丸作食茶 (村南道)

營業中

休息中

今次經過大圍火車站，見仲有時間，就行過去買杯珍珠奶茶飲。上次試咗仙人掌珍珠，上網睇到佢其他珍珠都好正，所以今次試咗宇治抹茶白玉超級好飲，啲珍珠都係好有咬口抺茶味好濃，抺茶控嘅我超中意，下次再黎過

好鍾意飲台式奶茶，因為珍珠好有咬口。最近發現大圍火車站對面有一間珍珠奶茶店，就行入去望吓。呢間奶茶店主要賣點係即做珍珠，現場有幾同埋員工喺度即做醇奶茶加仙人掌珍珠第一次試粉紅色嘅珍珠，口感好q，係我係香港食過最好食嘅珍珠奶茶就正常，無話好驚喜。

夏日熱辣辣，最近就推出左草莓festival，總共有4款唔同選擇，分別有草莓奶昔，草莓沙冰，草莓奶蓋同埋球球草莓奶蓋而我就揀左草莓奶昔半甜既。賣相顏色十分好，岩曬有少女心既各位，味道方面都好濃郁同好夠味，叫左半甜都唔會話太酸，絕對值得一試呀！

今日去左大圍同朋友周圍行下,呢排天氣真係超級熱,熱到我行左一陣成頭都係汗,一見到係飲野店就衝左去買,見到呢間野叫丸作,好有台式+日式既風格! 點左一杯宇治抹茶白玉丸子抹茶latte,飲杯咖啡順便醒下晨, 白玉丸子好可愛,吾係平時既黑色珍珠,latte係漸層的,所以賣相好靚,飲落好重抹茶味,勁正但又不失latte味,拎黎打卡岩晒,不過充滿少女心既我地一見到粉紅色就瘋狂,所以就點多左杯草莓奶蓋,賣相好夢幻好少女,飲落草莓味吾係好假個種,加埋奶蓋就更加滑同易入口。

丸作食茶Kay Gor一直都愛喝台式飲品，都有聽過依間餐廳既名當然有興趣試試的。加上之前同區的朋友都說這間丸作食茶有水準，更發現這間主打現場新鮮手作珍珠的台式茶飲店。選單上的選擇不算多，都是一般台式飲品店會有的選項。而珍珠的口味卻有很多款蜂蜜菊花茶加菊花珍珠 這個很適合夏天喝，清甜蜂蜜味加啖啖菊花香，讓人感覺很refresh ，很有消暑感，菊花珍珠口感相對軟稔，介乎啫喱與蒟蒻之間，感覺頗有趣。杯內是真係有菊花的，好足料呀！而且仲好好飲殿糖級黑糖珍珠鮮奶 $32以黑糖造成的掛杯效果，撞上奶茶後變成深啡色的紋路超喜歡鮮奶。這裡的黑糖味道很濃很香甜，鮮奶很滑很重奶味，加上黑糖味重、不會太甜、口感煙韌有彈性的珍珠，黑糖珍珠下得夠足料，手作珍珠確係唔同咬口又特別質感粉糯QQ，富有嚼勁，同時滿足喝與嚼的小確幸，真的很好喝。最緊要入口唔可以太甜！呢樣員工有提到，佢話少冰反而會更甜！推介⭐️⭐⭐️⭐⭐

嘢飲其實冇問題 很ok!不過個個真係低能咁 淨係掛住傾計 我前面嗰個客連續漏左兩次珍珠奶茶 第三次仲瀉到成身都係 中間仲係咁chk個蓋 原來個杯爆左都唔知 到我嘅時候因為拎返屋企飲 問佢攞咗個袋佢幫我入袋 然後我又攞返出嚟chk下個杯有冇爆 點知佢問我係咪而加飲 幫你吉埋🤦🏻‍♀️🤦🏻‍♀️我已經講左反屋企飲 請問點而加飲?好心你地留意下la ⋯⋯碌jer 咁 咩都唔留心 淨係識傾計😌😌冇下次😊

的的骰骰既珍珠奶茶鋪頭 麻雀雖小 五臟俱全 夏日熱辣辣當然要飲啲消暑飲料 今次就order招牌黑糖珍珠黑糖紅茶latte! 首先 我會評價蜂蜜檸檬4 /5分 冰係用沙冰 夠哂fresh 飲落去更加透心涼 另外 黑糖珍珠黑糖紅茶latte我會俾4 /5分 奶味夠重 亦見到鋪頭係用(明治)Meiji牛奶製成 所以可以見得出唔係用奶粉或奶精溝成 飲落去都比較有奶香 口感都幾柔滑 珍珠夠哂有咬口 彈牙得黎又煙韌 相當惹味 朋友都話飲得岀小店系用心經營製作好每一杯手搖飲料 一飲落去唔會令人覺得有假甜既感覺 亦唔係用奶精或奶粉就咁沖 堅持用真材實料

飲品店就越來越多🥤見到大圍呢間飲品店成日都好多人就去飲下見到丸作食茶店有製丸機原來佢係自家製呢個丸子現場製作珍珠冬瓜拿鐵冬瓜茶飲得多，拿鐵都飲過兩者加埋會係點見到餐牌冬瓜拿鐵有皇冠就一定要trytry 飲品到手外觀好靚有三層✨底層係滿滿嘅手作仙人掌珍珠中層當然係冬瓜茶上層就係奶蓋手作珍珠確係唔同有咬口又特別淡淡嘅仙人掌珍珠同冬瓜茶好夾解暑一流黑糖珍珠黑糖抹茶🍵黑糖鮮奶就飲得多竟然依家有抹茶同埋烏龍茶底一定要嘗試下啦第一啖感覺抹茶味特濃最緊要甜度適中抺茶迷既我飲過不停店好近火車站口🚇味道新奇又好飲有時間都可以去飲多杯

幫趁過幾次，真心覺得飲品唔錯先再幫趁。不過今日再買嘢飲時個女職員由落單，收錢到出order 全程冇禮貌又西面，唔知佢想點。至少唔再幫趁大圍分店，橫掂附近仲有其他揀擇。

以前飲珠奶都係幫襯黑虎堂，自從佢間公司代表亂up24後，一次都無消費過😌。路經大圍市集，見到呢間丸作，要試一定係試最signature嘅，先可以試出龍與鳳～叫左招牌黑糖珍珠鮮奶，最緊要入口唔可以太甜！呢樣員工有提到，佢話少冰反而會更甜！另外啲珍珠都夠煙UN，pass。圖呢杯係中size，另外見到佢啲珍珠有分好多花臣同味道，飲奶茶就唔敢試喇，怕搞肚痛。順帶一提，聽到職員話憑單響大圍市集食飯可以平幾蚊。個優惠唔知做到幾時。

黑糖珍珠系列（黑糖珍珠牛奶、黑糖珍珠奶茶、黑糖珍珠奶蓋）今次就試咗呢四款黑糖珍珠系列嘅飲品 佢哋嘅黑糖珍珠牛奶 糖味唔算好濃 而且珍珠咬口幾QQ 味道尚算ok 還可以 甜度適中 唔會話太甜或者太淡 另外佢嘅黑糖珍珠奶茶加奶蓋 唔係話好夾 所以味道就有少少奇怪 佢地嘅珍珠就同我頭先個杯一樣冇都幾有咬口 黑糖珍珠奶茶 佢除咗個奶蓋變得冇咁滯 味道都冇咗奇怪呢一種感覺 好濃郁 飲落去幾有奶香而唔係溝岀黎既奶精 幾好飲值得推介架！！！！！

大圍最近開了不少新的手搖飲品店，其中丸作食茶更是較新進駐大圍的小店，就在搵食市集的附近，是大家不可錯過的手搖飲品店喔！每次經過店子都總是排長龍的，當然今次也不例外了....今次條龍已經算少人，所以即刻排隊買了兩杯飲品，分別係黑糖珍珠奶茶同蜂蜜菊花茶，唔記得order少甜同少冰，幸得店員細心地問我們要不要少甜少冰咋！而且珍珠亦有不同選擇，實在貼心今次點選了黑糖珍珠奶茶，少甜少冰，味道一流呀至於蜂蜜菊花茶就配以白玉珍珠，呢個真係不得不讚呀！菊花茶好香好有菊花味之餘，杯內是真係有菊花的，好足料呀！而且仲好好飲最近丸作仲同隔離繼光香香雞做埋聯營，買野飲到隔離買野食仲有埋折扣優惠，我真係諗唔到唔幫襯嘅理由囉

最近喜歡了飲台式飲品，幾乎全部由台灣過來的飲品店都試過晒了，唯一未試過的 丸作食茶 ，今日終於可以試吓！店鋪的飲品圖片賣相好吸引，我們兩人決定各買一杯試吓。朋友先點了新推出的草莓系列飲品，當中包括有沙冰、奶蓋及奶昔等選擇。朋友最後點了一杯珍珠草莓奶蓋，都只係$38一杯，而且賣相非常吸引，很Pink Pink，面頭還有很多紅色的珍珠，朋友說飲落去有很清新的草莓香，又不算太甜。我就試了黑糖珍珠鮮奶，原來仲有加大版可以選擇，簡直啱晒大胃王。還可以點少冰，能夠滿足不同客人的需要。賣相有豹紋嘅條紋，攪勻一齊飲非常香滑，黑糖珍珠煙煙靭靭，好有口感。覺得丸作食茶的飲品味道濃郁，不會太淡味，而且係即叫即整、非常新鮮，下次會再試吓其他款式嘅飲品。

這天天氣熱得很，跟朋友吃過午飯後來到這店買飲品降溫。原來這店也是台灣過來的，以自家製的特別口味的珍珠為賣點，並且每天在店內新鮮製作。手作珍珠一共有5款口味：白玉、焦糖、竹炭、仙人掌及黑芝麻味，更設有期間限定的兩款口味—草莓及菊花珍珠，哈哈，好特別！最後點了丸作柚柚綠（加配仙人掌珍珠）及蜂蜜青茶（加配白玉珍珠）丸作柚柚綠（加配仙人掌珍珠）整杯都是滿滿的葡萄柚顆粒，十分足料( ´▽｀)點了微糖，喝時帶點西柚汁的酸澀味，十分開胃。粉紅色的仙人掌珍珠十分吸引(⁎⁍̴̛ᴗ⁍̴̛⁎)珍珠煙韌，味道帶點酸酸甜甜，跟這款柚茶很夾呢。蜂蜜青茶（加配白玉珍珠）點了半糖，蜂蜜跟青茶的配搭絕對不會伏！喝起來很順口（就是很清涼的菊花茶感覺就對啦，哈哈！）加配的白玉珍珠亦煮得QQ的，這款珍珠沒有添加色素，感覺更加健康(⁎⁍̴̛ᴗ⁍̴̛⁎)在這悶熱的天氣奶茶喝多了會有點膩，喝點茶飲類反而更舒服呢。

夏天天氣真係熱，一出街一定要買番杯嘢飲爽一爽喉嚨，大圍火車站一出就見到一間連鎖台式飲品店 - 丸作食茶。遠處已經見到大大嘅招牌，同埋有不少客人在外面等候飲品。餐牌飲品種類分門別類列明清楚，當然要試一試他們的招牌飲品！我就點了殿堂級黑糖珍珠鮮奶，飲品賣相呈現豹紋條紋，真係打卡影相一流！飲之前先搖一搖勻，黑糖醬及鮮奶就會混合一起，估唔到佢啲黑糖珍珠真係好彈好入味，鮮奶好香滑，飲一啖都好有咬口！朋友都說黑糖珍珠黑糖奶茶味道很濃郁！很少會喝到台式飲品店有這樣高的質素，下次經過一定再試！