串爆

營業中

休息中

第一次食成都冷鍋串串，其實都唔知咩黎但成日都聽，終於有機會試到呢度最正係有得揀串串放題，岩哂選擇困難症既朋友，兩個人叫哂上面7-8成既串串應該都夠哂有突。如果好似我咁係重症患者，叫二人餐仲正，揀哂就差唔多，唔洗諗，價錢又唔貴佢地既二人套餐都提供左好多選擇，包括各種肉類、丸腸同蔬菜串串，仲有四川精緻小菜同湯麵揀。我地決定試哂唔同類型既串串，其中牛豬雞肉都有叫到。黎到之後發現50串好大份！之後食左一半都仲有咁多串串太多不能盡錄，我覺得最好食既孜然牛肋肉黑胡椒腸單骨雞翼肥腸估唔到煮埋一齊都可以keep到每一舊肉都煮得恰到好處，保持到肉質既鮮嫩和原汁原味。尤其係佢地獨特調味既湯汁同辣粉，為整體串串增添一份獨特既美味。記得都要叫返多啲菜菜黎平衡下除左串串，佢地既小菜同湯麵都唔錯。酸菜牛肉麵鮮香開胃，搭配著豐富的配料，牛肉係牛𦟌肉，爽滑入味，食完串串好飽都忍唔住食哂碗麵而蒜泥青瓜同口水雞都清爽可口，為整餐增添一份清新既口感。除了美食，呢度既服務都令我印象深刻。姐姐好熱情友善，會建議我地食咩配搭同辣度，仲會睇住我地食完串串先上麵再上冰粉，非常細心。餐廳環境都整潔舒適，燈光柔和，好岩三正知己一齊吹水食

行完街特別肚餓，見到呢間專門食四川麻辣串就二話不說入咗去。店內嘅位置雖然唔算多，但就乾淨企理。因為我哋兩個人唔算太肚餓，就叫咗一個二人餐。可以揀25款串串，每款有兩串，即共50串。揀完之後可以選擇湯嘅拿到同廂度。我地只係叫左小辣同正常麻。有幾樣特別想推介，單骨雞翼、泡椒牛肉、娃娃菜同麵筋。串串。可以選擇蘸干椒定香油碟。當串串點上香油，係會令串串既味更加突出同香。二人餐仲可以選擇兩份小食同一碗麵。我哋要咗蒜泥青瓜同口水雞。青瓜好爽口，如果覺得串串太麻辣，青瓜就可以清新一下。口水雞幾雞肉都幾嫩，味道係中等。麵係揀左川味牛肉麵，呢個比我哋想像中有驚喜，麵條係幼身嘅麵線，牛肉非常之淋，最重要係份量超級多，兩個人係食唔曬最後仲可以叫埋冰粉，同埋兩杯野飲。當食完辣嘢你食埋呢個甜甜地嘅冰粉，解除油膩感，非常滿足。整體嚟講呢間性價比都高，只需要$328就可以食到咁多。對於我哋嚟講仲抵過放題

遇到辣味愛好者朋友，咁緊係要一齊去尋「辣辣」，喺旺角見到呢個串爆個名幾落地，加上環境格局好貼地，可以放肆地做自己，一於試下係咩東東。地方小小，雖然坐滿，但不感侷促，其他人三五成群黎呢度食飯小聚，氣氛幾熱鬧。由於係任食，所以可以無限量添飲添食，我哋叫左唔少野，有牛肋肉、五花肉、豬頸肉、單骨雞翼、鴨胸肉、千層肚、鮮魷魚、黑胡椒腸、火腿金針菇、百頁結、海帶、蓮藕等等....呢度食物款式眾多，總會有合適既食物，加上每款份量剛剛好，唔好一次過黎好多，變相可以選擇既口味就可以更多了，同朋友仔黎都唔使爭住食，要幾多點幾多，上菜速度快，唔使等好耐呢！小食方面都好值得一試呀，我地分左幾次點，分別有香辣無骨鳳爪、水煮麻辣豬紅、滷水雞翼尖，麻辣豬紅入味唔腥、鳳爪入味爽口，所有小食份量都係剛剛好的，唔會太多，可以慢慢試，欣賞！老成都雜醬麵醬油味濃，用黎拌麵乾撈實在太夾了，我地兩人前後點左兩碗呀！成都老冰粉食左咁多辣味野當然要入鄉隨俗，食返碗冰粉解辣同cool down個人啦，小小一碗，非常匹配呢！蒜泥青瓜同棒棒雞兩者都唔錯，棒棒雞係呢度推介，食落唔算太出眾，但亦可一試！飲品選擇都唔少，我地點左一般麻辣任食搭配

今日去旺角食正宗成都串燒放題，餐廳叫串爆，近旺角油麻地，地點非常便利，120分鐘任飲任食，非常吸引。-成都老冰粉一坐低，先叫一個成都老冰粉，解辣一流，有山楂同埋提子乾，甜甜酸酸都好開胃。-棒棒雞，涼伴海帶絲跟住叫咗啲前菜，有棒棒雞，同埋涼伴海帶絲。棒棒雞即係麻醬雞，味道夠濃郁，雞肉夠爽滑。涼拌海帶絲味道夠香夠惹味，作為前菜一流。-串燒方面，先選擇湯底嘅麻辣程度，我哋叫咗一個辣一個唔辣，唔辣嘅雞湯都好夠味道，麻辣湯底亦都夠晒麻夠晒辣，食得非常過癮。串燒份量兩串起，每一串份量唔多，唔需要擔心會好快食飽哂，可以一次過試晒咁多款食物！-麻辣牛肉同埋孜然牛肋肉都好好食，牛肉味道濃郁，口感軟熟。豬皮充分吸收湯汁精華，非常正。粟米夠新鮮夠甜。鮮魷魚夠新鮮，口感彈牙。牛肉丸牛肉味都好濃郁，亦都係彈牙之選。整體串燒水準高，味道正宗，選擇夠多。-評分 : 6/10串爆 (旺角)📍旺角廣華街2-20號翠園大樓地下2號舖

之前同朋友喺大陸試過呢種四川串串，覺得幾好食想encore，於是就喺OpenRice搵到呢間四川串串放題，價錢合理並唔太貴，於是決定一試，都幾物超所值。 放題分三個時段，成人最平$208 加一，最貴嘅時段就$248 加一，星期一至日同價。餐廳面積較小，只有大約20幾個座位，我哋去到嘅時候只剩兩張枱，所以最好事先book定。Menu係簡單嘅兩頁落單紙，原來除咗放題外，亦可以散叫，或者有一個$328嘅二人套餐都非常扺食吸引，但因為我哋已經留肚做足準備，所以都係揀咗放題。串串嘅選擇，有超過40種，亦有超過10種嘅風味小食同飲品可供選擇，全部都係任飲任食，真係好抵。 先來介紹風味小食：棒棒雞：呢個係廚師推薦，而事實上亦都真係幾好味，佢其實係麻醬雞絲青瓜，芝麻醬嘅份量好足，味道好夠，青瓜絲好爽口清甜，雞肉都幾嫩，成個小食口感味道都好好，食落好開胃，食食吓辣嘢食佢亦都可以中和下辣度解辣。涼拌海帶絲：海帶絲食落口感幾好，好柔軟脆爽，辣得黎又好爽口，令人不停食完又食。香辣無骨鳳爪：個醬汁好惹味，無骨鳳爪細細隻容易進食，鳳爪亦都好入味。上湯娃娃菜：呢個本身只係叫黎想減低罪惡感，因為其他嘢食好似都好

旺角嘅串爆係一間食辣嘅食店。佢嘅特色係可以任飲啤酒，真係啤酒愛好者嘅天堂。佢嘅招牌菜係辣雞腳同雞翼尖，成個人都唔能夠抗拒佢嘅香辣誘惑。個雞腳同雞翼尖每一口都帶有辣椒同香料嘅味道，用嚟佐酒真係無得彈。如果你唔係咁鍾意食雞嘅話，串爆仲有其他嘅選擇。佢嘅牛肉串同魷魚串都係好出色，肉質鮮嫩多汁，烤得剛剛好，保留左肉質原汁原味。如果你鍾意豬肉，佢嘅火腿金菇五花肉絕對係你嘅首選。五花肉肥瘦均勻，火腿同金菇嘅香味襯托得好出色，真係令人回味無窮。最後，我要推薦串爆嘅老成都雜醬乾拌麵。呢碗麵係真係一個驚喜，麵條彈牙有咬勁，拌上老成都雜醬，醬汁麻辣鮮香，令人欲罷不能。手工製作嘅麵條加上豐富嘅配料同醬汁，增加咗口感同層次。總括而言，串爆係一間值得一試嘅食店。啤酒任飲，加上辣味十足嘅多款串燒選擇，最過癮係放題，包你食到飽。如果你鍾意辣同串燒，一定唔可以錯過呢間食店。不過要記得，唔係每個人都能夠承受得住咁辣嘅味道，所以留意自己嘅辣味底線～

係油麻地廣華醫院附近有一間食成都串串的餐廳。串爆位於廣華街2至20號翠園大樓地下。首先介紹串串，四川成都傳統美食，形式用竹簽串上各種美食，例如肉類，菜類等等，將放在火鍋湯底裡涮煮。呢間店係食串串放題$208，另計加一食120分鐘包括各款肉類，菜肉，仲有飲品，前菜同甜品湯底可以選大中小辣度同清湯＜清湯係雞湯＞。湯底清湯❤️岩晒唔食辣既朋友肉類方面大部分用孜然粉去醃製，增加香氣推薦款式：四川肥腸即係豬大腸-非常乾淨❤️單骨雞翼-肉質非常滑❤️成都小香腸-非常細條，又夠多汁❤️鵪鶉蛋-好有光澤❤️海帶-非常淋👍蓮藕-非常爽口😋小食推薦：棒棒雞-麻醬香滑😋蒜泥青瓜-好入味😋無骨鳳爪-少少辣，惹味❤️主食：火鍋川粉-一啖份量，夠彈牙❤️飲品：菊花普洱茶-非常冰凍❤️椰子汁-香濃❤️甜品🤩成都老冰粉-有紅糖，山楂，芝麻，提子乾非常消暑❤️🥰第一次食冰粉就愛上❤️🥰

平時食麻辣串串可能都$10一串、但路過見到呢度任食都只係$208仲要任飲任食、好抵環境乾乾淨淨、而家咁熱最緊要冷氣夠嗌多幾樣小食都抵返哂呢個係棒棒雞、原來佢係芝麻醬撈雞好開胃大推呢個！水煮豬紅、好滑又入味！呢個真心好食仲叫咗碗麵都唔錯最抵係飲品都任飲出面手搖飲買杯都$20最後到主角串串見佢寫住第一次食建議叫小辣、就揀左小辣果然小辣都幾辣基本上有嘅串串都叫咗嚟試～一定要叫娃娃菜同豆卜、超索汁正覺得有雞翼好搞笑泡椒牛肉好好食牛肉有好多款口味、食落去似滑牛嘅口感我自己本身鍾意食菜同瓜所以只要個汁好食～全部野都好食食咗好多最後食返碗冰粉收尾推介大家

串爆性價比高，尤其係openrice 買了優惠卷，$168就可以食到二個鐘任食，有前菜有串串有主食有甜品，與出面差不多價錢的打邊爐、燒烤、或放題比，這餐廳食物的質素算比較優秀，尤其是肉類，一點也不馬虎！咁多款串串，我最喜款牛柏葉，單點的涼菜牛栢葉是薄身款，比較像酒樓叫的點心牛柏葉，辣辣地非常開胃，我忍不到口叫了二碟；而串串的牛栢葉是厚身款，放落湯點，非常入味爽口！最重要是二款都好正，試想酒樓叫一碟牛栢葉也要$40，這間入食，食到好滿足～佢還有好多特式串串也值得一試，例如泡椒牛肉、成都小香腸、黑胡椒腸、鵪鶉蛋、火鍋川粉，仲有好耐冇飲的椰子汁🥥！！！！另一讚的是，店員穿串串手勢唔錯，每串都串得好穩陣，食完撈一撈湯底是冇野跌落去👍🏻 而且每串份量都不少，一口大大啖，每樣質素都是唔錯，都會再encore 的！另外可放心叫主食面類，佢都是幾口份量，不用怕食完飽左吃不落串串😆

此餐廳位於九龍旺角廣華街翠園大廈二期地下2號舖。坐地鐵去油麻地站A2 出口步行數分鐘便會到達，最好的是地舖，較一般食肆方便。是次我和一個朋友去食任飲任食放題。 鋪面有十多張枱，都很寬躺，地方整潔乾淨，真的不錯。食品種類繁多，都會有啱你心水的。最好還可以分開選唔辣嘅，適合不同人士的需要。我們選了小辣和唔辣。 各自揀自己鍾意嘅食物和不同份量，真的貼心。我們當然會選擇不同做法的牛肉，包括麻辣、泡淑、孜然。 我覺得孜然牛肋肉很好味，有咬口和味濃。其他的豬頸肉、豬皮、肥腸和千層肚都是最愛，都很好味，值得推介。蔬菜方面，有很多選擇。 其中百頁結、竹筍和萵荀一定要叫，十分爽口入味。至於風味小食，我們點了幾個，真的不錯，有辣有唔辣。其中的香辣無骨鳳爪和水煮麻辣豬紅必食，超正。飲品我覺得啤酒係絕配，配麻辣味嘅食物係超滿足。但係椰子汁都係不錯的選擇，係超配。最後我們來個老冰粉來解辣，甜甜的簡直是劃上完美的句號。是次放題值得推介，價錢合理和食物整體不錯，符合性價比👍🏼

油麻地嘅廣華街一帶係小店林立搵食好地方🤭仲要間間都幾有水準朋友話未食過成都串串咁就同佢試吓啦🤗有兩小時串串放題任飲任食😮又幾新穎喎 因為啲串串係一支一啖可以任叫感覺會食得暢快啲！因為唔駛就住就住叫🤣餸有成四十幾款 ‼️真係任君選擇 一定有岩食另外仲有涼盤小食又有十幾款‼️怕唔飽仲有幾款麵類可以單叫飲品又有成十種‼️基本汽水啤酒之外仲有冷泡茶清清地中和返啲重口野 幾好麻辣度我哋揀咗大辣少麻其實就真係唔算辣，食起嚟微辣程度啦麻就好輕微 但個汁好香好香🤩啲串串吸哂啲精華好上癮 由其腐皮！🤤蔬菜類就萵荀同杏鮑菇都好嗦汁重口必叫🥳肉類除咗豬頸肉有少少羶味之外牛肉雞肉都好正常部分都已調過味 所以就算唔嗦汁嘅都一樣好食 好上頭🤪川粉口感煙韌、好Q彈吸埋個湯底 一流😙兩個鐘真係好足夠叫咗兩轉 飲咗幾支啤酒茶水同fd飲飽食醉 又吹夠水非常滿足咁離開😋其實除咗放題 佢地仲有二人套餐都抵食 乜都有啲 先$328下次會想再黎食🥰

逢星期六都會係廣華街上堂，每次都會同同學食埋野先返歸，因為發覺附近有幾多小店，好值得試下。串燒放題以前從來未試過，呢間小店仲係以成都特色做主題，真係好稀有。首先試個小店推薦既小辣，感覺大概係譚仔5小辣，幾惹味。其中我最鐘意既係西蘭花、孜然牛肉、海帶同埋成都小香腸。西蘭花好新鮮，無雪味無蟲，必食。牛肉唔un，但有咬口，孜然味口味適中，唔會過咸。成都小香腸個樣好得意，有少少臘腸既感覺，好味道。海帶夠熟，個打吉位都夠腍。除左串串，仲有d小食可以叫下。蒜泥青瓜爽脆入味，消暑必食。棒棒雞聽講名字由來是製作時要用棍(棒)將雞肉捶鬆，方便入味，用上麻醬、辣椒油等調味料炮製。呢度雖然算係係bb辣，但麻香辣香四溢，好開胃。有好多款串燒都未食，所以又叫多round。西蘭花真係必叫。唔食得辣仲有無辣豬骨湯揀，清清地，都幾好食。仲可以加10蚊試下香油碟。最後食埋碗冰粉，少少甜，又夠凍，仲有d果乾真加口感，解辣又解暑，大滿足。雖然小店不大，但服務態度超細心，見我地張二人枱太細，會主動幫忙移走枱上的餐牌，當附近張4人枱有吉位時，仲提議我地轉枱。

今日去到旺角呢一邊食麻辣串，餐廳係採用任食嘅形式，可以喺餐牌上無限任點，當然係唔浪費食物嘅大情況前提下！我哋喺晏晝時間去，兩個鐘頭任點任食，都係$208，呢個價錢嚟講其實都算幾抵食！餐廳嘅食物種類多，啱晒鍾意食辣嘅我哋！麻辣牛肉同埋豬頸肉都非常入味，豬頸肉非常爽口彈牙，加埋麻辣嘅汁，更加好食，麻辣牛肉亦都唔會太韌，我同朋友之後都有encore! 小食都有好多種唔同嘅選擇，比較推薦有佢嘅麻辣牛肚，平時出街食牛肚都唔平，估唔到呢度有放題！牛肚加埋本身餐廳特別調製嘅醬汁，令到牛肚更加好味！蒜泥青瓜，亦都非常好食，佢唔會做得好辣，但係酸酸辣辣再加埋蒜頭嘅香味，令到成個青瓜非常出色！我哋煮食就食咗川味牛肉麵，牛肉麵係幼嘅面底，食落去亦都覺得唔會太軟身，喺煮呢一個面嘅時間控制得幾好，煙煙韌韌都幾好食！如果鍾意食麵嘅朋友都不妨叫一個試吓，份量都唔算太多，可以留肚食下其他唔同嘅串串！ 總括嚟講呢間餐廳我哋都覺得幾抵食，鍾意食辣嘢嘅朋友唔可以錯過！有機會會再返嚟幫襯.

朋友知道我超愛食辣，特地揀了這家冷鍋串串放題店，標榜正宗成都風味，個人覺得確實挺正宗的！不過朋友不愛辣，只選了小辣，但店員還特別好心地送上一碗唔辣湯汁，入口火辣辣帶有麻香味。真是體貼周到！在小食方面，我們試了棒棒雞，清涼爽口，非常適合夏天的消暑小吃。麻辣千層肚入口爽口，讓人欲罷不能。還試了香辣無骨鳳爪，非常惹味，但又不至於太辣。朋友特別鍾意他們的青瓜（正到encore咗幾次！），咬落去鮮脆可口，辣中帶涼，絕配麻辣燙！店員端來一大碗浸在湯汁裡的串串食物，賣相絕對吸睛，拍照食先！份量超級足夠。肉類選擇多樣，有嫩滑的牛肉、香濃的豬肉、多汁的雞肉等。我特別喜歡單骨雞翼、雞珍和雞軟骨，沾上辣湯汁更添風味，辣中帶麻，令人欲罷不能。各式各樣的丸子，如彈牙的花枝丸、鮮嫩的牛肉丸，以及清爽的豆卜、脆口的百頁結，豐富了品味層次。蔬菜類食材如清甜的鵪鶉夕、爽脆的海帶和萵筍，豐富了口感。值得一提的是成都小香腸，小巧玲瓏，咬下去像食臘腸，充滿著香氣。同埋我哋仲加咗錢，叫埋佢哋嘅乾碟，配埋麻辣串串會更加有空未風味！老成都雜醬麵，入面有肉碎，再加上秘裝醬汁，食落超香超滿足。另外，我們還點了川味牛肉麵，麵線有咬口，豬

串爆放題寫任食串串幾吸引，而且朋友未試過，就同佢嚟試吓，佢都話幾好味而且細細份量可選不同食物勁開心，每人$273/位 價錢都可以。湯底可選幾多辣，叫咗小辣和小麻，紙上面寫如想換辣度仲可以改，幾窩心不錯，我哋叫的味道剛好所以由頭食到尾。叫咗第一輪之後再即叫6串，最後叫左4-5輪先夠皮...哈哈，新嚟的食物放在碗內吸一吸辣湯先食。牛肉有幾款，孜然，泡椒和麻辣牛肉，口感不錯之餘又唔鞋身，不錯。雞肉都幾嫩，花枝丸入晒味。食串串當然要叫啲吸味餸，必叫百頁結和海帶。菜仲叫咗西蘭花和萵荀。小食選擇唔少，青瓜，黑木耳，無骨鳳爪，細細份可以叫不同款式，食辣嘢最好配少少白飯，我哋最後一人一半。甜品成都老冰粉，這裡少甜而且夠凍，任食我哋都每人叫咗2碗。飲品泡茶不甜，和仲有椰子汁汽水，啤酒之類，我哋都差不多食足2小時