三一餃子 (利源西街)

營業中

休息中

好離譜，要煎餃黎炸既，都唔緊要，乾過我銀包，肉唔新鮮，有雪味，個豆漿烏東個湯無味，要個中辣感覺似辣油加水，餃子烏東肉同芝士唔新鮮，仲要炸到燶晒，個炸蕃薯條又炸到超燶，個魚片頭又細又乾又硬，練牙力一流，老人家用假牙千祈唔好試，用成支保麗淨都搞唔掂，成個餐ABC三樣無樣可以，仲夠膽收呢個價，其實唔係話中環就應該收得貴，食客係無義務要幫老闆俾租，食物由質素決定價錢，如果係純粹因為黃店就支持，我相信已經失去原有意義，相信老闆做生意方面一流，GP應該夠高，相信好快有分店。