三一餃子 (利源西街)

營業中

休息中

食物味道唔錯的 但今次order左烏冬+5蚊 但最後比左唔使加錢既米線 其實唔係第一次 不過今次加左錢 但最後比左米線 所以先上黎留返comment 希望可以補償返 始終係黃店都會支持!

💛#支持良心餐廳💰莞茜豬肉湯餃+鰹魚昆布湯烏冬+關東煮$78💰大阪餃子燒(薑蔥)+鰹魚昆布湯烏冬+酥炸生蠔$97次次黎都大排長龍 今次weekend兩三點先到 竟然唔洗排可以入😍依間超可愛啲碗係有貓貓樣雖然餃子整體未算十分高質 但要揀係絕對推煎餃多過湯餃 可能因為餃子皮本身已經薄 所以浸係湯度就好易變到梅梅地 同埋莞茜豬肉餃莞茜份量好少 浸味唔夠出 不過我中意湯餃隻湯 應該係豆漿蝦皮湯(烏冬可以配佢/鰹魚昆布湯) 兩者夾埋出奇地夾😂 烏冬都幾驚喜 本身以為佢係嗰啲浸到林晒嘅烏冬 但點知係有咬口嘅！不過我嫌佢冇咩麵粉味🤔 個湯幾清 唔會過咸 所以烏冬嗰+$3我覺得值關東煮可以唔使試 冇咩特別 啲魚片 丸嗰啲咸左啲 其他都係淡味 其實我喺香港都仲未搵到好食嘅關東煮 好掛住日本嘅關東煮🥺

今次係openrice叫外賣自取，叫左一個set $48，蔥豬肉煎餃有6隻，比平時正常餃子細粒，係一口餃之類，鏗魚湯米線，鏗魚湯比辣味cover哂，冇鏗魚味，就算我簡左垃圾辣味，都幾辣下，米線就唔夠淋，小食簡左竹輪，有一條，$48係平，但呢個份量就太少，又係特別好食，感覺呢間野都幾商業化

在利源西街的窄巷，有不同的風格的特色小店，例如之前曾品嚐過的越式PHO及創意壽司，味道皆不俗。上次經過時見到有不少人在門外等外賣，心中已經有點躍躍欲試的衝動，今日終於有機會了。環境：裝潢簡單，木造桌椅，有日式簡約風格，室內呈長方形，空間不大。由於疫情過於嚴重，不能坐在餐廳內品嚐，故不能評價其服務和座位的舒適度。食物：選擇多，有些是很有特色。有三種套餐組合可選擇，我只是選了A+B套餐$58A:蒜芯豬肉餃B:鰹魚昆布湯米線首先是外賣設計值得欣賞，因為將米線和湯分開。即使拿回公司，米線都不會浸軟。湯底呈淡啡色，可以聞到淡淡的鰹魚味，喝起來亦是淡，但是沒有昆布，可能剪得太碎，不知道在哪裡，這是一個敗筆。餃子大小如一個姆指，有六隻，由於沒有水餃，只可以加4元煎餃，但不油膩。我本以為蒜芯是指蒜頭，但原來不是，是指由蒜頭幼苗發育而成的芯莖，沒有蒜的辛辣味，但有蒜的香味。我認為取材是適當的，但用料過於節儉，蒜味過淡，反而豬肉味濃，感覺比例不平均。調味適當，不會過鹹。在中環吃一頓午餐，價錢當然比太子地區更昂貴，但以性價比來說，實在不太值得。我認為太子地區的餃子店還是更美味兼便宜。

兩個人黎食lunch，兩點左右到，可能啱啱過左繁忙時段，可以即刻入坐，叫左兩份A+B+C，$68一份，哩間餃子店幾有驚喜，味道鮮明：A. 餃子煎餃係一板板咁上，一人有6隻，上台時熱辣辣，個邊係薄脆1️⃣韮菜蝦皮豬肉煎餃 哩款餃子比較彈牙，除咗韮菜味，蝦味都有岀到，無俾韮菜搶左！2️⃣粟米豬肉煎餃粟米粒都算豐富，想味道清啲，可以揀哩個！B. 主食唔好睇個貓貓碗好似好細，但其實份量都幾足。1️⃣鰹魚昆布湯米線清晰嘅湯，加左「垃圾」辣，朋友話搞唔掂，俾左我食。我覺得辣度可以啦，可以一試2️⃣豆漿蝦皮湯米線哩個配搭幾有趣，㗳真啲個湯有微微嘅豆漿味，蝦皮令個湯加左鮮蝦味，我認為唔架辣都可以C. 小碟反正第一次黎，當然試埋個小食啦！1️⃣炸花枝丸花枝丸都有4粒，丸係彈牙嗰款，仲食到墨魚粒2️⃣關東煮（+$15）比想像中多料，冬菇、丸子、蘿蔔都有兩粒架，雖然要加$15，但可以share，幾好#黃店 #黃色經濟圈 #yellowshop #中環美食 #cebtralfoodies

·自從發現屋企附近嘅餃子店係藍店之後👧🏻小編就一直想搵間一樣咁好食嘅黃店呢間黃店嘅餃子比較日式，細細隻大阪餃子燒好有驚喜🤩米線嘅湯唔會太重味精，花枝丸都唔錯·蒜芯豬肉餃+鰹魚昆布湯米線+炸花枝丸 $72大阪餃子燒（粟米）+豆漿蝦皮湯米線 $67———不專業評分💯食物指數🍴: 💛💛💛💛🤍環境指數⛱: 💛💛💛🤍🤍抵食指數🤑: 💛💛💛💛🤍推薦指數👾: 💛💛💛💛🤍———📍三一餃子（中環）中環利源西街7號地舖💛罷市、店內張貼文宣、支援手足@ttdumplings———#ewhk中環 #ewhk黃店 #ewhk中環 #黃色經濟圈

餃子+米線+小食 $68大阪燒餃子原來都幾夾鰹魚湯米線 vs豆漿米線兩款我就覺得鰹魚好味d因為我一定要食菜，小食我揀左生菜🥬就無試到其他，但港島區嚟講，咁嘅價錢都算抵食，餃子皮薄，唔係灣仔碼頭，米線彈牙唔會好似雲貴x果d咁煮到淋晒

如果不是專程過來，這裡平時很時有機會經過。慶幸自己沒有錯過這間特色小店，裝潢簡約，雖然座位不多，但沒有「逼夾」的感覺，氣氛舒服自然。因為位處中環區，光顧的都以上班族為主，尤其是中午時間。這裡的午餐以套餐為主，配搭包含餃子、主食和小碟，而餃子又可以選擇煎餃、水餃、炸餃、特色餃子、甚至是有得剔選「唔想食餃子」，選擇相當豐富和有趣。我今日揀選了粟米豬肉煎餃，皮的厚度和餡料份量適中，值得推介一試。主食方面，就揀選了鰹魚昆布烏冬，非常爽口彈牙，下次再來試一試其他配搭組合。

中環食午飯雖然好多人，但係因為競爭大，所以依然都有好多好嘅小餐廳。好似呢間咁，由開舖到而家已經一直幫襯，12點零鐘到已經排長龍，但因為好好食，大家都願意等，年青人主理，非常之有禮貌，勤奮又手腳快。今日叫咗C餐$77溫泉蛋紫菜飯，兼有日本豉油，好好味，大阪燒餃子煎得非常香脆，仲有沙律醬，紫菜，真好食。生菜亦都非常之新鮮爽脆美味，選料確係好。排隊等着大約15分鐘先至有位，仲好多人嗌外賣添。大家都係食過返尋味。

雖然店鋪係巷仔，但等位既人一D都唔會因為咁而減少。店內麻雀雖小，但好光猛，裝修都好簡約、舒服。.💁🏻‍♀️黑白松露豬肉煎餃 ＋ 鰹魚昆布湯烏冬 （辣度：人） $67餃子皮好薄好脆，松露味好香，但又唔會濃到蓋過豬肉味，豬肉食落係新鮮有豬肉味，推介👍～至於烏冬，叫左人既辣度，點知bubu係垃圾🙈，佢既辣係屬於好香同時亦辣，似車仔面加既辣油，雖然唔阻bubu食晒成個烏冬，但呢個辣度bubu覺得反而欣賞唔到佢既湯底，所以建議大家做垃圾或者唔加辣會好D。💁🏻‍♀️栗米豬肉煎餃 餃子皮都一皮係薄同脆，栗米好甜，咬落比黑白松露豬肉煎餃更juicy～同樣都推介❤️

6月開始有罷市嘅小黃店💛呢間其實我之前已經食過一次㗎啦 但係嗰陣時冇影相 所以今次就再去幫襯🥳·餃子+主菜+小碟 $68餃子+餃子（12隻）$74·餃子方面我哋就試咗一個蒜芯豬肉餃 一個粟米豬肉餃同埋一個黑白松露嘅煎餃 佢個黑白松露煎餃做得相當之出色😍😍😍個黑松露味超級重 而且佢係煎完個餃子香脆得黎都仲係好多肉汁 我自己超推薦🤩湯餃黎講我就覺得比較普通啦 因為佢係細隻啲既 冇咁飽滿 但係佢個湯底係豆漿湯超好飲 而且超足料 睇相都見到面頭既豆皮😏同埋推薦大家試吓佢個蒜芯豬肉餃 呢個真係超正 佢係好重蒜味既 個口感呢就似韭菜咁 超爽🥳·主菜方面我就覺得烏冬好食過米線啦 因為佢個米線係浸得比較耐 有少少發脹左 冇咁好食🤭小碟呢因為我哋想食啲菜 就嗌咗個甘煮野菜 點知原來佢個甘係代表羽衣甘藍 係超級多羽衣甘藍😭同我想像中嘅有少少分別🤭不過都OK嘅佢 入邊仲有啲冬菇同埋蘿蔔 都好入味keke·醉炸雞翼$33雖然佢個餐牌上面冇散嗌menu 但係你入到餐廳嘅時候就見到其實佢有啲散嗌嘅小食 所以我哋就嗌多咗呢一個雞翼 佢係即嗌即炸既 炸得好脆口不過係有啲炸過咗龍 有少少太熱氣🤭但係係好食既 又係超多肉

第一次食時遇上壞爐，只點了湯餃及關東煮。今日是第二次食，點了煎餃：大阪餃子燒，以為自己食緊小丸子，唔油膩。冰花餃子d辣油好香，蒽蒜味，真心好正。全部吃光，我和朋友都想會再吃。

小店空間細，有吧枱有梳化位，都係較迫，都乾淨企理。不過都係快餐好快食完。當日下午去到已經有啲嘢賣晒。最後叫咗一個韭菜豬肉冰花煎餃，一個湯餃，一個炸餃子雞翼，一個炸雞軟骨。最好食係個冰花煎餃，煎得真係好好，好脆，無油淋淋，剛剛好！湯餃都唔錯，餃子新鮮，味道好，湯又唔會太咸。但係一有比較，個煎餃就出色好多！炸餃子雞翼同雞軟骨兩個炸物呢，就要改善下。餃子雞翼都仲幾好食，個皮好脆，但都係有啲啲炸過咗。但雞軟骨就較為炸過咗時間，所以有啲乾。下次一定會再食個冰花煎餃！呢個價錢好抵食，平過飲咖啡，每樣都係$3，4x咋！

今日經過中環， 星期日， 好多鋪都冇開， 心思思又想食返餃子今次自己一個食， 叫咗湯餃， 湯烏冬， 再加個關東煮。。。 大食到呢。。。 不過今日真係好肚餓， 食完之後飽到呢~ 本來叫米線， 但係賣晒， 咁就要烏冬啦~ 依舊好好味， 但係都係覺得米線好食d, 我都係鐘意食淋嘢~ 個蒜芯湯餃好好好好好好好好好味 下次如果冇米線， 我應該會食兩份蒜芯湯餃. 關東煮又係冇得頂， 真係好好味， 另加15 蚊都好ok, 好大碗。 所以。。。 真係食到我好飽好彩冇再叫其他嘢，如果唔係，我驚我食到行行吓會嘔都係留返下次再食過！

好離譜，要煎餃黎炸既，都唔緊要，乾過我銀包，肉唔新鮮，有雪味，個豆漿烏東個湯無味，要個中辣感覺似辣油加水，餃子烏東肉同芝士唔新鮮，仲要炸到燶晒，個炸蕃薯條又炸到超燶，個魚片頭又細又乾又硬，練牙力一流，老人家用假牙千祈唔好試，用成支保麗淨都搞唔掂，成個餐ABC三樣無樣可以，仲夠膽收呢個價，其實唔係話中環就應該收得貴，食客係無義務要幫老闆俾租，食物由質素決定價錢，如果係純粹因為黃店就支持，我相信已經失去原有意義，相信老闆做生意方面一流，GP應該夠高，相信好快有分店。