丸十日本食堂 (已結業)

今日叫左個燒雞壽司漢堡 記得平時去麥記或者普通西餐廳 茶餐廳食既燒雞扒 通常都有一個共通性 就係多油 肉汁飽滿 熱騰騰咁上菜既時候食特別滋味 而丸十既燒雞扒一咬落去就有種非常乾涸的感覺 肉質好差 無味道 燒焦既表面都唔少 漢堡既包用左米飯代替 明顯過鹹 加上超市正方形車打芝士 幾塊生菜 沙律醬 成個漢堡吃落去就係又黏稠又「鞋」又乾 整體味道更加係無法形容既糟糕 比左68蚊係個日本餐廳叫個壽司漢堡 只係因為今日想避免食太多生冷食物 結果其實就算將燒雞表皮整走再食都一樣乾到阿媽都唔認得 下次我真係倒不如去個麥記同樣價錢叫成個套餐食算... 比完錢 難食到食唔落去 仲要餓住走 我唔太記得自己仲有係邊度試過咁差既餐飲體驗！