三一餃子 (利源西街)

營業中

休息中

終於黎到食呢間人氣餃子店，鋪頭座位比較少，所以繁忙時間都要等一等位，但好快就入得！————————❦ 餃子 (6隻) + 主食 $58❧ 餃子：芫茜豬肉水餃餃子皮好薄，一咬落去超香芫荽味！豬肉都好juicy，不過size就細隻左d。值得一讚係佢個芫茜豆漿湯底，啖啖芫茜味超香🤩🤩評分：🌕🌕🌕🌕🌗-❧ 餃子：蒜芯豬肉炸餃蒜芯份量好多好香，炸得幾香脆但size都係偏細。評分：🌕🌕🌕🌖🌑-❧ 主食：鰹魚昆布湯米線米線叫左小辣，辣度都幾高但唔香。湯底都普通，如果叫返芫茜豆漿湯底應該會正好多！評分：🌕🌕🌕🌗🌑

🍴蒜芯豬肉炸餃配溫泉蛋紫菜拌飯 HKD 68呢款餃子等得有少少耐 因為係新鮮即炸架😍餃子皮夠曬薄 雖然餡料唔係特別多 但蒜芯都好爽脆 不過不失🧐但係有少少不足係 所有野調味都唔明顯 味道都係偏淡 👧🏿食個時點左好多喼汁😂溫泉蛋飯就正正常常 冇咩大問題😬🍴粟米豬肉湯餃配堅魚昆布湯米線 HKD 68呢款湯餃粟米味非常突出 味道清甜 食落口餃子皮都好滑👍但係都有同炸餃同一個問題 就係除左本身食材嘅味道外 基本食唔到任何調味🤣都唔知呢個係好定唔好🙈堅魚湯味道都清 米線偏幼身 有口感😬🍴絲網春卷+醉炸雞翼 跟餐加HKD5+16呢兩款小食質素都唔錯 絲網春卷炸得好香脆 食落口'颯颯聲' 又係停唔到口個款😂醉炸雞翼 睇落唔係好炸 但係肉質好鮮嫩 食落肉汁同雞油爆曬出🤤雞翼有少少酒味 💩表示食到有媽媽嘅味道

平時去開中環番三都會嚟三一餃子食lunch。今日都唔例外，12點9左右到，等咗10分鐘有得入叫咗個粟米湯餃同埋米線，十分好味😋呢個lunch set total$58，下次試埋煎餃同小食😋

有好多唔同口味嘅餃子🥟🥟餃子迷必去🔥·佢有幾個set 今次就叫左A+B set ($58)A：餃子 B：主食冰花餃子煎得好靚 個底好脆 🤤湯餃都唔錯 個湯係豆腐蝦皮湯 好特別 而且佢地全部碗都係貓貓碗 好得意🐱飯同烏冬表現都唔錯 佢有兩款湯可以選擇 所以烏冬揀左鰹魚昆布湯 另外揀左溫泉蛋紫菜拌飯 飯可以自己選擇辣度🌶 如果係食米線 仲可以揀小米或者多米 好貼心💛·絲網春卷 ($24)好耐冇食絲網春卷了🥺個春卷炸得好鬆脆

最近三一餃子出既自家出品的急凍餃子非常受歡迎，今次專程黎到中環利源西街，一試新鮮熱辣辣既餃子，睇下係咪真係咁好食🙈午市套餐有3個組合，最平$58就有6隻餃子配一個主食，可以揀烏冬、米線同拌飯，或者可以再加$10跟一款小食，呢到餃子口味都唔少☺️有韭菜蝦皮豬肉餃、蒜芯豬肉餃、薑葱豬肉餃、粟米豬肉餃、芫茜豬肉餃、黑白松露豬肉餃等等，當中韭菜蝦皮豬肉餃和蒜芯豬肉餃更是推介之一👍🏻韭菜蝦皮豬肉湯餃 $58用左好可愛貓貓碗去盛載，視覺上已經好吸引，皮好薄，可以見到滿滿綠色韭菜餡🤤炒香過的蝦皮配豬肉同韭菜，三種口感都唔同，但出奇地夾，清香味鮮蒜芯豬肉煎餃 $62用日式冰花方式去煎，煎得焦香🥰有點似脆米紙，而豬肉無添加味精，蒜芯鮮嫩爽口，食幾件都冇臭味，不用擔心🤣豆腐蝦皮湯米線米線要左正常份量，建議揀多米線，因為份量真係唔多😣好快就清哂一配，湯頭呈奶白色，豆腐味唔算好重，不過不失炸花枝丸一份4粒，新鮮炸出，香香脆脆，夠彈牙😆

小店在中環市中心利源西街 十幾個座位好細間裝修簡單，但不馬虎燈具好特別 同幾靚牆身有drawing, 好難留意唔到而食物真係有水準～我哋點了兩份特式餃子點咗蔥蔥子 韮菜餃子好香濃韮菜味 加咗d 調味粉 疑似七味份 有少少辣味 更惹味 有薄薄嘅沙律醬 味唔太出 但有調味的作用 更好味食咗半份可以加少少醋食就perfect 唔會膩女朋友點了 冰花抄手 配蒜心 超香蒜味她建議配豆板醬食好好味大約$58一份 CP 值絕對有 認真的食物 好難得會再嚟食埋其他菜式

點解我話呢間餃子店有特色，佢除咗平時嘅煎餃子、湯餃子之外，仲有創意嘅餃子。不過今日第一次嚟就試吓佢嘅基本野先😆🔸韭菜蝦皮豬肉湯餃配豆漿蝦皮湯米線湯餃皮薄，好多韭菜🥟呢個湯底嘅米線幾特別，第一次食，清清地又好似飲緊淡豆漿咁，唔錯！🔸粟米豬肉冰花煎餃🌽冰花煎餃就好似大阪王將嗰種煎餃子，個底煎得好香脆！🔸醉炸雞翼💯呢個好好食！平時我都鍾意食醉雞，炸完都仲有少少酒味，好特別啊！😋推介大家試下！

說真的 我有啲期待芫荽餃但係第一次嘅experience令我覺得好差尋日喺openrice落定order 之後去舖頭拎去到舖頭 店員忙緊 我都企埋一邊等到佢忙完我上前示意嚟拎外賣點知佢咩都無對 指一指出面係 我個外賣放咗喺外面 佢無同我對個order我一擰轉面行出去 佢即刻閂番門我完全O咗咀 非常之無禮貌好失望

💛去中上環行完大館、PMQ、石板街，又係時候醫醫肚。食厭咗西餐Cafe酒吧，想食啲貼地啲嘅嘢，呢間就啱晒喇。利源西街巷仔入面有間四四正正嘅人氣餃子店，今日就去試一試。餃子套餐蒜芯豬肉餃(煎)+豆漿蝦皮湯米線😀餃子煎得香脆。😬餃子調味偏淡。食到蒜香但冇想像中咁濃。豆漿蝦皮湯好香豆味但就欠鮮甜，米線都唔夠爽。薑蔥豬肉餃(湯)+鰹魚昆布湯米線😀餃子薑蔥味突出。鰹魚昆布湯濃郁，比豆漿蝦皮湯更出色。😬份量較少。總結：餃子味道不過不失，勝在款式多，可以試吓特色啲嘅餃子。正常米線份量會偏少，係輕營OL一餐嘅份量。男士可能要揀返多米線先夠飽。呢個價錢喺中上環食一個lunch，性價比算係好高喇。🤫

叫咗午餐A+B,$58。總之就試咗湯餃，有六隻芫荽豬肉餃，好少地方有芫荽餃食，所以好想試吓。米線就揀咗豆漿蝦皮湯底。餃子皮夠薄，餡料味道適中，芫荽味都幾出，不過六隻餃子就唔係好夠飽。豆漿蝦皮湯底豆漿味都重，湯底好滑，個米線份量都係唔太多。另外加咗$7要紅棗水，呢度就淡咗少少。外賣包裝衛生，最好嘅係湯同餃子同米線都係全部分開放，放耐左食都唔怕。

呢間小店位置喺橫街窄巷中，本身未去之前睇店舖環境仲以為只係做外賣，後尾見到人哋話有堂食先去，不過座位真係比較狹窄🙈尤其係假日中午，人流都幾多，難免要搭枱🤥中午有偏向日式，全部細細兜，拼埋係抵食三一套餐組合▪️ 韭菜蝦皮豬肉餃（煎）（7.5/10）+ 鰹魚昆布湯烏冬（7.5/10）+ 炸花枝丸（7.5/10）+ 凍豆漿💲68 + 4 (煎) + 5 (烏冬) + 7 (餐飲) (三一套餐組合) 個皮炸得脆身，呈現出冰花狀既脆片，入口暖笠笠，做到皮薄餡靚，有足料保持肉汁既香濃韭菜豬肉餡😚簡簡單單既鰹魚湯底配烏冬係一流，辣度亦都有分三款，垃圾、人、神，垃圾辣對我呢個垃圾黎講，都已經有陣陣花椒味🤪炸花枝丸有墨魚粒好彈牙，亦有微微椒鹽調味▪️ 蒜心豬肉餃（湯）（7/10）+ 鰹魚昆布湯米線（7.5/10）+ 炸花枝丸（7.5/10）💲68 (三一套餐組合)湯餃個湯係普通豬骨湯底，不過可能個皮薄嘅關係，個人覺得浸係個湯度會差咁啲口感，但係內裡都有好爽脆既蒜心加上豬肉🙈相比之下，我鍾意煎餃多一點🤫米線比平時既幼細但都彈牙，建議叫多米線先夠飽🤣🔎 整體評分（7.5/10）

食過幾次，無論煎餃、水餃定炸餃，我都覺得佢地整得好食既，米線普通。可惜無論食物有幾高質，平日lunchtime黎食一定要等超過半鐘位，除非12點即到，或等12點食lunch班客食完，1點到店，可能唔洗咁耐既。佢店內地方狹窄，放唔到好多枱，但好多人黎食，同時佢又接受無限量外賣，廚房根本做唔切，等完半個鐘位，再等接近半個鐘食物，成個lunch就咁冇左。有時佢接好多外賣，有d煎餃都賣哂，冇咩選擇。可能要轉外賣幫襯吧。

話說午飯時間多人正常嘅迫迫地搭枱都可以接受但唔係立亂安排人哋失驚無神掉位囉啲嘢食其實仲爭少少就食完未掉完位就已經安排新客入嚟企喺我隔離即係比壓力我哋啫 人哋都好難做啦成堆人塞晒喺度點郁呀大佬...嘢食方面 煎餃的確係煎得幾好食嘅做到好似大阪王將羽根咁嘅感覺炸餃就有啲唔夾 好硬好乾個餡完全冇汁米線烏冬嗰啲就真係冇特別屋企都煮到嘅感覺之前睇過報道話老細好有心做不過一句講晒 黃店就大晒啲staff就可以求其做 橫掂都多人食樓面外賣都做到踢晒腳又點?Sorry 幾好食都冇用

喺中環食完甜品，好想食少少輕食咁啱就係OpenRice見到呢間食餃子就嚟試吓🤩估唔到誤打誤撞之下食到民選第五名好食嘅餃子店！呢間小店就算係非繁忙時間（講緊係兩點幾左右）都唔少人排隊架等咗大約20分鐘左右終於都有位舖頭面積唔算大，但都算坐得OK舒服嘅一入舖頭就見到大大講裝置，大大力推黃店🥰🥰👆🏻餐單方面其實都幾多選擇，除咗煎餃水餃之外，仲有炸餃🤣🤣🤣🤣亦都有其他小食類有台式嘅鹽酥雞，亦都有日式嘅關東煮之類其實我哋就唔算肚餓，本身諗住帶一份煎餃一份水餃但係留意啦，呢度有規定最低消費每人$50所以唔係好肚餓，我哋最尾都要揀多個關東煮呢隻煎餃真係不得了！食落去似係王將餃子個皮脆到不得了，但係一啲都唔厚粉中間食落去好香蒜頭味，但係又唔會覺得好重口味豬肉嘅份量都係啱啱好最重要嘅係佢就算凍咗都一樣咁好食！水餃方面佢個湯係普通豬骨湯，雖然冇乜驚喜，但係加埋湯食口感好溫和同煎餃一樣都係皮薄餡靚😋😋😋中規中矩嘅好食！關東煮方面反而有驚喜佢個湯係甜甜地嘅日式清湯，再加上佢啲冬菇好淋又唔會有嗰浸好重嘅冬菇味食落去係清新，啲花枝丸同埋魚腐都好有口感蘿蔔都係淋淋地，相信都好啱老人家同小朋友食🤣題外話，佢啲碗都幾得

❐ 大阪🇯🇵粟米餃子燒配🐟鰹魚昆布湯米線中辣 $81評分 ▮ ▮ ▮ ▮ ▮ ▮ ▮ ▮ ▯ ▯ ⟰ 即煎餃子似大阪王將餃子，一面煎到脆身，皮薄肉餡肉質鮮嫩多汁💦粟米鮮甜🌽，上面加埋大阪燒醬汁紫菜同木魚，好好味呀💁🏻‍♀️推介❗⟰ 鰹魚昆布湯極出色！湯底清甜有層次咸淡岩岩好，有好香好濃既鰹魚味飲哂都無口渴，食得出係有熬製過嘅湯底，叫左中辣食到有七味粉同🌶花椒麻辣味，整體同鰹魚湯勁夾，越食越開胃！米線滑身入哂味可惜份量偏少💁🏻‍♀️推介❗❐ 粟米豬肉餃配鰹魚昆布湯米線🍜 $70評分 ▮ ▮ ▮ ▮ ▮ ▮ ▮ ▯ ▯ ▯ ⟰湯餃同樣出色，皮薄加埋清甜粟米配上充滿肉汁既豬肉不知不覺會食哂💁🏻‍♀️推介❗⟰個人應為加左辣既鰹魚湯更正，唔食得辣既朋友仔可以叫小辣🌶🍚推介指數 ☻ ☻ ☻ ☻ ☻ ☻ ☻ ☻ ☹ ☹ (10為最高)