上海新大眾大閘蟹專門店

營業中

休息中

又到大閘蟹既季節了,我一年都會必食的，上年就去到酒樓食，當然酒樓食有唔同整法，但係我覺得用傳統（蒸）的方法，係最好味，可以保留鮮的味道，有好多地方都可以有任食，上網都搵左好多間,最後經朋友介紹這一間水準不錯,最適合比較夜收工又諗唔到食啲乜嘢又想食好野嘅人多一款選擇入去時會限時間90分鐘,有唔同大細不同大閘蟹選擇,價錢亦都不同,本身我們想選擇最大的大閘蟹,但太好賣了沒有貨了,所以唯有選擇中等,我地2人食左20多隻好好味好多膏,除左大閘蟹之外,沒有餃子，伊面，糯米飯,飲品係任飲，實在太低了,下次會再幫襯

以往由元朗店時代到上年都有幫襯，蟹細隻但普遍有膏 蟹粥都好食，但90分鐘太急而且價錢吾平、地方逼、時段只set死2場18:00或19:30 而且極準時趕人走，依家大閘蟹放題愈開愈多，相比起其他黎吸引力遜色不少，另外處理預約方便極為混亂，預約後改日期但無幫客人改時間，仲堅持係客人既錯，都唔緊要 客人要求更改回正確時間 但用極差態度黎回應:唔得喎！無得改！係你地自己時間混亂 如果唔係都吾會自己打黎！取消預約後，當日仲打黎reconfirm booking，邊個先係混亂個個顯而易見再book其他同樣係食大閘蟹放題既餐廳，時段由客人選擇 時限則由入座起計 亦有2.5小時以上，款式種類都多，而且服務有禮。新大眾唔稀罕做少一枱半枱生意，我亦唔稀罕比錢黎食 黎受氣，唔會再介紹朋友黎食

「九月圓臍十月尖，持螯飲酒菊花天」，又到了農曆九月的大閘蟹季！食大閘蟹主要為了它特有的蟹膏，雌蟹的橙膏豐腴甘香，公蟹的白膏黏糯綿密，小朋友先要選擇，我兩者都要吃平時食大閘蟹都是在家中有母上大人去預備，今次是第一次跟朋友去餐廳大閘蟹放題！本來有另一家餐廳想試，但該餐廳只提供公蟹，而朋友喜好雌蟹多些，所以還是來了她的老地方～～～此店的放題按所食客所選的蟹的重量去收費，10pm後入座會便宜一點。我們選了最便宜的3-4兩公蟹+3兩雌蟹，那就不用花時間拆蟹腳！收費為每位$388，是日為星期六，每位加收$10附加費。大閘蟹雖細，但還是有滿滿的膏雌蟹的橙黃膏分明，帶油份又甘香！公蟹的白膏亦足夠黏糯～～～蟹腳就要採取暴風式吸入，沒有細味！！每人每round只可點兩隻蟹，而且要碟中的大閘蟹全清才可再落單，但實際每次落單後都好快的將大閘蟹熱騰騰送上，不用等待，最後我們每人平均KO了10隻蟹～～餐廳還有提供其他食物，包括：蟹粉水餃﹑生滾大閘蟹粥﹑生炒蟹膏臘味糯米飯﹑蟹粉扒時蔬及薑茶小丸子！我們只試了當中的三款。蟹粉水餃，皮略厚，餡料飽滿，但不太嚐到蟹粉味！蟹粉扒時蔬，蟹粉芡好稠身，菜有點不太夠熱，味道不算惹

埋單$394 食左16隻 圍返$25/隻 3兩半至四兩公蟹 或 3兩半母蟹 今次公蟹好食過母蟹 食到 lam lam 脷大部份蟹都爆哂膏 3兩半蟹真係太細隻 質素亦良莠不齊 下年會重質不重量食一兩隻大既大閘蟹 過下口癮就算

食蟹有時限（75 分鐘），都仲有5分鐘，我地4個人，都仲剩兩隻蟹。有個呀姐行埋來：「你哋唔會食得切㗎喇」。跟住收返左兩隻未食嘅蟹入廚房... 我擔心緊我哋頭先食嗰尐都係回收人地枱嘅... 疫情期間，做飲食嘅唔該有尐良心，唔好害人！全程叫蟹已經感覺到好唔想你食得多，明明俾客人寫數量，我哋寫第一輪十隻，呀姐同我哋改左8隻，話每人每次只可以叫兩隻，未食曬又唔出第二輪，夠鐘前15分鐘就唔可以落單，做到咁好心唔好放題……其他食物質素同樣令人失望，所謂任叫嘅蟹粉水餃，蟹粉時蔬，完全食唔到有蟹粉，只係普通烚菜同餃子，好求其。粥係糊椒味精粥，當然又係無蟹喺入面。呢個價錢，好多選擇，唔會再來食。

食6點頭圍，75分鐘叫左4轉，包4樣熟食，糯米飯正常，餃子就真係餃子，個粥好有薑味好味精，啲蟹不過不失，但第一轉啲蟹係凍，之後幾轉先至有熱嘅，真心無言。。。。無take two

星期二晚上6點去食，訂咗枱，幾乎全場都滿，好多人去食，不過入到去見到環境都坐得幾逼下，坐低咗見到後面廚房有塊白板，黑黑的，再睇到地下廚房一樣黑黑的，入黎就去個洗手間洗手先食嘢，洗手間都唔算係好乾淨，而且無洗手液提供的同隔離位的距離都好近黎到食咗重點，食大閘蟹，選咗最平果個價錢食，即應該係最細隻嘅，每次每人只可以叫2隻，任食75分鐘，15分鐘前就last order.....講真食得勁趕囉，真係影下相時間都唔多，個人喜愛食乸多啲最難食都應該係個粥，勁多黑胡椒.....食咗兩啖食唔落了...... 至於呢個都係唔好食，啲餃皮厚到，啲菜同個汁都好難食個糯米飯就一般還可以，用黎食飽個肚之後寫話有薑茶小丸子就只係得薑茶，問咗店員話幫我睇下，到走果時都冇回覆我有冇得食，我諗應該冇小丸子......我除咗想食大閘蟹，寫住有小丸子都好吸引我.....不過就冇得食總結黎講呢間只係食大閘蟹，對其他嘢食都唔好抱太大希望，同環境舒適感同整齊清潔感覺都好差。

每年都會返來再食嘅大閘蟹放題今次10點後去460蚊食中蟹 全部食蟹公上蟹速度快隻隻蟹都爆羔有埋工具比我地拆服務態度好75分鐘任食點完75分鐘 可能因為最後一場 比我地慢慢坐 慢慢食keep住有人收蟹殼一叫好快就有蟹出小妹創下個人紀錄食左16隻食埋身 食埋腳4個人食左47隻佢仲有d蟹餃子 好食 但無咩蟹味蟹爬時蔬 菜囉蟹粥 好味糯米飯 好味仲有任飲薑茶飲品反而就無咩選擇全部都有糖嘅可樂，雪碧，芬達 ,蘋果汁，蜂蜜雪梨超開心

仲記得舊年11月天氣轉涼～越嚟越有秋意🍁，又係時候食大閘蟹🤤！·同事誠意推介呢間大閘蟹專門店，話之前訂過呢間專門店嘅套餐。於是我哋早一星期預訂，就喺公司開咗個大閘蟹party🤣。啲蟹算大隻，而且肥美、有好多膏，超正😍！·其實有ABCDE餐可以選擇💁🏻‍♀️，可以自由組合訂購「公」或「乸」嘅大閘蟹，每個套餐嘅主要分別就係在於蟹嘅両數唔同。而我哋預訂嘅係C餐🦀，當中呢個套餐可以揀5両「公」嘅大閘蟹，或者4両「乸」嘅大閘蟹。·✨妹豬仔👧🏻💬: 價錢方面，訂購呢5個套餐係免運費咖 ，而C餐本身係HK$1320 (12隻)，但因為我哋訂夠兩打，所以有得9折，計返即係HK$99一隻😆。而呢啲套餐只要訂夠6隻，就會送埋鉸剪1套、醋1支、薑茶1包，感覺好抵呀😌～

是日請媽媽食大閘蟹😁呢間位於黃大仙嘅《上海新大眾大閘蟹專門店》好抵食👍🏻不同大小嘅大閘蟹有三種價目！75分鐘⏱任飲任食😋夜晚10點黎食仲有優惠添！隻隻蟹都即叫即蒸🔥蟹膏爆滿🤤而店內仲有4款蟹味菜式：蟹粉水餃🥟蟹粉扒時菜🥬生滾大閘蟹粥🥣生炒蟹膏臘味糯米飯🍚店內環境寬闊、乾淨👍🏻店員親切有禮、服務態度良好👍🏻大家仲唔趁呢個食蟹旺季黎呢度食大閘蟹放題？😆

原本滿懷歡喜地去食大閘蟹放題，1O点鐘便到，我挑選了中size,4兩至5兩，但我發現他给我的都是細size,3~4两，我一直自己都有食開，所以一來到已看出，都算，但D蟹一D都唔新鮮，而且有些是嗅的，🤬真是太令我失望，所以我以後都唔会再去食放題，自己買返去煮質素仲有保證。我發現原來有好多打手，我是睇完食評先去

秋天又係食大閘蟹嘅季節🦀🦀🦀平時買一隻都起碼要$100以上我哋今日嚟咗呢間專食大閘蟹放題嘅餐廳咁就唔使就住就住咁食餐廳有分3種放題套餐根據大閘蟹嘅重量劃分我哋揀咗$428嘅套餐可以75分鐘內任叫四至五兩重嘅蟹公同埋三兩半嘅蟹乸仲有其他小食例如蟹粉水餃，糯米飯，蟹粥可以任食而且所有飲品都係任飲包括薑茶、汽水等等一坐低侍應哥哥就會比張落單紙我哋落單之後等左都唔使3分鐘就已經有蟹食呢度每一隻蟹不分公乸都爆曬膏🤩我哋每人食咗八隻再加其他小食然後再飲番杯薑茶驅寒真係食到捧住個肚走

秋風起最岩食蟹🦀食三，四隻又邊夠喉？放工即去黃大仙食大閘蟹放題，挑戰係75分鐘裡面食到幾多隻大閘蟹😋佢分別有$358，$428，$588既套餐，我地揀左$358套餐（蟹公3-4両；蟹乸3両）晏d夜晚10點後去仲平D $328一位😍 帶住個剝蟹達人幫我極速剝蟹，75分鐘總共食左16隻😂!另外可以任食蟹粥同每日新鮮包蟹粉水餃🥟 無諗過水餃都咁好食👍🏼 我地自創新食法，將蟹膏撈蟹粥食，真係好味得過份🙈！仲有薑茶無限添飲👍🏼 唔怕食完腸胃會好寒😉快d趁水尾約埋親朋好友去食大閘蟹啦😋

真係唔講得笑所有大閘蟹都係即叫即蒸超級新鮮而且熱辣辣個人黎講中意食蟹公多啲而且可以食到差不多6两重嘅蟹公真係既邪惡又抵擋唔住不過其蟹乸都一樣隻隻都好多膏絕對唔洗怕會抽獎抽唔中呀-❣蟹粥 同 生炒糯米飯10分推介呀超級多蟹肉，香到不得了呀糯米飯都非常推介如果你係兩個人一齊去食我會建議兩個人一齊share如果唔係就會冇位食大閘蟹㗎啦-❣蟹粉餃子咬落去都幾香而且好多蟹粉如果怕一次嗌過得太多客人可以逐隻餃子叫所以試吓都無防

蟹—唔係我最鍾意食嘅海鮮，但每逢呢個時候總會覺得一年要食一次大閘蟹。之前試過响酒樓食，又試過自己屋企蒸，一隻起，兩隻止。今年Hubby上網搵到呢間，任食大閘蟹都係第一次。我哋下午搵嘅時候，餐廳未開沒預訂，唯有直接walk-in撞下彩。估唔到平日室內座位已訂滿，幸好仍有室外座位可選擇。現在天氣涼涼哋，坐得都好舒服。任食價格分3-4両公及3兩乸嘅$358、4-5両公及3両半乸嘅$428、5-6両公及4両乸嘅$588三款，我哋選了$428，大閘蟹及4款有關食品、飮品任飲。每人食咗大閘蟹各6隻(公4隻丶乸2隻)，真係破咗我人生紀錄。我哋始終喜歡公多D。至於其他食物，我覺得蟹粉水餃丶蟹粉扒時蔬及蟹糕臘味糯米飯都冇咩蟹味。反而個生滾大閘蟹粥幾好味，雖然蟹肉唔算多，但熱辣辣加上濃濃胡椒粉味又幾好食。最後我哋叫多碗，然後自己拆大閘蟹啲蟹腳蟹脾肉放入去，仲正