上海新大眾大閘蟹專門店

營業中

休息中

老闆超級熱情 疑似老闆娘都好好係咁幫手清碟 咁既價錢 咁既服務 咁既味道 絕對性價比高叫左個花膠雞有6-7舊花膠 又有好多舊雞啲湯都好濃 仲有層雞油係上面超級足料 .......

上網睇到呢個羊腩放題一心滿懷歡喜諗住嚟試試點知係惡夢嘅開始 首先打電話嚟預約正常冇問題 跟住去到咦點解個名唔同嘅放題叫農莊。咁嚟到個環境都麻麻地同個朋友嚟到就照食啦一坐低老細過嚟我哋就同佢講食羊腩放題$88嗰個 然後佢就射我哋上去問我哋食唔食黑草藥個餐$138 我話睇社交平台廣告，你話$88 OK都好食㗎喎，我問佢係咪差好遠，然後個老細講話差好遠㗎 $88放題就淨係羊乜都冇 極度懷疑其實$88 同$138係一樣料 心諗唉中伏 跟住佢話加$20就有任食生菜同埋糯米飯 有冇計啦，唔通你都淨係食羊腩咩？咁我照加啦 OK咁嚟到食嘢啦，一嚟就嚟咗一盤羊腩 份量都OK嘅，但係啲羊腩係超嚡唔腍冇羊味…..重點係鹹同埋油到西襟…..食一盤都已經冇乜胃口 服務都麻麻，佢有兩個0靚仔喺度做嘢，但係嗌極都唔應…..總括嚟講唔應該嚟試一次都唔應該睇返佢其他分店全部執晒得返兩間就知咩料啦 埋單計數首先$88再加$20任食生菜糯米飯$10醬油費再加一….真係唔明點解咁都要+1…埋單每人$130左右 呢個價錢早知我寧願去食傷心酸辣粉嘅夜晚放題仲好起碼人哋任飲嘢同埋條烤魚或者雞煲好食好L多..希望佢之前真係望一望O

首先覺得老闆嘅服務態度唔錯，好熱情。點咗5-6兩公嘅餐，完全無揀錯。嚟嘅清蒸公蟹，足兩，大隻，多膏。侍應哥仔都好好提我哋要填啱紙，先會上6兩嘅蟹，如果填其他顏色嘅紙或者選擇特別烹調嘅蟹，size 會細啲。建議要點5-6兩餐，不過有特別烹調嘅蟹，就唔使點，size 會細啲，加上無咁新鮮。但係相反，清蒸嘅蟹好多膏，好滿足，足兩，value for money。其他小食一盤，點咗1次試過就算。嘢飲種類唔算多，但都滿足到基本要求。哥仔清垃圾桶同清碟速度都算快，落單上蟹都快，唔係太多等待時間。Overall 會再encore！

第一次食大閘蟹任食，本身都滿懷期待的，因為十月都想係甘食！今次係有朋友試過介紹所以過左黎。首先地理位置唔算非常方便，不過附近有個停車場既。今次揀左第二個套餐(任食4-5両公蟹同3両半乸）一開始叫左清蒸既，每次最多一每人叫2隻。d蟹質素有d參次，清蒸已經最穩陣，鹽焗就好咸，花雕酒d蟹就有啲唔新鮮，避風塘就唔夠熱。如果唔太介意質素都可以一試。其他配菜味道普通。不過值得一讚既係有任飲薑茶不過唔夠薑味似飲糖水feel😂

每年我都會同好朋友食大閘蟹，我哋以往係食高質放題嘅大閘蟹，一向食完好滿足。而今年好朋友想試吓呢間專門店，見佢廣告打得甘兇狠，又好似好多好評，滿滿期待同信心去試。黎到發現呢度除咗幾位年青人侍應，好勤力同清蒸大閘蟹質素還好，其他整體感覺都很好差，完全唔係廣告果回事，好似被騙，原因有以下：第一：聲稱係薑茶但好似糖水，冇乜薑味又勁甜；第二：幾款標籤有蟹嘅前菜，每款都冇蟹味，好求其製作。第三：我哋試晒每一款蟹，而其中避風塘炒蟹，係伏中之伏，灘到凍晒，殼同肉都淋哂，淨係食到辣味，超級難食！！第四：洗手間環境惡劣，好似好耐冇清潔咁，冇洗手液同垃圾桶等。第五： 佢話明每次只可叫四隻大閘蟹我OK冇問題，不過佢啲落單紙特登俾得果兩張仔，每次重新填過已經令我隻手食到好污糟不停拎自己嘅紙巾抹；不停咁重複：食、大抹手、填紙、兩張之後冇晒又要問侍應攞過、繼續重複動作。個老闆真係好怕我哋係咁食晒佢啲嘢。（其實我同朋友前後自己食咗8隻都冇）第六：另外菜式鹽焗大閘蟹及荷葉花雕蒸大閘蟹，都係特別濃重味，蓋過晒蟹嘅鮮味，就算蟹唔靚唔新鮮客人都唔覺。正常係就算調咗味都食到蟹鮮味先係正確嘅煮法，呢度可見做法馬虎。總括嚟講，呢個

琴日兩個人去咗黃大仙「上海新大眾大閘蟹專門店」食大閘蟹放題。我本嚟有D怕店舖會污糟，但去到感覺地方平實企理，枱凳乾爽。開始時店員精要講解點餐流程同飲品位置，除即開始放題晚餐。我哋叫咗細size清蒸款，公乸都試咗，D膏好鮮甜又creamy。我哋食完一round本來諗住再點要等吓先會上等二round，點知遞咗張紙仔轉頭就送上食物，厨房功力同效率超高。一路食，店員一路替我哋換蟹殼桶。接近臨尾15分鐘店員提醒截last order 時間，其實佢哋密密遞餸未到last order 個胃已到limit。之後我哋就攞咗D姜茶飲，夠姜。今次整體感覺良好，主角食物高質，服務有禮到位，食得自在，會再翻尋味。

3個人揀左呢間大閘蟹任食，環境一般，蟹推薦清蒸同避風塘。花調蒸唔好食，又苦又臭。蟹以外既得餃子，粥同糯米飯，好食但係款式唔多飲品，工具都唔多，黎呢到專食蟹都ok既，公蟹雌蟹都好食，啖啖肉啖啖膏，但想試多少少就差d了，同區都有更好選擇。少失望，唔推薦。

今次是我第三次嚟呢間餐廳。一年嚟一次， 諗住過吓大閘蟹癮。 每次都失望而回， 叫自己下年唔好再嚟。哈哈。今次諗住叫貴啲質量會好啲，叫了5-6両，$705 一位，兩位加一後$1,557.6 。 點知蟹嘅質量都係咁差。無蟹味、 肉鬆 、 仲要有幾隻臭蟹。 清蒸大閘蟹都總算可以，鹽焗和花雕蒸大閘蟹就真的不知所謂。 鹽焗的有一浸古怪苦味。 仲有唔理你俾幾多錢， 只有清蒸大閘蟹先會俾返五両你， 其他做法都係細蟹。其實自己買幾隻貴蟹喺返屋企煮都仲平過佢。 真係唔可以再貪心。其實佢哋服務態度都真係幾唔錯，其他食物如 蟹粉水餃、蟹粉扒時蔬和 生炒蟹膏 臘味糯米飯，味道都唔錯。

好少覓食去到黃大仙區，但友人吹🐔要食大閘🦀放題，我唯有拼咗條老命陪你癲，呢度地方唔大而且內裏狹窄，不過無所謂，反正限時90分鐘，究竟我嘅極限去到邊🙄，要食過至知，原本揀咗$568嘅size，埋單先發現店員幫我哋落咗$488，我哋真係掛食連單都冇睇🤣，店員簡單講解落單細節，提醒最後15分鐘截單，飲品自取，如果鍾意飲薑茶記得早D攞，因為杯茶超熱，放涼都要一段時間，枱上有兩款order紙，每人每次限點2隻，呢度上蟹速度快，絕對冇hea 你，所以冇出現人等🦀情況，大閘蟹有四種烹調方式，清蒸最好食，尤其是蟹公，黏口軟滑，口感綿密，白膏亦多，相對蟹乸D膏比較硬身，不過用避風塘煮法又好夾，至於花雕蒸同鹽焗個人覺得一般，熟食只有四款，大閘蟹粥唔錯，臘味糯米飯偏咸，餃子普通貨色，自問大閘蟹迷嘅你不妨嚟挑戰下  

上年食過一次今年決定再嚟食,無可否認蟹既質素係好,不過有一點覺得店家做得唔清晰,一坐低個阿姐就會按你食既級別比唔同顏色既紙仔你填,初頭無為意,第一轉叫咗清蒸同鹽焗(分咗2張唔同顏色紙填),到蟹嚟到阿姐話唔駛分2張紙填,因為其中一張有齊4種口味,當時我仲以為自己無睇清楚,到食完再叫第2轉時發現點解啲蟹好明顯細隻過第一轉,咁我望清楚啲紙仔時發現粉紅色紙只有清蒸口味但清楚寫明5-6両,但另一張黃色紙寫晒4種口味但係蟹係寫3-4両,咁我未問返阿姐係未比錯紙我,但阿姐話廚房識分,食多一陣,隔離台同我地食同一両數蟹,佢地就係用咗黃色紙填結果廚房比咗細蟹佢地,咁即係阿姐個句廚房識分係假,點解黃色紙可以印4種口味,粉紅色紙又唔印晒,或者人少時仲會記得邊張枱食邊隻size,但坐滿時未又睇顏色紙比蟹,話自己有4種口味蟹食,但原來只有清蒸先足両數,當然客人可以只食清蒸,但應該要講明其他只有一個size蟹提供,而唔係等個客自己去發現

上海新大眾🦀️大閘蟹🦀️專門店 90分鐘任食🦀️大閘蟹一年一度大閘蟹季節又到了😂😂😂朋友生日又話要去食呢間（上年已經食過一次、今年又要再來呢度食生日飯😂朋友要求） 同上年一樣選5-6両公+4両乸，不過可能今年比較早食，🦀️公嘅未係當造時候、🦀️乸就超多橙色蟹膏……今年還有▫️荷葉花雕蒸大閘蟹🦀️▪️避風塘大閘蟹🦀️▫️鹽焗大閘蟹🦀️90分鐘全部拆蟹，拆到真係有啲手軟，今餐膽固醇超標人均：$780/位推薦指數：/5 上海新大眾大閘蟹專門店📍黃大仙飛鳳街46號地鋪（黃大仙地鐵站A出口，近鳳凰新村）#foodie #美食 #美食blogger #美食探店 #人生活得精彩 #生存就是食 #香港 #美食分享 #我的美食日記

星期日晚去食，9:18pm入坐，有室內或者室外，限時90分鐘，每人每次可點2隻，落單後3-5分鐘就出鐘。無花無假，真正任食，試咗花雕蒸同鹽焗，最喜歡都係清蒸。2個女仔，食咗28隻，個人一向喜歡食蟹乸，薑茶正到暈，都係任飲。佢有氣水、青島、果汁先生都係任飲。2個人埋單$1096，服務員好快手又有禮貌，之前做足功課，選咗食呢間，好彩無選錯。食完如果無客等位，佢仲比你坐到12點先走！總括：無呃人任食，出蟹又快，無死蟹！

《上海新大眾大閘蟹專門店 – 黃大仙》秋風起，正係食大閘蟹嘅時間🥰早排同個朋友食咗餐好過分嘅痛風餐，我哋兩個女仔一共食咗30隻大閘蟹，平均每人15隻😂趁後生真係要食多啲😂年紀大咗就冇得再咁瘋狂😋當日同朋友book咗6:00喺黃大仙呢一間大閘蟹專門店食晚飯，我哋兩個揀咗三至四両嘅大閘蟹，每人$488任食，由於我哋重量不重質😂決心要鬥食到幾多隻蟹，所以當晚只係食咗少量其他菜式，大部份都係食蟹為主，不過佢嘅賣點都係蟹姐🥸當晚嘅蟹乸好食過蟹公，由於而家乸當造，所以主攻蟹媽媽就夠啦🤪大閘蟹嘅口味有四種，包括清蒸、鹽焗、花雕蒸同埋避風塘炒😆個人覺得最好食係清蒸，之後就係避風塘，鹽焗大閘蟹略嫌太鹹，冇咗食蟹嘅鮮味，如果鍾意飲酒嘅話其實花雕蒸大閘蟹都可以一試，不過我覺得酒味太濃，食落有少少苦🤔避風塘炒大閘蟹偏辣同埋濃味，有少少似食緊薑蔥炒蟹嘅風味，如果鍾意食大閘蟹膏嘅話呢一款可能未必啱你，因為炒完嘅蟹膏感覺冇食清蒸咁好味，會淨係食到炸蒜同埋調味😅佢呢個價錢仲包埋飲品任飲，不過主要都係汽水為主，薑茶都可以任酙，如果太口渴嘅話，佢嘅支裝水都係任飲㗎😂不過我就唔建議飲太多野，咁樣會食唔落啲蟹㗎😉其實佢另外仲

9月尾10月頭秋風起係開始食大閘蟹嘅季節，由於一年得好少月份可以食到大閘蟹，我知到新大眾開始提供任食大閘蟹，忍唔住要食頭水！同埋得去黃大仙依間佢有話係陽澄湖大閘蟹！呢一間新大眾係任食，收費主要睇蟹公重量去收費，3-4両蟹公配3両蟹乸一組，4-5蟹公配3両蟹乸一組，5-6両配3両蟹乸為一組！除咗清蒸大閘蟹任食之外，佢哋會提供花雕大閘蟹，避風塘大閘蟹，鹽焗大閘蟹幾種煮法，但我都係愛食清蒸大閘蟹🤤！當然啦除咗大閘蟹任食之外仍然都會整大閘蟹周邊嘅食物例如：蟹粉扒時菜，大閘蟹粥，大閘蟹餃子🥟，大閘蟹糯米飯⋯⋯當然啦除咗熱食之外佢亦都會有薑湯芋圓，全部都係任食架😱！嘢飲方面佢哋會提供啤酒🍻汽水🥤支裝水 💧仲有薑茶係任飲嘅，我亦都有叫到花雕酒🍶黎飲，大閘蟹太寒涼啦食得太多係需要驅寒，花雕酒係有驅寒嘅作用！老闆仲教咗一個小秘方喺酒杯入邊加一粒話梅，飲落個感覺爽！😍😍講到尾，9月尾食頭水都係當做月，所以大閘蟹公啲膏還好，但精就係少左啲！蟹乸都ok la！比分上都係合格有3.5星，扣分係蟹未當做！加分係個杯話梅花雕花😋！

賣相還好，但質素令人感到驚訝。10人盆菜1750 價錢 成本唔知500都有無。街市最差燒鴨切雞拼湊，manual上碧綠時蔬唔見左。海蔘切得好似魷魚絲咁的細條，圖文不符，令人失望；游水大海蝦係普通size 基圍蝦，基本上同講大話無分別。幾蚊斤的蘿蔔都慳，唔腍，用料老，纖維化唔容易咬開；蓮藕都老，粉或脆都不是，唯一較正常是芋頭，但部分有燶，可惜連平價食材都做得唔好。希望店家認真改善，唔好以新年盆菜某取暴利，貨不對版，破壞新年氣氛。