上海新大眾大閘蟹專門店

營業中

休息中

3個人揀左呢間大閘蟹任食，環境一般，蟹推薦清蒸同避風塘。花調蒸唔好食，又苦又臭。蟹以外既得餃子，粥同糯米飯，好食但係款式唔多飲品，工具都唔多，黎呢到專食蟹都ok既，公蟹雌蟹都好食，啖啖肉啖啖膏，但想試多少少就差d了，同區都有更好選擇。少失望，唔推薦。

今次是我第三次嚟呢間餐廳。一年嚟一次， 諗住過吓大閘蟹癮。 每次都失望而回， 叫自己下年唔好再嚟。哈哈。今次諗住叫貴啲質量會好啲，叫了5-6両，$705 一位，兩位加一後$1,557.6 。 點知蟹嘅質量都係咁差。無蟹味、 肉鬆 、 仲要有幾隻臭蟹。 清蒸大閘蟹都總算可以，鹽焗和花雕蒸大閘蟹就真的不知所謂。 鹽焗的有一浸古怪苦味。 仲有唔理你俾幾多錢， 只有清蒸大閘蟹先會俾返五両你， 其他做法都係細蟹。其實自己買幾隻貴蟹喺返屋企煮都仲平過佢。 真係唔可以再貪心。其實佢哋服務態度都真係幾唔錯，其他食物如 蟹粉水餃、蟹粉扒時蔬和 生炒蟹膏 臘味糯米飯，味道都唔錯。

好少覓食去到黃大仙區，但友人吹🐔要食大閘🦀放題，我唯有拼咗條老命陪你癲，呢度地方唔大而且內裏狹窄，不過無所謂，反正限時90分鐘，究竟我嘅極限去到邊🙄，要食過至知，原本揀咗$568嘅size，埋單先發現店員幫我哋落咗$488，我哋真係掛食連單都冇睇🤣，店員簡單講解落單細節，提醒最後15分鐘截單，飲品自取，如果鍾意飲薑茶記得早D攞，因為杯茶超熱，放涼都要一段時間，枱上有兩款order紙，每人每次限點2隻，呢度上蟹速度快，絕對冇hea 你，所以冇出現人等🦀情況，大閘蟹有四種烹調方式，清蒸最好食，尤其是蟹公，黏口軟滑，口感綿密，白膏亦多，相對蟹乸D膏比較硬身，不過用避風塘煮法又好夾，至於花雕蒸同鹽焗個人覺得一般，熟食只有四款，大閘蟹粥唔錯，臘味糯米飯偏咸，餃子普通貨色，自問大閘蟹迷嘅你不妨嚟挑戰下  

上年食過一次今年決定再嚟食,無可否認蟹既質素係好,不過有一點覺得店家做得唔清晰,一坐低個阿姐就會按你食既級別比唔同顏色既紙仔你填,初頭無為意,第一轉叫咗清蒸同鹽焗(分咗2張唔同顏色紙填),到蟹嚟到阿姐話唔駛分2張紙填,因為其中一張有齊4種口味,當時我仲以為自己無睇清楚,到食完再叫第2轉時發現點解啲蟹好明顯細隻過第一轉,咁我望清楚啲紙仔時發現粉紅色紙只有清蒸口味但清楚寫明5-6両,但另一張黃色紙寫晒4種口味但係蟹係寫3-4両,咁我未問返阿姐係未比錯紙我,但阿姐話廚房識分,食多一陣,隔離台同我地食同一両數蟹,佢地就係用咗黃色紙填結果廚房比咗細蟹佢地,咁即係阿姐個句廚房識分係假,點解黃色紙可以印4種口味,粉紅色紙又唔印晒,或者人少時仲會記得邊張枱食邊隻size,但坐滿時未又睇顏色紙比蟹,話自己有4種口味蟹食,但原來只有清蒸先足両數,當然客人可以只食清蒸,但應該要講明其他只有一個size蟹提供,而唔係等個客自己去發現

上海新大眾🦀️大閘蟹🦀️專門店 90分鐘任食🦀️大閘蟹一年一度大閘蟹季節又到了😂😂😂朋友生日又話要去食呢間（上年已經食過一次、今年又要再來呢度食生日飯😂朋友要求） 同上年一樣選5-6両公+4両乸，不過可能今年比較早食，🦀️公嘅未係當造時候、🦀️乸就超多橙色蟹膏……今年還有▫️荷葉花雕蒸大閘蟹🦀️▪️避風塘大閘蟹🦀️▫️鹽焗大閘蟹🦀️90分鐘全部拆蟹，拆到真係有啲手軟，今餐膽固醇超標人均：$780/位推薦指數：/5 上海新大眾大閘蟹專門店📍黃大仙飛鳳街46號地鋪（黃大仙地鐵站A出口，近鳳凰新村）#foodie #美食 #美食blogger #美食探店 #人生活得精彩 #生存就是食 #香港 #美食分享 #我的美食日記

星期日晚去食，9:18pm入坐，有室內或者室外，限時90分鐘，每人每次可點2隻，落單後3-5分鐘就出鐘。無花無假，真正任食，試咗花雕蒸同鹽焗，最喜歡都係清蒸。2個女仔，食咗28隻，個人一向喜歡食蟹乸，薑茶正到暈，都係任飲。佢有氣水、青島、果汁先生都係任飲。2個人埋單$1096，服務員好快手又有禮貌，之前做足功課，選咗食呢間，好彩無選錯。食完如果無客等位，佢仲比你坐到12點先走！總括：無呃人任食，出蟹又快，無死蟹！

《上海新大眾大閘蟹專門店 – 黃大仙》秋風起，正係食大閘蟹嘅時間🥰早排同個朋友食咗餐好過分嘅痛風餐，我哋兩個女仔一共食咗30隻大閘蟹，平均每人15隻😂趁後生真係要食多啲😂年紀大咗就冇得再咁瘋狂😋當日同朋友book咗6:00喺黃大仙呢一間大閘蟹專門店食晚飯，我哋兩個揀咗三至四両嘅大閘蟹，每人$488任食，由於我哋重量不重質😂決心要鬥食到幾多隻蟹，所以當晚只係食咗少量其他菜式，大部份都係食蟹為主，不過佢嘅賣點都係蟹姐🥸當晚嘅蟹乸好食過蟹公，由於而家乸當造，所以主攻蟹媽媽就夠啦🤪大閘蟹嘅口味有四種，包括清蒸、鹽焗、花雕蒸同埋避風塘炒😆個人覺得最好食係清蒸，之後就係避風塘，鹽焗大閘蟹略嫌太鹹，冇咗食蟹嘅鮮味，如果鍾意飲酒嘅話其實花雕蒸大閘蟹都可以一試，不過我覺得酒味太濃，食落有少少苦🤔避風塘炒大閘蟹偏辣同埋濃味，有少少似食緊薑蔥炒蟹嘅風味，如果鍾意食大閘蟹膏嘅話呢一款可能未必啱你，因為炒完嘅蟹膏感覺冇食清蒸咁好味，會淨係食到炸蒜同埋調味😅佢呢個價錢仲包埋飲品任飲，不過主要都係汽水為主，薑茶都可以任酙，如果太口渴嘅話，佢嘅支裝水都係任飲㗎😂不過我就唔建議飲太多野，咁樣會食唔落啲蟹㗎😉其實佢另外仲

9月尾10月頭秋風起係開始食大閘蟹嘅季節，由於一年得好少月份可以食到大閘蟹，我知到新大眾開始提供任食大閘蟹，忍唔住要食頭水！同埋得去黃大仙依間佢有話係陽澄湖大閘蟹！呢一間新大眾係任食，收費主要睇蟹公重量去收費，3-4両蟹公配3両蟹乸一組，4-5蟹公配3両蟹乸一組，5-6両配3両蟹乸為一組！除咗清蒸大閘蟹任食之外，佢哋會提供花雕大閘蟹，避風塘大閘蟹，鹽焗大閘蟹幾種煮法，但我都係愛食清蒸大閘蟹🤤！當然啦除咗大閘蟹任食之外仍然都會整大閘蟹周邊嘅食物例如：蟹粉扒時菜，大閘蟹粥，大閘蟹餃子🥟，大閘蟹糯米飯⋯⋯當然啦除咗熱食之外佢亦都會有薑湯芋圓，全部都係任食架😱！嘢飲方面佢哋會提供啤酒🍻汽水🥤支裝水 💧仲有薑茶係任飲嘅，我亦都有叫到花雕酒🍶黎飲，大閘蟹太寒涼啦食得太多係需要驅寒，花雕酒係有驅寒嘅作用！老闆仲教咗一個小秘方喺酒杯入邊加一粒話梅，飲落個感覺爽！😍😍講到尾，9月尾食頭水都係當做月，所以大閘蟹公啲膏還好，但精就係少左啲！蟹乸都ok la！比分上都係合格有3.5星，扣分係蟹未當做！加分係個杯話梅花雕花😋！

賣相還好，但質素令人感到驚訝。10人盆菜1750 價錢 成本唔知500都有無。街市最差燒鴨切雞拼湊，manual上碧綠時蔬唔見左。海蔘切得好似魷魚絲咁的細條，圖文不符，令人失望；游水大海蝦係普通size 基圍蝦，基本上同講大話無分別。幾蚊斤的蘿蔔都慳，唔腍，用料老，纖維化唔容易咬開；蓮藕都老，粉或脆都不是，唯一較正常是芋頭，但部分有燶，可惜連平價食材都做得唔好。希望店家認真改善，唔好以新年盆菜某取暴利，貨不對版，破壞新年氣氛。

又到大閘蟹既季節了,我一年都會必食的，上年就去到酒樓食，當然酒樓食有唔同整法，但係我覺得用傳統（蒸）的方法，係最好味，可以保留鮮的味道，有好多地方都可以有任食，上網都搵左好多間,最後經朋友介紹這一間水準不錯,最適合比較夜收工又諗唔到食啲乜嘢又想食好野嘅人多一款選擇入去時會限時間90分鐘,有唔同大細不同大閘蟹選擇,價錢亦都不同,本身我們想選擇最大的大閘蟹,但太好賣了沒有貨了,所以唯有選擇中等,我地2人食左20多隻好好味好多膏,除左大閘蟹之外,沒有餃子，伊面，糯米飯,飲品係任飲，實在太低了,下次會再幫襯

以往由元朗店時代到上年都有幫襯，蟹細隻但普遍有膏 蟹粥都好食，但90分鐘太急而且價錢吾平、地方逼、時段只set死2場18:00或19:30 而且極準時趕人走，依家大閘蟹放題愈開愈多，相比起其他黎吸引力遜色不少，另外處理預約方便極為混亂，預約後改日期但無幫客人改時間，仲堅持係客人既錯，都唔緊要 客人要求更改回正確時間 但用極差態度黎回應:唔得喎！無得改！係你地自己時間混亂 如果唔係都吾會自己打黎！取消預約後，當日仲打黎reconfirm booking，邊個先係混亂個個顯而易見再book其他同樣係食大閘蟹放題既餐廳，時段由客人選擇 時限則由入座起計 亦有2.5小時以上，款式種類都多，而且服務有禮。新大眾唔稀罕做少一枱半枱生意，我亦唔稀罕比錢黎食 黎受氣，唔會再介紹朋友黎食

「九月圓臍十月尖，持螯飲酒菊花天」，又到了農曆九月的大閘蟹季！食大閘蟹主要為了它特有的蟹膏，雌蟹的橙膏豐腴甘香，公蟹的白膏黏糯綿密，小朋友先要選擇，我兩者都要吃平時食大閘蟹都是在家中有母上大人去預備，今次是第一次跟朋友去餐廳大閘蟹放題！本來有另一家餐廳想試，但該餐廳只提供公蟹，而朋友喜好雌蟹多些，所以還是來了她的老地方～～～此店的放題按所食客所選的蟹的重量去收費，10pm後入座會便宜一點。我們選了最便宜的3-4兩公蟹+3兩雌蟹，那就不用花時間拆蟹腳！收費為每位$388，是日為星期六，每位加收$10附加費。大閘蟹雖細，但還是有滿滿的膏雌蟹的橙黃膏分明，帶油份又甘香！公蟹的白膏亦足夠黏糯～～～蟹腳就要採取暴風式吸入，沒有細味！！每人每round只可點兩隻蟹，而且要碟中的大閘蟹全清才可再落單，但實際每次落單後都好快的將大閘蟹熱騰騰送上，不用等待，最後我們每人平均KO了10隻蟹～～餐廳還有提供其他食物，包括：蟹粉水餃﹑生滾大閘蟹粥﹑生炒蟹膏臘味糯米飯﹑蟹粉扒時蔬及薑茶小丸子！我們只試了當中的三款。蟹粉水餃，皮略厚，餡料飽滿，但不太嚐到蟹粉味！蟹粉扒時蔬，蟹粉芡好稠身，菜有點不太夠熱，味道不算惹

埋單$394 食左16隻 圍返$25/隻 3兩半至四兩公蟹 或 3兩半母蟹 今次公蟹好食過母蟹 食到 lam lam 脷大部份蟹都爆哂膏 3兩半蟹真係太細隻 質素亦良莠不齊 下年會重質不重量食一兩隻大既大閘蟹 過下口癮就算

食蟹有時限（75 分鐘），都仲有5分鐘，我地4個人，都仲剩兩隻蟹。有個呀姐行埋來：「你哋唔會食得切㗎喇」。跟住收返左兩隻未食嘅蟹入廚房... 我擔心緊我哋頭先食嗰尐都係回收人地枱嘅... 疫情期間，做飲食嘅唔該有尐良心，唔好害人！全程叫蟹已經感覺到好唔想你食得多，明明俾客人寫數量，我哋寫第一輪十隻，呀姐同我哋改左8隻，話每人每次只可以叫兩隻，未食曬又唔出第二輪，夠鐘前15分鐘就唔可以落單，做到咁好心唔好放題……其他食物質素同樣令人失望，所謂任叫嘅蟹粉水餃，蟹粉時蔬，完全食唔到有蟹粉，只係普通烚菜同餃子，好求其。粥係糊椒味精粥，當然又係無蟹喺入面。呢個價錢，好多選擇，唔會再來食。

食6點頭圍，75分鐘叫左4轉，包4樣熟食，糯米飯正常，餃子就真係餃子，個粥好有薑味好味精，啲蟹不過不失，但第一轉啲蟹係凍，之後幾轉先至有熱嘅，真心無言。。。。無take two