上海新大眾大閘蟹專門店

營業中

休息中

小女子基本上每年也食一次大閘蟹宴，但大閘蟹放題卻是首次。75分鐘任食。放題分三類， 隨食客揀蟹重量而分類，今次選擇蟹重量係4至5 両，每位$428加一。今晚紀錄食咗八隻，四隻公，四隻乸。回本薑茶任飲食具齊全每人每次最多可以叫兩隻公或乸，即叫即上枱，所以不用心急，食完先叫。圖上方 :公係尖嘅/蟹膏口感比較實圖下方 :乸係圓嘅/ 蟹膏口感比較軟而多每隻蟹，無論公同乸都勁多膏生菜~油略多蟹粉水餃 ~豬肉和非常少量蟹膏混和一齊蟹粥~沒有蟹味,味精味濃蟹膏糯米飯~口感味道麻麻，亦沒有蟹味飯後甜品，迷你芝麻小丸子食後感: 始終大閘蟹才是主角，亦沒有失望，蟹膏爆發，大滿足，但其餘食物，只能用合格來形容，不竟只食蟹， 不能飽肚，又太寡，始終要食吓粥，飯，菜中和吓。女侍應快手快腳，醒目的服務態度，抵讚而男侍應的服務就要改良吓， 有靈魂出竅嘅感覺

食到好嬲既餐廳 唔覺係任食睇食評以為幾好 揀左中等大細400幾蚊既蟹一開頭比左兩張入單紙我地 頭一次諗住叫住一人兩隻食下先 之後再入單 點知入左單等左10分鐘都一路無上蟹 真係完全手停口停到頂唔順催單先肯出 仲要催左唔止一次 係次次都要開口催先肯出蟹 拖字訣咁 咁之後諗住出蟹咁慢 咁一次叫三隻唔洗等咁耐 點知都係出兩隻 話不嬲都係咁出 咁張入單紙要我地寫幾多隻既用意係咩？最恐怖係食食下有個阿姐走過黎話我地食得唔乾淨 恐嚇話咁樣有機會收正價 跟住又話我地夠鐘唔比我地再叫蟹 但其實過程中一直叫人加蟹都無人理過我地 其實咩野叫任食呢 完全唔似其他人一兜兜咁叫 定恰我地 呢餐食得又慢又唔舒服仲要唔飽 中途因為等蟹等太耐叫左蟹粥 半個鐘都無上 漏左單 到走先上返比我地 所以千其唔好覺得係任食 係驚你再嗌望住你食乾淨隻蟹既餐廳

今次係食75分鐘任食大閘蟹放題，入座時職員寫低左時間係張單上面，話係last order既時間。點知到左我地落last order 既時候，職員就反口話係張單既呢個時間前15分鐘last order, 即係時間已過，無得再叫。本來都無諗住勁食，但咁樣做生意咁唔老實就好差囉。一開始就彈弓口，再問清楚就西哂面，仲要趕人走。呢間野既大閘蟹就一般，上蟹時間都算快，但服務態度好差，特別係咁唔老實，結果食完一肚氣走😤

陪朋友食大閘蟹，本身冇話特別鍾意食大閘蟹所以咁次主意係陪朋友過黎食第一次黎依一間餐廳唔係好識路,搵左一陣先搵到黎到大概係8點左右都幾多人老闆比左張卡位我地問我地食咩大細大閘蟹我朋友諗都唔諗就話食最大~老闆就話要等10分鐘左右好啦咁我地就食住粥等到蟹黎到拆開睇睇先都唔錯金黃色一拆開就好香食左一陣我地叫左糯米飯，蟹粉時菜,蟹粉水餃都好快就上左黎，味道正正常常，覺得佢個糯米飯最好味。蟹粥可能因為好好食,所以叫第二次概時候要等蟹粥大概等左15分鍾先送到黎可能冇煲咁耐所以冇第一轉食咁好食我地2個人係75分鍾食到咁多隻大閘蟹一定回曬本~所以整體黎講依間餐廳大閘蟹放題係唔錯~

又黎到食大閘蟹嘅時候,經過朋友推介知道黃大仙有一間係任食大閘蟹嘅餐廳,當然要黎食一食佢.餐廳唔係十分之大,大概可以有十幾檯,我同朋友6點鍾就到左,因為怕佢太多人有排等.價錢唔係話特別貴,75分鐘放題話咁快就食回本啦~我地問店員大小大閘蟹差距有幾多,店員好快就直接拎左3個大細嘅大閘蟹出黎比我地睇. 一番討論之後,我地決定唔要最大唔要最細~食中間個隻話咁快我地檯大閘蟹就送到黎我地立即就拆開一隻睇睇,又唔係差和幾靚o仔,拆埋其他大閘蟹一隻咁靚o仔~當然餐廳唔會只係得大閘蟹比大家食,點都會有多幾樣野食比大家叫.有蟹粥,蟹粉餃子,蟹肉臘味飯,不過我地叫左一轉,目標就轉番坎食中閘蟹.唔係話除左大閘蟹其他野食都唔好食,只係食多轉會好飽

又到左食大閘蟹嘅季節，冇10隻都唔停手嘅我知道黃大仙附近有大閘蟹放題就馬上去試試。呢個放題係75分鐘任食， 包你抱住個肚離開。餐廳地方都幾大，不過重點當然係大閘蟹啦。大閘蟹都唔細隻，每次八隻八隻咁order，見到佢哋一桶桶肥美嘅蟹，我忍唔住了！以為係放題就一定比啲次貨，點知每隻蟹一打開，啲蟹膏都非常多，而且色澤鮮明食落又鮮甜，正！另外仲有蟹粥，離開座位出去食煙嘅時候見到有個阿姐不停咁樣拆開啲蟹肉同蟹膏，唔怪得知個蟹粥咁甜，原來落重料。蟹肉餃子，蟹味都相當重，鍾意食餃子嘅人一定要試吓。蟹肉臘味飯，配合啲蟹膏一齊食食一流。另外佢仲有汽水果汁任飲，更加唔少得怕食得多寒涼嘅人必備嘅薑茶任添。我個人覺得自己買蟹都差唔多百幾蚊一隻，呢度我total食咗十幾隻，真係十分抵食。

早幾日有位外國朋友係網上見到依間大閘蟹，佢食過1-2次佢又想再食，但係佢又睇唔明中文正係識睇公仔我同2個朋友連埋外國朋友一行7人。依間餐廳我地成班人都未去過，正係睇地圖都真係要番d時間先搵到。最慘係我唔記得book位，成埸爆曬，大枱岩岩入，有排等。好在朋友仔都唔餓，去左睇番埸戲先。到我地再番到去嘅時候11點28分，大家都餓喇，餐廳都重有幾枱客都係食蟹，成張大枱比曬我地。每個人每次叫蟹2隻7個人14隻蟹。跟住叫多14隻蟹粉水餃，1人1碗蟹粥，再加2碟蟹粉時蔬。話咁快就黎齊曬，可能個水餃即叫即蒸我地1人食曬2隻蟹先黎到。蟹粥同個蟹粉時蔬味道比較清啖，水餃就好足料。我地重加左48蚊任飲花雕，不過外國朋友就唔多識 欣賞好在就係青島任飲，岩曬我地依班酒鬼。朋友們都好滿足，話之後一定要叫多d朋友黎一齊食!!

話咁快又一年喇~上年差唔多時候同朋友周圍去搵大閘蟹食。依一間餐廳可能唔係太多人知道，但係我上一年係依間餐廳訂左成50隻大閘蟹同屋企人食~今年就冇訂到蟹，直接去依間餐廳到食蟹~訂左位8點30，我地8點鍾就去到喇，定幾爆場幾多人~我地2個人去食，一次一個人叫蟹嘅上限係2隻食完再叫~大家睇下，蟹膏唔係話特別多~但係我食洛就十分香甜~我見人地其他枱有薯條食我又特別叫左一客薯條，個薯條上邊有D黑松露粉，唔係話特別好食，但係比M記都好好多。加上我又有食其他野所以我正係食得個5隻咁大吧T^T

秋風起，蟹膏肥！都同同事黎依間餐廳食大閘蟹放題，本事係同事介紹我話依間餐廳食大閘蟹又平蟹又唔差。今次我就同埋幾個朋友黎食，本身訂左位食大閘蟹但係唔知食咩大小好。去到餐廳嘅時候諗住我地訂左6點30分係好早冇乜人，但去到嘅時候發現間餐廳都坐左一半人。我地未齊人但係老闆都比我地入座先，食蟹先開始計時間~等多十分鐘最後一個朋友終於到喇可以上蟹。大約3分鐘蟹就送到黎我地到。折開一睇蟹膏十分之多。除此之外依間餐廳都提供幾樣小食,等大家除左食蟹重有其他野食。有蟹粉臘味糯米飯，生滾大閘蟹粥，蟹粉扒時蔬同埋蟹粉水餃。食到飽一飽先走，所以大家唔洗擔心會唔夠時間食。

有個朋友超鍾意食野，見佢生日，咁岩又係食大閘蟹季節，一於同佢去食大閘蟹放題啦。我地訂左位，所以去到唔洗等好耐就可以入去坐啦，不過未齊人，冇得食住，因為一食就開始計時嫁啦。我地係訂左中size，不過入到去，職員建議我地選擇細size好d，一係就大size，因為中同細比唔係大好多，食細比較抵。飲品有好多款，熟食就除左大閘蟹都重有4款比你叫。大閘蟹要自己寫紙仔落order，一開始唔知，重浪費左好多時間，好彩老闆好人，補返d時間比我地。未黎大閘蟹之前，緊係食住其他熟食頂住先啦。呢款蟹粉水餃啖啖都係蟹粉味，但係皮就厚左小小，不過今日主角唔係佢就唔緊要啦。蟹膏臘味糯米飯，係樣反而唔太差，可以試食下。呢個生滾大閘蟹粥其實我都有少少期待，黎到之後食左都冇失望到，粥幾甜好香蟹膏味。主角終於出場啦，哈~哈~每次每人只可以落2隻order，可選公毑，食曬先可以再落order。我個人比較喜歡食毑多，所以只係一開始食左一隻公之後，我全部都要毑，貪佢多膏，哈~公嘅膏會冇咁多，不過會滑身少少，同香d，大家可以自由選擇食公定毑。同埋食大閘蟹記得一定要配薑茶呀，呢間d薑茶唔錯，都幾重薑味，幾好飲。我一個人都食左成12隻

話說我朋友好鍾意食蟹，之後仍係網上見到依間餐廳，!!大閘蟹放題!!~身為「為食貓」嘅我地當然要冒着生命危險，去食足75分鐘。據了解，上海新大眾大閘蟹專門店的客人可自行在75分鐘無限點選自己心儀的大閘蟹。另外餐廳更提供不少大閘蟹菜式，如爆漿蟹粉餃子、生滾大閘蟹粥、生炒大閘蟹燸米飯及蟹粉扒時蔬。每次落單，每位可點2隻即叫即蒸大閘蟹大閘蟹蟹乸的膏呈鹹蛋黃般的金黃色，入口甘香鬆化，蟹肉鮮甜。10月頭至10月中是食蟹乸的好時機，我一個在75分鐘內吃了8隻蟹乸，6隻蟹公。大閘蟹公的蟹膏是乳白色，較漿口creamy，如果愛吃蟹公的朋友10月尾至11月頭就一定要去吃了食物款式不算多，但全都以大閘蟹為食材，蟹粉控一定勁like。蟹粉水餃水餃皮煙韌，韭菜味很香，與蟹粉吃味道更鮮，建議大家一定要趁熱吃。蟹粉扒時蔬比街外的蟹粉扒時蔬清爽，少了份油膩感。生滾大閘蟹粥粥底較杰身，有淡淡蟹香，吃完大閘蟹後，點一碗吃暖胃一流。蟹粉臘味糯米飯飯粒彈牙又乾爽，有齊臘腸、臘肉及蝦米，加上鮮味的蟹粉，吃下去每粒糯米飯也被蟹鮮及臘味的香氣包裹着，回味無窮。老闆表示一般人可在75分鐘內吃到6-8隻大閘蟹，亦曾經有位女士吃了16隻

難得一位去完外國讀書嘅朋友番黎香港搵我食餐飯。咁我就決定帶佢去食大閘蟹。E間餐廳之前食過都算唔差，所以見佢有大閘蟹放題就帶埋個朋友黎食。訂左位7點半，但位朋友唔識路我去搵埋佢先再帶佢去，去到餐廳都8點，好在訂左位等左6分鐘左右就有位入。樓面位哥哥仔，帶我地去入座，坐底就比埋餐單同餐具我地問食咩大小。我都食4-5両公同埋3両半乸。大小食洛都ok同印象中嘅大小差唔多。佢地重有好前菜跟其中有蟹粥，蟹粉餃同唔錯。單單我一個食飽都食左成十隻蟹咁多，重未計我朋友，完全回曬本，我朋友重話過兩日叫埋屋企人黎食

琴日係星期日放假，但其中一個朋友都重要番工。咁岩佢係黃大仙放工咁只好就佢係黃大仙食飯。上網周圍睇，睇到依間餐廳有做大閘蟹放題，所以就試一試佢。去到嘅時間大概係8點35左右，可能放假關係入邊都幾多人，我地大概都等左差唔多十分鐘先有位。我地等位嘅時候服務員小姐問我地食乜野，我地5個人我地係選擇左食最細嘅大閘蟹。座位好好彩咁岩有卡位，坐底個位小姐就好快手搵曬食蟹要用嘅工具比我地，同我地講埋細節，可以好忙佢講野都比較快。話咁快蟹就黎到隻隻都有番咁上下份量重有佢地嘅蟹粉水餃都唔錯就咁咬一口都見到好多嘅蟹粉，足料

我地平時收工都冇咁早，差唔多收十點，因為十點幾依個鍾數好多餐廳都好多位。我地3個人平時都小食大閘蟹，多數都係屋企人買番屋企嘅時候食1-2隻。行過依間餐廳間佢有個大閘蟹放題所以就決定係佢啦~今日去到依間餐廳十點半左右，入邊大概5枱人。我地入去同個服務員講我地係食大閘蟹放題，個服務員就問我地食咩大細，我地睇睇個價錢。決定左食4両-5両大閘蟹公加3両半蟹乸等左幾分鐘就黎到喇D蟹，拎上手都幾熱，拆開隻蟹D蟹黃都幾多幾香。重有都係任食的四款蟹粉前菜，蟹粉水餃、生炒蟹膏臘味糯米飯、蟹粉扒時蔬同埋生滾大閘蟹蟹粥。不過整體而言，質素都唔錯。個生滾大閘蟹粥都幾大碗，蟹粥粥底好綿滑，有海鮮香氣，吃得過！個生炒蟹膏臘味糯米飯都幾香，不過都係個蟹粥最正。好多飲品都係任飲，薑茶當然係其中之一，同服務員講就可以了，佢地好快就拎左3杯薑茶過黎，暖暖地但係入口都幾辣~

今日好難得終於約到其他2個好朋友出黎食飯，3個人一齊去食大閘蟹~我地於價錢最平時段入座、試最細的 大閘蟹 。坐低入紙幾分鐘已有蒸好的蟹上枱，雖然只有3両半，但吃了五隻竟然四隻都爆膏，蟹膏質地仲好黏好滑。其中四隻蟹肉都新鮮到一梳梳，正喎！當佢依加出價3両半公蟹約$50/隻計，食到四隻以上已經賺咗！每人每次最多點二隻蟹，即叫即蒸，店員指每次大概等候15分鐘，估計最多可點4-5次。大閘蟹的蟹膏也算豐富，肉質清甜 Creamy我地又加左錢叫左個花雕酒飲，不過唔知係咪佢地太多野做個花雕酒叫左幾次先送到黎最後我地叫服務員送上薑茶，驅走寒氣，但佢地薑茶暖暖地唔係好熱。