三田製麵所 (金朝陽中心二期 - Midtown)

營業中

休息中

平時無需見客的中午，多數一個人在登龍街搵食，呢間拉麵喺條街的顯眼位置，經常有人龍在門口等待。呢間鋪頭主打「沾麵」，但無論沾麵還是湯麵，都可以自己選擇粗幼程度及麵的份量。第一次幫襯，為了避免沾麵容易過鹹的關係，選擇了較安全的湯麵「半熟蛋拉麵」$100（大），有一片很薄的叉燒以及一隻半熟蛋，即使選擇了大size，麵的份量對女仔也唔算多。但最大的問題係就算是湯麵，個湯底亦都又鹹又油，好在冇咩味精的味道，但是總體來講，是否不需要咁重口味呢。

真的好好吃欸🤩！比周月超出一百倍的水準！完全沒有要挑剔的地方，連蘆筍也非常新鮮爽口、不臭呢！特別要讚他家的麵條，真的是超！煙！韌！叉燒也是一大塊沒有肥肉、沾麵汁也是濃濃的、用來熬湯的肉塊也很好吃、沒有偷工減料！還可以自選分量，重點是價錢都一樣，包你吃到飽。My comfort food under this melancholy weather After trying some of the tsukemen in Hong Kong, I bet this one is much more outstanding than those so-called “Michelin” tsukemen restaurants! Their noodles were springy, the pork was tender and no fat at all😍, the asparagus was refreshing and the egg was perfectly handled! The soup base had surpassed my expectation with tang

#Throw back 自從試過天后間沾麵小店，就撻著左個沾麵制，鍾意食沾麵多過食拉麵。次次行過登龍街都見到呢間舖排長龍，自問無能耐肚餓仲可以排一個鐘隊。但係今日難得只係得幾條友，即刻衝左埋去排，幾個字就入得去🤗入面全木既設計好有日本既風味感覺，再見到正宗拉麵的飲品配搭 - 冰水，個心已經開心左一半。唔記得左呢個係咩麵，幾好食🤤其實仲嗌左最出名既濃厚魚介沾麵，不過唔記得影相🙈揀左凍麵，呢度既沾麵掛湯能力十分高👍🏻湯底都正，食完唔會太口渴。

個人本身喜愛食拉麵，一有機會經過銅鑼灣，當然就試試馳名的三田製麵所啦。可能當時時間尚早，唔洗等位即刻有得入。我點左豚骨魚介湯沾麵，麵質彈牙，叉燒入味又厚度適中，不過不失。湯底偏重口味，如果中意清淡的人就可以揀過其他湯底。🤭

今日銅鑼灣上堂，因為好耐冇食三田沾面，所以早一點過去食。每次都要排隊但每次都總令人期待，第一次食就愛上了辛辣濃香豬骨魚介沾面大中小價錢一樣，平時同先生黎都會叫加大一齊share, 不過今次自己一個就叫個小的，唔想浪費。通常我都會叫熱，可能唔係太鍾意冷的面食。面浸上魚介，味道好味不只好味，而且口感一流，而且最後可加湯，變為魚湯。但這已是過去的回憶今次非常失望，面質唔熱，叫了熱卻冷冰冰，面質一咬，又硬又唔彈牙，連魚介也淡淡無味。可能廚房轉了，已經失去再吃的念頭有點兒失落，希望一天再有想吃的衝動

拉麵賣相不錯，香味亦不錯。 沾汁係魚介風味，湯之上有一片紫菜，仲有魚介粉。不客氣將粉撈勻試一口，豬骨湯加上魚介，魚介海味幾突出，豬骨明顯給比下去。湯汁質地非常厚，好容易掛麵，但問題就係食大麵嘅時候，沾汁會一滴不留。湯汁黎講味道係夠既，以拉麵湯底黎講算唔錯，但以沾麵湯黎，略為唔夠重口味。最大問題係湯汁溫度唔夠，入口無燙熱感覺，相信好快會被拉麵感染。至於麵，賣相不俗，但入口唔夠煙韌，略嫌有糊口感覺。標準出品係冷麵，溫度適中，飛水夠乾，還好無再淡化沾汁，麵的確非常掛湯，不過冷麵令室溫湯更冷，食到一半，真係以為自己食緊冷麵。完食後，請店員係僅餘嘅沾汁加上清湯，可怕清湯溫度嚴重不足，一心諗住將湯加熱會有另一番風味，竟換來一次無得救。可惜。配料方面，沾湯入面有叉燒粒，呢個係全場最好食，肉質鬆軟，肥瘦適中，吸收晒沾湯味道，非常好味。跟麵有一片厚切叉燒，味道正常，略帶一點乾，只好將叉燒放落湯浸死，情況稍有改善。溏心蛋溏心度OK，味道略為淡口微甜。整體黎講，如果無任何日本夠店嘅光環，呢碗沾麵可算係唔錯。但以沾麵名店呢個名號出場，出品似乎欠缺風範，實在失望。

店員服務態度一般， 安排入座方面完全唔helpful， 令到輪候時間增加了不少。 客人提出有關入坐安排要求，如辦不到， 應該向客人解釋或通知客人，但店員態度 是黑面和完全理會。

近日香港有越黎越多沾麵店。有少數都仍然可以保留到日本風味，亦有好多加入左本土風味。至於過江龍三田製麵所，係保留到日式風味嘅其中一間。食過沾麵都知，魚介湯底先係日式沾麵嘅傳統，而三田保留到傳統魚介風味，再建基於魚介湯底繼承創新。當中有辣味，同不同季節嘅限定風味。魚介湯底濃厚，而且麵條亦容易掛湯。如果食完想飲埋d湯，可以向waiter要求加清湯！最後值得一提，呢間沾麵/拉麵店係有加一收費，以沾麵/拉麵店計係比較少有。

家人放假同朋友出銅鑼灣買手工材料，走著走著又到了三田製麵所食午餐，之前已經幫襯過 ，覺得呢度嘅沾麵，湯底濃郁，非常有水準，所以再次光臨。一如以往，我點了魚介湯底沾麵，不過今次揀咗辣味。湯底加了辣，味道更豐富，亦不會過 辣。而湯底內有紫菜和一些肉碎。至於沾麵我揀了凍麵，店員表示凍麵較彈牙。麵條算粗身，掛湯能力高。 另外還有一片肉，筍，以及半隻糖心蛋。糖心蛋有蛋香和醬油味，但個人覺得過咸了一些。店舖新加了酒場，聽說有關東煮的食物，不過今次未有機會試。

濃香豬骨魚介沾麵叫了一個熱麵 一個冷麵誰料送來的兩個都是冷麵 (吃了一口才發覺)告知女店員上錯了麵她竟然質問我們是否已吃過...然後不情願地拿走我們的麵(拇指的長長指甲直接插入麵中)又大大聲跟另一店員說 她們吃過啊另一店員連忙走過來說不要緊 會換過一碗給我們結果換來的只有麵 叉燒 蛋 那些都沒了要跟那女店員說她又不情願地走過來 拿走了麵(拇指的長長指甲再次直接插入麵中)那另一店員又連忙走過來說不好意思 會補回給我們.食物的味道還好可是這樣的處事方式 和 員工的衛生意識實在令人不會想再光顧

本身想找另一家拉麵店～但是實在懶得走了就去平時那一條拉麵街找個沒吃過的不用排隊 不過兩人就要被分配搭台位 除非等兩人位 腳都累死了 乾脆直接坐了這家之前就聽過 一直沒有嘗試 招牌是沾面「豚骨沾面」叫了辣的面的話可以分熱的冷的 冷的面比較彈牙 熱的話比較軟我自己就喜歡彈牙的面 於是點了冷的沾上豚骨熱湯 真是超級讚！！！可惜到最後實在沒辦法繼續吃 太飽了！貪心的我 點了大份 以為自己能吃的下 結果太浪費了。。。上面的溫泉蛋蛋白鹹到不行！還有肉部分太乾巴巴了～吃了一口就不行了！除了這個問題，這碗麵還是ok的！「豚肉拉面」閨蜜點了湯拉麵+10蚊紫菜味道是可以的～但個人還是覺得沾面好吃！

因為落雨見到有位，就即管一試。點知真係好難食。麵底差，湯底鹹，地方超汚糟，侍應個個黑口黑面，粗粗魯魯，仲聽到爆粗連連。真係食大排擋招呼都好過佢，一定叫朋友咪去食。

中午匆忙，隨便點了個山椒拉麵了事。臨結帳的時候，發現未帶足現金。望了眼帳台八達通，人家表示不收，我就立即表示去取。店員要求我留手袋，然後要我把手袋放到前台，我都一一照做。取好錢回來，付帳，發現店員把我手袋丟在她腳邊地上。我就跟店員表達了自己的不開心。其實她如果直接道歉，今天就到此為止。沒曾想，她立刻把自己的手袋從旁邊的櫃子裡拿出來，也扔到地上，並表示地面天天拖洗，非常乾淨。我立刻就惱了。我說我也是隨意的人，時常也是放地上無所謂的（她竟然有臉復和），但你一個服務行業的，這麼做事未免太不細緻。店員口裡道歉，眼睛卻很不愉快地對我上下打量。無論食物質素如何，一家店服務也是靈魂，請不要忘記自己的本分。

濃厚豚骨魚介辛辣沾麵($80) 主打豬骨魚介、辛辣豬骨魚介湯底。份量有小、中、大可選擇，三種都毋須加錢，仲可以揀熱麵/凍麵。湯底非常濃稠，偏重口味。拉麵係店內工場每日新鮮製作，粗身而且彈牙，掛湯力強，叉燒偏瘦，薄薄兩片，蛋黃呈流心效果。

.濃厚豚骨魚介湯沾麵🍜小 中 大 同價‼️大size有成280g拉麵😍再大食d既朋友 可以揀特大的份量加$10有420g的份量精明眼又唔算大食既我緊係叫兩份大 再分一半比同行大食既朋友啦😌拉麵底可以揀冷麵/熱麵魚介湯超級香濃 但少少偏咸 不過比起以往食沾麵經驗 我覺得呢間算淡左d架啦大家食得沾麵都預左係重口味🤭我再加埋辣🌶覺得更加惹味麵身好彈牙 是我喜歡的質感👍🏻可惜叉燒冇燒過 唔夠香口是銅鑼灣性價比算是高的一家沾麵🍜