上海弄堂菜肉餛飩 (電氣道)

營業中

休息中

今晚放工後約左朋友喺附近食飯，見倒呢間上海菜價錢幾抵，就俾個機會佢😎餐廳地方唔算太大，有廿多三十個位，坐低後好快就滿座，睇黎口碑唔錯。除左單點食品，仲有唔小套餐，呢個一人餐岩哂lunch食！朋友好鍾意飲酸辣湯，我飲左幾啖，發覺酸味同辣味比平常飲既更突出，稠度剛好，配料好多，豬肚好新鮮！醉雞擔擔麵，雞件好香花雕酒味，肉質嫩滑。擔擔麵麵質陣牙，湯底好香花生味，辣度有得自己揀，叫左小辣，有啲辣味更開胃！上海菜必食既砂窩雲吞雞，呢間野叫上海弄堂菜肉餛飩，餛飩就係招牌菜！餛飩好多餡料，仲加左金華火腿，多左一份鹹香味湯非常香甜，面層浮著一層雞油，好鮮！最後係小籠包，皮薄餡靚，一咬開啲湯流哂出黎員工都好有禮貌，好勤力加茶食完飯上網睇睇，原來已經有好幾間分店！！食物水準咁高，唔怪得啦

食物ok， 但職員對外賣處理手法就有爭議空間。今晚全店得一檯，但已叫外賣後職員仍趕人於店外等。全店人多外賣在店外等合情合理，但店空仍如此安排? 此次會是最後一次光顧😠

好想食小籠包所以搵自己食過當中有邊間好食（因為飛雲唔想搏），之前試過灣仔果間印象好所以今次去間近啲嘅。去到先知原來天后係本店！食親上海菜都忍唔住叫百頁，冷盤毛豆雪茶加百頁，等如將三樣上海名物加埋。雪菜少少鹹味帶起，百頁多一紋掛起味。醉雞最驚喜，超入味啖啖酒香，應該有浸過夜？而且一叫華麗轉身就上台，主菜當前菜食。黃金炸豬扒，好食豬扒形容不外乎肉嫩炸粉漿薄而脆都有齊，仲加碗菜飯。欖菜炒豆角on standard，肉粒味濃重味佬最愛。有個百頁小棠菜都想試，不過真係食唔曬要留返下一次。小籠包！！最後先上台，因為即整！之前去過灣仔果間，已知小籠包好食，今次當然有再叫，好食在肉汁香同個百摺頂係做到軟身！又係details 見誠意，一啲都唔易！好過好多專賣小籠包嘅鋪。

話說個日要去天后見客，見完之後仲有時間，就去左有「食街」之稱既電氣道睇吓有咩食。經過上海弄堂，見到好耐冇食上海菜於是就入左去，入面只有大約20個座位，午飯時間都坐滿大部份座位，店員安排座位後見到我一袋二袋，所以都好細心咁俾咗張圓凳我。本身比西洋菜雲吞吸引，好少可雲吞會有西洋菜，但可惜西洋菜雲吞係季節性，三月已經冇做。於是我嗌左個黃金排骨擔擔麵，雖然坐門晒全部枱，但唔使10分鐘就有得食 排骨香脆可口，唔算好乾身，食落冇咁熱氣。但最欣賞都係個擔擔面，啲麵質感好好，而且湯底夠麻，辣味充足，又唔會好滯，午餐仲有豆漿送，的確幾啱附近啲打工仔食

今天和母親大人食午餐，她想食上海菜，於是我便提議到附近的上海弄堂開餐啦這間店子雖不大，但裝修卻很有上海feel。坐下後，便開始研究一下餐牌。我們叫左兩個lunch set，包括烤麩餐和嫩雞煨麵餐，加了$1 轉熱豆漿，及還叫了一個湯年糕。香菇烤麩味道不錯，清淡可口，送菜飯好嫩雞煨麵份量足，湯底入味，麵條彈牙湯年糕是媽咪的飛弗，美味兼塊塊都大大嚿，她連湯都飲埋呀！整體來說，食物不錯，份量夠足，招呼亦好，價錢相宜，以後一定會再來呢！

「濃油赤醬」係上海菜一向俾人既感覺，好多人都可能會因為味道太重而對上海菜敬而遠之，今日介紹既呢間餐廳或者可以改變各位朋友仔對上海菜既睇法。呢間店舖店面唔大，裝修好有中式懷舊既感覺，雖然店仔細細但入面有好多上海特別既菜式，今次就叫左排骨湯麵、上海炒年糕、上海春卷同埋小籠包，唔知係咪因爲個日比較多人等位既關係，唔係等左好耐就有菜上枱。先黎既排骨湯麵用左幼身既上海麵，排骨炸到酥脆但唔油膩，湯底雖然無用咩特別既調味，但勝在唔會過於濃味，成個湯麵既材料互相配合但又唔會搶大家既風頭。跟住就係我好中意食既上海炒年糕啦，雖然個炒年糕望落非常濃味，但其實店家既調味做得好好，保持到上海菜「濃油赤醬」既顏色，而味道唔會過鹹，年糕夠軟糯，可惜既係份量太細，有啲覺得唔夠喉。而最後上菜既就係個兩小食啦，即叫即整既小食上枱既時候熱辣辣，春卷炸到脆身，咬落去就好似食緊薯片咁；另外小籠包係食上海菜必食既，因為睇小籠包整成點就好睇到師傅既功架，呢度既小籠包皮夠薄同有滿滿既湯汁，配埋啲醋一齊食簡直就天作之合。每次都會透過以下6大方面評分(滿分:30分)味道 : 3.5 / 5 環境 : 3.5 / 5 外觀 : 3.25

今日放半日假想搵地方hea下，突然諗到食吃中菜，見到呢間上海菜好似唔錯，一於黎食下。 呢度裝潢唔錯，有種古色古香既感覺。如果帶我屋企人黎應該會幾鐘意。 菜肉餛飩麵 $48 呢個好似係招牌菜。餛飩果然味道唔錯，皮滑帶煙韌既感覺，口感唔錯。麵質偏腍，但味道幾好，吸收左湯底既精華。 加 $16 有涼拌黃瓜 黃瓜微酸既味道非常開胃，食落索索聲口感唔錯，少少辣都幾惹味。 上海春卷 $32 因為即叫即整，所以熱辣辣。大大舊餡料豐富，口感香脆。

由之前在天后附近補習到現在畢業後終於來到這一間上海小菜館品嚐美食 還以為是少貴(價錢)的上海餐廳 看菜單後原來還是價錢相宜的上海食店這裡必食菜肉餛飩 一碗8隻 每一隻餡料都非常飽滿 絕對有別於出外吃的餛飩 下次來也想再食這裡還有一人套餐 是全日供應 有齊小食+主菜+飯/麵 價錢只需$88/99小食- 鎮江肴肉 套餐有2小塊主菜- 陳年花雕醉雞 雞肉肉質嫩滑 花雕味香濃額外加了一份主菜- 無錫排骨 這個不像平時吃的無錫排骨 肉質類似豬軟骨 非常入味

晚飯時間行過見有人排隊，應該好食吧！無得攞籌，在門口排隊，等左10-15分鐘就有位。鋪頭好細，得幾張枱，招呼無乜，因為好忙。四個人叫左小籠包，菜肉雲吞，上海炒年糕，紅燒肉菜飯，嫩雞煨麵。埋單360+。如果好肚餓去應該呢個價唔夠飽，因為食物唔算大碟。不過味道不過不失，喜歡淡口既人應該會鍾意。因為門口有人等位，食飽好走人啦，唔好阻住人。

今日放工後，晚上無所事事走到銅鑼灣，打算隨便地逛一下就吃個便飯再行年宵。在銅鑼灣，既不想吃得十分高檔，又不想是但地吃，於是上開飯喇找一下靈態。滬菜，我和另一半都經常嚐試。是次就找到了這間上海弄堂菜肉餛飩。弄堂 (衖堂)，是上海一種基於里弄類建築的城市社區，指城市中某一成片街巷內的居民所組成的社區，也稱「里弄」，是上海的特色文化。順道學習一下上海文化。餐紙上說明了一下弄堂的意思，亦很有自信地闡明上海弄堂是品嚐上海家庭小菜的好地方。那確實要試一下。我們點了１人套餐、另加砂窩餛飩雞及脆皮素鵝。∪ 1.1人套餐 (鎮江肴肉、無鍚排骨、菜飯), $88鎮江肴肉，起源自江蘇鎮江。肴肉嫣紅嫩凍，咬落十分嚼勁，而且不黏牙，沒有一絲肥膩感。無錫排骨，是江蘇無錫傳統名菜。這裡亦煮得挺好，骨頭入味，鹹中帶醬汁的淡淡香甜。菜飯則保持一向水準，不過略嫌不夠熱度。∪ 2.砂窩餛飩雞, $99砂鍋餛飩雞是中國傳純上海菜，以原隻雞加上上海餛飩及小棠菜等材料而煮成，盛載於砂鍋之內。砂窩餛飩雞熬出來的湯呈奶白色，可以一邊吃材料一邊飲熱湯，頗有鮮味。而且雞件亦弄得很稔甜，不會過老。整份砂窩餛飩雞十分足料，亦有數粒大餛飩，這

今早和妹妹去維園 泳池游早水, 游罷又疲倦又 肚餓,  妹妹立即話去上海弄堂 醫肚, 我以為要乘車去灣仔, 原來天后電氣道也有一間.   位置是琉璃街, 店子不大起眼, 門口又 是的士站.  所以妹妹帶我才知道. 門外有餐牌.最搶眼的是獎狀.   此店曾穫得 2018 選舉為灣仔最佳食肆.店內裝修簡約, 客人很多, 我們兩人同意搭檯, 於是立即可以入座. 店內掛了舊上海灘風景畫, 及以 "弄堂" 為題的對聯, 好有文采. 餐檯墊印有此店簡介,   帶點懷舊味道！餐牌印有食物彩色照片, 更容易揀選食物.價錢中等.妹妹先叫了冷盤, 棒棒雞上檯了.....主角雞肉給那密麻麻的芝麻醬鋪著,   手撕雞肉, 鮮嫩, 調味佳, 配上香濃的芝麻醬,  開胃美味.  伴雞的還有青瓜絲, 味道清新, 好爽口.上海春卷 :一客兩條, 春卷內餡脹卜卜, 好鬆脆.   用了椰菜絲伴碟, 見不到油膩. 春卷入面包有椰菜絲, 豬肉, 冬菇, 木耳絲等食材, 炸得香脆可口, 輕輕點上香醋更加好食.小籠包:是店家主打點心,  皮薄多汁, 熱烘烘 !餡肉鮮甜, 入口新鮮熱辣, 外皮軟薄,  湯汁量足,  夾起都唔易爆,

難得有晴天，最適合外出走走，來到了天后琉璃街一帶，見到這間上海店有一點人龍，也就一起排隊試試看。 除了店舖推介的菜肉餛飩，也有不少耳熟能詳的上海菜，例如紅油抄手，肴肉等等。獅子頭菜飯份量十足，獅子頭外層次是炸過的 ，內裏仍保持肉汁，能吃到肉的鮮味。百葉結紅燒肉湯麵，較適合重口味人士。紅燒肉半肥瘦，黏性很高，亦很入味，百葉結吸收了醬汁精華，讚~ 配上清湯麵不會過於油膩，麵質亦很彈牙。脆素鵝有八大件，內裏有蘿蔔，木耳等素菜，沾上醋汁，很開胃。而小籠包湯汁豐富，皮和餡料的比例剛剛好，也是水準之上。

好少食上海嘢，怕佢肥滞，听個乖女介绍，專登嚟呢度試吓。 食館在天后區，位置有啲隔涉。好在唔係繁忙時間，較易揾位兼坐得比較闊落舒服。 由於製作需時，要有啲耐性等待。食物熱辣辣，小籠飽皮薄饀靚，上湯餡料充滿整個飽，趁熱食就要小心慢食，以免燙親，。醉雞擔擔麪則稍嫌醉鷄夠酒味。上湯餛飩則皮滑饀鲜，餛飩唔會散開，上湯好鮮味，唔係普通上海食肆能做到。脆皮素鵝外皮鬆脆兼味香，份量十足，令人回味無窮。紅燒肉菜飯燒肉鬆化，夠腍夠滑，醬油鹹度啱啱好，菜飯暖笠笠，一流。 推介: 餛飩，脆皮素鵝，红燒肉菜飯

听講天后區頗多美食，今日專誠到此。呢間食肆唔起眼，只見員工正在包緊餛飩，態度認真。食上海嘢點都要試下餛飩，脆皮素鹅和小籠飽，我地仲叫左春卷，煎餃，红燒肉菜飯和醉鷄担担麪。上湯餛飩十分好味，皮薄滑溜饀料鮮美，菜肉饀料調配合得宜，大大隻，不腻不滯，一碗八隻，真係份量十足。脆皮素鵝更係一流，腐皮炸得香脆，饀料有冬荀絲，甘荀絲和木耳絲，十分爽脆，夾有油香，非常可口，係我食過最好味嘅素鵝。其他食物都唔錯，員工有禮貌，經常添加熱茶，招呼週到。

今天有空，約咗朋友食上海嘢，天后有間吃上海菜的，聽聞不錯，就去试下。店舖雖然不大，但裝修有上海菜食肆的懷舊味道，客人也多，幾乎滿座，店員有禮貌地招待並遞上餐牌。店舖有一人套餐，我們二人各叫了無锡排骨和陳年花雕醉雞share食。小食镇讧肴肉先來，肉質爽口彈牙👍，春卷用木耳，冬菇，菜絲饀料，炸得鬆脆👍陳年花雕醉雞有淡淡的花雕酒味，雞肉嫩滑，雞皮爽口，雞肉渗入了酒味，正👍,鎮讧排骨是用鎮江醋醃製的豬軟骨，排骨酸酸甜甜，夠醒胃👍我們都點了担担麵，麵線夠滑，湯底微辣，有花生粒，肉碎，不吃辣的我也覺得湯底很好味😋店員還很週到的替我們换了骨碟👏，我們倆都約定下次要再來，吃吃招牌的雲吞，小籠包😋