. 楊枝甘露 $48

今晚朋友約我去新開的九五至專火鍋狗毛吃晚餐。店裝湟有格調，坐位寬敞舒適，背景音樂怡人，地點方便，服務佳，是個和親朋眾會進餐的好地方。除了火鍋，店也提供泰菜，刺身，酒水和甜品等，選擇多元化。湯底選擇多，也有特色。我們選了雙拼湯底，蕃茄薯仔濃湯鍋酸甜清新，胡椒豬肚湯鍋微辣，又香又清甜暖胃。先飲湯再打邊爐，一樂也!醬料每位$28，物有所值，多選擇，其中以XO醬最所歡迎。火鍋食材新鮮高質。手切本地牛肉質好，有牛肉味份量足，推介! 海鮮拼盤也不可錯過 ，鮮鮑魚仔爽甜，扇貝和蟶子皇鮮甜美味，鮮海蝦和大蜆也可口。炸芋頭粉糯，娃娃菜鮮甜。燒羊肉串肉香嫩，好食。最後，吃埋楊枝甘露做甜品，為這餐劃上完美句號。下次叫多些朋友來，可以試埋泰菜。

九五至尊火鍋加酒吧店位於尖沙咀寶勒巷新開張，我有幸品嚐了他們的美食。這家店的食物質素非常高，令我留下深刻的印象。從食物的味道到裝修的水準，九五至尊給了我全方位的享受。首先，他們的泰式刺身蝦給我留下了深刻的印象。新鮮的蝦肉搭配著泰式的調味料，帶來了一種獨特的口感和風味，讓人回味無窮。另外，還有一道令人驚艷的象拔蚌刺身，鮮嫩多汁的象拔蚌肉質配上精心製作的醬料，令人垂涎欲滴。他們的麻辣火鍋也絕對是一大亮點。辣味十足的湯底搭配新鮮的海鮮和蔬菜，讓人一吃難忘。尤其是他們的泰式美食，口感豐富多樣，每一口都散發著濃郁的香料味道，讓人彷彿置身於泰國的美食天堂。除了火鍋，九五至尊還提供了勁足料雞鍋和靚肥牛等美食選擇。勁足料雞鍋的雞肉鮮嫩多汁，配料豐富，配上6種不同的菌類和雞肉煲成一窩，真係喜歡飲足料老火湯的首選，每一口都帶來滿滿的滿足感。而靚肥牛則散發著誘人的香氣，肉質鮮美，口感極佳。此外，九五至尊的店內裝修一流，營造出舒適優雅的用餐環境。服務員熱情友好，提供專業的服務，讓我感到宾至如歸。整體而言，九五至尊火鍋加酒吧店對食物的品質和用餐體驗的追求可見一斑。總結而言，九五至尊火鍋加酒吧店給我留下了深刻的印

蕃茄薯仔濃湯鍋拼冬蔭功湯鍋 $148性價比極高嘅湯底，嚟到之後湯滾咗可以飲咗碗湯先，冬蔭功湯這個酸酸辣辣的湯，有菇菌，愈飲愈上癮醒胃醒神最啱。蕃茄薯仔濃湯，蕃茄味較濃而加上薯仔同埋粟米，酸甜開胃濃稠健康。燒羊肉串（2串） $28羊肉肉質鮮嫩，好吃不膩，又夠juicy。椒鹽魷魚鬚 $88炸得非常香脆，惹味可口，正！美國特級牛小排 (大) $338牛小排的油花分佈均勻，質地柔軟，多汁嫩口，口感非常好，加上濃郁嘅湯底，可以唔使入口醬料都已經好好味，非常入味。黑豚肉片 半份 $58肉片薄薄一片，吃起肉質細嫩，滑潤而不澀。蒙古羊肉片 半份 $48羊肉味道香濃，不會太過羶。唐生菜 $48好嘅湯底一定要嗌菜，非常掛汁。👍🏻

趁住天氣仲凍打邊爐，今日同細妹來到尖沙咀呢間新開既舖頭餐廳超寬敞好好坐我地要左最愛既鴛鴦湯底，胡椒豬肚拼番茄薯仔湯；番茄湯極之濃郁鮮甜，忍唔住飲左兩碗；而胡椒豬肚湯就超足料，岩曬冬天食最特別係爐既位置比正常既低，咁就算個爐較到大火都唔會煙霧瀰漫🤣勁fresh既蟶子，碌一碌就食得，清甜爽口安格斯三角肥牛($198)牛紋靚，肉味濃☺️龍眼蜜($28)只係點左一杯但餐廳比左兩杯我地，知道落錯order 之後乾脆多送一杯比我地飲🥹最後埋單仲送埋甜品-相當足料既楊枝甘露🥹裡面好濃芒果味，聽老闆娘講甜品原來係自家製

呢幾日凍凍哋，見收工咁早想係附近同同事打埋個邊爐先返屋企本身想去食開嗰間，但行過寶勒巷俾呢間嘅裝修吸引咗，仲要又有邊爐又有泰國嘢仲有埋酒飲，即刻要試吓佢！入面勁大，啲位勁闊，坐得好舒服唔係填鴨式卡位！我哋坐咗上面呢個圓型位，勁啱傾計！同行一個唔食得辣，一個又勁想食辣所以叫咗個鴛鴦湯底，嗌咗蕃茄薯仔濃湯鍋同埋麻辣鴨血鍋，一拎上嚟我哋已經知道堅料！唔係好稀嗰啲職員推薦我哋飲吓個蕃茄湯先再煮嘢，個湯好濃蕃茄味，而且好足蕃薯薯仔係入面，麻辣鴨血超香，而且好多鴨血又係好足料手切本地牛(中) $268色水夠新鮮，重牛味，推薦！！蜂巢豆腐 半份$28手打墨魚滑 $88鱔片 半份$68呢個都係好新鮮，原薄適中，推薦！！Infinity 特色燒雞 $268呢個大推！！啱晒打卡，即叫即燒皮好脆，雞肉好juicy，啲菜吸收晒啲雞油好香最後食埋甜品陽枝甘露 $48食物質素高，環境好，呢個價錢好抵食今餐好好味好滿足☺️

今晚同屋企人去試新野，喺寶勒巷新開嘅高質型格火鍋店「九五至尊火鍋狗毛」，餐廳裝修帶復古風味，除咗火鍋之外仲可以食埋泰菜，一次滿足晒兩個願望✌🏻餐廳中央位置有自助醬料枱，醬料款式多達十多款，更提供蕃茄仔同青瓜作開胃前菜🍅🥒蘿蔔牛邊腩煲推介👍🏻鍾意食牛腩嘅朋友仔一定要點呢個煲底，牛邊腩嘅份量十足，足足有成二十幾舊，肉質鬆軟夠晒入味，蘿蔔香甜軟腍，配以濃稠嘅醬汁，鑊氣十足，比大排檔嘅蘿蔔牛腩煲更加出色👍🏻我仲嗌咗鮮腐竹加入煲底一齊煮，滑溜嘅腐竹吸滿醬汁，特別好食😋美國豬梅肉片豬梅肉片口感爽彈，大大片帶少許脂肪，肉味夠香夠濃，用黎打邊爐最適合不過鮮鮑魚仔一定要嗌海鮮！！店家嘅海鮮新鮮又抵食，鮑魚仔只係$28，但一啲都唔細隻架，店家好貼心喺上枱前已經將鮑魚內臟處理好，仲𠝹上刀花等鮑魚煮嘅時候更加入味快熟，入口彈牙鮮美，有驚喜🤩扇貝必點👍🏻扇貝嘅個頭非常大隻，厚肉鮮甜，價錢一樣咁抵，只係$38，以呢個價錢食到咁新鮮高質嘅海鮮，第二度一定揾唔到，超讚🉐手打墨魚滑墨魚滑加入咗粒粒蟹籽令口感更加豐富，Q彈有咬口，手打令墨魚滑增添靭性，絕非一般貨色手打牛肉丸呢度嘅牛肉丸係超級大粒，比牛肉球更大粒，牛丸肉質

九五至尊火鍋狗毛 （15/2/2024）今日同朋友去尖沙咀行街睇戲開心過新年，玩完後我哋諗住去打火鍋，行到寶勒巷見到一間新開嘅火煱店，門口有大大隻字寫住九五至尊火鍋，而且門口都看到店內環境，環境唔錯，裝修典雅，地方濶大，座位舒適，亦有好多紅燈籠在天花，好古色古香，好有打卡點，仲有音樂歌曲聽，亦好有酒吧嘅風味，真係令人好有興趣入去食。這間九五至尊火鍋位於尖沙咀寶勒巷26至36號華寶大廈LG樓全層，都好近港鐵尖沙嘴站，4分鐘便行到過來，真是非常方便。我哋以為這間餐廳只有火鍋食，但原來不是，重有雞、羊腩煲、刺身、串燒，還有好多款式泰國菜，有小食、咖喱、蔬菜、沙律、湯、海鮮、肉類、前菜、粉麵飯，真係好豐富，所以我哋改叫食泰國菜。首先我哋叫咗個泰式拼盤小食，好大盤好有香味，有炸蝦餅、自家製春卷、炸魚餅、墨魚餅、葉包雞，樣樣都炸得好食，又唔肥膩又香脆，亦唔喊又夠味道，尤其是蝦餅口感彈牙，蝦味鮮濃，越食越鮮甜。咖喱就叫左青咖喱牛腩，青咖喱味道一流，又可以選大辣、小辣、唔辣，牛腩亦都好有牛肉味，亦都好有口感，青咖喱汁又有好多，真係欠咗叫碗飯食。而蔬菜就叫咗馬拉盞炒什菜，啲菜炒得好爽脆，有少少辣令到啲炒

一進入大堂，就會見到有格調既新派裝修，地方非常寬敞，完全冇迫夾感覺。本人最怕坐到好似坐迫地鐵咁。呢度枱與枱之間有絕對嘅私人空間。醬料區係另一個亮點，大堂正中間好有高級餐廳嘅感覺，當然醬料非常齊備，本人最鍾意佢個XO醬。所以真係難得好地方，記住呢度係香港既尖沙咀，地點非常適中！今晚我係先打完邊爐，有飲酒。到最後入埋房唱K，感覺真係好新鮮。職員介紹其他房間，入邊每間其實都可以一邊打邊爐同一時間唱K，又可以掟飛鏢。所以，一邊打邊爐，一邊飲酒，一邊唱K，真係不得了！

撞正情人節，識食一定打邊爐！唔使俾人劏！喱家火鍋店位於尖沙咀酒吧街附近我地簡左鴛鴦湯底，其中包括了蕃茄薯仔湯和胡椒豬肚湯。係肉類方面，我們叫左金錢展、美國豚肉片、魷魚、鮮蝦雲吞、蝦滑和大蜆。最後，我們還嚐了一個泰式炒海鮮烏冬。整體來說，成餐飯非常划算，唔洗$800費用，而且味道非常美味。鴛鴦湯底是我地自由選擇，其中蕃茄薯仔湯清新鮮美，帶有微妙酸甜味道，非常適合作為火鍋湯底基礎。胡椒豬肚湯則帶有濃郁胡椒味道，豬肚口感鮮嫩，湯底帶來一種辣味刺激感，令整個火鍋更開胃。肉類方面，金錢展係我們首選，這種肉質彈牙，，搭配火鍋湯底更美味。美國豚肉片係另一種令人讚賞既選擇，肉質細嫩，帶有豐富豬肉香。魷魚口感彈牙，鮮蝦雲吞和蝦滑都帶來海鮮鮮甜味道。大蜆則正正常常，最後，我們叫左個嚐泰式炒海鮮烏冬，烏冬炒得剛好，海鮮鮮嫩與泰式調味料香辣完美結合！除了食材豐富選擇，喱家火鍋店既價格都非常抵食。兩個人加埋唔使$800。在整個用餐過程中，服務員態度都非常友善和專業。他們迅速為我們安排座位，耐心解釋菜單，並根據我地喜好提供建議。不過，值得一提的是，雖然餐廳位於尖沙咀酒吧街附近，但亦都提供咗一個安靜同放鬆的用餐環境

冬天最好就係打邊爐，位於尖沙咀寶勒巷新開咗一間「九五至尊火鍋九毛」，裝修典雅，座位舒適闊落，QRcode落單方便清晰，除咗火鍋外，重有雞煲，羊腩煲，還有泰色小食同粉麵！湯底揀左個蕃茄薯仔濃湯鍋拼冬陰功湯鍋$148個蕃茄湯超濃，非常好味！而冬陰功酸酸地唔係好辣！安格斯三角肥牛（中）$198份量足夠二人，油脂分布均勻，軟硬適中肉味濃，同時又食到油香味！鱔片（一份）$128非常新鮮，肉質嫩滑，爽口彈牙！手打蝦滑$88爽口彈牙，十分鮮甜！自家鮮蝦雲吞（半份）$48雲吞半份有四隻，大大隻足料鮮蝦，雲吞皮爽滑不易穿破，鮮甜彈牙！燒牛脷串18/串柔嫩帶有脆度，爽口彈牙加上有孜然調味非常惹味！干炒牛河$98好有鑊氣嘅泰式炒牛河，金邊粉煙煙韌韌，牛肉嫩滑，好食！📌每位$28/醬油費

尖沙咀新開嘅火鍋店，門面大大隻九五至尊火鍋相當搶眼，店內嘅天花有啲紅色嘅燈籠，裝潢亦都好古色古香。Menu 選擇好多，除左湯底火鍋料多選擇外，仲有好多款式嘅泰國菜同酒類飲品，可以試下唔同嘅食物。冬蔭功湯 雙併蕃茄薯仔粟米湯底冬蔭功湯底可以自行選擇辣度，今次揀左小辣，飲落容易入口唔會過酸，辣度適中。湯底本身有蕃茄同菇係入面，冬蔭功嘅濃度幾適合打邊爐，食物唔需要額外加醬油都有味。另外叫左個泰國金邊粉，瞬間就煮成冬蔭功湯麵，非常入味。蕃茄薯仔粟米湯亦非常濃郁，一開頭先飲左個蕃茄湯，感受到濃濃嘅蕃茄味非常足料。牛肩胛肉牛肉色澤同紋路都幾靚，食落都夠牛味，質素都算唔錯。另外仲有好多唔同嘅牛肉選擇。黑豚肉片豬肉肥瘦適中，食落唔會太實太un，又唔會好油膩，加埋酸酸嘅湯底，食落好開胃。桂花蚌入口彈牙爽口，感覺幾新鮮，唔洗淥好耐就食得啦。手打蝦滑蝦滑起哂膠，食落夠彈牙，有啲蟹籽咬落卜卜聲，更有口感。炸皮蛋蝦餅除左火鍋外，menu仲有好多泰國菜選擇。叫左個炸皮蛋蝦餅，皮蛋微微流心，蝦餅彈牙香脆，炸得剛好。龍眼蜜洛神花茶兩杯野飲都好足料，解渴又清熱，打住邊爐飲爽呀！