一喜車仔麵

營業中

休息中

餐廳空間感十足，坐得幾舒服空間夠大燈光又夠光猛，而且菜式選擇都非常多，除咗車仔麵之外仲有車仔飯！先黎第一碗 自選淨餸 我哋叫咗 蘿白❤️紫菜 ❤️冬菇❤️水魷魚❤️豬腩肉😀走湯多蔥 另外再加多樽餐廳自家製銀花雞骨草❤️第二碗 自選淨餸 我哋叫咗豬大腸❤️豬手❤️牛腩❤️豬腩肉😀沙嗲汁多蔥多湯多汁✌🏾另外再加多樽餐廳自家製石斛竹蔗茅根水❤️咁多樣餸我哋最鍾意嘅分別係冇渣清甜蘿蔔 爽口彈牙冬菇 鮮嫩水魷魚 濃濃牛味牛腩 同佢哋嘅自家製飲品，飲落係真材實料得來又唔會死甜！ 如果食材嘅份量再多啲就更好啦✌🏾😀小食方面，我哋叫咗椒絲腐乳通菜（腐乳汁另上）😀菜芯全走❤️上湯鴛鴦餃（3韭菜4菜肉）❤️生菜魚肉❤️瑞士汁雞中翼（4隻）❤️韭菜餃同瑞士汁雞翼必點！絕對係佢哋王牌之選❤️韭菜餃真係好香濃，入口一啲都唔肥膩。而個雞中翼非常之入味，雞肉夠晒嫩滑！大推！鍾意食辣嘅話，唔好唔記得佢哋枱面有樽辣椒油同埋辣菜脯！個菜脯真係勁惹味，係師傅每日自己手工整非常之推介❤️❤️

一喜車仔麵🍜尖沙咀開咗新嘅車仔麵舖頭，裝修好有特色好適合打卡，所以就一於嚟試吓！🥰🥰見到佢哋有期間限定 — 大大隻龍蝦麵🦞🦞$79 ，一於就嗌嚟試吓啦！ 嘩！一上枱真係覺得好震撼，$79就可以食到新鮮龍蝦，仲要咁大隻肉質有咬口！絕對係必點啦！✨✨另外我哋仲叫咗好多唔同嘅小食，一嘗香港地道風味！我哋叫咗椒鹽魚片頭🐟$26、上湯手工韭菜餃（6隻）🥟$30、瑞士汁雞中翼（4隻）🐔$28、爆汁瀨尿牛筋丸（6粒）🐮$36，其中我最鍾意嘅就係手工韭菜餃🥟 同埋呢呢度嘅一大特色小食 爆汁瀨尿牛筋丸 🐮，呢個牛筋丸真係有好香濃嘅牛味，同埋非常Juicy💦💦飲品方面，我哋就叫咗佢哋嘅自家製系列，包括石斛竹蔗茅根水🎋 同埋 銀花雞骨草🌱 兩款都好有家嘅味道，正呀！😻