丸作食茶 (村南道)

營業中

休息中

路經大圍，想買杯飲品解渴，見丸作有數人排隊，便跟隊光顧。剛剛吃飽筆者和男友都不想再吃珍珠，點了青芽四季春茶，微糖、少冰。等待時間不算久，收據到隔壁買繼光香香雞也有折扣。青芽四季春 (5/10): 點了微糖但味道依然過甜，茶味稍微被糖的人工甜味蓋過，用來解渴勉強合格。

大圍有間現場新鮮手作珍珠台式飲品店我係煙韌控，最鍾意食QQ口感的珍珠和芋圓。今次呢間台式飲品店好岩我心意🥰🥰有勁多款色彩繽紛的珍珠比客人自由選擇。而且店舖每日新鮮製作珍珠，將食物當為天然色素，不含防腐劑和添加物，大家可以放心食用。店員好好人，店舖剛剛有新鮮製作完成的仙人掌🌵珍珠，即刻比我地試下。雖然講唔出實質的味道，但甜甜的，又呈現粉紅色，賣相不錯。🧡黑洞拿鐵呢款拿鐵以清茶作茶低，但味道較甜，建議大家必須少甜或以下甜度。加入了培茶粉和竹炭粉組成，飲品呈現炭灰色，好型咁。手搖後，飲落會帶點黑芝麻和培茶香味， 十分特別。🧡丸仨醇奶茶呢款係人氣排行榜第三名，可以自由選配三款珍珠。我就揀咗三款不同顏色的珍珠，包括熱賣中的白玉珍珠、焦糖珍珠和期間限定的草莓珍珠。由於珍珠本身已經有甜味，所以建議大家可以選擇少甜或以下甜度的奶茶，更能突出珍珠本身的味道。

在大圍A出口一出過對面馬路就係丸作食茶,好方便,現場仲設有工場整珍珠,透明大玻璃,見到晒製作過程,因為不太決定到飲什麼,職員好好咁介紹左一D飲品,最後沒有叫到D人氣飲品,哈哈,反而叫左杯黑糖珍珠黑糖紅茶拿鐵,中杯$35仙人拳珍珠綠拿鐵中杯$28很喜歡他們的珍珠,很煙韌,質感口感十分好,而且不會好似某D台式飲品店咁,D珍珠中間心位是硬的,仙人拳珍珠第一次食,不知如何形容的味道,好特別,飲黑糖珍珠黑糖紅茶拿鐵可以叫少甜,因為這飲品偏甜,丸作食茶的珍珠仲有其他特別珍珠,如黑芝麻,菊花,下次有機會再試下。杯黑糖珍珠黑糖紅茶拿鐵好好飲,茶與黑糖珍珠好配合。

奶茶癮發作想飲野，呢間丸作食茶開係大圍站附近，A出口一出過馬路就見到，就係搵食市集下面，位置認真非常方便。入到去發現原來係現場製作珍珠，有人係度努力咁整，有個大窗口俾人係出面都睇到入去，幾特別。餐牌大概都係奶茶，果茶同咖啡，選擇唔少。既然佢人手做珍珠，所以決定試下佢呢個招牌黑糖珍珠鮮奶啦！珍珠有唔同味可以揀，仲有期間限定既果味珍珠，呢樣都幾少可係其他地方見到。同樣有冰量同糖量選擇。黑糖珍珠鮮奶（$32）好清楚見到鮮奶同黑糖mix埋，鐘意呢個配搭既人會好開心。最底係層黑糖珍珠，摸上手係暖暖地既，上層係凍既鮮奶，配合十足。鐘意甜既可以先係底下啜一口黑糖珍珠，非常治癒！珍珠唔大，一口可以啜幾多粒，口感真係夠軟糯，亦吸收到黑糖既甜味。上層鮮奶飲得出係鮮奶，唔係奶精。如果唔成杯撈勻，淨係試上層既鮮奶，就有清新既奶香味。上下層各試一啖之後撈勻左成杯開始喝，味道的確幾好，唔會話太甜/太淡。每一啖都飲到珍珠，但唔會咬到人好攰。出野飲速度亦快手。整體來說值得推介。

天氣咁熱，好適合邪惡一番。大圍站一出，過條小馬路，喺搵食市集就見到呢間小店，地理位置實在太方便，咁岩撞到心內魔鬼出現，就同朋友決定一試。選擇好多：有邪惡的黑糖系列，又有水果茶系列，又有一啲特色拿鐵系列。見到佢個人氣排名榜，毫無懸念，即刻叫咗杯黑糖珍珠鮮奶，因為我個人唔特別喜歡奶茶、拿鐵，所以當有鮮奶呢個選擇，就想試下小店的珍珠鮮奶又如何。夏日限定的兩款水果茶，朋友都即刻叫咗一杯柚柚綠試下，另一款期間限定係橙香綠。🥢丸作柚柚綠，朋友選了少甜，真材實料！！朋友話好多果肉，而且配埋檸檬，味道酸酸甘甘，好開胃。黑糖珍珠鮮奶，底層就是黑糖+珍珠，一見到就覺得很邪惡😝！溫馨小提示，記得要搖勻先可以飲呀，同埋要喺兩個鐘頭內飲，以保持最佳嘅味道。搖勻左賣相真係好靚！🥢黑糖珍珠鮮奶，鮮奶味很濃郁，很香，加埋黑糖，甜度適中，好喜歡！天氣咁熱，飲返一杯凍飲，真係即時透心涼！我覺得有驚喜，丸作的飲品絕對不比有名氣的飲品店的差，希望大家一齊支持小店！！

大圍近來開左好多美食小店，台飲品鋪都越開越多，近來開左呢間丸作最吸引到我。下午，人流唔算好多，可以望清有咩飲！選擇都好多，奶蓋水果系都好吸引，不過我想試佢既丸子多D，見佢丸子分好多款。有白玉，珍珠焦糖，仙人掌 咁...鋪內有個人氣排行榜，有個叫丸仨既奶茶，一問，原來就係包含左三款丸子，所以決定試呢個！另外朋友叫左杯抺茶白玉！抺茶白玉好濃茶香，好合格！白玉既質地好討好，QQ痴痴，同抺茶真係絕配！丸仨醇奶茶好正，有三款唔同既丸子，角具特色！味道好好！正！

每次經過都比色彩繽紛嘅珍珠吸引住！今次終於有機會試吓啦！不過入到去睇餐牌又叫咗另一樣！哈哈叫咗個黑糖珍珠鮮奶同埋烏龍奶茶黑糖珍珠鮮奶：黑糖真係無得輸！個種香甜好好飲！仲有鮮奶好香，黑糖珍珠好彈牙！好好食！烏龍奶茶：有烏龍茶味！加埋奶味好夾！甜度適中！好好飲！下次要試埋其他款！仙人掌珍珠唔知係咩味㗎呢？等待嘅時候仲可以睇下佢哋每日新鮮製作珍珠嘅過程！好得意呀，見啲珍珠一粒一粒係部機度彈出嚟～用心現作，咁就食得安心啦！

成日會過嚟大圍呢度嘅搵食市集度搵嘢食，今次終於輪到試吓呢間丸作食茶喇！企喺門口諗左好耐究竟飲乜嘢好，朋友快過我一步揀咗殿堂級黑糖珍珠鮮奶，我自己就決定叫杯丸仨冬瓜檸檬買完飛等緊攞茶期間，發現佢側邊有一個珍珠製作室，唔知係咪可以即刻整嘅呢等左兩分鐘就即刻有得飲啦！今晚人唔算多唔使排隊就買得到，但係平時揸車就見到成日好多人排隊啦！先講下我自己個杯冬瓜檸檬，一見到其實滿足左我嘅視覺效果因為佢嘅珍珠係唔同顏色撈埋一齊嘅，有層次感！飲落去味道冇明顯嘅分別！而茶個方面味道就偏酸！不過我自己反而就覺得酸酸地好開胃啦！聽朋友講杯黑糖珍珠鮮奶都幾濃厚！下次可以試埋其他口味！

之前一路都有係銅鑼灣總店飲開呢間嘅珍奶，店入面有個位比人睇到點樣整珍珠，所以好放心係度珍珠嘅飲品👍🏻👍🏻丸作終於由銅鑼灣開到去其他地方！一於試下分店嘅水準先！😎😎叫左黑洞拿鐵+黑芝麻珍珠+菊花珍珠+仙人掌珍珠，只係+8蚊就可以試三款珍珠，抵到爆炸啊！🤩🤩黑洞拿鐵上面係黑色，個底就係白色鮮奶底，飲落似焙茶味，質感同抹茶類近，走左甜都有少少甜味。🤤 🤤 三款珍珠入面最鐘意黑芝麻珍珠，真係好濃好濃黑芝麻味！！好似食緊Ｑ彈嘅芝麻糊咁，之後去都必叫黑芝麻珍珠！😜😜仙人掌珍珠就係粉紅色嘅，唔太食得出咩味不過夠彈牙有咬口。☺️☺️菊花珍珠都好濃菊花味，不過就會比較適合配清啲嘅茶。

去大圍仁安醫院探BB，天氣太熱又口渴，一出地鐵就見到對面呢間丸作食茶，又有好多人排隊，唔好執輸，買返杯先。好多選擇，最想試係士多啤梨系列，可惜今日沒有。左：丸仨冬瓜檸檬阿女至愛，冬瓜檸檬甜度適中（沒有甜度可選擇），清新既檸檬味，清甜既冬瓜茶，真係好消暑，另外小丸子係煙煙韌韌，小朋友喜愛食！右：奶蓋烏龍烏龍味香濃，奶蓋好creamy，奶和茶既比例剛好，mix 埋之後同凍奶茶好似（只係唔同茶底）！今日行開大圍，比我意外發現合我口味既茶！而價錢又十分合理，下次再飲其他先！

今天踩完單車，見到大圍站附近有一間想飲好耐嘅飲品鋪頭「丸作」。當然要入去試吓啦，咁就同老公一人揀咗一杯。蜂蜜青茶茶味很濃，感覺出用上等的清茶來制作。炎熱的天氣下飲簡直是至高的享受，還有淡淡的蜂蜜味，另外追加了白玉丸，它和普通的珍珠不同，較清甜和有咬口，茶控一定十分鐘意仙人掌珍珠綠拿鐵本店的人氣首選,牛奶味甘香醇口,隱約感受到淡淡的綠茶香。仙人掌珍珠則味較清淡,有一點吃不出分別，不過份量也很足，吃落煙韌。據說此店是世界第一個展示現制珍珠工場。即場示範,見工場咁乾淨,我地緊係飲得放心!

丸作茶食喺大圍站對出，地理位置至十分方便，飲品選擇都好似幾特別。今日我揀咗杯草莓珍珠奶蓋（ $38 ），賣相好靚，草莓味好香濃，飲落甜甜地，店員好好，購買時提醒我呢款飲品偏甜，可以選擇「半甜」，聽佢講果然冇錯，「半甜」後的甜度剛剛好。最特別係啲珍珠竟然係粉紅色的，好靚呀！珍珠很多粒，煙韌彈牙，口感好好，另外仲有幾片士多啤梨！奶蓋部份好似有啲芝士味，撈埋啲士多啤梨部份就好似士多啤梨奶昔咁，有少少creamy的感覺。等待期間，先留意到間鋪有一個落地玻璃位置，裏面可以睇到佢哋即做珍珠，有一部機器造出來，仲話係世界首創，全世界唯一即做珍珠的鋪頭，透明度高！佢仲有好多唔同優惠，例如like and share Facebook或IG，即可獲贈folder一個，都幾靚架 ！另外學生都有減兩蚊優惠，同埋星期一至五夜晚10點至11點有八八折宵夜優惠，都唔錯啊！

喺大圍探完朋友傾左好耐計，想買番杯飲品飲下，俾我經過一間台式飲品店-丸作食茶，就試一試它們的招牌飲品。餐牌同埋店舖環境一目了然，全部都以自助形式運作。心目中已經有兩杯飲品想試吓，我同朋友都各買了一杯黑糖珍珠鮮奶及蜂蜜檸檬沙冰。我的黑糖珍珠鮮奶賣相很美，面頭為密封式膠蓋，類似豹紋的條紋，當然要相機飲先。影相時候拿住杯底都覺得是熱辣辣的，因為這些黑糖珍珠是即炒的。然後將飲品上下搖勻，令鮮奶和黑糖混合在一起。飲一啖黑糖鮮奶很香滑，甜度適中唔會太甜，而且這些珍珠彈珠煙靱，幾有口感。看見牆上還有彈珠活動遊戲，購買兩杯價值$25以上的飲品就可以參加彈珠台活動一次，即是一定中獎，很有挑戰性。朋友的蜂蜜檸檬沙冰加了可可珍珠，可可珍珠更是期間限定，朋友說食到有好濃郁嘅朱古力味道。又有得玩又有得飲，咁嘅價錢真係好抵飲！

最近天氣好熱，行行吓街都會覺得好頸渴出晒汗，好彩近火車站都有一間飲品店，仲有好多人幫襯，心諗一定唔差。門口非常開陽，只需要在前台落單攞飛，過一陣就可以取飲品。實在太多飲品選擇，驟眼睇都超過30款。黑糖系列係店舖嘅主打，就點了奶蓋珍珠黑糖奶茶☕️。睇住店員即叫即整，可見飲品非常新鮮的。等左幾分鐘就有得飲奶蓋珍珠黑糖奶茶了，賣相相當吸引，面頭真係有一層厚厚的芝士奶蓋，飲一啖奶茶非常香滑，而且珍珠很彈牙，反而不是爛蓉蓉的口感，真的超贊！原來丸作食茶的飲品同出面飲品店嘅飲品真係好唔同，飲品味道濃郁，不會太淡味，而且甜度剛剛好，奶類製品亦都很香滑！

今晚同朋友吃完晚飯，送他到火車站時經過見到丸作食家。 他見到製作珍珠玻璃房及介紹製法，好奇地去看是什麼。 看見他咁好奇，當然買來試試。 正想買什麼味道好，就見到店內有個人氣排行榜，咁就簡單好多，要了一杯黑糖珍珠黑糖奶茶及一杯黑芝麻珍珠綠拿鐵。 店員溫馨提示要把先黑糖珍珠奶茶攪拌幾下才飲，黑糖珍珠有彈力有質感，奶茶夠香及滑。 黑芝麻珍珠綠拿鐡，入口味道較清，嚐到黑芝麻珍珠加入了很多黑芝麻，令到珍珠表面帶芝麻碎粒及純正黑芝麻味道，真的夠特別又好味。