上海弄堂菜肉餛飩 (電氣道)

營業中

休息中

今天放假，和媽咪去了行下維多利亞公園，曬下日光浴兼做下運動。又到了午膳時間，行過上海弄堂，見到剛有空位，一於入去醫下肚先啦坐下後，我們研究餐牌，原來這裡的選擇很多，除了À la cart外，還有午市套餐及全日套餐供選擇。我們叫了兩個午市套餐，嫩雞煨麵及香菇烤麩，跟餐配豆漿，而香菇烤麩可配菜飯、白飯、湯麵，或加錢配擔擔麵，另外我們也叫了了沙鍋餛飩雞。嫩雞煨麵湯底味濃，麵條煙靭，口感很好香菇烤麩味道非常地道，烤麩入味，配湯麵一起吃好正跟餐叫了熱豆漿，豆味很濃，而配熱豆漿加一元沙鍋餛飩雞份量十足，餛飩大大隻，餡料爆多，加上湯底超鮮甜，大家都食到舔舔脷啊雞件亦大大件，肉質鮮嫩，CP 值超高食店有多款套餐供選擇

呢日去到天后幫襯咗間食上海菜嘅小店， 小店嘅座位唔多， 但環境同座位都幾企理， 餐牌有一人套餐可以選擇，有主菜和小食。鎮江肴肉/ 酸辣湯鎮江肴肉係凍嘅小食， 係用豬肉經過多個步驟來 處理然後雪凍， 食落幾爽口，有肉味。酸辣湯嘅味道正常唔會過酸或者過辣， 調味方面做得唔錯。紅燒獅子頭配上海麵大家都知獅子頭係用免治肉做成， 烹調嘅過程經過咋嘅步驟， 雖然係啖啖肉， 但經過清湯烹調嘅步驟， 獅子頭食落去唔會太heavy。 上海面的質感 同湯底都做得唔錯。無錫排骨配上海麵排骨食落酸酸甜甜， 肉質幾淋幾入味， 幾似糖醋排骨。菜肉雲吞當然要試下餐廳嘅招牌嘢啦， 雲吞皮厚薄適中， 餡料算飽滿，豬肉同菜既味都幾特出。

上海弄堂菜肉餛飩共有三家分店，星期四晚與友人來到天后店。天后跟銅鑼灣雖然只是一站之隔，但天后並沒那麼人煙稠密，可以跟友人在較寧靜的環境下一邊暢談一邊共進晚餐。三人各自點了一人套餐（主菜配小食）。我的是涼拌小黃瓜、菜膽獅子頭、菜飯。友人分別點了炸春卷、蒜香排骨、湯麵和鎮江肴肉、蝦仁炒蛋、擔擔麵。另外還多點了小籠包。雖然是一人餐，但份量不少，大家share 食，可以品嘗多款食品。小黃瓜爽脆，獅子頭咬下肉汁四溢。擔擔麵帶微辣，麵質不錯。炸春卷脆卜卜，排骨亦炸得酥脆。店員不停為食客加茶，服務殷勤。

對於上海菜，我最深刻嘅係菜肉餛飩，因為要將唔太厚嘅皮包滿蔬菜同肉類， 要充滿口感但外皮唔會容易穿，實在好考功夫今日就係呢度食到一個非常滿意嘅菜肉餛飩呢度位於鬧市嘅一個小角落，座位唔算好多，但裝修純樸舒服餐牌上嘅食物比想像中多，套餐都有好多選擇菜肉餛飩首先叫咗我最鍾意食嘅菜肉餛飩試下，餛飩皮唔係太厚，入面包住新鮮蔬菜同豬肉，咬落鮮甜多汁，印像中都好耐冇食過咁新鮮嘅菜肉雲吞加咗少少辣椒油，食落更香辣可口醉雞好鍾意醉雞嘅味道，滿滿嘅花雕酒香味，咬落涼涼地好爽口嘅雞肉，作為前菜係個非常開胃嘅選擇揀咗一人套餐試下，前菜係雪到好凍好爽口嘅鎮江肴肉同埋夠曬酸辣開胃嘅酸辣湯獅子頭湯麵獅子頭食落比一般嘅軟綿，無咁硬，有淡淡豬肉香味，配搭一個傳統風味嘅清湯上海麵無錫排骨湯麵無錫排骨相對味道較濃，又酸又甜嘅味道非常開胃，啲骨係軟骨嘅關係，成件排骨都可以食曬，口感豐富豆漿剛好賣曬，所以揀咗一杯蔗汁，清甜可口，作為今餐一個完美嘅句號

小二！先來一碗酸辣湯！男友急不及待要點餐。湯很足料，有黑木耳、豆腐、豬肚、筍等。味道先酸後辣，十分惹味。男友説喝得不停流汗，但仍很享受那酸酸辣辣的味道。我也點了個開胃前菜—涼拌小黄瓜。一口一塊，酸甜微辣，十分爽口。小菜是蒜香排骨。份量不少，賣相吸引，青紅黄的配搭是青椒，紅椒和乾蒜。雖説是排骨，但感覺像豬扒，一大塊肉，多肉少骨的。排骨表面金黄，入口乾身，不油膩，散發蒜香味，肉質有嚼口。跟餐的湯麵，與排骨很搭。湯底奶白色，順喉而鮮甜。食到最後也不會口乾，相信没有加味精的。麵條滑身，帶有麥香，感覺清新。男友點的是蝦仁跑蛋。這道菜最有意思的就是一個「跑」字，這個「跑」字和時間有關。嫩滑的雞蛋、爽口的蝦仁，兩者都絕不能在鍋中停留太久。而這個蝦仁跑蛋就掌握到火喉嘅精準，所以吃起來口感很好！再來是滷牛腱。每片牛腱都是深啡色的，滷得很入味，肉質鬆軟又有嚼勁。今天，來到天后的上海弄堂食晚餐，點了上次未食過的菜式，感覺滿意。

每次想食上海嘢都會第一時間諗起上海弄堂，餐廳不大，大概二十個坐位。雖然有點迫但餐廳乾淨舒適。韮黃鱔糊爽滑軟腍口感不錯，芽菜及韮黃香口，醬油香濃惹味，重點係唔油膩。菜飯有雞湯味，小棠菜新鮮。大大隻菜肉餛飩皮又薄又滑，內裡肉汁鮮甜，上海幼麵煙韌，湯底清甜。

呢份擔擔麵係跟醉雞嘅。首先講下份醉雞，雞本身好滑好嫩，亦浸得好夠味，啖啖肉都好酒香味。擔擔麵幾特別，佢嗰湯底比較辣，有淡淡嘅花生香味，麵嘅軟硬程度亦都控制得好好，值得一試。娃娃菜我覺得係呢餐餐嘅主角，菜本身好甜，再加上鹹火腿煲出嚟呢上湯，簡直係絕配！小籠包又係呢間店既必食推介，皮薄多汁，皮包住的肉大小適中。一籠有4粒，可以當小吃，味道包你滿意。我地另外叫左個湯餃做正餐，我地叫左豬肉苗菜餃。苗菜餃我好少食，因為好怕有青草味。但在朋友推介下就即管試一試。豬肉通菜餃的味道有驚喜，通菜可能用了上等的菜苗，食落好幼細，口感好好。加上湯餃的上湯，令到呢個主菜非常好味。總括而言，今之上海菜係正的，上湯娃娃菜同小籠包是必食推介，而不夠飽既可以試埋湯餃，包你食到飽一飽!

#小秘書 喺未升上小一之前，一直都係由 #婆婆👵🏻 照顧，所以口味都近乎大半個 #上海妹妹。仲記得好細個就學識會包 #上海雲吞🥟 所以由細到大對 #上海菜 都有一種家嘅感覺❤️呢日 #小秘書 約咗朋友去 #唱K，為咗唔想上去食 #K餐，梗係要填飽個肚先上去啦😅 記起 #天后 有間餐廳「上海弄堂」，為咗安慰吓我呢個 #思婆婆病，一於提早落車，去試吓佢哋嘅手勢🥢 我哋揀咗 #兩個 #一人餐，再加一籠 #小籠包。務求試多啲唔同嘅口味，我哋每人負責點自己個餐，之後再開心share🤗 我要咗個 #炒鱔糊 配 #肴肉、#擔擔麵，而朋友就點咗 #醉雞 配 #酸辣湯、#湯麵🍜 #師傅 用 #黃鱔 跟 #韭黃 爆炒，加埋 #醬油、#糖 等調味料，正正係#上海人 嘅 #濃油赤醬 口味👍🏻 而 #小秘書 就幾鍾意佢哋嘅 #冷盤，尤其係 #醉雞 嘅 #酒香，仲有就係 #小籠包，加埋啲 #薑絲 同 #醋，咬落去成口都係肉汁👍🏻👍🏻 真係估唔到 #小店 都有咁好嘅水準呀👍🏻👍🏻👍🏻

今日係天后附近做野，同事介紹話去食上海野，去左橫街既上海弄堂！餐廳唔大，2點仍然滿座，見到店員好有禮，仍然不停為食完既客人加茶，唔會想趕人走套餐比較抵食，但午市亦一樣有散點既午市下午茶好抵，不過就只限星期一至五酸辣湯超正！夠辣帶酸，最重要非常熱辣辣，超惹味排骨擔擔麵湯底唔算辣，帶有花生醬味，面質爽口彈牙，排骨鬆軟唔厚粉回鍋肉菜飯非常惹味，回鍋肉爽口，唔會肥得好緊要，帶少少辣，下飯一流煎餃4隻粒粒結實飽滿，外表煎得微脆皮薄餡多，充滿肉汁，基本上每枱都有點質素很好，美味滿足

可以一試的上海菜臨近維多利亞公園的上海小店，裝修不算起眼，不過係蔡瀾推薦既上海菜。菜式好簡單，以常見麵食為主。推薦小籠包及嫩雞燴麵，麵的味道帶一點點甜，有咬口。小籠包的皮與平日裡的有點不一樣，比較韌和厚，但是有加調味。

員工態度非常粗魯和不友善。光顧當晚該店冷氣故障。我們下了單後因為其他食客的數目增加而令到室內氣温升致不舒適的地步，我就向員工有礼的提出，但員工態度竟不單不是充滿悔意，竟然説我們入店時就該自己感覺到，更沒有建議任何幫助舒緩方法。例如移位，或提供冰水等等。這些都不是很極度的請求，其實都不應該要顧客問才提供的。食物非常一般，每碟餸菜都非常之咸。我回家後致早上起床都非常口渴。即而所知其店的食物是有多少鹽的！

Lunch時段，每次經過門口都見到有人等位，睇來呢間餐廳很受歡迎，今日就一於試下好唔好食啦。點了陳年花雕醉雞 + 擔擔麵 + 熱豆漿 $76花雕醉雞係冷盤，酒味香濃，雞肉算嫩滑，很有水準，不過我個人不太喜歡食雞翼部位。擔擔麵一來到就聞到好香花生味，湯底很濃郁，加上炒香過的肉碎，十分惹味。叫了中辣，辣味很快散去，不會愈食愈大汗疊細汗。 麵條掛湯能力很好，每一啖都食到香濃湯味，麵質唔太硬，帶點煙韌。 豆漿，熱的要另加1蚊，夠新鮮，豆香味濃。

很久沒有吃上海菜了，今日去開天后，看見這上海菜館，上海弄堂菜肉餛飩之前於灣仔分店吃過，覺得不錯，便入坐了。餐廳面積不大，有種懷舊的味道。下午兩點幾入坐率達八成。看見師傅在包餛飩。食上海菜，又點少得小籠包，趁熱食就最好味喇，肉味濃郁，蘸上薑醋，另人食指大動。食的時候，小心湯汁燙親咀呀。炒年糕熱辣辣端上，煙韌軟糯，很好味。餛飩咁岀名，點可以唔試呢！我們點了酸辣湯餛飩，餛飩餡料足，每粒脹卜卜，又酸又辣，很醒胃呀，有很多木耳絲，肉絲，冬菇絲，口感很正。凍上，雞肉嫩滑入味，酒味香濃。膽膽麵幼身爽口，不算太辣，有香花生醬味今天比較熱，又因為食辣，流左好多汗，如果冷氣大一點會好好多

有時候吃得太多西餐，忽然間就會很想食中式食物，所以今日和朋友決定去食上海菜。午市套餐也有頗多選擇，而且還有飲品贈送。（平日去餐廳食飯，一般都是贈送熱飲，這裏竟然凍飲不需加錢，熱飲反而加$1。）黃金排骨擔擔麵：排骨熱食時酥脆，擔擔麵微辣，份量大。無錫排骨菜飯：排骨夠味，菜飯香噴噴，兩者相當夾。脆皮素鵝：香脆而不油膩，我特別喜歡咬下去時一層一層的口感。小籠包：外皮薄，有肉汁，價錢合理。如果想跟朋友吃個經濟午餐，這裡也是不錯的選擇。

在太子旺角一帶開得很多不同的餃子店，喜歡吃餃子的我也吃得挺多。今天來到了這間店吃的不是餃子，而是菜肉雲吞，很少看到有餐廳專吃菜肉雲吞的，真是有趣。來到這裏後看見大家叫的都是菜肉雲吞，叫菜肉雲吞應該不會有錯吧。除了普通的小碗菜肉餛飩及大碗菜肉餛飩外，我看到了他有一個砂鍋雲吞雞煲，平常吃的砂鍋雲吞雞中間是蝦肉餛飩，這間店當然是用他的招牌菜肉餛飩吧。砂鍋雲吞雞附上四分一隻雞再加上六隻菜肉雲吞，我想應該足夠我飽吧，所以決定了要這一個，100 多元。湯底有很濃郁的雞味，雞肉吃下去不會過得太鞋口，也算是滑身， 點上餐廳的雲吞醋，吃下去也很好味。 菜肉雲吞內用料很足，和平常吃的菜肉餛飩味道不同，就是特別的鮮味。加上他的雲吞醋好像比平常的更好吃，所以吃的時候點上很多的雲吞醋。六隻雲吞加四分一隻雞，非常滿足的一餐。