丸十日本食堂 (已結業)

週日睡到自然醒起來，到葵芳新都會搵嘢食，間間餐廳很多人排隊，看到丸十日本食堂大約等10分鐘便可以進入，看了看餐牌選擇非常之多，有刺身丼飯、串燒、壽司拼盤、天婦羅、漢堡及鐵板燒等，還有很多甜品飲品。我們點了澳洲和牛烏冬伴溫泉玉子套餐，有7片燒和牛，澳洲和牛比較瘦沒有日本的那麼肥，但牛肉味味道很重，雖然牛肉看上去顏色很紅很生，但其實燒牛肉大約有七成熟，肉質少少鞋不夠嫩滑，所以本人愛比較淋及juicy的日本和牛。我們還點了帆立貝洋蔥汁燒炒豚肉鐵板燒套餐，套餐附有麵豉湯及沙律，還有炒雜菜，有三粒帆立貝我覺得炒得太乾了，不過洋蔥汁燒炒豚肉味道不錯。總括來說：餐廳環境服務不錯，食物選擇非常多，每個套餐大概百多元亦很合理。

丸十出名壽司同丼飯嘅質素高，我都好鍾意食丸十呢！葵芳呢間第一次食，原來係主打鐵板燒。呢間嘅松葉蟹肉壽司漢堡$98好特別，個人認為係抵食之選。飯焦用珍珠米煎成，果然一流，好香口，脆脆地。蟹膏的份量真多，蟹肉清甜，飯焦拌著蟹肉和生菜一起吃，食落去係幸福既感覺呀，十分香濃美味，很值得點這款。炸軟殼蟹卷$118，口感很特別，因為暖暖的壽司飯包裏炸至金黃香脆嘅軟殼蟹～～上面有Ｄ三文魚籽，感覺清新。多春魚串燒$35入面好多魚籽，食到舔舔脷

今晚想試下日本野，呢間葵芳嘅丸十成場好多位，仲有吧位專係食鐵板燒 ，星期四都好多人阿～～但都坐得好舒服！！先點一碗北海道丼 $178 魚生刺身美味如一，性價比高～全部食材都勁新鮮，豐富到迫爆咗個碗。海膽鮮甜，完全無腥味。甜蝦大大隻，帶子厚切，肥美得很。呢度Ｄ三文魚子唔腥架，仲帶有鮮甜味，勁推介！壽司飯都調左味，好好食。雞之盛宴（雞翼、雞腿肉、雞肉丸、雞軟骨、雞皮）$108可以試到唔同款式， 好大份。雞翼＆雞腿肉＆雞肉丸肉質鮮嫩多汁，燒雞腿肉仲好滑添，雞皮香脆可口，同埋燒得剛剛好！雞翼燒到外皮脆卜卜，內面又好juicy，依度啲串燒做得好好～有一大個水壺自己斟，茶水常滿，很方便呢😍服務仲好好

朋友同我補祝番生日飯，開心最後我哋決定食呢間，我都係第一次食丸等咗一陣位 就有位，因為限聚令關係，我哋三個人唔可以同枱坐，侍應安排咗我哋坐bar位，不過可以望住師傅整嘢食都唔錯嘅我同朋友嗌嘅係三文魚蟹肉丼飯個飯雖然唔算好大碗，但係下午茶份量黎講已經剛剛好夠一個人食三文魚好新鮮，只係略嫌有啲薄身，而且得三片，份量有點少，蟹肉份量亦一樣略嫌有啲少，不過勝在夠新鮮，好鮮甜倒咗啲豉油撈飯食，好正呀！佢啲飯嘅米，比較圓身，食得出係靚日本米而且好大粒，好濕潤撈埋啲蟹肉配埋三文魚食，口感一流呀！十分滿意茶碗蒸仲係熱辣辣嘅，個蓋熱到辣手哈哈哈，我哋唔敢打開，所以侍應亦都好細心咁幫我哋主動揭開個碗蓋。真係好好味，好香好滑，可以話係我食過嘅日本餐廳入面最正嘅茶碗蒸，超級滑身，好有蛋味，而且啲料好足，唔會偷工減料，食到去最底嗰度，都仲係筆到好多料出嚟麵豉湯就正正常常啦，都滿意嘅，因為唔會話好咸入唔到口，都真係幾多料，估唔到連麵豉湯都有咁多料最後食飽飽，但係我哋都想嗌多個甜品，所以 一人一個綠茶雪糕只係三十幾蚊一set，真係好平性價比十分之高， 好大碗，慢慢食我唔鍾意食綠茶嘅野，但係佢啲雪糕超正有綠茶味得嚟但

點了一下午茶A set甜品，點的時候已經指住圖片講，怎料等了10分鐘卻上了C set...然後等了10分鐘，無啦啦上了A set當中的綠茶蛋糕仔；又等多14分鐘再上了杯咖啡。。。然後跟女侍應講，我哋仲有個雪糕呢？ 女侍應才愕然說：「哦。。。」便行開！然後再等多8分鐘左右才送雪糕來！點個A set諗住各樣嘢能一齊，點知變咗全部分開上！！！我見其他桌的也是一整set上！不知是那位落單的侍應的失誤，弄致這樣！由下單到上齊整個A set等了40分鐘！很不滿！！

第3波疫情後第一晚放寬晚市至 9pm, $600 換來快餐感覺。鐵板燒食物微暖難入囗，和牛炒飯硬口感。刺身飯又硬又咸...... 居然最好食係杯普通軟雪糕。整體只似高一檔的大家樂 🥴

First time trying out this Japanese restaurant! Their rice is pretty noted that’s why we ordered two which are wagyu with poached egg and mixed sashimi. · Diced fish served fresh on warm sushi rice were mixed with crunchy cucumber and sweet tamagotchi. Highly recommend them skewers too

最近因爲疫情關係😷好多舖頭都會有折😳無形中平左好多😀🌸燒地雞丼🌸真係聞到有炭燒味雞肉係乾身左小小炭燒香味同價錢算係咁🌸燒牛舌丼定食🌸牛舌真係好好食味道無得輸推介埋俾同事食佢都話好好味🌸牛肉溫泉玉子丼🌸呢個飯不過不失無乜好大驚喜可能試左個牛舌飯先俾個牛舌飯吸引左不過唔知點解今次d飯有d硬硬地應該有d米飯熟唔透葵芳丸十我唔係第一次幫襯之前米飯係無問題而且佢地係用珍珠米唔知點解今次會失水準但都唔會影響我下次再幫襯因為要再食佢個牛舌飯

Nothing Special, Just RICE 🍚 🎈丸十日本食堂/The presentations of the specialty of rice through different rice dishes./🌈丸十彩虹卷($118)真係好似個名咁😍有着色彩繽紛顏色嘅彩虹卷彩虹卷入面有青瓜粒蟹柳絲同玉子🧈而表面鋪有魚生(有三文魚 吞拿魚同油甘魚)仲有我至愛既牛油果🥑 食落去層次幾豐富😋稍微既沙律醬帶出魚生既鮮甜加上仲有金箔同黑魚子系卷上面點綴下即刻升lev十倍🤣 成個配搭起黎既味道都唔錯既😉🌊北海丼($178) 冇試到 所以講咁多🤭但好多料 有帶子海膽蟹肉甜蝦蟹籽同其他刺身鍾意食刺身既人可以試下🥳

係葵芳諗住搵嘢食諗住試下呢間日本嘢裝修幾靚，當初行入去對佢期待都幾高點知真係伏到無聲出食物性價比唔高，一碗飯70幾蚊得少少，而且又唔係特別好食。三個人叫左一碗飯加兩碟小食已經300幾。我地去個陣係夜晚8.9點，食完已經臨閂門，啲侍應都開始執檯。食完野之後覺得好口渴(入座個陣連杯水同餐具都無)想問侍應攞杯水飲，點知叫左好耐都無人應，我明白收市係會忙啲，但係個個都好似見到我地舉手都無視咁🤷🏻‍♀️等左好耐終於有個人應我地，問完之後點知佢講左句“水呀？好似無杯喎...碗得唔得？”佢轉身攞左三個碗比我地我唔知係因為臨閂門所以唔想行去廚房攞杯，定係因為咁大間嘢連隻杯都無，呢個經歷都幾難忘下。下次免費唔會再去

好鍾意食丸十！所以政府一開返堂食我就要去啦！同上次一樣今次叫咗招牌和牛炒飯，坐住喺鐵板燒嘅位隔離睇住師傅整非常之有風味和牛炒飯新鮮整好就送到去我面前另外今次試咗之前未試過嘅軟殼蟹壽司漢堡用珍珠米煎成，好香口，脆脆地，軟殼蟹亦都好大塊而且仲有蟹膏係入邊㗎之後再叫咗個串燒拼盤！呢個串燒拼盤我上次已經有食㗎啦最鍾意就係食燒蝦，連蝦殼我都會食埋㗎哈哈！提提大家12點9之前食仲有六折，午市時間都有八折今次兩個人食，人均消費都係$150左右！

疫情下零售業及食肆大受打擊，真是看實力同老闆谷種能力的時候。之前吃過丸十兩次，分別是旺角及葵芳分店，味道非常好，特別是米飯出色。今次疫情下推出限時六折大優惠，一收到信息即刻決定要吃了。沒有為了做大優惠另推限賣套餐，而是沿用原有餐牌任你叫，下圖是今次的選擇：牛舌丼，美國牛肉烏冬湯另上，北海道丼，玉子及吞拿魚腩卷。刺身新鮮，美味如一連個外賣袋都非常斯文骨子：難關難過，關關過💪💪

真係好小會係葵芳開飯係門口見到佢個鐵板燒套餐有刺身、鮑魚、銀鱈魚、和牛等咁多野食完全滿足晒我樣樣都食下的願望忍唔住入去試吓啦$530 一位另加一即叫即燒，可以坐係bar 枱望住師傅整前菜有沙律菜刺身有帶子同吞拿魚師傅把銀鱈魚皮燒成脆條插在銀鱈魚上真係好有心思，而且燒得岩岩好鮑魚配上獨製嘅醬汁食簡直一流重頭戲澳洲和牛可以揀薄切/厚切2款都好滋味薄切澳洲和牛師傅會包左d 菜係牛入面變成和牛卷厚切就係和牛粒真係燒到岩岩好，肉質鮮嫩多汁最好仲有個炒飯同雪糕做甜品呢個價錢可以食到咁多樣野，其實都幾抵食

已經是第三次食丸十日本食堂🇯🇵食物的美味會停留在回憶中，令我再三回味！🤤🤤🤤星期六大約十一點九已經到達餐廳門口，其實已經keep住有人入去坐低叫野食，真係好旺😨用餐時間1.5小時，由於時間尚早，職員可以安排窗邊座位比我地🥰🥰🥰⚠️餐廳的職員都有幫食客量體溫、消毒下雙手先安排入座⚠️無得去日本旅行唯有食下日本野補數😫今次我同老公都叫左幾款必點小食，第一款絕對是我地都非常喜歡食的明太子玉子燒！香港黎講算係做得唔錯家啦，但始終都係比唔上日本當地新鮮製造的玉子燒好食👍🏻第二款必點小食是我的FAVOURITE 🤤🤤🤤燒雞泡魚乾！第一次係新世紀廣場的丸十食完後一試難忘！食過其他日子居酒屋的雞泡魚乾但始終比唔上丸十🤭送酒一流！第三款是一口番薯和免治雞肉串....五粒燒過的小紫薯熱辣辣，甜甜的，好好味👍🏻反而免治雞肉串令我地有少少失望，因為我地係新世紀的丸十是食免治雞肉棒的，一心以為新都會分店都是一樣，所以先叫左兩串....我地另外仲叫左壽司食，由於我地不吃生食，所以點左忌廉芝士鰻魚卷😋壽司上的脆脆令食物口感提升左，忌廉芝士有點heavy，食完都飽飽地😅最後我地都點了一個飯作結尾。這個燒豚肉丼賣相不錯👍🏻

點了個燒三文魚頭，即叫即燒都要等15分鐘。簡單嘢其實點解會花$98出面食呢？其實三文魚頭算是下欄，要花不少功能洗淨處理，整完成手都好腥！ 同埋用焗爐焗同爐火燒真係唔同。所以，呢道菜註定是外食！$98， 不算便宜，但心機之作。魚頭唔腥，燒到每部份都香口，配上帶有檸檬香的沾汁，相當不錯！晚上有時不想吃飯，就吃這個，豐富魚油飽肚又有營養。想開心點就點多杯生啤。老公點了和牛玉子丼, $158質素也不俗。整體環境不差，呢間分店夠大，分開魚生，鐵板燒，串燒等不同區域，感覺更乾淨衞生。