丸作食茶 (村南道)

營業中

休息中

今日當了一整日跑腿，天氣酷熱，出汗多，有點脫水症狀。剛巧放工的地點是大圍，地鐵站附近就是間珍珠奶茶店，真係可以話係天時地利人和！店內有員工用機器即製珍珠，還標榜是全世界唯一首創即製珍珠！還有多種不同珍珠選擇，某些珍珠造型還要很cute😍我和朋友分別點了焦糖珍珠黑洞拿鐵和宇治抹茶白玉，賣相均十分吸引。焦糖珍珠拿鐵本身的珍珠已帶有焦糖甜味，混和了拿鐵的化學物反應產生了絕佳的味道。朋友也對宇治抹茶白玉有高度評價，除了味道好之外，珍珠的口感也是值得稱讚的。以後口渴有好地方去了。

窮遊香港-質素好過岩岩開業.今次去左大圍分店岩岩開業果時買左杯試過還好 今次再試 質素好左好多wo同埋呢間特點係 有好多唔同珍珠選擇好多唔同顏色 堅係幾靚既（餐牌睇圖）.⭐️殿堂級黑糖珍珠鮮奶$32呢杯 😋黑糖味保持比其他店重（鐘意重黑糖可黎呢間）所以都相對比其他甜👍🏻今次 掛杯 虎紋靚靚啦（可以拎去打卡）👌🏻珍珠量一般 👍🏻一拎上手小小暖👍🏻一樣做到暖果時軟熟 凍果時彈牙👍🏻冰量正常 可以維持30-45分鐘（所以如果飲得快會淨一層冰）（飲得慢會變淡小小）👍🏻即使黑糖味重都感覺到奶味👍🏻奶味 唔錯 層面層cream都滑.⭐️總結今次好過開業果時好多但如果加其他珍珠相對比其他店貴.#丸作食茶 (大圍)地址：大圍村南道41-51號泰安樓地下E舖.⭐️評分：味道：4.5/5環境：-/5服務：-/5抵食：4/5.

平時最愛珍珠飲料，見大圍站對面新開嘅丸作，門口有機器製作丸子🤩🤩，夜媽媽仲見有好多人幫襯，一於試試期間限定嘅"菊花奶茶" 原來菊花同奶茶可以咁夾，第一次試菊花珍珠，裡面竟然有原粒菊花，好清香，啱哂可以清熱👍🏻朋友揀咗丸仨冬瓜檸檬，可以試哂三種珍珠，有焦糖丸+白玉丸+仙人掌丸，珍珠好煙韌，冬瓜味帶點檸檬，酸酸甜甜，好味好味😋👍🏻原來夜晚10點宵夜時段88折，下次買宵夜又多一個選擇👍🏼

係大圍搵食市集搵食 見到有丸作食茶又好想飲黑糖珍珠 決定試下best sell既頭兩位 黑糖珍珠鮮奶同黑糖珍珠黑糖奶茶 前者嗌左微糖 但飲落覺得同平時無少糖無咩分別鮮奶底濃郁 另外慢慢飲都唔會話淡到變奶水 黑糖珍珠比較淋身 唔算特別彈 勝在份量夠多 啖啖都有幾粒珠食倒 第一啖未搞匀黑糖味濃既 搞匀左就少左小小 整體係好飲既而後者就有幾岀既紅茶味 奶茶底另外加左黑糖都幾甜 但唔知點解呢杯既珍珠黑糖味無鮮奶個杯咁濃 兩杯對比下呢杯相對遜色

平時只懂得飲奶茶、綠茶等但今日在大圍發現了新店《丸作食茶》！ 好奇心大的我過去看看啦！ 地點位於大圍火車站A出口對出！！門口位置從遠處見到一些用具，原來這裡專門製門珍珠！ 係呢到做透明度很高，食用放心！ 原來在各國地方都已有了，現在申展到香港！欣賞店鋪理念 —- 健康、新鮮、天然、無添加 👍🏻其特別在有多種口味丸子，黑糖、白肉、菊花、仙人掌、可可等 😌點了菊花奶茶 HKD 26 , 味道很夾又健康D, 仲有茶花肉！不錯不錯！

今日放假黎左我朋友大圍家玩，玩完之後見到佢家附近開左《搵食市集》，好近大圍火車站🚉，好多類型既餐廳🍴店舖都有，有d 口喝所以就見到有間飲野店舖都有人排隊買野飲，睇完個menu就叫左杯《宇治抹茶🍵白玉》微糖同少冰$31，之後店員就話白玉珍珠賣晒，所以就轉左仙人掌🌵珍珠，店員即叫即整，等左一陣就有啦，個顏色好靚，又綠又白又紅，打卡到流！😍😍 宇治抹茶🍵味好香濃又唔太甜！配埋仙人掌🌵珍珠好QQ彈，都有多珍珠所以飲左都好飽肚！😋👍+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

經過大圍火車站見到間幾新既飲品店, 好奇心推使下就同朋友埋去睇下~門面好光鮮, 入面order飲品同等野飲既area都叫鬆動飲品種類多又新!黑糖系列都有好幾款既變奏!Cashier呢款菊花系統飲品都十分吸引!所以都叫左一杯試一試~菊花冬瓜茶加菊花珍珠飲落好潤喉好舒服!而且好足料! 有好多菊花~菊花珍珠都十分夠味~我本身都幾鍾意飲冬瓜茶, 鍾意O個種清甜,但又好怕D死甜既感覺, 呢度既冬瓜茶甜度岩岩好!黑洞拿鐵加白玉珍珠另一杯揀左黑洞拿鐵, 隻顏色好型格~焙茶味好出, 好特別! 奶茶比例好岩~飲完係會有種齒頰留香既感覺~正~!!不得不提, 呢度D珍珠口感真係非常好, 都係全靠店舖每日自家製! 而且有多款唔同口味, 真係夠哂特別同誠意!

大圍多左好多野食, 行過俾呢間"自家製"小丸子吸引左, 原來"珍珠"都可以好COLORFUL! 每個色都唔同味, 唔再係原味甘DRY啦!店內門口玻璃房就係整BUBBLE的地方, 店員話通常下午開機整BUBBLE, 每次不同口味~每一款飲品都可以配自己揀的BUBBLE~BUBBLE依家有10款, POKEMON BUBBLE超可愛!店內木系裝修都好舒服~仲有VIDEO一路放影整BUBBLE過程~呢杯係可可拿鐵, 再加左白玉丸, 可可味濃, 上有少少奶蓋, 白玉丸整粒的軟硬度平衡, 沒有內硬外軟的情況, 好Q好好咬!丸作食茶仲有其他黑糖系列, 下次再試先!

作為珍珠控的我，上星期到大圍掃街時，就發現這間主打現場新鮮手作珍珠的台式茶飲店 - 丸作食茶，忍不住要嚐鮮試試看！飲品款式超多，還可自選少冰、走冰及甜度，選擇夠靈活。珍珠款式一共有十款口味之多，將食物當成天然色素，色彩繽紛又有新鮮感。珍珠均是即日在店內新鮮製作，不含防腐劑、不含添加物，打破了珍珠由工廠大批出貨的模式，飲得更放心。今次就點了兩杯推介茶飲 - 黑糖珍珠黑糖奶茶及黑洞拿鐵。黑糖珍珠黑糖奶茶 $33以黑糖造成的掛杯效果，撞上奶茶後變成深啡色的紋路，賣相絕對夠「IGable」。飲前可把杯身上下搖晃，黑糖帶有微微的炭燒焦香，茶香和茶味俱全，奶和茶融為一體，口感順滑。黑糖珍珠下得夠足料，質感粉糯QQ，富有嚼勁，同時滿足喝與嚼的小確幸。黑洞拿鐵黑芝麻珍珠 $32黑洞拿鐵以青茶作底，然後再加入焙茶粉和竹炭粉組成，倒入鮮奶拌勻時會出現黑白雲石漸層效果，賣相搶眼吸睛。搖勻後就變成了冷酷型格的炭灰色，質感厚滑富乳香，滲出焙茶的含蓄焙煎茶香。這杯加了$6選配黑芝麻珍珠，口感煙韌彈牙，就像在吃芝麻糕般，麻香四溢。店員還讓我試食了最新推出的可可丸，朱古力味夠香濃，下次再來時，我會選這款來配可可拿鐵！

我係黑糖珍珠奶茶嘅愛好者，已經試咗好多唔同嘅台式茶飲，呢一間係其中一間我最鍾意嘅其實銅鑼灣嗰間我都成日飲，而家大圍開咗更加方便門口已經有塊好大嘅牌介紹黑糖系列，黑糖飲品係呢度嘅主打之一黑糖珍珠黑糖奶茶當然係必點，因為我見到menu上面有個皇冠 平時鍾意飲熱，但係今日天氣都幾熱，所以就嗌咗凍走冰嚟飲 原來凍仲好飲凍飲黑糖味更加突出，黑糖珍珠非常煙韌，順帶一提，呢度啲珍珠係每日新鮮即整，所以係特別有咬口飲親黑糖珍珠奶茶，我都建議會嗌半糖或少糖，因為黑糖珍珠本身已經有甜味， 咁樣就會更加食得出黑糖嘅味道，而且杯飲品又唔會太甜朋友就叫咗黑糖珍珠黑糖紅茶拿鐵， 呢個茶味會更加濃，而且面上仲有少少奶蓋 由於茶味較濃，所以黑糖珍珠相對地冇咁甜，容易入口呢度嘅黑糖珍珠系列唔止好飲，而且賣相都好靚， 好似有虎紋咁餐廳牆上仲有韓星怖置，幾搞笑當然要擺杯嘢飲喺嗰度影返張相，幾靚

焦糖琥珀拿鐵 + 可可珍珠呢杯最多只可以少糖 對我黎講甜左d呢間嘅拿鐵係唔錯嘅 有茶味有奶味 個珍珠真係有好濃朱古力味 但就同奶茶唔夾而且冇少少蓋過左奶茶嘅味道 而且今次d珠比較淋 無之前試嘅咁有咬口

今日去了大圍踏單車，還咗車去搭地鈇時，經過九作，它標榜自家製作珍珠，當然要試吓啦。旁边有个位置叫珍珠製作區，放置一部机器，可惜暫停狀態，冇得睇珍珠製作過程。Menu 有很多選擇，我叫了一杯黑洞拿鈇，感覺是一杯清淡嘅茶带点奶香，不是一般多奶的Latte，它本身冇珍珠，所以我另外加了白玉珍珠，珍珠口感彈牙、爽口👍另外一杯是珍珠黑糖奶茶，近似港式奶茶味，茶味不算太重，奶也剛好，加上細細粒，又霖身又煙韌的珍珠👍台式飲品舖頭開到成行成市 ，丸作算係不錯，價錢不算太貴，平均二十幾至三十幾蚊一杯， 有機會或者會再試其他味。

飲過幾次丸作，每次都飲唔同嘢，我覺得最出色嘅始終都係佢地自家製嘅手作珍珠，今次都係為珍珠而來～今次試冬天限定嘅珍珠芋頭綠拿鐵$30 珍珠依舊煙韌彈牙，不過茶底、芋頭味同奶味都比較薄弱！有點失望...........

見到大圍開左間新嘅珍珠奶茶店，本身都無乜衝動想試，但聽到佢嘅珍珠係每日新鮮整，無任何化學物質，又覺得幾吸引。叫左杯抹茶牛奶加白玉，抹茶味都好濃，白玉口感超好，食落同野飲味道好夾，下次想試下佢其他珍珠，因為d味望落都幾得意。

黑洞拿鐵半甜完全去冰+黑芝麻珍珠 正黑洞拿鐵即係竹炭鮮奶綠 茶同奶嘅比例岩岩好 加左竹炭都仲飲到清香嘅綠茶味黑芝麻珍珠真係好好味 又有咬口又有芝麻味 呢間嘅珍珠真心正😋