一本食堂

營業中

休息中

今日喺觀塘做完facial，同朋友又想食下日本嘢，經開鴻圖道，見到呢間小店招牌，就一於試下。時令法國生蠔$15/隻, cp值超高，味道新鮮，蠔肉爽口，都夠大隻。加拿大海膽手捲海膽金黃，色澤豐厚，新鮮美味，推薦!鹿兒島豚肉蜆肉煲 蕃茄湯底份量好多，蜆同豚肉都夠多，蜆肉鮮甜，豚肉肥瘦均稱，亦都有菜，芋絲等配搭。湯底夠濃味，而且都有我最愛嘅蕃茄肉。櫻花蝦蟹肉炒飯呢個炒飯份量都好多，調味適當，仲有啲蔬菜搭配，增加口感。不錯！

雖然鋪頭位於觀塘工業區,但係牛頭角站行過去,, 都係幾分鐘,而且勝在鋪頭環境大，啲枱都舒服，適合大班朋友聚餐☺️☺️☺️蒜香牛油炒蜆 ($92)用鐵板上 熱辣辣而且每隻大大粒 蒜味夠濃好惹味 正香芒芥末脆脆卷 ($58)呢款壽司卷係裡面加咗芒果醬 餡有脆脆同芥末 有少少供鼻 幾過癮 美中不足係如果有埋芒果肉就更加正日本油甘魚壽司 ($24/件)呢款壽司係寫明日本貨 明顯食得出好新鮮好多 同埋咬落有油分 好味4.特長燒鰻魚壽司 ($30/件)鰻魚真係好長 燒完外層有少少焦香 軟殼蟹天婦羅 (1隻)+茄子 (1隻)+青椒 (1隻) ($50)粉漿脆口薄身 而且唔似係番炸 另外有埋2個蔬菜balance 下 幾好三文魚籽壽司 ($42/件)三文魚籽多到瀉埋係隻碟到 粒粒都脆卜卜 D汁爆晒係個口度 好鬼正時令生蠔($15隻)$15隻真係非常抵 出面平時普通都30幾40元一隻 食落無腥味 $15隻黎講CP值高支裝橙味波子汽水&白桃果汁最後晚市仲有雪糕送 但太飽,無食到LU

今日經過朋友嘅介紹我哋去咗觀塘一間人細嘅日本菜都食飯，呢間餐廳嘅價錢非常之親民，而且食物質素亦都非常之好。一入到去見到佢哋有一大個酒櫃，放滿sake非常之震撼！我哋熟食方面，今次就叫咗一個吉列豬扒拉麵同埋燒鰻魚定食，另外仲加咗日本芝士年糕同埋酥炸吉列蠔。佢哋嘅熟食都非常之出色，吉列豬扒炸得非常香脆。佢哋嘅吉列蠔亦都係外脆卜卜，每隻蠔都非常之肥美！識得日本餐壽司，我哋今次都叫咗好多唔同款式嘅壽司，例如鵝肝壽司，加拿大海膽壽司檔壽司，大大花之戀，三文魚壽司同埋大甜蟹壽司等。佢哋嘅壽司都非常之大粒，尤其是係大大花之戀壽司，佢係非常之足料，成個口非常滿足！

朋友話介紹觀塘好西比我原來就係一本食堂啦《一本食堂》啲卡位好闊落 😄可以坐到至少六人左右每張台上都有茶杯 杯內都有茶葉同隔網 今次一行二人 食得唔多 所以叫左三樣三文魚軟殼蟹反卷軟殼蟹反卷同三文魚都是我的愛🤣賣相靚食材都幾新鮮三文魚親子丼勁多飯同三文魚 有8大塊大大塊架仲要有碗麵豉湯 好夠味👍🏾😙芝麻雞翼兩大隻 外脆內軟既感覺食得好爽另外有一杯芒果一杯朱古力雪糕食物性價比都高絕對會介紹朋友同會再黎架！！

呢間位於觀塘工業區3樓嘅日本平民食堂，樓下大堂毫不起眼，我都係睇食評先識上嚟。但餐廳本身看得出有用心佈置，而且地方闊落，觀感唔錯。知道呢度生蠔15蚊隻，所以第一時間叫兩隻試下，呢個價錢當然唔會好高期望。生蠔望落新鮮，食落鮮甜，滿意！三文魚壽司，厚肉新鮮，有少少油脂汁燒帆立貝串，燒得唔錯,帆立貝鮮甜特長燒鰻魚壽司，大條厚身，只係28蚊，好抵食!網燒雞泡魚乾,燒得香脆可口,食到停唔到口.櫻蝦蟹肉炒飯，配料豐富，調味適中，唔錯!飯後仲有雪糕送, 滿足!

今日同男朋友行開觀塘，你係話搵餐廳去食嘢嘅時候，我哋上網見到有好多人推介呢間人世嘅日本車走，入到餐廳嘅時候佢嘅裝修到非常之唯美。佢哋嘅座位亦都坐得非常舒服，當然食物質素亦都唔差！我哋今次叫咗好多唔同款式嘅壽司，就好似有腐皮壽司、芝麻八爪魚壽司、大甜蝦壽司、三文魚壽司、加拿大海膽壽司、鵝肝壽司等等。我自己最鍾意食同埋印象深刻嘅係佢哋嘅鵝肝壽司同埋加拿大海膽壽司。呢兩款都係當時比較新鮮嘅材料，識落非常之鮮甜。除咗好多壽司之外，我哋仲叫咗一啲熟食，就好似由燒鰻魚定食，佢哋嘅鰻魚都非常之大條，鰻魚汁亦都好好食。送飯絕配！

🔸三文魚親子丼 $101三文魚大概有7塊每塊都厚切採用嘅係三文魚腩😍啖啖都好多油脂👍🏻三文魚同三文魚子都好新鮮三文魚子唔腥，咬落去爆汁😝如果以呢個價錢，食到咁新鮮嘅質素性價比都算高似係油尖旺區百幾蚊嘅質素👍🏻味道：9/10性價比：9/10🔸滑蛋吉列豬扒鍋飯 $68滑蛋係洋蔥炒蛋，好多洋蔥😝吉列豬扒係日式個種唔係好脆炸粉個種個人覺得如果吉列豬扒鹹啲會更好飯量超多，男仔食都飽因為係晚市定食所以包埋中華沙律一小碟同味噌湯味道：7/10性價比：8/10🔸特長燒鰻魚壽司 $30鰻魚超級厚切 食落幾香如果燒得乾身啲會更加好食味道：7/10性價比：7/10🔹環境：座位非常多六人枱卡位亦都好多 但係沙發凳有少少矮，女仔可能坐得比較辛苦🗣晚市另須加一服務費（6PM前無須一加服務費）-人均消費：～$100-整體味道：8/10性價比：7.5/10-#一本食堂📍觀塘鴻圖道30號3樓

係觀塘行完街，又唔想食大商場啲野，上網搵咗呢間日本餐廳，好似幾大又易book，就行咗去試吓喇。我地8點左右去到，一入到去都唔太多人，即刻有近窗位比我地坐，侍應都幾好禮貌。因為唔想食飯麵類，我地揀咗好多小食。其中呢個炒規都幾有驚喜，佢有辣味同牛油味，本來以為牛油味會淡口啲，原來都好惹味😋😋香芒芥辣卷，開頭以為卷上面用真芒果，上枱見到只係用芒果醬，但食落都ok嘅。鰻魚壽司， 好長好大條，味道都唔錯，都幾滑之後叫咗杯白桃果汁，明明餐牌個圖顯示裝飾得好靚，佢嚟到嗰陣，我以為係一杯水，咩裝飾都冇，不過飲落係真係有桃味嘅。

估唔到牛頭角有間隱秘既日本菜，餐廳環境好寬敞，而且價錢都合理，坐係度慢慢食慢慢傾都好合適❤🌟 時令生蠔 (隻) $15 / 珍寶阿根廷赤蝦 (隻) $12呢2款特惠既食品唔揀唔得😆好抵食~而且夠新鮮! 生蠔肥美;赤蝦大大隻好厚肉😚味道鮮甜🌟 三文魚刺身 (4片) $58 / 北寄貝刺身 (5片) $ 36/ 鮮帶子刺身 (4片) $36刺身可以選拼盤或者自選刺身組合😙刺身一黎到見到好厚身😂亮晶晶咁好有光澤☺同樣好鮮味🌟 炸軟殼蟹反卷 (6件) $79 / 日本磯煮鮑魚壽司 (件) $49炸軟殼蟹反卷外型好吸引🤣外層沾滿卜卜脆蟹子，中間既軟殼蟹都好酥脆～🦀雖然磯煮鮑魚壽司要成50蚊舊，但佢係原隻大大隻既鮑魚，好厚肉又入味～🤪🌟 鹿兒島豚肉蜆肉鍋 (轉烏冬+$14)飽肚之選有鍋物🤩揀左鹿兒島豚肉蜆肉鍋×蕃茄湯底😝佢都有其他湯底可以選擇，例如豬骨、醬油、麵豉、地獄辣等😉不過蕃茄湯底味道就淡左少少😛鍋物內涵好豐富😂除左主角豚肉同蜆有好多外，仲有芋絲、魚蛋片、娃娃菜、豆腐等，加埋烏冬好滿足～🌟 香蒜雞軟骨 $58呢款雞軟骨送酒超合適😚炸到好香口，香蒜山同雞軟骨混合埋一齊，好惹味☺🌟 特長燒鰻魚壽

📍 #觀塘 #一本食堂#羊羊在觀塘#羊羊在九龍之前聽過朋友講幾好食，就經過試下啦😄餐廳都叫有日式元素，有櫻花裝飾打下卡📸不過格局比較似茶記🤣最特別係食完飯，每人都有杯雪糕🍦✨雜錦刺身(26片) $276擺盤都唔錯，但係太多冰冇嘢隔住啲刺身，有啲太硬🫠厚度正常，三文魚刺身都油脂味夠，帶子同蝦就真係雪都冇味🥶✨ 特長燒鰻魚壽司(1件) $30大就大，應該用長比較恰當🤣好幼咁，似一開二🥲味道正常，汁都唔似自家製🤪✨ 大大花之戀(1件）$38真係有拳頭咁大，上面仲唧咗海量沙律醬，好邪惡😈但係咁大件最後都係拆開食，可能啱打卡啲，下次正常叫返3件壽司好了😹✨炸軟殼蟹反卷(6件）$79又係大大件，餡都好足，反而想淨食尾個件，爆料✌🏻✨鹿兒島豚肉蜆肉鍋 $76味道清甜，應該冇咩味精😛不過份量偏少，蜆肉好薄身，豚肉得幾塊薄切，墊底菜都唔俾多棵🥹✨滑蛋吉列豬扒鍋飯 $68滑蛋都幾滑，豬扒稍稍瘦啲乾啲🤏另外因為晚市定食嚟，所以包埋前菜同湯🥣🙅🏻‍♀️✨香蒜雞軟骨 $58真係唔推薦😣呢碟比較似避風塘炒，仲加咗少少鹹蛋黃炒幾有心機，點知雞軟骨超少，蒜就一堆，仲要凍的😔✨板燒牛舌 $83好有家庭feel，牛舌軟硬程

今日同朋友有要事去咗觀塘海濱附近。搞掂後，咁啱肚餓又想食日本野，見到前面有間，即刻走咗去，一去不得了，令我當下寫咗食評。入到去一本食堂，環境氣氛都好友日本嘅特色，座位同洗手間光落又光猛，洗手間亦相對乾淨，喺叫嘢食之前已經有好好嘅印象。我哋兩個總共嗌咗幾碟嘢，包括泰式海虎蝦，時令生蠔，鹿兒島豚肉蜆肉鍋，火焰壽司拼盤，芥末醬脆脆卷，全部都係熱門的菜式，最後仲有一個驚喜甜品，幫襯晩市嘅話會多一個雪糕。泰式海虎蝦新鮮嘅虎蝦，我分咗兩種唔同食法，醬同冇醬，虎蝦味道鮮甜，入口亦有好有膠質，加咗泰式醬之後，更加吊出蝦嘅鮮味，酸辣嘅醬，令呢份頭盤增加我嘅食慾。時令生蠔接下落嚟嚟咗一隻生蠔，生蠔唔使加檸檬一口食晒，鮮甜多汁。鹿兒島豚肉蜆肉鍋我哋揀選左韓式味道，食起上嚟唔係好辣，亦好特別，最令人深刻都係佢嘅粉絲，個鍋吸收左豚肉同蜆肉的味道，夾埋一齊幾好食😋。火焰壽司拼盤和芥末醬脆脆卷兩個壽司各有特色，魚肉鮮味，被壽司表層俾火焰燒過，口感有所昇華。芥末醬脆脆卷亦不比火焰壽司拼盤遜色，食落口感豐富，亦好脆，食完亦沒有肥膩感。

❤️重點：環境舒適，價錢親民❤️上到去好日本🇯🇵feel 餐廳中間仲有棵偽櫻花樹既裝飾 另一方放有好多日本酒同日本和風傘，地方算大 同坐得好舒服 😌叫左個活赤貝，牡丹蝦刺身，軟殼蟹天婦羅，雜錦海鮮飯🫶🏻刺身好新鮮同鮮甜❤️🫶🏻而炸軟殼蟹好鬆脆，入面仲有蟹膏 超正脆卜卜 好滿足 🫶🏻雜錦刺身海鮮飯（跟麵豉湯）係巨大版，超級多種類既刺身，一共有8款 而且款款都好新鮮 不過係啲飯硬左小小 （細食朋友仔建議叫小飯，因為好大碗）

餐廳位置好寬敞，而且好多日系嘅佈置，就咁觀察以為野食會好貴，但係最意外嘅係都好抵食😍三文魚刺身🐟美味指數：👅👅👅👅 (4/5)三文魚好厚肉好新鮮，仲要係腩嘅部位，啖啖都好多油脂‼️鵝肝肥牛炒飯🍚美味指數：👅👅👅 (3/5)個炒飯係幾好食，鵝肝同埋肥牛再加飯呢個配搭都好夾，但係如果多啲配料就更加好啦😗鹽燒牛舌🐮美味指數：👅👅👅👅 (4/5)身為牛舌愛好者，覺得呢個串燒幾好食！香口得來都幾有咬口🤣

今日終於搞掂哂啲工作煩惱事，一身都鬆哂！放工當然係要約下朋友見下啦！今次我哋嚟到一本食堂，喺樓下已經見到入面有好搶眼嘅大紅燈籠同埋櫻花，好似環境幾好咁喎！坐低發現環境好闊落，而且亦都好光猛，整體感覺好舒服，好有日本嘅氛圍～我哋最後點左10隻泰式生蝦、脆脆卷、生蠔、火焰壽司拼同埋豚肉蜆肉鍋～泰式生蝦同埋蒜片+泰式酸辣醬依個組合真係好夾，香料嘅辛辣同埋魚露嘅酸甜都令到蝦嘅口感更加豐富有層次，生蝦嘅肉質亦十分鮮甜，必食！另外脆脆卷亦都十分精緻，係三文魚加天婦羅嘅反卷嚟嘅，每一舊卷物上面都會有一Pat芥末醬，食落好惹味～生蠔嘅大小亦都適中，價錢相宜，食得出係新鮮嘅生蠔，配埋檸檬汁真係諗返起都流口水！另外我哋都點咗火焰壽司拼盤，分別有火炙甜蝦、帶子、左口魚、三文魚、牛肉同埋一種唔記得叫咩名嘅魚😂😂個人覺得用料新鮮，食得出食材原本嘅鮮味，最欣賞係左口魚壽司，因為食落真係入口即溶，超正！！最後，我哋都點咗一個豚肉蜆鍋，我哋點咗朝鮮湯底，飲落去有少少嘅辣味，而鍋中亦有蜆、豚肉同埋大量嘅粉絲、金菇蔬菜，材料吸晒湯汁嘅鮮味，好滿足！！

第一次嚟呢間日本餐廳食飯入到嚟背景音樂keep住播一啲好Hit嘅動漫主題曲，好有日本氣氛落完單之後斟茶，發現佢呢度嘅茶杯好獨特！從來都未見過，可以直接將茶包陷入茶杯底，設計好新穎唔會誤飲茶葉，不過飲到底會太苦見隔籬枱叫咗好多生蠔逐隻啪，都令我哋蠔癮g起我哋兩個人叫咗半打，一人三隻好夠食，呢個價錢性價比10分高，蠔肉飽滿，食落爽甜一口將蠔肉放入口中，滿滿海水嘅鮮味珍寶赤蝦好大隻，冰鎮之餘，亦都好爽口彈牙同朋友叫咗個雜錦魚生丼，share食份量好足估唔到價錢唔貴，但係有10款配料：分別係三文魚，吞拿魚，鯛魚，墨魚，帶子，赤蝦北寄貝，蟹柳，玉子，中華沙律，等等......每款刺身都最少有2片，而且食落都好新鮮總括嚟講好抵食希望再嚟 encore