三田製麵所 (金朝陽中心二期 - Midtown)

營業中

休息中

夜晚11點幾同朋友黎到銅鑼灣三田製麵，諗住試下沾麵，點知食到一肚氣！首先，一入到去，全部員工挨住枱玩手機無留意我地入咗去，到我地大聲問:「last order未?」佢地先黑口黑面安排位置比我地^_^到落單啦，我地叫完野，覆單咁基本既野都唔做，粒聲唔出行開咗。到上菜又係唔出聲，放低就算。所謂既加一服務費服務咗係邊？我地食幾耐就玩電話幾耐，其間不停聽到粗口，真係未食完都想走。最後，埋單時，曲頭髮的女生繼續黑口黑面，連基本迎送客人的禮貌都無 收完錢就算^_^真係希望可以改善下！

銅鑼灣登龍街,以前有一間賣拉麵,後來漸開漸多,發展至現在很多間拉麵店和食肆,形成食街路過見這間門外有人龍,以人氣指數,值得一試,就去排隊看看餐牌,發現主打食沾麵,很好之前都寫過日本沾麵的食評,今次又可以寫了排了約15分鐘,可以入座侍應送上圍裙一人一條,怕食沾麵時衣服被汁沾污,很細心叫了"濃厚豚骨魚介湯沾麵",這個我在日本吃過,但不是三田的分店侍應說麵有分冷和熱,我選了熱.另加了"唐辛子風味雞翼"沾麵到了,先試湯,很濃,魚味很重,正好在吃麵時沾湯,正正分擔了濃而咸帶點辣的味道,讚麵夠"奀"且彈,很好.肉只有一塊,不算多,算正常雞翼有七味粉,炸得頗香,好味.整體都好,值得再去.惟一是要等位,為了美食,值得

登龍街從來都唔令人失望 今晚試三田製麵所，八點入座有條隊仔，不過等左唔使十分鐘就入到了。小中大同價，我咁大食梗係食大啦魚介湯超級香濃，好多魚末！胡椒味好重，如果鐘意可以再自己加胡椒。粗麵有口感，用黎做沾麵一流，叉燒冇煎過，所以唔會好多油，仲好香好林，筍同蛋都好好味，略嫌溏心蛋熟左少少，但應該係咁岩唔好彩餐牌介紹食完啲麵可以加上高湯。好味 貪玩試過就咁飲高湯，發現係好清好淡既湯，加埋落濃香魚介湯，溝出黎岩岩好係可入口既咸度 原來真係會飲晒

銅鑼灣分店的沾麵質素一直保持高水準，湯底夠濃！湯裡的肉肉也十分入味，食完上哂癮🥳店員也十分誠懇有禮，尤其兩位女店員每次都笑容滿面服務周到又細心真心誠意推薦！💕

登龍街果頭多好野食大家都知道，三田製麵所絕對係其中一間。平時經過呢間麵所都有人排緊隊，咁岩呢日落雨冇人排，就決定去試下。我地嗌左本店招牌濃厚豚骨魚介沾麵，果然係名不虛傳，麵質彈牙有麥香，湯汁香濃又唔會太咸店鋪亦提供三個份量比大家揀，個人認為嗌大碗已經可以好飽，細食既女士嗌中size都夠。惟一美中不足係餸既份量太少，叉燒只有一塊，實在唔太夠喉！不過以一個少於$100既沾麵黎講，呢個麵絕對係勝任有餘！

今次係第二次去三田製麵所食沾麵。 第一次係星期五要排好耐隊，今次唔使排隊直接入去。今次又係食濃香豬骨魚介沾麵（揀咗熱麵），同上次一樣咁好食。 啲麵好彈牙啲湯夠味但又唔會太鹹，溏心蛋內軟外滑，啲肉好冧（不過得一片要慳住食）。雖然七十八蚊加一唔係好平，但係久唔久去食下都OK！

日本沾麵黎講，呢間三田製麵可以話抵食得黎又幾高質。大大碗沾麵都唔洗100蚊，所以極推介中意食沾麵既朋友可以一試。😌 麵身彈牙，流心蛋做到恰到好處，唯一不足既係叉燒份量偏少，只有一塊。

今日係銅鑼灣行完街之後想搵野食下，又咁岩想食下拉麵其實原本想食果間沾麵執鬼左， 所以就試下食呢間三田製麵所因為聽過朋友講呢間食沾麵幾好食，咁就一於試一試佢其實食沾麵我都算有經驗，香港好多間出名既沾麵都有試過佢呢間係算係細心，有三個唔同既Size比你揀，而且價錢仲要一樣如果你唔夠飽仲可以叫一個特大，都只係加多你二十蚊因為今次我驚自己食唔晒，所以叫左個中Size試一試先除左拉麵之外都有其他野食點下，我最後揀左餃子除左餃子之外我覺得佢個雞翼都係比較吸引既 都有食法附上，我自己就寧願叫多過麵好過加飯喇人人既食法都唔同啦 餃子係有少少失望既，因為黎到即刻食但係都唔熱煎餃的話其實最重要既係隻餃子夠熱已經贏左一大半我諗下次黎會試下佢個雞翼，因為我見到隔離枱叫左而且好似都幾吸引咁終於黎到主角，我個人認為一個沾麵要好食最重要係個麵名黏身其次先係個湯底，佢黎到個麵就夠黏同埋彈牙而且佢個湯亦都好夠熱，味道亦都岩岩好，唔會太咸總括黎講係銅鑼灣食個日本菜百幾蚊算係好平而且仲要食到個上下質素實在唔易雖然個配角餃子有點失色，但實在欣喜佢既主角算係滿意眾多間食沾麵既鋪頭我覺得呢間性價比都算高

燈籠街出名多野食，所以有日喺堅尼地城打完波，約埋班friend特登出去銅鑼灣試一試呢度嘅美食。雖然嗰陣已經9點幾，但係條街都仲係好多人，平時排曬長龍嘅三田咁啱無乜人排隊，所以我地即刻9秒9衝咗入去入到去，望下個餐牌，我地兩個都叫咗間鋪頭最出名嘅沾麵。沾麵份量中等，唔算話好大份，僅僅夠我地兩個食。我地兩個都叫咗份凍嘅沾麵，食落去口感唔錯，又唔會話太膩，我覺得比得上日本沾麵嘅水準，如果有下次（因為平日夜晚真係好多人排隊），我都會再食！

食物：圖1️⃣茶漬飯 $3x~4x有芥末魚乾等，茶係要自己落食落茶味唔係好出，但整體上成個飯味道好平衡，唔會話邊樣食物味搶晒風頭價錢合理，值得一試🌟溫馨提示：食時記得確保完全拌勻芥末我食時就係以為已經撈勻晒，但點知有啖飯成啖芥末，一食落去攻鼻到呢🤦‍♀️圖2️⃣關東煮 大根x2 及蒟蒻 每一件$1x關東煮味道真係好一般大根無渣，但蒟蒻太難咬開所有食材完全唔入味 個湯又係無味 3️⃣關東煮魚丸 $1x都係無乜味，同埋本身粒野係無乜味一咬落去，入面係碎晒，無乜口感4️⃣牛油炒菇 $2x~3x有金菇同埋雞髀菇，上碟時面已加黑椒，另有檸檬要自己落檸檬一定要落，落左檸檬後牛油味更出更香濃黑椒味太出，搶晒d味，令到面嗰層菇食唔到d 咩味，反而食晒黑椒之後，下面嗰層好香牛油味，加上有落岩岩講到既檸檬，金菇較索牛油味，雞髀菇比較有口感建議：可以order 時要求唔好落黑椒🙅‍♀️5️⃣烏龍茶啫喱 免費依個甜品係送，得三田酒場先有依個啫喱有驚喜，烏龍茶味平時好難食到，茶味唔會好濃，淡茶但好香茶味，唔會苦，加上佢個底有落奶，令到個啫喱更滑總結：關東煮我係唔推薦，牛油菇可以一試，茶漬飯抵食建議進食次序：關東煮->牛油菇-&

到登龍街上課前何不先吃一碗拉麵？不，一終吃久違的沾麵。😋濃厚豚骨魚介沾麵$78份量選了中size，冷麵。麵條偏粗身有彈性，具麥香，放到魚介湯中沾上湯汁同吃。第一次吃冷麵沾麵，需不停咀嚼冷凍的彈牙麵條，牙齒難免有點累。😥由於麵條是冷的，湯又沒有以熱鍋盛上，所以湯冷掉的速度比較快，以這情況還是選擇熱麵較佳。兩片豚肉偏薄和瘦，有點不夠過癮呢！這頓當作過一過口癮好了。店內有兩位姨姨態度不錯，值得一讚。

【日本過江龍港BOOOMMM💫沾麵OISHIIII】銅鑼灣成條拉麵街 但係主要食沾麵嘅食店真係一隻手指都數得曬 🤷🏿‍♀ 極濃魚介湯底 落足料 配日式沾面 oishi ~~~~ 拉麵稠度啱啱好 好掛湯 係香港黎講算係好難得 而且仲有有三種份量嘅麵揀 仲有仲有 食完啲麵之後 另一個享受就是湯割 即係加清水入去當湯飲 正➖➖➖➖➖偏私主觀評價💁🏻‍♂💁🏻‍♀Wi: 阿Wu無拉拉捉咗我去食沾麵 話佢食完又食好回味喎🤥 雖然湯底真係夠濃 但我就已經食厭咗魚介湯底 覺得冇咩驚喜同咸咗啲 🤢 但係啲麵就真係吾錯的 夠硬😚係香港黎講算係不過不失啦 可以一試 收貨！Wu: One of 我喺香港最鍾意食嘅沾麵！🤤仲要本身自己好鐘意魚味嘅野💁🏻‍♂最後 叫大嘅size已經好大碗好飽 唔好亂叫特大！會岀事🐸p.s. 等睇我下次再捉佢去食 wa ka ka🤫➖➖➖➖➖三田製麵所 (銅鑼灣)銅鑼灣登龍街1-29號金朝陽中心2期Midtown地舖#HK #HKIG #HKfoodie #hkfood #hkfoodblogger #hkigers #hkfoodporn #hkfoodies #WiWu #Wi

今日下午係銅鑼灣工作，所以相約又在附近工作的同事一同午飯大家都話想再黎三田食個午餐看水準能否保持著先～就這樣約了三田門口等。今日我選了新的生姜特大沾麵，420g的份量先夠飽肚。好快就送上熱麵，而麵上的炸雞件感覺味道清了一點，可以話係無味，有待改進。其他配料如葱，溏心蛋都好香好好味。沾麵湯底送上會發現湯面上有三片姜片，濃濃的湯加上 少許姜的辣真係好醒胃好暖身整體沾麵都保持水準都不用多説，而依款沾麵的湯底都好出色滿意，如你再加熱湯來飲真的超滿足。

今次已經係第二次黎試，相比佢剛開張既時候味道都一樣，冇令我失望。佢既沾麵帶點辣但又唔會太咸，就算就咁飲都覺得好好味。當然食到最尾加佢地餐廳既湯係最perfect啦！個湯比較淡，所以唔洗加太多，如果唔係會搞到冇曬味。整碗麵有叉燒同蛋，我就略嫌叉燒就少左啲，得一塊薄既，特別如果叫左大麵更加覺得唔夠，不過我食小麵就還可以啦！佢隔離仲開左間連住居酒屋，如果食完沾麵唔夠喉可以過隔離飲下酒同食串燒，食物好多選擇

4點多肚餓了 來試試這個啦 沒什麼人 又不用排隊 沾麵 這裡的沾麵是大中小都一樣價錢呢 有沾麵有湯麵 好像沾麵出名一點 所以叫了沾麵很快麵來了 我覺得不夠熱 味道一般 中規中矩 肉也是一般啦 so far 整個麵沒什麼很特別 哈哈