影片
更多
2025-06-17
404 瀏覽
今日同朋友去咗黃大仙呢間「上海新大眾大閘蟹專門店」試吓佢哋嘅$98任食，老實講，一開始見到個價錢都有啲擔心質素，但食完之後竟然有驚喜！ 🍅 蕃茄烤魚：魚肉嫩滑，雖然唔算好厚身，但勝在冇雪藏味，蕃茄湯底酸甜適中，越滾越入味，加埋配料如蕃茄、冬菇、娃娃菜一齊食，好開胃！以$98任食嚟講，絕對收貨！奇味雞煲：一上枱就聞到好香嘅香料味，雞件份量唔少，煮得夠入味，肉質嫩滑，個汁撈飯一流！朋友仲話想encore多煲，可惜要留肚試其他嘢。🧀 溶岩芝士雞煲：滿滿芝士鋪面超吸引！芝士撈勻之後拉絲拉到成米長，雞件嫩滑仲吸晒啲芝士同醬汁，邪惡到爆！芝士控必試，熱量爆燈但值得🍢 串燒類牛肉串：肉質嫩，孜然味香炭燒雞腿肉：雞肉juicy，燒到微脆，加咗少少蜜糖，甜甜哋好惹味！燒雞腎：爽口彈牙，送啤酒一流！羊肉串：少少羊騷味，燒得夠乾身，有咬口。雖然係大排檔格局，但座位寬敞，抽風做得唔錯，食完唔會成身油煙味。雖然唔係話超級好味，但絕對對得住個價錢！特別適合一大班朋友去，可以試多啲款式。如果想平平哋食餐飽，呢度係唔錯嘅選擇！* 每位客人均須收$10醬油費，另加一服務費* 所有套餐星期五六日、公眾假期及前夕+$20✅
🍅 蕃茄烤魚：魚肉嫩滑，雖然唔算好厚身，但勝在冇雪藏味，蕃茄湯底酸甜適中，越滾越入味，加埋配料如蕃茄、冬菇、娃娃菜一齊食，好開胃！以$98任食嚟講，絕對收貨！
奇味雞煲：一上枱就聞到好香嘅香料味，雞件份量唔少，煮得夠入味，肉質嫩滑，個汁撈飯一流！朋友仲話想encore多煲，可惜要留肚試其他嘢。
🧀 溶岩芝士雞煲：滿滿芝士鋪面超吸引！芝士撈勻之後拉絲拉到成米長，雞件嫩滑仲吸晒啲芝士同醬汁，邪惡到爆！芝士控必試，熱量爆燈但值得
🍢 串燒類
牛肉串：肉質嫩，孜然味香
炭燒雞腿肉：雞肉juicy，燒到微脆，加咗少少蜜糖，甜甜哋好惹味！
燒雞腎：爽口彈牙，送啤酒一流！
羊肉串：少少羊騷味，燒得夠乾身，有咬口。
雖然係大排檔格局，但座位寬敞，抽風做得唔錯，食完唔會成身油煙味。
雖然唔係話超級好味，但絕對對得住個價錢！特別適合一大班朋友去，可以試多啲款式。如果想平平哋食餐飽，呢度係唔錯嘅選擇！
* 每位客人均須收$10醬油費，另加一服務費
* 所有套餐星期五六日、公眾假期及前夕+$20
✅ 4位以上訂位 送龍蝦鮑魚海鮮拼盤
張貼
