丸十日本食堂 (已結業)

見到日本野永遠都受唔住誘惑會自動幫襯👻事實係呢間野令我有少少失望既 全部野相睇都好靚出黎就另一回事～和牛丼幾香 肉質幾嫩但飯冇乜味 唔太值得一試😢個雞又係好失望 好嚡好乾dry過我個人呀大佬但個玉子燒極驚喜 鰻魚同蛋比例啱啱好 蛋又滑又好食 再返黎都只會係因為呢個😻環境其實有啲逼 枱與枱之間好似痴埋一齊咁 我就快可以同隔離枱一齊食😀夜晚繁忙時間呢間野都有位我就好欣賞既 但佢明明好多人食 可能因為太逼好多位坐～成間野性價比麻麻 呢個價可以食到質素好啲既日本野

和牛丼飯喜出望外，肉質適中，不會太老。雖然睇落去好紅，但係其實剛剛好，不會過生。而且飯裏面都有醬汁，配搭非常合適。明太子蛋捲一般，明太子太鹹。炸蝦反卷冇咩特別，還可以。抹茶巴菲，抹茶味道適中，馬卡龍幾好食，士多啤梨都好甜，再加上中間嗰層有消化餅，口感不錯，值得一試。

難得去葵芳，係諗唔到食咩既情況下，就同左女友試左呢間日本菜餐廳-丸十！環境係十分舒適既日式和暖風格，值得一讚！原來呢間餐廳出名精米！餐牌內既野食選擇種類都好多，我地最後點左雞之盛宴、牛舌丼同埋雞壽司漢堡。 個漢堡賣相好特別，唔係用面包，反而係用米做既漢堡，因為個飯團係有煎過，所以食落係硬身D，漢堡中間有塊雞扒、芝士，生菜，味道不過不失。牛舌丼份量都幾多，有七塊左右既薄身牛舌，牛舌好香口，米飯有口感，好好食，不知不覺就食哂！雞之盛宴就有五串雞唔同部位既肉做既串燒，雞皮燒得好脆，但雞翼就咸左D。呢餐整體水準OK，值得一試！

第一次嚟試呢間日本料理，睇個Menu就覺得佢係sell日本米，每枱有啲綠茶粉可以自己沖黎飲，個Menu都幾厚幾多選擇，都諗左好一陣先揀到有咩想食!! 燒雞泡魚乾，one of my favourite Japanese dish，面頭燒到少少脆，口感香脆幾好食!! 雞肝雞皮串，雞肝我自己覺得一般，雞皮唔係燒到超脆果隻，冇咁熱氣反而我幾鍾意!! 田園盒子，健康之選，每款蔬菜裏面都仲好有汁，唔會燒到乾晒，好食!!松葉蟹海膽天婦羅，紫菜包着滿滿的海膽同松葉蟹肉，然後再攞去炸，呢個好好食非常推介!! 燒牛舌丼，牛舌薄切都有幾多片，調味口感唔錯，唔會話好難咬開，配埋日本米加埋個汁係幾好味!!

今日叫左個燒雞壽司漢堡 記得平時去麥記或者普通西餐廳 茶餐廳食既燒雞扒 通常都有一個共通性 就係多油 肉汁飽滿 熱騰騰咁上菜既時候食特別滋味 而丸十既燒雞扒一咬落去就有種非常乾涸的感覺 肉質好差 無味道 燒焦既表面都唔少 漢堡既包用左米飯代替 明顯過鹹 加上超市正方形車打芝士 幾塊生菜 沙律醬 成個漢堡吃落去就係又黏稠又「鞋」又乾 整體味道更加係無法形容既糟糕 比左68蚊係個日本餐廳叫個壽司漢堡 只係因為今日想避免食太多生冷食物 結果其實就算將燒雞表皮整走再食都一樣乾到阿媽都唔認得 下次我真係倒不如去個麥記同樣價錢叫成個套餐食算... 比完錢 難食到食唔落去 仲要餓住走 我唔太記得自己仲有係邊度試過咁差既餐飲體驗！

新年食好一點，搵了間日本菜，由於我是烏冬控，所以叫了「和牛烏冬」試試看有無真功夫，點知！！首先食物唔夠熱，和牛雖然做到半生熟，但感覺一早煮好只是保持溫度，只可3個字形容「十分乾」認真的可惜，我揀的是和牛，已不是美國牛另外叫了「明太子旦卷」也可以再叫了串燒「牛舌」都十分好，厚切的！叫了串燒「天使蝦」尚可，第一round 感覺蝦頭較生，給意見後，第二round剛好另叫了「燒生蠔」如果溫度夠熱會更好重點：食物不夠熱。上食物好快，感覺一早已預備

今個星期五，又出葵芳行街，梗係食埋飯先完滿，新都會裝修之後換上很多食店，今日我地揀咗丸十，食日本嘢先～八時要攞飛等位，不過大約十分鐘已經可以入座，內𥚃原來好大，有卡位丶有吧枱有廂房，四四方方好是正～坐落卡位好舒服，以柔和色調襯托，環境同氣氛都唔錯，揀咗老公最愛的和牛丼同蟹子沙律丶叫咗個雜錦天扶良烏冬、再來了一個特別的炸軟殼蟹壽司漢堡和明太子玉子燒～最先到係和牛丼，跟溫泉蛋，和牛份量好多，有牛味之餘，仲好軟腍，將溫泉蛋攪勻落飯度食更鮮味，跟住就到明太子玉子燒，明大子帶小小辣味，玉子燒厚實好味～再來便是天扶良烏冬，天扶良有冬菇丶番薯丶海老同茄子，炸粉薄而脆，而且不失水份，好出色，而且烏冬也很粗大又爽口彈牙~跟住出場的就是我最期待的炸軟殼蟹壽司漢堡，用精米代替漢堡包，配上洋蔥丶蕃茄丶芝士和沙律菜，放上一整只脆炸軟殼蟹，口感豐富，精米煙韌有咬口，建議用刀叉食～最後先上蟹子沙律，青瓜絲切得幼細，沙律醬均勻，配上粒粒蟹子，鮮甜爽口。呢度除咗日本料理外，仲有鐡板燒提供，而且仲有好多甜品添，係一間可以一次過滿足幾個食欲的食堂

星期五shopping 後要醫肚，周圍都排隊，最後搵到呢間丸十無人喺外面等（不過入面都坐滿晒），就去試一試！由於一個人，好快可以安排入座bar枱，我仲坐正出餐位添😂一個人叫唔到好多嘢食，於是就試下啲丼，平時好少食丼嘅我睇中咗北海丼，因為好似乜都有啲咁😋到上菜時真係心心眼😍😍😍，睇落好新鮮，色澤好靚，加上好肚餓，就快快開餐！如圖所見，除咗有四款魚刺身🐟，仲有海膽、帶子、蝦🦐，同埋拆咗殼嘅蟹肉碎🦀，仲有魚子，全部都好新鮮！先試帶子，既大件又有口感，鮮甜🥰，唔捨得地慢慢分開食🤭然後我最愛嘅海膽真係鮮甜到一個點👍🏻真係覺得似喺日本食果啲新鮮海膽咁正😍而且比我想像中份量要多，我可以夾到四五舊出嚟🤤幾款魚刺身都係好新鮮，仲有好香魚油，配埋少少wasabi食，唔洗點豉油都好好味！🐟🦐蝦都唔細隻，新鮮淡淡肉👍🏻蟹肉鮮甜，不過有啲殼拆得唔夠乾淨，要食得小心啲（小小瘕疵），而魚子一向唔係我favour，不過呢度呢啲我都食晒🤭🤭值得一提係，啲米飯應該係混咗醋同甜鼓油，就咁無嘢送都好好食呀，見到有網友話啲飯好硬，好彩我呢碗又無咁嘅情況吖🥰見到個餐牌有啲其他貴價既選擇，食完呢個北海丼，有信心果啲貴價丼應該會更好

放工，與同事在公司附近吃飯。食物選擇多，睇到我心大心細！好多都想試。温泉玉子伴燒和牛肉爆丼。和牛大約六成熟，帶有小小血。肉質好嫩滑，好冧，牛味好濃，好好味！值得一試。自家制鰻魚玉子燒。玉子內雖不是勁流心，但都幾滑口，鰻魚無骨，若果多小小鰻魚醬汁，效果會更好！火炙三文魚親子卷。稍為火炙壽司三文魚表面，魚油湧溢！卷物內包住炸了的脆脆，增加口感，此配合不錯！海洋之盒，即海鮮串燒！秋刀魚，蝦，蠔，元貝和爪魚！！

難得今日老公放假仲話來接我收工，咁我就揀咗近近地樓下嘅丸十，當日我哋6:30去到餐廳都有八成已經滿座，就算平日嘅話都咁多人，我想言之口碑都唔錯！其實我已經第三次食今次就一於試吓啲未食過既嘢啦！先來一個鰻魚玉子燒，鰻魚嘅鹹鹹地同埋玉子嘅甜非常之夾！再嚟叫咗個煎餃子同雞之盛宴，個人就比較鍾意食過雞之盛宴，最推介就係入面嘅雞軟骨，每樣都燒得非常香口，餃子同埋雞都係燒，所以就叫咗個烏冬清清地，最估唔到係我老公個一個和牛爆丼啲牛肉係多到一個點，食完都飽到上心口啊！

Very nice Japanese food restaurant.同閨蜜們搵地方開餐，黎到葵芳，其實之前都聽人介紹過，今日就決定去試一試。😘果然，食材非常新鮮，尤其是刺身，非常鮮甜。而且環境整潔舒適，員工服務態度亦都非常好，記得其中有位員工， 我們請他幫我們拍大拍照，單是拍照，也很用心用了很多角度，幫我們女生拍大合照，不會得麻煩，我們非常感謝這位員工♥️一間餐廳，如果連前線嘅員工，都培訓得那麼禮貌樂業，想必在其他方便，也用心處理經營。非常開心的一個晚上，我和朋友必定會再次光顧。

喺葵涌廣場行街，行到好攰，雖然有好多嘢食，但係就冇得坐，而且又嘈又難傾計。所以我哋就決定行去新都會廣場，下午茶嘅時間同朋友過咗去傾計，環境好好，座位夠晒闊，而且傾計幾大聲都好，都唔會嘈住隔離，同樣都唔會聽到其他人傾計，當然下午茶嘅時間人都比較少。我同朋友叫左甜品，就坐咗兩個鐘，傾得好開心好舒服！呢個芭菲好好食，我最鍾意食綠茶味，唔會太甜！ 餐廳嘅服務唔錯，因為我朋友諗咗好耐都未嗌甜品，所以坐左一段時間先至落單，但係待應冇催促。

丸十有好幾間分店，旺角朗豪坊嗰間完全係我飯堂，雖然價錢唔算特別平，但食材新鮮，質素穩定，每次去完都會滿足地離去～今次同朋友喺葵芳食飯，決定帶佢嚟呢間分店試試自家製鰻魚玉子燒 $68第一次食丸十嘅玉子燒，感覺同一般食到嘅有d唔同：層次唔算分明，但口感非常嫩滑，有少少炒蛋feel；夾喺中間嘅鰻魚雖然有少少分離，但勝在夠新鮮，肉質彈牙和牛壽喜燒 $198和牛肉味濃，入口腍滑，但雪花唔多，所以油脂味唔出，每塊牛肉嘅面積都好，完全覆蓋左其他配料，夾起曬先知底下有好多蔬菜，份量十足！蔬菜完全吸收左壽喜燒湯底同和牛嘅精華，大愛❤香蔥鮪魚蓉海膽丼 $198吞拿魚蓉飯向來都係我嘅最愛，今日食豪少少食個有海膽嘅～果然冇令我失望，無論係吞拿魚蓉或海膽都非常新鮮，份量都完全足夠撈飯～

午餐加埋一後近$200，呢個係刺身·壽司·迷你丼定食，壽司飯無咩醋味，各款魚生既味亦好啖，蛋太硬，唔柔軟，迷你丼飯上面有手指甲咁大既無味道海膽😂 上面既魚生蓉都係超薄一層，中華沙律既油都算頗多，不過所有刺身都係新鮮既，賣相擺盤都好睇既。同事叫鰻魚飯$108佢話幾好食，見鰻魚都幾肥美同厚身，燒得幾香。打開個麵豉湯以為比人倒瀉左，得1/3咁碗咁多⋯本身個碗已經係細碗，葵芳無咩日本菜可以選擇，得幾間⋯⋯

今午應友人之約再訪丸十日本食堂，我們叫了和牛薄燒定食及和牛炒飯定食。和牛薄燒定食要成二百大元，使我有一份期待，期待和牛的美味，不過，這和牛薄燒沒有為我帶來什麼驚喜的味道，只是不過不失而已。至於飯仍是炒得好好，和牛碎粒都算多，飯也很乾身爽口，油份也很適中，而且和牛肉粒煎得都很香，可是碟炒飯上枱時是微暖的，都仍算出色之作。最後我要再三强調，這店仍需改進的是定食的湯，因為湯送到枱上是不熱不暖，實在要扣分了。