一鍋堂 (大鴻輝(荃灣)中心)

營業中

休息中

今日OT到9點先收工…超餓，只想刷餐勁既🙏🏻打邊爐係最好既選擇🤪🛎 $308/位 - 套餐C （成人）晚市放題有120分鐘🥰如果21:30 - 23:00入座就係$288喔如果19:00前離座就係$268添，勁抵食🛎 湯底有15款湯底揀中意辣既可以試韓式泡菜湯，或者一鍋麻辣湯🌶️冬天嗰陣食胡椒豬肚湯，或者胡椒鹹菜咸湯應該會好暖胃🙈貪心既話仲可以+$50變鴛鴦鍋試兩隻味添而今次我同同事就揀咗蕃茄牛肉湯，蕃茄超濃，酸酸甜甜好開胃👍🏻仲有唔少牛肉粒，幾淋滑～🛎 牛肉C餐係咩肉都食得！印象最深刻係牛脷心托，牛味夠重而有爽口薄切令佢好快熟，唔洗淥好耐👍🏻岩曬我呢啲餓人🥰仲有花雕浸安格斯牛肉，濃濃花雕香味同牛肉竟然好夾💯🛎 海鮮除咗肉，呢啲都好多海鮮😍鮑魚勁大粒，好彈牙，咩醬汁都唔點，就咁食就好食到個鮮味貝殼類亦有帶子、蜆等等，蜆下鍋好快開殼🤣好鮮甜我地亦都叫左蝦，有支竹籤吉住，所以好易脫殼🦐🛎 火鍋配料除左蕃茄薯仔，呢到仲有紅心蘿蔔！！！呢啲咁特別既野真係唔係到到有😚我叫左幾轉野生竹笙，個種索曬啲湯又爽口既感覺真係令我食唔停口😳蟹柳係勁長，仲長過我手臂🤣🛎 自助區有唔同嘅丸類、蔬菜、粉麵，你講得出

難得放假約埋朋友去位於荃灣「一鍋堂」食餐午市高級日本和牛放題，喜歡這裏環境寛敞又坐得好舒服，食物選擇多又新鮮價錢亦都好合理👍湯底亦都好多選擇！隨了用QR ，場外自助區有好多小食、火鍋配料、有機蔬菜、飲品及雪糕等。番茄牛粒湯番茄味香濃，湯底用咗大量牛肉粒及蕃茄熬製飲落酸酸地好開胃每人飲了兩大碗。日本產黑毛和牛牛肉紋理分明，色澤鮮紅色，每一啖充滿牛肉味道，好鮮嫩。蟹籽手打蝦滑每一啖都食到粒粒蝦肉，彈牙之餘充滿肉汁。澳洲M5和牛/手切牛脊肉肉質夠淋身，油脂豐富，充滿脂香味，每一啖都充滿肉汁。鮮豬肝厚切既豬肝加入辣椒豉油一齊食，口感一流👍海鮮（手串生猛海蝦、花膠、沙白蜆、帆立貝）樣樣都好新鮮，蜆肉無沙粒粒帳卜卜，海蝦爽甜，帆立貝厚肉清甜。自家製涼茶大約有四至五款，有不同功效及味道，打完邊爐清熱一流。海鹽焦糖雪糕好清香，唔會太甜食完好滿足😋

早幾日同朋友出去荃灣食飯，佢想食火鍋，我哋就到一鍋堂叫咗好多嘢食，肥牛肥瘦相間，肉味超濃郁，除咗牛肉海鮮都嗌咗好多，魚片等等，款式多到你食唔晒，樽裝茶飲包裝好靚，佢啲遠慮款式都多，侍應都好招呼上菜又快，最後食埋杯自制雪糕，滿足滿足！會考慮同朋友再食多次🤭

荃灣經濟實惠打邊爐 我會首選一鍋堂一鍋堂有好多種湯料， 我就揀咗白汁豬肺湯。貪佢個湯底清甜 滋潤 潤肺。嚟到一鍋堂 我首選推介 就是佢哋的海鮮 佢哋啲蝦係新鮮蝦 大大隻非常 生 猛。蝦肉紮實， 白灼鮮蝦 一啖咬落去 食得出蝦的鮮味。之後就推介佢哋啲扇貝， 佢哋啲 扇貝好新鮮 帶子 大大粒咬落彈牙 充滿海水味道。推介就係佢哋啲 魚腐魚雲 非常之 新鮮好味。呢度啲飲品任 食完之後仲有雪糕 令你非常之滿足。有好多即叫即食的小食任你拎客戶服務員服務態度也非常之好。

近排同朋友去了位於荃灣的一鍋堂，整體上，我對這裡的用餐體驗非常滿意。餐廳的氛圍舒適，裝潢簡約而現代感十足，非常適合和朋友一起聚餐！一鍋堂的招牌火鍋料理在整體上表現良好。我點了他們的養生雞湯，佢嘅都味道十分不錯。鍋底口感濃郁而香濃，湯底也非常清澈。肉類和蔬菜新鮮豐富，大部分都是高品質的食材。還有很多選擇！🙆🏻‍♀️❤️值得一提的是，一鍋堂也提供了許多其他菜式選擇，包括小吃、炒飯和湯品等等。我個人很喜歡他們的沙律，清新而開胃。此外，他們的珍珠奶茶和芋頭奶昔也非常美味。總體來說，一鍋堂是一個很好的餐廳選擇，無論是和朋友聚餐，還是家庭聚會，都是不錯的選擇。食物品質不錯，價格合理，服務也十分友善，值得一試😍

周未跟友人聚餐， 約了到荃灣打邊爐， 聽到訂了是一鍋堂，立馬叫好， 食過多次，每次也不會失望。叫了個放題任食c餐， 有很多款高質的肉類。一分錢一分貨， 可以任食高級肉，真係太正了。*日本產黑毛和牛,入口即溶， 肉質柔嫩。*花雕浸安格斯牛肉，勁滑溜，有陣陣酒香， 好特別*手切牛脊肉，牛味十分濃， 愛牛人士必食。*西班牙栗飼豬肉 ，完全沒有豬so 味， 有陣鮮甜味道*北海道千歲戶米豚肉，內質十分鮮嫩，肥瘦均勻。*伊比利豆黒毛豬， 肉結實， 什至有一刻覺得似牛肉*牛脷心托， 好少火鍋有牛脷， 超愛， 牛味比牛肉更濃。海鮮類亦都十分高質，有大元貝同鮑魚送，限量一人一粒， 另外可以任點，蜆、花甲、大蝦。大蝦每次後食到都係爽口彈身，不斷encore! 餃子鮮蝦雲吞好食！

自助式任食火鍋，飲品多，醬料齊，各有所好，friends gathering 不二之選。啱哂朋友堆入面，有牛魔王，有唔食牛，有多菜少肉愛好者，唔洗煩，又有15種火鍋湯底揀，係選擇困難症嘅人麻煩少少。

今日約個朋友到荃灣一鍋堂打邊爐～我們叫了一個藥膳養生湯，材料有龍眼、紅棗、准山，杞子等等，真係健脾又補身～我們點了晚餐c任食，套餐好多選擇，每款份量細細份啱啱好，可以每款都試到，外面都有一些熟食、蔬菜、同自家飲品可以自取，熟食款式多，有紅燒豬軟骨、泡淑雞腳、冷盤小食、火鍋配料，多到眼花撩亂。叫得呢個餐就要食北海道千歲戶米豚肉，肉質腍滑而且爽口，食落有嚼頭，帶點脂肪特別香口。日本產黑毛和牛肉質比較一般牛更嫩滑，更易入口，雖然口感帶有油脂香，但又唔會過於油膩。手切白鱔片，味道鮮甜而且肉質爽口，蟹子手打蝦滑、墨魚滑都十分爽口彈牙。整體來講，只要想打邊爐就會諗起一鍋堂，仲有咁多湯底未試過，我諗我要join做會員繼續食，會員仲有九折😂

一講起食得有營又好味，好自然就會同一班朋友去「一鍋堂」食個養生鍋先，呢個系我地不定期團聚活動。系入座前，先選火鍋湯底，呢度有有15款湯底選擇，我地揀左胡椒咸菜雲耳湯底，除左各湯中素湯底外，有幾大塊鹹酸菜、雲耳等，胡椒味又夠濃，湯底又夠清甜。入座後，就以QR code落單。 之所以我地揀了C餐，除左可以任食高級日本和牛及豚肉。由於我地系會員，餐廳仲送左個 鮑魚同帶子。有自助熟食區，飲品區，及專屬蔬菜區，種類齊全。又有各種涼拌小食等等。餐廳提供的自家冰凍花茶，可以無限loop佢地d花茶。當中洛神花茶既酸酸甜甜，可以消濟之餘，有種舒緩嘅作用。呢個套餐C包美國安格斯牛肉、封門柳、牛脷心托、精選進口牛板腱、等等，多款不同種類的牛、豬、羊都應有盡有。當中封門柳油花雖少，厚厚的一大塊，入口軟腍細滑。當然，除左肉類外，仲有其他食材可供選擇，我地揀左、冰山蚌、牛栢葉、魷魚及8吋長蟹柳等等。當中麻辣撈雞柳，雖然系左一排，但入口都幾辣下夠刺激。7:00入座可以坐2小時，唔洗急！團聚一流。值得推介！！！現時9:00後入座揀c餐可任飲任食3.5小時。「一鍋堂」荃灣眾安街55號大鴻輝(荃灣)中心19樓

約到美女好友在荃灣食宵夜,在打邊爐(火鍋)與潮州打冷兩者間選了前者;而荃灣區的知名火鍋店,相當一部份集中在大鴻輝中心,位處其中的一鍋堂,更是我相約好友常聚餐的好地方,當然這次也不例外!與好友在荃灣地鐵站碰面後,在B出口往眾安街走過去,十分鐘之內的腳程,春夜的涼意加上仍具人氣的街道,相當愜意;來到大鴻輝中心地下,此刻不用排隊就搭載客電梯直上19樓;逕自走往店面櫃檯;正值周一之夜,不同於晚市黃金時段的人頭涌涌,宵夜時段相對靜態一點,消卻了那點煩囂之氣,正正可與美女好友細心品嚐一眾高質食材!入場前先選定湯底及套餐;想食最優質食材所以選擇C餐,然後湯底必選是麻辣湯+潮汕湯!報上會員電話號碼,還有半殼鮮鮑加珍寶帶子贈送!坐在大堂內一隅,此刻空氣清新一點,燈光也明亮一點,整個環境予人感覺特別舒服!其次是枱面與餐具的整潔度,每次光臨都保持如一!侍應姐姐很快遞上了潮洲湯底加麻辣湯底而成的鴛鴦鍋;料頭充足而紅白相間,霧氣上升之際,帶來撩人的香氣!我先去具一鍋堂特色蔬菜櫃對面的豐富多彩之食材區拿取小食,醬油(芫茜與指天椒是靈魂)及一鍋堂自家製的飲品;而美女好友掃描了點餐紙上的QR Code,進入主畫面來點

一鍋堂荃灣一直都是我和太太的飯堂之一，在火鍋放題來說性價比一直很高，味道亦從來沒讓我們失望過，所以我們又來了🤣✏️位置（8/10）：荃灣餐廳地標，位置方便✏️環境（8/10）：面積大座位闊落，裝修光猛✏️服務（8/10）：侍應上菜及收拾很快✏️食物（8/10）：選擇多，味道一如以往的高質🌟120分鐘晚市火鍋放題C餐 - 成人$308/位這一次選了C餐，發覺原來即使最貴的套餐，也比不少放題店抵食得多😁🍴一鍋潮汕湯湯底選了主推的一鍋潮汕湯，大地魚味相當香濃突出，個人覺得不沾醬汁也很美味😉🍴有殼鮑魚及珍寶帶子現在點B或C餐就會送人頭一隻的鮑魚及帶子，鮮味而口感爽滑，令人滿意🤩🍴可點的食材🌟手作自家火鍋配料：100%濃汁爽彈牛丸、香辣安格斯牛肉滑、有營南瓜墨魚滑、手作蝦丸、自家製鮮蝦雲吞、手作麻辣豬肉餃、野生竹笙、紅心蘿蔔及蟹籽手打蝦滑😁必食推介：100%濃汁爽彈牛丸、自家製鮮蝦雲吞及蟹籽手打蝦滑🌟新鮮手作海鮮類：沙白蜆、珍珠貝、手串生猛海蝦、真係花膠、手切白鱔片、手切脆鯇魚片、脆骨腩、新鮮魚雲、半殻帆立貝、手切烏魚片及墨魚仔🤩必食推介：沙白蜆、手切白鱔片、新鮮魚雲及半殻帆立貝🌟一鍋手工餃丸類：手打三

星期日來食自助晚餐原來高過130cm嘅小童都要收成人價錢😵，不過唔緊要啦，最緊要係食得開心啦…為咗就小朋友，叫咗蕃茄牛肉湯底，味道都幾好。我哋選擇咗A 餐，雖然A餐只得1款牛肉選擇，但係都幾好味😋小朋友好開心可以出去攞下食物同飲品，最最開心就係可以自己「之」雪糕啦

本人幫襯過呢間荃灣大鴻輝中心一鍋堂至少五次，品質都能維持水準，所以適逢五一長假期諗住再次同老公幫襯，點知今次竟然中伏。。🤦🏻‍♀️我一心諗住點最貴嘅餐，有日本黑毛和牛，澳洲M5和牛，美國安格斯牛，再特登加$30任食海鮮。。點知一上菜見到碟牛已經覺得心知不妙。。🙈1）一啲雪花紋都冇嘅和牛 2)淥左唔夠10秒嘅牛竟然鞋過張沙紙，都算 3)點知一啲牛味肉味都冇🙄我究竟食緊乜嘢🫢我叫個待應姐姐過嚟問佢究竟呢啲係咩肉，佢答我咪和牛囉，之後就行開咗😑唔緊要，之後喺到安慰自己，諗住可能第一批肉質地唔好姐，之後隔咗一陣再點，今次淨係點美國安格斯牛，因為美國安格斯牛普遍肉味比較濃，點知第二批仲衰。。肥膏多過肉🤬完全擺唔到入口，勁失望，以後都唔會再幫襯🙅🏼‍♀️🙅🏼‍♀️

同朋友21:30黎左呢間食，收銀個職員態度幾好，會介紹promotion 。其他職員既服務態度真係有待改善，想搵個人加湯，搵極都搵唔到，之後有個好冇禮貌既問我係咪搵人，我話想加湯佢放低就諗住走，我想comfrim邊個湯係邊個湯低。個阿姐話：你睇唔到架！呢個辣既！我心裡即刻跳個一個字出黎！另外一個又係，我諗住去拎雪糕 佢攬住部機同我講已經搭3，雪糕機停（個時都重未搭1）個地又跣到好似溜冰咁…食物又唔係特別出色所以如果有得揀，真係唔會再有下一次

火鍋是美食中最為受歡迎的菜式之一。而在眾多火鍋食材中，高質牛肉是最為喜愛的食材。在餐廳中，盡情地享受到最新鮮、最優質的牛肉。這些牛肉肉質細嫩，味道鮮美，而且經過精心的處理，使得它們在火鍋中更加美味。在食用高質牛肉時，在火鍋湯中燙煮片刻，直到牛肉變色即可食用。煮熟的牛肉肉質鮮嫩多汁，味道鮮美，與火鍋湯的味道融合在一起，更是令人食指大動。肉味與脂肪的層次，飽滿的肉汁和滑嫩的肉質層次與味道和口感的豐富層次，完全被牛肉征服了。除了牛肉之外，餐廳還提供多種不同風味的湯底和調料，還可以加入各種蔬菜、豆腐、海鮮等食材，讓火鍋更加豐富多彩。