丸十日本食堂 (已結業)

難得去葵芳，係諗唔到食咩既情況下，就同左女友試左呢間日本菜餐廳-丸十！環境係十分舒適既日式和暖風格，值得一讚！原來呢間餐廳出名精米！餐牌內既野食選擇種類都好多，我地最後點左雞之盛宴、牛舌丼同埋雞壽司漢堡。 個漢堡賣相好特別，唔係用面包，反而係用米做既漢堡，因為個飯團係有煎過，所以食落係硬身D，漢堡中間有塊雞扒、芝士，生菜，味道不過不失。牛舌丼份量都幾多，有七塊左右既薄身牛舌，牛舌好香口，米飯有口感，好好食，不知不覺就食哂！雞之盛宴就有五串雞唔同部位既肉做既串燒，雞皮燒得好脆，但雞翼就咸左D。呢餐整體水準OK，值得一試！