影片
開飯介紹
走中式華麗風的火鍋店，非常有氣派，座位空間寬敞舒適，適合一大班朋友聚會。主打中式火鍋混合泰式元素，必吃招牌冬蔭功湯底，酸辣惹味，火鍋配料用料上乘。
繼續閱讀
營業時間
今日營業
17:00 - 07:00
星期一至日
17:00 - 07:00
以上資料只供參考, 請與餐廳確認詳情
有關獎賞計劃
相關文章
前陣子同成班同事去咗尖沙咀嘅「九五至尊火鍋狗毛」打邊爐。餐廳入面環境超大，唔止可以開心打邊爐，居然仲有唱K同打麻雀嘅設施，好適合同朋友同事嚟玩樂聚會。我哋叫咗花膠螺頭老雞鍋湯底，個湯色金黃，一睇就知好濃郁。忍唔住先飲咗啖湯，哇，鮮甜滋味瞬間喺口腔散開，真係超好喝。花膠吸收咗湯底精華，咬落去入味又爽彈。小食方面選擇好多。雞泡魚乾烤得香口，帶住微微焦香；椒鹽鮮魷同椒鹽墨魚咀炸得金黃酥脆，外層香口，入面嘅肉質鮮嫩多汁；雞軟骨口感爽脆，鹹香適中。每款都新鮮熱辣🫶🏻至於牛肉，紋理好靚，色澤鮮紅。落鍋輕燙幾下，入口軟嫩多汁，肉香四溢，真係好好食。最驚喜嘅係佢哋嘅手打檸檬茶，茶底清香，檸檬味清新，甜度啱啱好，飲落好清爽，好適合搭配打邊爐，解膩一流。總括嚟講，呢間餐廳好值得再嚟！
繼續閱讀
呢間都算係隱世頂級嘅火鍋店，佢位置係尖沙咀巷仔嘅地下舖，嗰日早收工突然好想食火鍋，見之前個朋友介紹就去咗試，個場都好大下，好彩早去走嗰陣好多人😓餐廳而家做緊推廣，滿足簡單條件就可以免費鴛鴦鍋我哋今次試咗胡椒豬肚加麻辣鴨血😋好欣賞佢個湯底除咗夠濃之外，啲料都好足，豬肚鴨血起碼食咗十幾舊😂打邊爐啤啤佢😏仲要買一送一鴨血係任食😋癲左呢碟只可以話神奇、頂級、超卓！呢個價錢嚟講好大碟下，手切牛肉 每塊切到手掌咁大塊。食落好有口感同埋好有牛味，呢個必試👍牛胸爽又係好值得試，咁大塊淥熟完會縮水，但好爽口羊肉片羊羶味唔會太重，好適合接受唔到陣味既朋友try try 手打墨魚丸好大粒，第二最值得試呢間餐廳有啲特別，除咗打邊爐之外其實本身有泰國嘅元素喺入邊。呢個椰子雞湯又係好足料，食完好飽好飽😂
繼續閱讀
今次幫朋友慶祝生日～ 覺得呢間火鍋店要比人知道！ 食野價錢同其他火鍋店差唔多，但比出面大碟同足料；環境空間感好足夠，同埋啲staff 好nice! 最重要係！ 攞蛋糕唔收切餅費～啲職員仲會主動幫你執晒張枱，整到個蛋糕靚靚攞出嚟俾你！ 100個like👍🏻👍🏻
繼續閱讀
喂喂喂！又係我呀！今次又同班friend去咗「九五至尊火鍋」打邊爐啦！🔥🍲 上次食完個胡椒豬肚湯鍋之後，真係念念不忘，所以今次又encore！😋一坐低就叫咗個**胡椒豬肚湯鍋**做湯底，陣胡椒香撲鼻而來，真係令人食慾大增！🤤 個湯底又濃又香，飲完暖笠笠，真係好舒服！😌 豬肚又爽又入味，正！👍肉方面，我哋叫咗**美國精選封門柳**，牛味濃郁，肉質鮮嫩，淥一淥就食得！🥩 好味到停唔到口！😋其他配料方面，我哋叫咗**珊瑚蚌**、**蜂巢豆腐**、**特級毛肚**、**花枝片**、**手打蝦丸**、同埋**自家韭菜餃**。🦪🥢🥟 **珊瑚蚌**爽脆彈牙，**蜂巢豆腐**索晒湯汁，**特級毛肚**七上八落就食得，**花枝片**鮮甜爽口，**手打蝦丸**啖啖蝦肉，**自家韭菜餃**皮薄餡靚！全部都好高質！🤤蔬菜方面，我哋叫咗**皇帝菜**同**萵荀片**。🥬 淥完之後索晒啲湯汁，好清甜！仲叫咗**燒雞肉串**同**燒豬肉串**做小食。🍢🍗 燒得好香，肉質又嫩，好惹味！飲品方面，梗係要叫返支冰凍嘅**Sapporo**啦！🍻 同打邊爐真係絕配！總之，呢餐火鍋又係好滿足！🥳🎉 食到個個都捧住個肚走！🤰🫃 下次要再嚟試下其他嘢食！你哋都快啲去試下啦！咪走雞呀！🐔
繼續閱讀
路過尖沙咀見到「九五至尊」個名夠霸氣，而且而家follow ig免湯底，即刻拉埋朋友入去試吓晚市火鍋！裝修確係靚，枱面用左雲石，用左好多紅色燈光營造到好高級嘅效果湯底可以揀鴛鴦鍋，今次食左古法沙嗲同蕃茄湯底。打邊爐最緊要係湯底同食材新鮮度，呢到兩樣都做到！湯底勁濃郁仲有少少稠勁入味，特別係蕃茄湯真係有蕃茄同薯仔係入面。野食方面叫左豬腩肉同牛舌片，油脂分佈均勻，肉質鬆化值得encore，而且價錢好貼地桶蠔同鯇魚片呢啲海鮮類好新鮮，一啲雪味同腥味都冇蝦滑腐皮卷係呢到特色，其他地方都見唔到，中間落足蝦肉同真係打到起膠，腐皮仲要預先煎過食落好香口另外一提係入座可以任食麻辣鴨血同蜂巢豆腐，唔知呢個係限時優惠定係以後都會有比較驚喜既係呢度竟然仲有cocktail可以飲，天氣咁凍叫返杯熱紅酒，上面仲有成條肉桂勁有心機，飲落唔會好澀，好快上頭Signature cocktail，雖然飲唔出佢成份，但酸酸甜甜唔會好重酒精味，好易入口幾好味自助醬料區有齊蒜蓉芫茜炸蒜，不過以佢既湯底裝左我都無點過夜晚入座暫時都唔需要等位，不過我臨走嘅時候都見到好多人入嚟，想試嘅預約咗先一定無問題
繼續閱讀