一鍋堂 (XX Arcade) (已結業)

今晚同阿仔撐枱腳，阿仔係火鍋控，廿四孝嘅我當然會陪太子讀書，一齊去食火鍋！好耐之前食過另外一間一鍋堂，覺得不錯，阿仔又未食過，就決定去再戰一回，同樣揀咗C餐，有120分鐘任飲任食，每位（$308）。 除咗任食的火鍋料，呢度仲有自助小食吧，不同種類的紙包同罐裝飲品，仲有自家製的健康飲品，真的好多選擇！原則上我哋除咗要飲品外，自助小食吧我哋也沒有食，主攻靚肉，好似日本產黑毛和牛、封門柳、美國安格斯牛肉、花雕浸安格斯牛肉等等。呢度嘅湯底也有很多款，我兩母子同樣鍾情於胡椒豬肚湯底，個湯底好足料，有好多豬肚，不過如果豬肚可以再腍啲就更好。好滿足的一個晚上！

去親旺角想打邊爐都會諗起一鍋堂 價錢又平又抵食👍🏻👍🏻上次叫咗個b餐 沙嗲湯底 認真不錯 湯底唔算太鹹 味道都幾出😂值得一讚。依到仲有我最鍾意食嘅大大條蟹柳 好少地方有㗎！不過有樣嘢唔好嘅就係就算你嗌幾多都好都係比得2條 仲要唔係上足！要不停落單先會上多2條 有少少孤寒🥲🥲🥲

話說上星期放午飯，心血來潮想食打邊爐，最後竟然有同事和應我，與我一起去食打邊爐，哈哈。我們去了一鍋堂 (XX Arcade)，選了c餐的100分鐘午市火鍋放題。餐廳落單用手機掃QR code, 十分方便。而且上菜速度很快，我們這邊下單，幾分鐘內就送到。人均消費$280左右。湯底揀選了胡椒豬肚湯，奶白色的湯，散發着胡椒的味道。用湯匙攪一攪，就見到一條條粗壯的豬肚。味道不太咸，當湯飲都可以。QR code 下單，選擇都多。手工餃丸類，素食類，特選牛肉類，粉麵類等等，正常打邊爐有的，在這裡都見到。至於菜類和飲品甜品，就自助出去取。手打墨魚丸，手打蝦丸，比較喜歡，因為比一般丸類更滑身，口感彈性亦更豐富。黑松露手打墨魚丸亦不錯，有咬口之餘，還有濃烈黑松露風味。鮮萵筍，生菜，羽衣甘藍，亦新鮮翠綠。羽衣甘藍越熟就越翠綠，當中有微微苦甘，聽說抗氧化很高，哈哈，所以我都不客氣了。始終我們是食肉獸，所以肉類叫得比較多。精選進口牛板金鍵，美國安格斯牛肉，封門柳，澳洲和牛，紐西蘭羊卷肉，手切牛墩墩脊肉，日本產黑毛和牛等等，五花八門，不同部位都有。飲品有一般的紙包或者罐裝，而我就取了洛神花茶，酸酸甜甜，養生消滯

作為一個火鍋控，無可能唔識得一鍋堂，一鍋堂有好多分店，今日就來咗位於旺角XX Arcade東翼分店，非常就腳，地坐舒適，食物選擇多，牛肉新鮮嫩滑，淨食牛就一定回本。高級澳洲和牛 - C套餐 ($248)可以食100分鐘湯底就揀咗期間限定的滋潤藥膳烏雞鍋，滋陰盒氣，健脾暖胃，又延緩衰老，湯底十分足材，有：杞子、川芎、薰參、龍眼乾、當歸，紅棗，最重要會另上半隻烏雞，可以等底湯滾起再放入烏雞，就可以食到嫩滑既雞肉。肉類分別有： 🔺日本產黑毛和牛🔺花雕浸安格斯牛肉🔺美國安格斯牛肉🔺封門柳🔺北海道干歲戶米豚肉 🔺牛脷心托🔺手切牛脊肉🔺精選進口牛肉🔺西班牙栗飼豬肉🔺紐西蘭羊卷肉日本產黑毛和牛 - 油花豐富，油脂肉味很香濃，肉質嫩滑，必吃花雕浸安格斯牛肉 - 肉質細緻，帶有花雕香氣，入口即溶封門柳 - 肉味是最濃郁的，雖然油脂較少，但肉質軟彈北海道干歲戶米豚肉 - 肉嫩多汁，口感柔軟手工餃和丸類：手作梅菜豬肉餃、百分百濃汁爽彈牛丸、蝦滑釀油炸鬼、黑松露手打墨魚滑、有營南瓜墨魚滑、蟹籽手打蝦滑，濃郁南瓜香，墨魚丸、孜然雞丸、豬肉丸我覺得必點的是：百分百濃汁爽彈牛丸- 牛丸做到超級多汁，一啖咬落去，肉汁

我有一個特殊癖好——落雨就想打邊爐。又到左綿綿雨天的春夏季，一星期總有一兩日會落雨，落雨濕濕，最好打邊爐暖一暖。一以以往，一鍋堂除了QR Code下單，外面還有自取區，不能錯過的自然是自家製飲品！杏汁豬肺湯以豬肺、杏汁加上大白菜燉煮而成，清淡潤肺，最近身邊又多左人中招，即刻潤一潤肺先得！一鍋堂提供的牛肉種類很多，包括必吃的澳洲M5和牛板肉——肉質嫩滑，油花滿滿、美國安格斯牛肉——肉味香濃，脂肪比例適中，封門柳——口感飽滿，肉質鮮嫩，牛肉味最為濃郁。最後當然是時常出現在雪糕關注組的軟雪糕!

前嗰排不斷落雨，有種沾寒沾凍感覺5月份間中好似有秋天嘅感覺我好想食啲暖胃嘅任飲任食火鍋我就約咗朋友食一鍋堂午市100分鐘我眼見都好多一個人嚟食最貴嘅火鍋畀貴啲嘅分別當然係多啲靚牛啦(強烈推介)叫了100分鐘最貴嘅C餐:由於我真係好鍾意食牛肉 #牛魔王而家平平地喺屋企打邊爐淨買靚肉類、靚肉丸同蔬果都使好幾百蚊而家超市賣和牛貴到真係唔捨得食😭即係二百多，得嗰好幾片仲未計我要去買嘢同洗好多碗添今次叫了個比較滋補嘅養生藥膳湯好啱虛底嘅我😆😆我好鍾意食一鍋堂，每次配菜都有新野絕對唔會獨沽一味，今次令我讚不絕口嘅係。花雕浸安格斯牛肉(入口清甜、牛肉嫩滑)。日本産黒毛和牛(好肥美，我愛食邊位牛脂)。精選進口牛板腱(薄切，超濃牛味)。封門柳(貴價貨，牛味濃郁、好有口感)。牛利心托(唔啱煮過龍，比較爽口)。澳洲和牛(肉質較為緊緻，肥瘦適中)另外好值回票價嘅係一鍋堂手工肉丸佢自家製手打足料肉丸，係必試嘅！。香辣安格斯牛肉滑(咁靚嘅牛肉竟然嚟整肉丸，但係我又buy，好多汁，食完即再叫)。100%濃汁爽彈牛丸(入口即爆汁，牛味香濃)。自家製墨魚餅(圓形扁狀，非常大牙鮮甜)。手打三寶丸(我鍾意佢細細粒，容易熟，

今天跟老公到旺角撐枱腳，我們都想打邊爐，因此選了價錢公道，質素有保證的一鍋堂。餐廳環境寬敞舒適，乾淨企理，小食、飲品、蔬菜、醬汁等都擺放得井井有條。我最欣賞這裡飲品種類多，最特別的莫過於是那幾款自家製涼茶及特飲，例如：玫瑰花黑枸杞茶、洛神花茶等，味道清新，最適合炎炎夏日。我們選了C餐（高級日本和牛、豚肉）及藥膳湯底。湯底很足料，有杞子、龍眼、當歸、紅棗等，美味又健康。我們試了三款牛，分別是美國安格斯牛肉、封門柳及日本產黑毛和牛。特別喜歡日本和牛，肉質十分嫩滑香軟，肉味亦很香。安格斯牛肉質素亦高，肉味香濃，肉汁豐富。我們亦點了金針菇、超甜粟米、野生竹笙、鮮淮山、8八吋長腳蟹棒、炸魚皮、手作梅菜豬肉餃、蟹籽手打蝦滑等。特別喜歡梅菜豬肉餃，脹卜卜，餡料豐富，梅菜惹味，豬肉彈牙。我們都吃得很滿足！

朋友約食飯，建議去旺角食飯，最後我哋揀咗去豉油街XX Arcade「一鍋堂」食火鍋放題，我們大約19:10到達餐廳，餐廳環境闊絡，相當不錯；我們揀咗「C 餐 高級日本和牛、豚肉 $308 」；今次湯底選咗「胡椒豬豬湯」，C餐可以食到不同嘅食物包括：1️⃣ 牛肉如日本產黑毛和牛、花雕浸安格斯牛肉、魔鬼辣安格斯牛肉、美國安格斯牛肉、精選進口牛肉、手切牛脊肉、封門柳、牛脷心托；款款牛肉十分不錯，和牛油花均匀，肉味香濃，而且肉質嫩滑，正2️⃣ 豚肉有北海道千歲戶米豚肉、西班牙伊比利亞黑毛豬、西班牙栗飼豬肉；豚肉肥美，又富有口感3️⃣ 還有紐西蘭羊卷肉，完全沒有騷味4️⃣ 特選食材100%濃汁爽彈牛丸、醬爆瀨尿牛丸、蝦滑釀油炸鬼、蟹籽手打蝦滑、手作鮮蝦雲吞、野生竹笙、日本紅心蘿蔔；濃汁牛丸食落口彈牙爽口，又充滿了濃汁，蝦滑及雲吞，用料都相當十足，其它食材都十分不錯5️⃣ 自助區 還有多款火鍋配料、蔬菜、飲品及雪糕供食客選取

這間一鍋堂是朋友(滾友)喜歡來的火鍋店，因為款式多之餘上菜也很快，見到每枱都是十盤八盤的送上，超滿足。120分鐘晚市火鍋放題，今次選擇C餐～～～高級日本和牛、豚肉，一次過滿足吃牛嘅朋友仔。一進餐廳一排排凍櫃放滿新鮮疏菜和飲品很吸睛，另一邊放餐前小食拍青瓜、雲耳、各式各樣丸類和菇菌等。湯底我們點了「胡椒豬肚湯」另外做會員後，店員會送上有殼鮑魚和珍寶帶子。胡椒豬肚湯🍲湯底很濃郁豬肚和咸酸菜也很多，先喝啖湯胡椒味勁濃香噴噴又熱辣辣，非常之醒胃。火鍋配料用二維碼下單，牛肉款式種類繁多，二話不說即刻點了澳洲和牛、花雕浸安格斯牛肉、日本產黑毛和牛、手切牛脊肉、美國安格斯牛肉、澳洲進口上乘牛肉和精選進口牛板腱。這裡可以吃到不同國家不同部位和做法，花雕浸安格斯牛肉除吃到牛肉鮮味之餘仲帶微微花雕酒的香味很正，日本和牛就夠綿滑，手切牛脊肉夠爽口又嚼勁，牛板腱嫩嫩的。豬肉也不會遜色，西班牙依比利亞黑毛豬和北海道千歲戶米豚肉。手切脆鯇魚片和手切烏魚片，也很新鮮第一次吃烏魚片口感爽彈鮮甜，沒有細骨啖啖肉。神仙豆腐口感非常特別，煙煙韌韌很Q彈幾得意。手作鮮蝦雲吞，雲吞皮夠薄又滑鮮蝦新鮮爽甜。而彈牙魚皮餃，真的俾平

有消費卷出手就當然要食好小小。今次就選擇左100分鐘C套餐，湯就選擇左潮汕湯。主打食牛肉要食番夠本先走。門口位有自助吧，有不同配菜同魚蛋可以食，旁邊有雪櫃有菜又有飲品可自由選擇。C餐入面仲包左澳州和牛，日本黑毛和牛。油脂比例比均又夠晒粉嫩。肉質柔滑，回本首選之一。封門柳油脂比例較少，肉質結實但又不會老。比較有牛肉味同肉既甜味，咬落有咬口感。十分好食。最後再叫多一碟食。牛利心托係簿切的，食落好爽口。十分高質低食，認為一定要點之一。牛板腱，手切牛脊肉，牛肉味較濃烈，油膩較其他牛部位少。所以肉質比較結實有咬口。花雕浸安格斯牛肉，牛肉肉質好淋原全食落係無根的。牛肉味較少但似就花雕味好濃好入味。配菜都有好多選擇，同好先鮮。我就叫左鴨血自製小食，鴨血好淋咬落去有彈性不癡口。再去調味BAR調製自己鍾意既醬汁。好夠味同好入味食左一輪牛之後，我地加左好多湯底配料。冬瓜用黎清熱，煮到軟淋好好味。蟲草花增加顏色同香味，鮮腐竹吸收晒湯汁精華又淋又好滑，番茄就增加湯鮮甜味。野生竹笙用黎吸收湯汁爽口無比不能錯過！食物選擇多，地方又夠大。如果唔多人職員都會比我地食完先走。

一鍋堂火鍋永遠都坐滿人，食物和服務都永遠不令人失望。首先談談服務。一鍋堂是用QR code落單的方式，非常方便。我們只需要掃描桌上的QR code，就可以直接在手機上點餐，上菜速度超快，兩分鐘就送到。而且還提供了自助丸類，菜類和水吧，可以讓客人自行取用飲料，這樣讓我們覺得非常自在。接下來是湯底。我們點了沙參肉竹鯊魚骨湯底，味道非常好，鮮甜可口，令人回味無窮。而且湯底的份量非常豐富，讓我們可以慢慢地品嚐湯的滋味，感受到湯底的美味。然後是食材。我們點的是C餐，有各式各樣的特選食材，打手打蝦滑，口感綿密，吃起來非常滑嫩。蝦肉的鮮味和手工打製的口感相結合，讓人感到非常過癮。自家墨魚餅口感非常綿密柔軟，入口即化。墨魚本身的鮮味非常突出，而且還有一點微微的甜味，香辣牛肉滑牛肉口感非常嫩滑，而且帶有一點點的甜味，非常入味。辣度適中，味道香辣，但不會太刺激。一鍋堂火鍋提供了各種新鮮的食材，包括黑毛和牛、安格斯牛肉、封門柳、手切牛脊肉、海蝦、蜆等等。我們最喜歡的是他們的黑毛和牛，肉質鮮嫩，口感非常好，而且還提供了多種不同的醬料，讓我們可以根據自己的口味調味。海鮮方面，他們的海蝦和蜆也非常新鮮美味，讓人感

分左3個Level既放題套餐，我地選擇左$308 C餐，任食120分鐘（如果7點前離座或9點半後入座，有優惠價架）。呢度既食物選擇真係幾多，呢個套餐可以任食日本產黑毛和牛、花雕浸安格斯牛肉、魔鬼辣安格斯牛肉、西班牙伊比利亞黑毛豬、紐西蘭羊肉卷、手切牛脊肉，牛脷心托、封門柳等。湯底選擇亦好多，有接近20款。我揀左沙蔘玉竹鯊魚骨湯底。火鍋料方面特別推薦幾款：✨精選進口牛板腱肉質柔軟細嫩，牛味濃，油花豐富👽🤤✨ 花雕浸安格斯牛肉花雕雞就成日食，花雕牛就真係少，都幾入味✨紐西蘭羊肉卷呢種羊羶味好香好啱我🤪✨手串生猛海蝦老公最愛💗好鮮甜，佢KO左30幾隻😂✨野生竹笙有無人同我一樣咁熱愛竹笙？🤤飲品款式都幾多，仲有唔少自家製涼茶/養生飲品。仲有乳酪味雪糕😍

今日天氣雖然開始熱…. 又心思思想打邊爐，今次朋友又去一鍋堂打邊爐，今次去另一間旺角分店。就是餐廳這個特別的湯底：胡椒落豬筒骨。真係有筒骨係里面㗎！仲有栗米，所以好甜味仍能食到栗米！有不同級別的餐可供選擇，最終揀了C級數，就已經可以食到最有肉味而油脂相對重口味的日本產黑毛和牛仲有澳洲進口上乘牛肉精選進口牛板腱西班牙栗飼豬肉紐西蘭羊卷肉（超正羊卷！）等等已經不錯！而西班牙豬就相當肉質鮮嫩。而自助吧有多款選擇，蟹棒，龍蝦丸，午餐肉，牛丸，秋葵仲有好多款不同菜類例如有菜心苗，生菜，萵筍，白菜仔，油麥菜……. 我鐘意食菜所以好啱我口味，啲菜好新鮮及甜美！另外，如果不喜歡飲啤酒的，還有其他飲料選擇⋯朋友就喜歡試不同其他飲品特別是洛神花茶，酸酸地好開胃原來仲有其他小食。等緊個煲滾起時已經可以享用下先。基本上大部份小食都好正，而其他打邊爐配料之少有的嘅卜卜蜆，大大隻蝦，仲有我哋最鍾意嘅脆肉鯇魚腩真係非常之新鮮，而且肉質非常脆口，油脂滿足味蕾，呢個超級好味。忍唔住食了五碟。最正係咁夜都有供應。今次叫了唔同其他的材料有竹笙，另外亦都有鯪魚球，鱔片也不錯非常之鮮美，而且切得薄薄的一片，仍然口感是爽口。其實

朋友約呢度食火鍋放題，餐廳幾大，連調味架都乾淨企理，飲品又多選擇，抵讚。我哋要最豐富嘅C餐、胡椒豬肚湯底，嗱嗱臨二維碼自己落單。十幾種牛、豬、羊肉，每樣都試，再加少少海鮮、素菜，留肚食雪糕。個湯好足料，有好多豬肚，胡椒味可以再重啲。咁多種牛肉，真係唔識分，大部分都幾好味。最鍾意日本產黑毛和牛，覺得最有牛肉香、肉色同油花最靚，我哋仲encore𠻹！魔鬼辣安格斯牛肉，醃得好夠香辣惹味，但一放落鍋，連湯底都辣埋，可以遲啲先放。牛脷心托帶點靭，覺得一般般。其實自己鍾意食海鮮多過牛肉，佢嘅蝦真係冇得頂，好鮮甜。蜆都唔錯，吐沙算吐得乾淨。最開心係有白鱔片，又肥又爽脆，朋友唔食，自己一個食晒，哈哈。鴨血嘅口感唔錯，但應該早啲落鍋，等佢多啲時間吸收湯底精華。放題限時兩個鐘，睇準時間，趕得切食士多啤梨乳酪雪糕！圓滿！店內poster話會員感謝祭，九點後叫C餐可任飲生啤同坐三個半鐘，下次睇完戲過嚟都好喎。