一本食堂

營業中

休息中

一本食堂位於觀塘鴻圖道的30號3樓，是一家以日本菜聞名的餐廳。我和另一位朋友在晚餐時段來到這裡，品嚐他們的美食。首先是日式叉燒烏冬，這碗麵的賣相令人讚嘆。麵條彈牙有嚼勁，配上濃郁的麵豉湯底，為整碗烏冬增添了豐富的味道。叉燒肉質鮮嫩多汁，讓人回味無窮。接下來是冷蕎麥麵，這道涼麵清爽宜人。蕎麥麵條筆直細緻，搭配清涼的醬汁，讓人在炎炎夏日中感到涼爽。配料豐富，加入了蔬菜和海苔，提供了口感的層次和風味的豐富度。最後是日式炒雜菜，這道菜色彩鮮豔，讓人食慾大增。蔬菜炒得剛熟，保持了它們的鮮甜口感，加上適度的調味，使整道菜的味道均衡而美味。一本食堂的食物質量可圈可點，每道菜的賣相都令人滿意。味道鮮美，份量適中，能夠滿足飢餓的胃口。餐廳的環境舒適，讓我們在用餐時感到輕鬆愉快。總的來說，一本食堂以其正宗的日本菜聞名，我對他們的日式叉燒烏冬和冷蕎麥麵印象深刻。食物的賣相吸引人，味道鮮美，份量足夠。如果你對於正宗的日本菜有興趣，不妨來品嚐一本食堂的美食。我期待再次光臨，品嚐更多美味的日本料理。

.一本食堂公司附近有間日本餐廳都未試過，琴晚放工自己一個走左去試🤤，幾有驚喜🫨唔貴，位置闊落，質素仲幾好👍🏻…………火焰壽司拼盤（6件）($122)我簡左個拼盤，最適合選擇困難症嘅人😆有齊炙燒帶子、吞拿魚、左口魚、三文魚，基本上每一件都好有水準😋………..鮮帶子壽司(件）($19)帶子都幾大隻，好鮮甜，感覺都算新鮮🤤………..劍魚腩壽司(件）($26)劍魚腩正常應該比較重油脂，但今次食就比較瘦，帶點咬口……….加拿大海膽壽司(件）($36)海膽好鮮甜，性價比超高🤤，超出預期地好食😋……….我晚市黎食仲有雪糕送🤤，大概200蚊左右，性價比好高👍🏻……….地址：一本食堂 (觀塘)觀塘鴻圖道30號3樓………..

High quality spacious Japanese restaurant@Kwun Tong My friend and I went to a restaurant called "Itsupon Syokudou" （一本食堂）located in 3/F, 30 Hung To Road, Kwun Tong觀塘鴻圖道30號3樓The restaurant is very spacious with Sakura tree and other Japanese touches."Stir fried veggie inJapanese style"日式炒雜菜HKD$56.fresh,crunchy.bright,clean and light.healthy yet flavour"Japanese cheese rice cake "日本芝士年糕HKD$40.crispy on the outside,soft and chewy on the inside.yummmmm"Pan fried gyoza"日式煎餃子HKD$44/6 pcs 隻.juicy and

主打日式料理既餐廳，裝修非常之有日式餐廳既氣氛，仲有啲櫻花裝飾🌸有手卷/鍋物/刺身/炒飯/烏冬/拉麵等等好多選擇～🤩🤩🤩🤩🤩🤩🤩🍚三文魚親子丼 三文魚份量都算多，仲有蟹籽同埋三文魚子撈飯不錯😂真係超級抵食！！！！🥘滑蛋吉列豬扒鍋飯 豬扒唔算厚皮，非常適合無牙力既人咬塊吉列豬扒，因為已經煮到連皮都好腍🤗啲材料好特別 除左有洋蔥同炒蛋，仲加埋金菇😹🦀三文魚軟殼蟹壽司飯卷 用三文魚包住壽司飯卷，塊三文魚簡直超值呢個價錢！！！！！！🤑軟殼蟹反而夠脆，只係食到炸粉既味道🤧🐟鹽燒三文魚頭 比較上出色既料理，有三文魚味，而且上碟既時候仲係熱辣辣～外皮香脆

今日同同事收得比較夜，就係公司附近呢間日本餐廳食個簡單夜晚飯要咗香芒芥末脆脆卷，炸雜錦天婦羅，雜錦刺身碗。芥末脆脆捲一客8件，上面鋪有木魚絲，芥末同芒果醬，裏面就包咗青瓜同三文魚，食落去口感同味道都非常豐富味道，多重味道，好食！炸天婦羅都好好食，炸漿皮唔會太厚有炸蝦，蟹柳，青柳等等，最特別係有一個外型好似樹嘅炸物做點綴，望落一點一點有d似櫻花樹。呢個刺身碗（唔記得佢個名），有大量吞拿魚蓉，三文魚籽同海膽，有少量飯係底，亦有跟紫菜配埋一齊食，食材夠鮮味，食落海膽滑又甜，好滋味，總算滿足下我地加班嘅弱小心靈！絕對有下次！

📍一本食堂 (觀塘)呢間都算係觀塘區性價比最高嘅日本嘢之一。最正係食物有過百款選擇。基本上諗到嘅都會搵到🧐。✨清酒煮蜆$87有成幾十隻蜆，性價比高。鮮甜而且完全冇沙。湯汁酒味超濃。✨日本磯煮鮑魚刺身$47/隻鮑魚口感柔軟唔韌，吸收晒醬汁超味。✨芥辣八爪魚壽司$17✨三文魚籽壽司$40✨日本生松葉蟹棒壽司$60次次嚟都會嗌壽司🍣，貪佢比起外面大件，多飯多料，質素又唔錯。三文魚籽嘅來貨幾好，味道鹹鮮，一啲都唔腥。芥辣八爪魚正常來貨質素。松葉蟹棒味道幾清甜。✨加州巻$58配料同其他地方唔同，係冇牛油果嘅🥑。不過雞蛋、青瓜、蟹柳呢個配搭食落去都唔錯🤣。✨芝麻雞翼$42新鮮炸起脆卜卜。✨海老天婦羅$89質素比香港大多數餐廳好。麵衣夠薄，油溫夠高，香脆唔油膩。✨鹽燒冬菇$16✨汁燒茄子$16✨迷你甜薯$22呢度嘅串燒一向出品唔錯。新鮮冬菇燒完都咁多汁。茄子配燒汁超夾，唔使次次都係配蒜蓉。甜薯係正常來貨質素。✨日式煎餃子$44餡料係豬肉+蔥+韭菜，感覺好熟悉🫢。煎得幾香，不過餃子皮比較厚。✨香蒜牛油炒雜菇$65嚟到先知係用錫紙包住嚟焗😯。不過份量又多，重牛油香又唔會油淋淋。✨香蒜雞軟骨$58雞軟骨口

今日一個人行完觀塘醒起之前有見到個呢間餐廳嘅易拉架影低左相，想搵機會試下，擇日不如撞日就黎左依度試下，環境好有日本風，粉紅色櫻花樹佈置，感覺舒適寫意，呢到地方都好夠大，座位闊落。要左泰式生蝦，估唔到佢會有泰式生蝦，又估唔到個刻我真係抽起條筋唔想食赤蝦食生蝦，冰陣蝦爽口彈牙，配埋泰式辣汁，夠晒開胃。食左呢個好似刺身丼咁但食法唔同， 佢跟左好多紫菜，比你自己自由配搭，有海膽，吞拿魚蓉，三文魚籽同蛋黃，食材新鮮，海膽好鮮甜，三文魚籽獨有嘅鮮味，咬落去慢慢滲出好味道，吞拿魚蓉同樣滋味，啖啖不同口感同味道，大滿足。晚飯仲有送雪糕，香港製造，yummy!

成日喺觀塘覓食，如果唔係朋友帶我嚟，都唔知道呢度三樓有間咁寬敞、咁靚櫻花佈置嘅日本餐廳。櫻花下，聽住日文歌、食壽司刺身，又坐得幾舒服。🐠深海池魚王刺身(4片) $96質素確係🉐️，魚油甘香細膩🍣赤貝壽司$16🍣京蔥拖羅蓉壽司$22🍣加拿大海膽壽司$36壽司飯香軟，唔會硬/乾。海膽同拖羅蓉都好好味，份量上都算畀得多，海膽超級鮮甜！推介要試👍🍡鹽燒雞軟骨串$16🍡鹽燒牛舌串$25鹽燒調味啱啱好。雞軟骨脆口好好咬，牛舌好厚切、好大件，超級淋，一啲都唔韌。🍦食到最後，仲有驚喜！原來晚巿每位都有雪糕送！最初都有d擔心送嘅雪糕唔知會唔會好難食（其他地方食過好難食嘅雪糕有陰影🙈😹），點知質素都唔錯！ 是日送嘅係朱古力雪糕，好食既，原本想減肥，又一不小心成杯雪糕食曬😅😆🤣

🎏雜錦刺身適合二至四人嗌👯‍♂️一份拼盤有齊三文魚、帶子、油甘魚、大甜蝦、八爪魚同埋北寄貝刺身，成盤一共26片😍咁多款刺身當中，油甘魚係最正，鮮甜，帶有魚油香氣；我作為紫蘇葉忠粉，一定會夾住一齊食🤪 🐟三文魚反卷冇諗過餐牌上反卷都可以有咁多選擇，除咗呢一款之外仲有軟殼蟹卷、牛油果卷等🤩壽司頂頭嘅三文魚都好厚肉，好大件🐷鹿兒島豚肉蜆肉鍋食咗咁多生冷嘢係時候暖吓胃仔，餐牌上嘅鍋物選擇都有7款可以揀，仲可以自選湯底添，如果唔想食鍋物其實亦都有好多拉麵或者飯類可以選擇，價錢$5X 已經有交易🍲除咗蜆肉同肉片之外，鍋底仲有葛絲、野菜、冬菇同豆腐♨️ 葛絲除咗冇咁容易淋之外，亦都好容易吸取湯汁，每啖都好濃嘅壽醬油味😙

一本食堂 (觀塘)觀塘鴻圖道30號3樓估佢唔到，喺近觀塘海濱公園附近鴻圖道30號，成日行過都見到有間酒樓打邊爐，原來樓上3樓仲有間日本嘢，成層都係日本食堂，裝修幾有格調，播住日本音樂，都好多人黎食。食物刺身壽司定食，鍋物燒物手卷，好多選擇，定食都只不過係$50至$80，好抵食，壽司手卷都係十零蚊一件。萬事仲有雪糕送。吉列豬扒定食65有沙律、湯、前菜，晚餐嗌個定食再加一兩件壽司都已經好夠，再加埋晚市送嘅雪糕，$100都唔使，就已經包埋甜品。雜錦天婦羅（2蝦+2瓜菜+蟹柳）56天婦羅嘅sauce甜甜的，賣相精美。炸得剛剛好，價錢相宜。佐口裙邊手卷16 有兩篇大既左口魚，連埋啲飯雖然白曬曬，但係好好食，左口天然既油分同白飯中和，𣎴錯。性價比高的日本餐廳，又坐得舒服，一定要黎試吓一本食堂，可能會成為你嘅食堂。

今次係同事介紹，公司有個同事住觀塘附近，有一日收工就跟左佢去觀塘個邊玩，因為想去觀塘海邊，未去過，我收工係中環過去都未算係好遠。去到觀塘緊係要食晚飯啦，因為太肚餓，同事就帶左我去食呢間平價日式餐廳，呢間野係樓上，可能因為租平，所以佢食物定價都唔算好貴，我叫左個鰻魚飯，而我同事叫左個魚生飯，2個都好味，佢又未去到好驚艷既質素，但我覺得佢呢個價錢呢個質素其實都好抵食，你比得呢個價錢都唔會有太大期望，但唔好太難食就可以

觀塘收工順便同朋友飯聚搵間少人知又好味又坐得舒服既就會黎呢間呢度檯同檯之間係有啲間距而且空間好大都唔會聽到隔離檯講野內容～極上三文魚雪花腩（5片）～$75有一款係近腩位就$110/8片雪花腩好厚肉口感一流～京蔥拖羅蓉手卷～$24滿滿既拖羅蓉表面灑上芝麻大滿足呀～吉列豬扒拉麵豬骨湯底～$72可揀拉麵/烏冬吉列豬扒香脆皮薄拉麵麵身有韌度😍每檯都有一壺熱茶自助手寫落單有加一最後食晒預備埋單時居然送左杯雪糕好驚喜😍

位於工廈嘅日本食堂，環境唔錯，坐得舒服，兩個人傾偈好啱。呢到d食物質素都幾好，特別要推介食生蠔，好鮮甜，好新鮮，有驚喜。另外佢個燒墨魚都好好食😋，佢啲魚生都好新鮮。

《📍一本食堂食評》@ihungry.hk各位喺觀塘返工嘅打工仔請留意🤓返工唔知食乜好❓食來食去都係茶餐廳❓今日小編為大家發掘到一間隱世日本料理餐廳，位於觀塘至牛頭角交界嘅一本食堂，一間超有我風味嘅日本餐廳🇯🇵！一本食堂提供多款日本料理，包括丼食、定食、壽司刺身、串燒、日本酒等等、價錢仲要係超平民，每次lunch上去都爆場🔥！想知道係咪真係咁正，等小編即刻話俾你知😝！🔸『吉列豬扒烏冬 - $72』眼見豬扒🐷🐷大大舊又脆卜卜，小編已經覺得心動了！先讚讚炸豬扒炸得金黃香脆，充滿肉汁，唔會炸得過鞋過硬，絕對有水準🤩！仲有超香濃嘅豬骨湯烏冬，一上枱就聞到濃濃豬骨香味，入口係超清甜又香濃，仲要加埋Q彈嘅烏冬，加埋新鮮蔬菜，感覺超級滿足，同日本餐廳水準有得揮😎！🔸『咖喱雞扒定食 - $72』定食包括麵豉湯同埋海草沙律，絕對係對得起價錢！重點係咖喱醬係超級濃郁🥘，裏面除咗加入大大塊鮮嫩雞扒，仲有勁多新鮮蔬菜，真係令小編意想不到，大部份出面嘅咖喱定食都係好似超級市場買到嘅10分鐘調味包咁，估唔到咁足料👍🏻👍🏻👍🏻！🔸『時令生蠔 - $15』整晚嘅highlight來了‼️超級鍾意食生蠔嘅，小編竟然搵到隱世

附近入住，想食日本料理，看著推薦最多的來。點了兩份定食，每份75元，追加了壽司跟跟餐小食。小食做的一般般，感覺不是很新鮮，不值得點；炸物的油感太重，不是酥脆口感，麵包糠太過厚身。刺身中規中舉，相對來說可以接受。但看著如此高分所以過去品嚐，確實有點失望，不是值得特意過去品嚐的。賣相一般般，也沒有刻意影相。環境到時相當寬敞，不會有擁擠感，如果炸物跟小食可以在好好提升一下，應該可以做個更好一些，希望店家多加油改善。