影片
更多
2024-02-28
115 瀏覽
老細食鱔日記🪱 11 老細讀左好多書，完成左整個九年免費教育。學識淵博，而且我諗佢有自習精算。有日有個sales 比左個供應商報價話加左價，九個item由每個四百加到五百蚊，佢話冇吖，九五三十五，平左喎。就係咁佢以後就成為大家口中既九五之尊。反工對住個數口咁精既，好攰。好彩朝九晚五後可以黎呢度放鬆下。 🍖食個本地手切牛，大碟到不行，肉味好濃，而且機切永遠冇手切個種口感，駌鴦鍋一邊既鴨血麻辣鍋直頭係佢既絕配。的坑吸實d汁，調味料都唔洗落。而我所講既肉味濃，就係因為就算辣都蓋唔過佢既濃郁。不過仲有個牛柳粒都唔可以睇少，我地一開始就倒左佢落去個湯底，20分鐘之後先至撈出來食，唔單止唔靱，而且吸收左啲辣味，又有另一番滋味。仲有一個炸腐皮卷同個風琴串，喺嗰湯底煲甘上下嘅時候放入去，吸收辣味嘅程度更加高，味度更加過癮。 🍖另一邊箱嘅胡椒豬肚湯，落足曬料，勁大舊豬骨，豬肚爽滑，湯底用黎渌雲吞，手打牛丸，鮮味無比。但係最正係用黎淥皇帝菜同埋冰菜。我尤其鍾意冰菜，唔好淥太耐，冰爽口感好難會有人抗拒。 🍺✨️呢度既啤酒供應有唔同牌子，而且啤酒姐姐又好靚好nice，所以又飲多幾杯，不過其實本身打邊爐配啤酒就係
老細讀左好多書，完成左整個九年免費教育。學識淵博，而且我諗佢有自習精算。有日有個sales 比左個供應商報價話加左價，九個item由每個四百加到五百蚊，佢話冇吖，九五三十五，平左喎。就係咁佢以後就成為大家口中既九五之尊。反工對住個數口咁精既，好攰。好彩朝九晚五後可以黎呢度放鬆下。
🍖食個本地手切牛，大碟到不行，肉味好濃，而且機切永遠冇手切個種口感，駌鴦鍋一邊既鴨血麻辣鍋直頭係佢既絕配。的坑吸實d汁，調味料都唔洗落。而我所講既肉味濃，就係因為就算辣都蓋唔過佢既濃郁。不過仲有個牛柳粒都唔可以睇少，我地一開始就倒左佢落去個湯底，20分鐘之後先至撈出來食，唔單止唔靱，而且吸收左啲辣味，又有另一番滋味。仲有一個炸腐皮卷同個風琴串，喺嗰湯底煲甘上下嘅時候放入去，吸收辣味嘅程度更加高，味度更加過癮。
🍖另一邊箱嘅胡椒豬肚湯，落足曬料，勁大舊豬骨，豬肚爽滑，湯底用黎渌雲吞，手打牛丸，鮮味無比。但係最正係用黎淥皇帝菜同埋冰菜。我尤其鍾意冰菜，唔好淥太耐，冰爽口感好難會有人抗拒。
🍺✨️呢度既啤酒供應有唔同牌子，而且啤酒姐姐又好靚好nice，所以又飲多幾杯，不過其實本身打邊爐配啤酒就係無得輸。我唔喺因為佢地先至飲多啲架。
哩個地方全新裝修，野食性價比高，食完完全忘記精算之尊，今晚可以訓個好覺。
張貼
