上海新大眾大閘蟹專門店

營業中

休息中

秋風起，蟹膏肥！都同同事黎依間餐廳食大閘蟹放題，本事係同事介紹我話依間餐廳食大閘蟹又平蟹又唔差。今次我就同埋幾個朋友黎食，本身訂左位食大閘蟹但係唔知食咩大小好。去到餐廳嘅時候諗住我地訂左6點30分係好早冇乜人，但去到嘅時候發現間餐廳都坐左一半人。我地未齊人但係老闆都比我地入座先，食蟹先開始計時間~等多十分鐘最後一個朋友終於到喇可以上蟹。大約3分鐘蟹就送到黎我地到。折開一睇蟹膏十分之多。除此之外依間餐廳都提供幾樣小食,等大家除左食蟹重有其他野食。有蟹粉臘味糯米飯，生滾大閘蟹粥，蟹粉扒時蔬同埋蟹粉水餃。食到飽一飽先走，所以大家唔洗擔心會唔夠時間食。

有個朋友超鍾意食野，見佢生日，咁岩又係食大閘蟹季節，一於同佢去食大閘蟹放題啦。我地訂左位，所以去到唔洗等好耐就可以入去坐啦，不過未齊人，冇得食住，因為一食就開始計時嫁啦。我地係訂左中size，不過入到去，職員建議我地選擇細size好d，一係就大size，因為中同細比唔係大好多，食細比較抵。飲品有好多款，熟食就除左大閘蟹都重有4款比你叫。大閘蟹要自己寫紙仔落order，一開始唔知，重浪費左好多時間，好彩老闆好人，補返d時間比我地。未黎大閘蟹之前，緊係食住其他熟食頂住先啦。呢款蟹粉水餃啖啖都係蟹粉味，但係皮就厚左小小，不過今日主角唔係佢就唔緊要啦。蟹膏臘味糯米飯，係樣反而唔太差，可以試食下。呢個生滾大閘蟹粥其實我都有少少期待，黎到之後食左都冇失望到，粥幾甜好香蟹膏味。主角終於出場啦，哈~哈~每次每人只可以落2隻order，可選公毑，食曬先可以再落order。我個人比較喜歡食毑多，所以只係一開始食左一隻公之後，我全部都要毑，貪佢多膏，哈~公嘅膏會冇咁多，不過會滑身少少，同香d，大家可以自由選擇食公定毑。同埋食大閘蟹記得一定要配薑茶呀，呢間d薑茶唔錯，都幾重薑味，幾好飲。我一個人都食左成12隻

話說我朋友好鍾意食蟹，之後仍係網上見到依間餐廳，!!大閘蟹放題!!~身為「為食貓」嘅我地當然要冒着生命危險，去食足75分鐘。據了解，上海新大眾大閘蟹專門店的客人可自行在75分鐘無限點選自己心儀的大閘蟹。另外餐廳更提供不少大閘蟹菜式，如爆漿蟹粉餃子、生滾大閘蟹粥、生炒大閘蟹燸米飯及蟹粉扒時蔬。每次落單，每位可點2隻即叫即蒸大閘蟹大閘蟹蟹乸的膏呈鹹蛋黃般的金黃色，入口甘香鬆化，蟹肉鮮甜。10月頭至10月中是食蟹乸的好時機，我一個在75分鐘內吃了8隻蟹乸，6隻蟹公。大閘蟹公的蟹膏是乳白色，較漿口creamy，如果愛吃蟹公的朋友10月尾至11月頭就一定要去吃了食物款式不算多，但全都以大閘蟹為食材，蟹粉控一定勁like。蟹粉水餃水餃皮煙韌，韭菜味很香，與蟹粉吃味道更鮮，建議大家一定要趁熱吃。蟹粉扒時蔬比街外的蟹粉扒時蔬清爽，少了份油膩感。生滾大閘蟹粥粥底較杰身，有淡淡蟹香，吃完大閘蟹後，點一碗吃暖胃一流。蟹粉臘味糯米飯飯粒彈牙又乾爽，有齊臘腸、臘肉及蝦米，加上鮮味的蟹粉，吃下去每粒糯米飯也被蟹鮮及臘味的香氣包裹着，回味無窮。老闆表示一般人可在75分鐘內吃到6-8隻大閘蟹，亦曾經有位女士吃了16隻

難得一位去完外國讀書嘅朋友番黎香港搵我食餐飯。咁我就決定帶佢去食大閘蟹。E間餐廳之前食過都算唔差，所以見佢有大閘蟹放題就帶埋個朋友黎食。訂左位7點半，但位朋友唔識路我去搵埋佢先再帶佢去，去到餐廳都8點，好在訂左位等左6分鐘左右就有位入。樓面位哥哥仔，帶我地去入座，坐底就比埋餐單同餐具我地問食咩大小。我都食4-5両公同埋3両半乸。大小食洛都ok同印象中嘅大小差唔多。佢地重有好前菜跟其中有蟹粥，蟹粉餃同唔錯。單單我一個食飽都食左成十隻蟹咁多，重未計我朋友，完全回曬本，我朋友重話過兩日叫埋屋企人黎食

琴日係星期日放假，但其中一個朋友都重要番工。咁岩佢係黃大仙放工咁只好就佢係黃大仙食飯。上網周圍睇，睇到依間餐廳有做大閘蟹放題，所以就試一試佢。去到嘅時間大概係8點35左右，可能放假關係入邊都幾多人，我地大概都等左差唔多十分鐘先有位。我地等位嘅時候服務員小姐問我地食乜野，我地5個人我地係選擇左食最細嘅大閘蟹。座位好好彩咁岩有卡位，坐底個位小姐就好快手搵曬食蟹要用嘅工具比我地，同我地講埋細節，可以好忙佢講野都比較快。話咁快蟹就黎到隻隻都有番咁上下份量重有佢地嘅蟹粉水餃都唔錯就咁咬一口都見到好多嘅蟹粉，足料

我地平時收工都冇咁早，差唔多收十點，因為十點幾依個鍾數好多餐廳都好多位。我地3個人平時都小食大閘蟹，多數都係屋企人買番屋企嘅時候食1-2隻。行過依間餐廳間佢有個大閘蟹放題所以就決定係佢啦~今日去到依間餐廳十點半左右，入邊大概5枱人。我地入去同個服務員講我地係食大閘蟹放題，個服務員就問我地食咩大細，我地睇睇個價錢。決定左食4両-5両大閘蟹公加3両半蟹乸等左幾分鐘就黎到喇D蟹，拎上手都幾熱，拆開隻蟹D蟹黃都幾多幾香。重有都係任食的四款蟹粉前菜，蟹粉水餃、生炒蟹膏臘味糯米飯、蟹粉扒時蔬同埋生滾大閘蟹蟹粥。不過整體而言，質素都唔錯。個生滾大閘蟹粥都幾大碗，蟹粥粥底好綿滑，有海鮮香氣，吃得過！個生炒蟹膏臘味糯米飯都幾香，不過都係個蟹粥最正。好多飲品都係任飲，薑茶當然係其中之一，同服務員講就可以了，佢地好快就拎左3杯薑茶過黎，暖暖地但係入口都幾辣~

今日好難得終於約到其他2個好朋友出黎食飯，3個人一齊去食大閘蟹~我地於價錢最平時段入座、試最細的 大閘蟹 。坐低入紙幾分鐘已有蒸好的蟹上枱，雖然只有3両半，但吃了五隻竟然四隻都爆膏，蟹膏質地仲好黏好滑。其中四隻蟹肉都新鮮到一梳梳，正喎！當佢依加出價3両半公蟹約$50/隻計，食到四隻以上已經賺咗！每人每次最多點二隻蟹，即叫即蒸，店員指每次大概等候15分鐘，估計最多可點4-5次。大閘蟹的蟹膏也算豐富，肉質清甜 Creamy我地又加左錢叫左個花雕酒飲，不過唔知係咪佢地太多野做個花雕酒叫左幾次先送到黎最後我地叫服務員送上薑茶，驅走寒氣，但佢地薑茶暖暖地唔係好熱。

又到食大閘蟹嘅季節啦！今日同班好耐冇見既FD去食尼間,我係搭地鐵去,睇住地圖行,都唔算難搵～成班朋友加加埋埋都成8個人,全部人都係食大閘蟹~成班人當然會有一二個冇咁準時~等左大概十分鍾終於齊人~服務員好好人比左最大個張枱比我地~每人每次叫2隻,我地一次叫16隻~我地大概叫左4次,每一次都出足比我地~4-5両大閘蟹公4-5両大閘蟹乸一打開蟹蓋就見到好靚嘅蟹膏蟹膏鮮甜到不得了之後我地一人叫左一碗蟹粥~十分之好食又鮮最近食到好飽~我地都話過幾日再黎食下佢個雞煲加串燒放題

我女男朋友都好鐘意食串燒，收工又收得晚都冇時間去買餸，上網睇睇下周圍有咩食，就走左去黃大仙食放題式串燒，每位$108 任食。老實講價錢真係超平、超抵，估唔到一試有驚喜😜！！串燒選擇夠多 ，豬、牛、羊、雞、魚、蝦、瓜、菜…… 多款選擇，仲有小食，肉質還算新鮮，味道都不錯，估唔到仲有驚喜之作，炸物味道佳，上檯熱騰騰，脆卜卜，好香口！真喺勁好食！仲有新鮮原隻燒生蠔及扇貝，鮮味十足，又肥美，食咗無肚痾。原隻燒生蠔超大隻同肥美 ，燒雞翼燒得堪稱完美無瑕，肉質鮮嫩，皮脆多汁，超級推薦！ 絕對係安心推介👍，服務態度不錯，坐後無耐，店員會詳細介紹，又熱情，值得再去！重有重有!佢地重有雞煲任食佢地嘅雞肉超嫩滑，醬汁香濃入味 

一期一會,終於等到食大閘蟹時節,提早二日book位.上一年差唔多時間都係同朋友周圍去搵大閘蟹食,上年都有黎E間餐廳食中閘蟹.上一年黎食覺得唔錯,任食大閘蟹任飲薑茶,今年都黎食下,由於訂咗檯 去到門口企一陣就好快有位 一坐底服務員姐姐就問食咩大細嘅大閘蟹食公定乸快手幫我地出第一轉比我地食住先跟住佢又介紹食用工具 野飲放係位置 所以我地即刻飲左兩杯薑茶暖胃 好重薑味 有少少辣任食大閘蟹又任飲薑茶 首輪先有四隻蟹公 目測足秤 4-5両大閘蟹公+3両半大閘蟹乸一打開蟹蓋就見到流心蟹膏 金黃色流漿 我要開動啦 橙橙黃黃好靚仔肉質鮮甜到不得了大閘蟹乸嘅蟹膏好結實一樣係爆膏 大大舊橙紅色硬膏75分鐘入面 三個人總共食咗二十一隻大閘蟹完完全全係回曬本有多~

我個人本身都好鍾意食烤魚， 睇出面普遍食到嘅都係酸菜烤魚同埋麻辣烤魚， 呢一間烤魚特別小小有蕃茄烤魚，仲要有得叫辣同唔辣，我都係第一次見 所以我即刻約埋啲朋友出嚟試試佢，book咗位七點半，我哋七點三已經去到，等咗大概十分， 就有位畀我哋入，望一望佢嘅餐單，我發覺都幾特別，又有得食烤魚又得食串燒，跟住我就即刻叫左個蕃茄烤魚 仲有得照辣同唔辣，我同我朋友鍾意食辣所以叫咗個小辣，試一試佢落完單佢仲有得送小食，佢送嘅皮蛋真係幾好食，條魚送到嚟嘅時候，蕃茄味好香，個湯味滾我就即刻試咗一啖湯，超濃沃嘅蕃茄味，度可以食條魚嘅時候立即試下個鉗魚，又滑又小骨值得一試~

2個人冇野做上網搵平野食，搵到E間餐廳好似幾特別，又有得食雞煲又有得食串聯，我都叫左佢地嘅環球串燒雞煲套餐，雞煲叫左好快就送到黎，上左枱都幾香，色香味道俱全，服務員態度幾好叫我哋煲滾咗先食小心D汁彈到較細左個爐，終於可以食得喇個雞煲，入口幾香幾滑比較大件，跟住串燒牛粒都到左喇，牛粒幾好食入口感覺唔錯，我地又叫生蠔，肉質非常新鮮，經過燒烤後飽滿多汁，配上蒜蓉醬品嚐，味道一流， 不得不提佢哋嘅串燒雞，食落幾嫩滑唔會特別乾

同幾個同事喺黃大仙做完嘢，大家諗緊食咩好嘅時候，就係網上見呢間串燒舖，75分鐘串燒任食放題，💥好抵！唔理咁多，一於就佢喇，時間7點左右。我哋座底見到份Menu ，串燒、炸物、小食品種超多，叫左幾隻蒜燒生蠔黎到都好大隻、好肥美。值得一提係，有時係其他地方食雞肉串係好乾好，但呢度嘅串雞肉係 嫩滑同埋唔乾身，好香口，一食有驚喜！抵讚！👏🏻 最後大家都覺依餐好滿足，真係值得再嚟，重要叫埋屋企朋友一齊黎

都很耐無再食燒物了，今日心血來潮想食串燒😋😋😋，於是即興約埋同事一齊吃。來到黃大仙食串燒放題，當時最近我地就係呢間上海新大眾餐廳，所以我們二話不說就走入去點菜，全程由專人即時燒烤出爐，唔洗自己動手又可以享受BBQ的味道，別有一番情趣。最普通的串燒都非常到位，羊肉串質鮮嫩多汁，羊肉香味四溢，每一啖都爆滿整個口腔。串燒雞，皮脆肉嫩，香味俱全👏🏻👏🏻👏🏻。埋單找數每人都係$75，燒物質素非常高，而且新鮮熱辣，夠香又夠惹味，仲有沙爹醬配埋比我地，最緊要係無限追加，果然是食串燒的好去處😜。

今日同同事四人行經黃大仙做嘢， 辛苦一日，晚餐都想慰勞自己一下，同事見到有串燒放題就提議入嚟試下，店員帶入卡位就坐，感覺環境企理，坐得好舒服，又有抽風，食完唔會成身燒烤味。 睇咗下餐牌，發現原來這間放題有很多串燒任食。店內提供牛、豬、海鮮，多春魚、雞翼、蒜燒生蠔等等等⋯⋯多到數唔晒，店員服務態度好好，會細心介紹特色嘢俾我哋。串燒味道很好還有很多特色的味道提供選擇，海鮮方面亦有驚喜~食物又好食，另外仲有多款炸物，好食，款式又多，值得再去👍🏻👍🏻👍🏻